سيريانيوز شباب وتعليم :: امتحان التاسع والبكالوريا وتحدّي اللغتين

امتحان التاسع والبكالوريا وتحدّي اللغتين

مواضيع للحوار

في العام الدراسي الحالي /2007-2008/ سيكون على طلاب امتحان شهادة التعليم الأساسي الحلقة الثانية /التاسع/ أن يخوضوا امتحاني لغة /إنكليزية وفرنسية/ لأول مرة في تاريخ امتحانات التاسع في سوريا.

وفي العام الدراسي القادم /2008-2009/ سيخوض طلبة الشهادة الثانوية العامة /البكالوريا/ التجربة نفسها.

هذه النقلة في امتحانات الشهادات العامة /التاسع والبكالوريا/ أثارت الكثير من الجدل بين مؤيد ومعارض:

فالبعض رأى فيها خطوة إيجابية تجبر طلبتنا على الإلمام بمبادئ لغتين أجنبيتين على الأقل، على غرار معظم دول العالم.

بينما يرى فيها البعض خطوة تزيد من تعقيدات امتحانات الشهادات العامة، وخاصة البكالوريا منها، بصورة تزيد من الضغط على الطالب دون فائدة مجدية، ذلك أن معظم طلابنا في التعليم ما قبل الجامعي يعانون من الضعف في اللغة الأجنبية التي يتعلمونها، فكيف الحال إن كانت لغتان؟!

فما رأيك فيما سبق؟

أي الرأيين تؤيد ولماذا؟

شارك بالتعليق

انا طالب صف تاسع انا بقول انو لازم الدولة تعلم طلابها وتثقفهم باقل جهد منهم يعني اذا ارادت الدولة تثقيف طلابها وانشاء جيل مكافح ومثقف ومتعلم لازم تحط اسهل منهاج يوصلهم لهي الثقافة بس افرحو يا شباب السنة الجايه منهاج جديد وعم يقولو الاساتذة انو حينزلو لغة جديدة مدري يابنية مدري المانية(ايش لبي دش) طبعا انا ضد هي الغات كلها بعتقد انوالانكليزية بتكفي

الشعب السوري ما بيلبئتو

لك بس مو الحق غليكم الحق عللي بدو يطور التدريس و المناهج ويعملنا زلم بس حابة اطلب من الطالب السوري انو ينفض مخو و يبطل بياخة و علاك و من كتر الاسئلة ما عم تجي كتير صعبة

عــــــــــاشق الصحارى

اللغة الفرنسية حلوة بس وين الكادر التدريسي الممتاز عنا في أخر شهر من الدراسةفي المدارس بصير المدرسين شطار بيسلقو الدرس سلق مشان يخلصو المنهاج يعني في الحصة 4إلى 5 دروس تصورو يرعاكم الله. ويزيدو الطين بله حتى الكادر التدريسي للإنكليزي قليل يلي توصلو للمستوى المطلوب الله يكون معنا ويساعدنا على تحمل الضغط التدريسي . أتمنى من جميع التوفيق والنجاح

مستاااااااااااااااااااااا

كمااااااااااااان مسسسسسسسستاء

التوهم الزائف لمساؤى الفرنسي

ان الطلاب ومن قبلهم الاهل لديهم توهم زائف عن صعوبة اللغة الفرنسية لذلك أقول:ان اللغة الفرنسية من اسهل اللغات والمؤلفون قد وضعوا منهاجا سهلا يمكن الطالب وحتى الضعيف من فهم المنهاج.على الطلاب أن ينظروا الى الناحية الايجابية فهم قد أصبحوا بثلاث لغات رئيسيةعالميا وكل من قال ان الفرنسي يحمل الطالب ضغطا زائدا فهو مخطئ هذا برأي الخاص ملاحظة:أنا طالب بكالوريا

طالب بكلوريا علمي

حرام عليكم

والله ما عم نام الليل من الدراسة منهاج البكلورياوخصوصا العلمي كتير ضخم والي قدم بكلوريا بيعرف هالشي يعني كيف بدكم دخلوا الفرنسي مشان تزيدوها فوق راسنا عنا منهاج الفيزياء والكيمياء والرياضيات بكفي اي شو هالمنهاج يقول يلي حاطط هالمنهاج بدك طالع منا افلاطون من هالمنهاج والعلامة انو اول سنة بتطلع فيا عالجامعةبتشوف انو مالك علاقة بشي

التركيز أهم

الرجاءالرجوع الىالسابق يختار الطالب في الصف الأول الاعدادي اللغة التي يهواها ليكون في المستقبل قويابهامتفهمالهاولامانع من اعطاءالقليل السهل من اللغةالانكليزيةفي المرحلة الابتدائيةوعلىمفتشي التربيةبمراقبةتدريس اللغات لانه لا اخلاص نهائياولاضمير.. يقولون ضع ابنك في دورةخاصة.. حرام ليس الكل قادر واذادرس الطالب المادةمكرهالايفلح بها وليست هذه غايتكم

شو رأيكون تتقوا الله بهالطلاب..ارحمونا شوي..الله يعين الجيل الجديد...لغتين قال..بدو مين يضحك عنا بالبلد..في مين يطالع قرار..ومافي مين يحس...مرة واحد كان عم يحكي عالتلفزيون كان عم يستنى مكرو(أكتر من ساعتين)قال كلمة بتنكتب بماء الدهب والله..قال هالمسؤول ما بيحس فيني ليوقف وقفتي هي...طبعا أكيد وصل المضمون..مو هيك؟؟صبروا يابي النا الله..

موفدة مسلمة

انا مع تدريس اللغتين لكافة المراحل ولكن وبما أن اللغة الفرنسية -أو العكس- جديدة على كثير من الطلاب ,فممكن في الشهادات اعتبار أحد اللغتين هي الأساسية و تدخل في المجموع النهائي واللغة الثانية تكميلية أي يكفي نجاح الطالب فيها فقط -مثل مادة التربية الدينية في البكالوريا-ويتم تطبيق هذا لفترة تتراوح بين 5 إلى 10 سنين وذلك لتخريج جيل واحد علىالأقل يتقن اللغتين

الطالب لا يستطيع على تقديم اللغتين معا ؟حرام

السلام عليكم اخواني الكرام انا مع الرايي الثاني لان معظم طلابنا من الصعب على عقولهو استيعاب اللغتين معا و خاصة بعد هذا العناء الكبير للحصول على العلامة المرجوة من قبلهم وتفضلو بقبول شكري

يعني الطالب لا ينقصه مواد حتى نزيد الفرنسي كلنا نعلم كم يعاني الطالب السوري من كثافة المنهاج لذلك أنا ضد الفكرة وخصوصا أن 75بالمئة من الطلاب يدرسون للعلامات فقط وليس للمعرفة والتي هي جوهر الحياة

متحدي الصعاب

ضلم تدخيل اللغة الفرنسية

حرام عليكن اجبارنا باللغة الفرنسية و خاصة انو مافي استاذ بالمدرسة ع بدرس هل اللغة و ما معنا نحط حق دورات فكيف لازم نتصرف اذا ما منعرف الواحد من المية بالفرنسي رجاء خاص الغو هل مادة مشان ما نكب 30 علامة حرااااااااااااااااااام

العلم نور

حسنا تفعل الوزارة بادخال لغتين و معلوماتية و فنية و.... حبذا وعن خبرة قديمة لو تجعل وزارتنا المحترمة اللغة الثانية (فرنسي او انكليزي )اختيارية مثل المعلوماتيةو البقاء على لغة واحدة يختارها الطالب اجبارياًحسب قناعته و بذلك تحل مشكلة الوزارة و الطلاب.

سوريا يا حبيبتي

اذا كان الطلاب بلغة واحدة ماعم ينجحوا والدليل ان 80%من الطلاب عقدتهم اللغةالاجنبيةوالدليل ان طلاب الجامعات معظمهم لديهم مشكلة في اللغة الاجنبية فكيف بلغتين واين الكوادر التدريسية الموهلة لذلك وخاصة في الارياف...

والله حرام

شو هتعذيب للطلاب والله حرام هنن بلغة واحدة مو خالصين لا زيادة ثقافة

موضوع جميل ولكن اود أن أنوه بخصوص اللغات الأحنبية المتنوعة ليس من المهم أن تكوت تكثر ونفتخر بها بل على العكس عليكم؟؟؟علينا تدريس اللغة بشكل صحيح مثلا أنا في دولة أوربية عانية الكثير لأصبحت جيدا في اللغة الأنكليزية وهي الأهم طبعا الفرنسية ليست الأفضل أنا رأي نطول مناهجنا شوي ويطوروا ها المدرسين اللي بيرفعوا الراس بالضحك والتسليه بعدين يعملوا 10 لغات

التركيز على لغة واحدة

اللغة التانية اكيد مفيدة بس اذا كان التركيز على لغة وحدة احسن لأنو الطلاب عم تطلع من المدرسة وهي مابتعرف تحكي انكليزي بئا يكون التركيز على لغة وحدة احسن بكتير مشان الطلاب تطلع بتعرف تحكي لغة وحدة بس بشكل منيح احسن ما تطلع من المدرسة وهي معها لغتين ومابتعرف تحكي أي لغة

التركيز على لغة واحدة بالبداية

طبعا اللغة التانية مفيدة بس بالأول يركزو على اللغة الاولى يعني الطلاب عم يطلعو من المدرسة واللغة الانكليزية تبيعيتن مو منيحة كتير بئا برأي اذا بكون في تركيز اكتر على اللغة الانكليزية بكون افضل بصير الطالب بيطلع من المدرسة مأتقن لغة منيح مو بيطلع ومعو لغتين ما بيعرف عنهن الا شي بسيط

الإنكليزية تفي بالغرض

نتيجةحسن العلاقات مع فرنسامنذعدة سنوات تم ادراج اللغة الفرنسية في مراحل التعليم وأنشأ الحرم الفرانكوفوني وتدفع فرنسا المال الكثير للمحافظة على لغتها التي بدأت بالتآكل على مستوى العالم ونحن لو علمنا أولادنا الإنكليزية بشكل صحيح لما احتاجوا للغة الفرنسية حتى أن خريجي فرنسا يتعلمون الإنكليزية فتعامل العالم اليوم بالإنكليزية فلماذا هذا العذاب للطلاب والأهل.

بدل ما تحلها الوزارة عمتها

يعني وزارة التربية متفضي كتير حتى عم تعمل هيك تجارب خلاقة...........بقصد خناقة ... طالب البكلوريا ماعم يشوف الشهادة حتى تطلع روحه وتجو تعقدوها عليه يا ناس< الضرب بالميت حراااااااام> والله حراااااااام شو هاد بدل ما نخفف عالطلاب منزيد هم عليهم وعلى اهاليهم حرام عليكم وبقول للوزارة تراجع معلوماتها وما تحط قوانين عفشيكا مو فيران تجارب طلاب البكلورياوالتاسع؟

ياسر جاني

كلام المرحوم كتير مهضوم

وصحيح مئة بالمئة ، أنا منذ عامين ، أحاول مع غالبية ، طلابي ليميزوا بين s دودة وc هلال ، ولسه بقولولي أش تنين سي أو أربعة ، من الخطأ تعيم هذه التجربة ، إلا من باب نظرية (الفوضى الخلاقة ) المطبقة في سلك التربية ،تفصيل ثم قياس ، ويا خابت يا صابت ، معنا كتير وقت للتجربة !!!أحد طلابي قال لي يوماً : ( أستاذ نحنا فئران تجارب شي ؟؟)قلت له : لأ , اللي سامعك !!

حددوا المشكلة

المشكلة ليست في اللغة الفرنسية ، و لكن المشكلة هي عدم توفر مدرسوا اللغة الفرنسية .... كيف يقرون مقرر لا يوجد له مدرسين ... هل تعلمون أن التربية تقوم بتعيين أي شخص لديه دورة بسيطة باللغة الفرنسية ..... إذا لا مشكلة باللغة الفرنسية و لكن المشكلة بالتخطيط الفاشل لوزارة التربية .....!!!

قرية ما في بلدة ما في مدينة ما؟

ارجو لمن وضع هذه الخطة الدراسية العظيمة الاتجاه الى الارياف وتقويم طلاب الصف السابع مثلا وسيعجب جد العجب ان هولاء لا يعرفون كتابة اسماءهم بالعربي فكيف بالانكليزية وثم بالفرنسية؟؟؟؟؟؟؟؟؟ولييييي ولا اهل التربية قالو لحالهم :( هالطلاب لم يفلحوا بالعربي تعوا نجرب بالانكليزي . واذا ما كان بالانكليزي يمكن بالفرنسي المهم يكتبوا اسماءهم بشي لغة وخلص )

بنت الشام

إلى كل من بيده الحكم و الفعل

تحية طيبة أما بعد فإن اللغة المعتمدة عالمياً هي اللغة الانكليزية و في حال اصراركم على تعليم اللغة الفرنسية فهذا شيء جيد ولكن يجب أن لا يدخل في المجموع العام في البكالوريا إنما يبقى الوضع بأن يختار الطالب اللغة التي تناسبه لأن ادخال هذه اللغة بحاجة إلى أستذه فيها ضمير وأن يتم تعليم الطالب بالمدرسة موبالدورات و فتح مراكز صيفية في كل المناطق لتعليم الفرنسي

سوريا الحبيبة

مبروك النا راح نصير نحكي

جي سوي ملاد من هالتعليم

والله خطوة جيدة بس المشكلة انو ما في عنا كادر تدريسي يفهم هالطالب اللغة الفرنسية اذا انسة الفرنسي بتدخل عالطالبات وهي عم تقول (( ترى الفرنسي بدو دورة )) يعني مشان ما تعذب حالها والله هلكنا من الدورات و المصاريف الزايدة يروحوا يركزوا عالمدارس بالتعليم وبعدين يعلموا لغاااااااااات

Lilas Abdulkader

أنا تعلمت الانكليزية باتقان في سورية وهنا كان لابد من تعلم الألمانية كي أيدأ بالدراسة الجامعية;ولكن في مجال اختصاصي يتوجب علي أن أتقن فرنسية و الآن أقوم بدورات في الفرنسية هنا في المانيا !كم أتمنى أن نكون قد تعلمنا لغتين أجنبيتين في المدرسة لكان ذلك أسهل! و إلى من قال بأن الفرنسيين يتقنون الانكلزية أقول أنك مخطئ!زر فرنسا و شاهد العكس بام عينك

كان ناقصنا

أنا طالب تاسع وظروفي لا تسمح بوضع المزيد من الدورات وفي الأصل لايوجد مدرسي لغة فرنسية ففي حلب هناك 128 مدرسة لا يوجح فيها أستاذ يارب يلغو قولوا يا رب

سورية-2680355 حلب

كفاكم تعجيزا للطلاب

لماذا لا يتم اعتماد اللغة الانكليزية للجميع من الصفوف الاولى في الابتدائية مع التركيز عليها و كفى؟لماذا هذا القرار الذي يجعل عقل الطالب و كانه مركز لحشو المعلومات فقط ارحموا من في الارض يرحمكم من في السماء

يريت يلغو اللغتيتين لان وجودهم وعدمهم واد

يريت يلغو اللغتيتين لان وجودهم وعدمهم واد

محمد القصيباتي

لغة تانية؟؟والله حلو.....!!!

والله شي مضحك للغاية,لك نحنا منشوف العالم شلون عم يعيش بدنا نعيش متلو..بالزور بالدور ..مو مشكلة,المهم انو على أساس هيك الرقي..لك دخيل ربو هالمغترب..ضربها عالوجع..والله ماعم يعرفوا يدرسوا عربي لينزلوا لغتين معها.. المصيبة نحنا بدنا ننط(نقفذ)من الافة لأدانهادغري..,لك على طلاب ابيدائي الوضع مأساوي,بقى شلون على طلاب كفائة وبكلوريا؟

والله هي خطوة حلوة بس السؤال هل نخن بالأساس تعليم اللغة الإنكليزية صحيح؟ قبل ما تنفرض لغة تانية جيبو كادر قادر على تدريس لغة أجنبية للأسف معظم أساتذتنا لمادة اللغ سواء فرنسي أو إنكليزية هم الأسوأ

ماهي الفائدة من اللغة الفرنسية ؟؟؟

ماهي الفائدة من اللغة الفرنسية ؟؟؟أو أي لغة أخري إذاأن العالم بأجمعة يجمع على تعلم الإنكيزية وحتى في فرنسا نفسها التي لا تطيق الإنكليز!!!!!!!!!!!!!!!

مواعيد التسجيل

مواعيد الامتحانات

نتائج الامتحانات