سيريانيوز شباب وتعليم :: ما رأيك بما يروج من موجات للموضة بين الشباب؟

ما رأيك بما يروج من موجات للموضة بين الشباب؟

مواضيع للحوار

تروج بين الشباب كل فترة موضة معينة، ترتبط غالباً بأفكار أو معتقدات أو موسيقى معينة، وقد ترتبط أحياناً بسلوكيات وملابس معينة تستخدمها جماعات هذه الموضة، والتي أطلق عليها البعض وخاصةً كبار السن اسم "الصرعات" متهمين هؤلاء الشباب "بالضياع".

وتتضارب الآراء حول هذه الموجات التي ينقاد وراءها بعض الشباب، فمنهم (خاصة كبار السن) وجدوا فيها تقليداً للغرب دون وعي، وانحلالاً اجتماعياً وبعداً عن العادات والتقاليد، في حين وجد فيها بعض الشباب أنها حرية شخصية بحجة الضرورة للانفتاح على العالم والرغبة بالتغيير لما اعتاد عليه الجيل القديم، بما أن هذه الأمور الجديدة لا تؤثر على أخلاقيات الشباب وانتماءاتهم، عدا عن كونها كانت موجدة بأشكال مختلفة على عهد كبار السن الذين يمقتون هذه الموضة أو تلك.

فما رأيك بما يروج بين الشباب من موجات جديدة؟

هل ترى في هذه الموجات أنها مؤثرة سلباً على الشباب والمجتمع بعاداته وتقاليده؟

أم أنك ترى بأن ما يتبعه الشباب من موجات للموضة أمراً عادياً وحرية شخصية؟

شارك بالتعليق

اري ان هذه الموضات العصريات كمايسمونها،هي مفروضه علي الشباب العربي من العولمه التي اخترقت الحدودبائيجابياتهاوسلبياتها،ودخلت في حياةالشباب ،الذي تخلي عن عاداته السمحة،وتبقي الحلول في التمسك بالقيم والبحث عن المظهرالداخلي قبل الخارجي.

2na br2ii 2no lmoda shi 7lu bs lmshkle 2no l3alam 3na ma btfham ya3ni yali bilbes Black 9ar ya Emo ya Goth bs hai mala 3la8a ya3ni 2na ma b7b 2lbes '3air Black w mali la hek w la hek

من يتبع الموضة هو غبي بصراحة

والسبب انو كتير شباب ممن يتبعون الموضة تراهم لابسين البنطال المخزوق والبلوزة الضيقة واحيانا تكون مثقوبة كالشحادين ولما بتسالون عن هل البس بيقولو نحنا عل الموضة وماعاد تعرف الشحاد من غيرو اي شو هاد

لست مع انصار الموضة

أنا من وجهة نظري أننانستطيع ان نتبع الموضة ولكن ضمن حدود العقل.ربما نتبع موضة من بلدنا كموديل اللباس .ولكن لن نستقي مو ضتنا من الغرب كوضع الوشم والمخدرات(لانها موضة في الغرب).كذلك علينا ان لانسرف باتباع الموضة فنضع ما فوقنا وتحتنا على التسوق.بل بشكل محدود.وانا باعتقاد ان تشتري شيئاً يليق بك يظهرك أجمل بكثير .من أن تشتري السوق كله وهو لا يليق بك.والقناعة

أحترم وجهات النظر

هلأ قبل كلشي للي مع الموضة فبقلون متل ما بدك الناس تحترم اختياراتكون بتخيل انو كما لازم تحترموا حالكون شوي باللبس يعني البنات بدون تشليط والشباب بدون مياعة وفهمكون كفاية. وشغلة تانية أنا مرة البست باكستاني وفتت على كليت الأداب ما صفي حدا بالكلية ما طلع عليي وضحك طيب ليش ما بتحترمو لأي الأخرين أنا بدي البس باكستاني لأني برتاح في حدا الو عندي شي؟ يتبع

انو نلبس شي على الموضة شي حلو لكن إذا بشكل معقول يعني ما نمحي شخصيتنا أو طابعنا العربي وبرأي إذا كان لازم ناخذ شي من الغرب فهو حب البحوث العلمية و الإختراع

الرغبة في التميز

انا بحب هي الموظه لان بتخليني مختلفه عن غيري مو لان الايمو لبسو هيك انا راح البس وبعدين الكبار شو بدون فينا هن لبسو وعاشو الشباب وجاين يحاشبونا مادام احنا مو غلطانين ماحدا الو عندي شي

تفكير ضيق جدا جدا جدا

أنوهل الكبارتركوا الدنياكلهاولحقواشوعم يلبس الشباب ونسيواشوعم يواجه من مصاعب وتحديات ونسيواحالهن شوكانويلبسو ويسمعو ويقلدوبتحدى أي أب يجيب صورةلشبابوويقول لابنو بدي ياك تكون متل هالصورةرح يخجل من قصة شعرووبنطالو الضيق وزالفوالطويلة وصدرو المفتوح وشواربويلي بضحكوونسيو مم شاكل الزواج والسكن والعمل والدخل والمستقبل والعنوسة الشبابةمشكلتهم عم بتحسواعاشبابه

البساطة أحلا شي

أوك موضة بدون فوضى لازم نجدد ونلبس شي أنيق وبسيط ومناسب لشكلنا ولمجتمعنا ونستورد الحلو ع كيفنا و يتناسب مع العقل ما لازم ناخد من الغرب يلي بيقدملنا ياه من بهارج و أزياء بجد مقرفة و بتسبب تلوث بصري(هاد يلي عم يخلينا نتدخل بموضتكن) وبقول لأصحاب الفتيش والموضة المقرفة:مناظركم عم توضح ضعفكم وبرودتكم وتفاهتكم وتخلفكم العقلي..ما عم تخبيها أبدا

المعاهد في سوريا

ان المعاهد في سوريا تحتاج الى دعم اكبر من الدولة حيث ان بعض المعاهد كالمعهد الهندسي لو أنه يصبح معهد عالي وتاخذ له شهادة اكبر حيث ان الاختصاص الموجود في المعهد تاهله لذلك

إلى متى ستبقى هذه الهرولة للاتهام قشور المجتمعات الغربية دون النظر لعدم تكافؤ واضح بين الشرق والغرب... أسفي على هذه الأمة التي تمتلك لغة فيها بحور لا ندري كيف نبحر فيها...

كون شو ما بدك .. بس

كون شو ما بدك .. بس لازم تعرف شو عم تعمل .. صح حرية شخصية .. لكن يجب ان تكون شخصية وليست حرية تقليد .. ماني فهمان ليش اغلب ال(يسمونهم شباب) مثلا شعرهم سبايكي مثلا او صايرين ازف*** من هيك يلبسو زهري والخ .. خيو اهم شي انو تكون محترم وتميل لأصلك مو للاخرين .. وسلامتكم

هذه العادات كلها من الغرب فنحن نقلد الغرب بالتفاهات وهم يصنعون ويخترعون ونحن همنا الميوعة والتفاهة

المشكلة بلعالم نفسون

انا طالب جامعة وشعري طويل ولنص ضهري , بدي افهم مين ألو عندي شي ازا انا هيك عاجبني ,نحنا اصلاً ما بنقوا غير على بعض وما بنعلق غير على بعض ,مثلاً انا قصة الشعر هيك عاجبتني وشخص تاني مو عاجبو مو ضروري اعرف رأيو لان انا بلمقابل قصة شعرو مو عاجبتني ,الخلاصة كل شخص عندو زوء معين بس صاير انو كل واحد عنا بدو الكل يكونو على كيفو , قدوة لانو ( ما تئرفو)

المشكلة مو بالموضة

المشكلة بيلي بتبعها، أنا ما بزعل إذا الجسم لبيس وبلبق مافي مشكلة، بس أحيانا بتجي ناس جسمها مالو علاقة بالموضة ولا بالجاذبية وبلبسوا شي ما بلبق الهم ابدا، فبتلاقي أشكال بتخليك تقرف الموضة، وبتكمل المشكلة اذا كانت الوحدة متحجبة، بتحتار شو تلبس وبتدك 3-4 كنزات فوق بعض وكل كنزة لون، بتلاقي البنت طلعت متل قوس قزح ويا ريت شي حلو، وما عاد حجاب ينفعها.

ياسر ضميرية

حلو بس مو كتير

حلو الواحد يكون انيق بس ما ضروري نقلدغيرناشباب

يعني مو كل شي بيطلع بيتقلد كيف ما كان. يعني في كتير قصص مو مناسبة لناس ومناسبة لغيرن في موضة بتعبر عن شي اسمو جنان.هيك برايي

مو كلشي بيتقلد...يعني الواحد لازم يحكم عقلو قبلما يعمل ايا شي...الأناقة و الترتيب اهم بكتير من الموضة..

ارجوكم بكفي خلوني ننسى التدقيق على بعض ونعيش حياة فيها تقبل للاخرين اسرائيل عم تحتل اراضينا ونحنا عم نحتل بعضنا ونحكي على بعض بمواضيع تافهة فأرجوكم بكفي عفكرة انا انسان اعشق الموضة وبتمنى الكل يفهم انو كل واحد حر

ابن البلد

يا ابني أخذ سلمى بنت ضيعتنا

هذا ما يريده دهاقنة العلمانية سلب ثقافة الناس ( دين , أخلاق , عادات , تقاليد , عرف ) و تنميطهم ( تدجينهم ) بما يريدونه و ما يلبي أطماعهم و يسهل عليهم السيطرة على البلاد و العباد , و أنت أيها الشاب أيتها الشابة المقصود بذلك فافطن له , و احذر أن يؤتى دينك أو وطنك من قبلك فإنك على ثغر فاحمه و حافظ عليه

شامية و افتخر

طبعاً مؤثرة سلباً

يلي بدايقني انو بيجوا هالشباب ( صبيان وبنات)بيلبسوا على اساس ع الموضة بس ما بشوفوا انو هالموضة مابتلبئ لجسمهن ، لشكلهون .. بيلبسوا و خلصنا يعني بس بدهن يقلدوا الغرب شو ما لبسوا وشو ما عملوا تقليد أعمى ... وطبعا هاد الشي عم يسبب تخريب للتفكير العربي بشكل عام بالإضافة الى تسخيف عقل هالشباب يعني ما عاد همون شي غير لبسون و الموضة سلام

انا مالي ضد الموضة بالعكس حلو انو الواحد يكون مميز وهالشي له عمر محدد وينتهي بس المشكل لما بتكون الموضة مسيئة بالشكل ومؤذية متل متلا موضة المحجبات يلي بتلبس تنورة قصيرة وحجاب او يلي بتلبس بنطلون ديق وكنزة قصير وحجاب او الشب يلي مابتقدر تعرف ان كان شب ولا بنت هون المشكل حلو اننا نقلد او نتقلد حلو اننا ناخد بس يكون يلي بناخدوا حلو

قال عادات وقاليد قال

هل ترى في هذه الموجات أنها مؤثرة سلباً على الشباب والمجتمع بعاداته وتقاليده؟ يا سيدي نحن العرب سبب تخلفنا هو العادات والتقاليد وسلطة الأب أنك ترى بأن ما يتبعه الشباب من موجات للموضة أمراً عادياً وحرية شخصية؟ أمر عادي جدا وأحلى حرية 2010-03-23 22:11:46

مليت منكون

شعب بضلو متخلف عقلياً

والله انو شعبنا رح يضل متخلف ولاحق الحكي الفاضي .. يعني بدي افهم انت شو بصرلك وقت تشوف واحد لابس أواعي على كيفو وعامل براسو ديناميتة مو فتيشة على قولتكون .. رح ينهزلك عرق شي ولا دايقك يعني .. ولا حتى بهي بدكون تتدخلو .. ياريت كل واحد فينا يشوف حالو ومنظروا ومايطلع على غيروا لأنو لو بنت عم تسوي هيك كان صار لسانكون لرجليكون وريالتكون صارت شطي مطي .....

محروق قلبي على الشباب

شوفو مين عم تقلدو

المشكلة انو عم نقلد حثالة الغرب يلي الغرب نفسهم ما بيطلع فيهم طيب شوف الأجانب يلي بيجوا عسورية شوف شلون لبسهم أنيق وبسيط لأنه مثل ماسبق وقالوا المشاركين انو الشغلة بالجوهر مو بالقشور وياريت عنجد الشباب يلاقو شغلة مهمة أكتر من متابعة الموضة

حلوة الموضة

انا برأي انو الموضة أمر مالازم نهملوا بهالزمن ومالازم الشباب يبالغوا بموضة الشعر "الفتيشات" بالنهاية حرية شخصية وبوافق غانم الرأي

انا يا جماعة ابل ماعلق تعلق يكون في اي تجريح بس بدي قول شي كتتير مهم هو انو ليش حتى لحنا نتبع الموضة ما نخلي الناس هيي يلي تحاول تقلدنا.ولو معلومة بسيطة بس يكون بيعلمكون انو الادريسي هو انسان عربي هو يلي رسم خريطة العالم سنة 1133م و فاطمة الفهري هي يلي اسست جامعة القرويين سنة 875م فتطلعوا على هدول الناس يلي خلوالدنياكلهاتتبعون وشوفوكيف صرنا تابعين......

قرفاااان

لك بصراحة شي مسخرا كتير لك كل واحد يا ضاربلو فتيشة براسويا اما عاملي موديل بيأسي منزلي شعراتو شبرين على عيونو لك حلوة الموضة بس مو هيييك ادا بكرة نزلت موضة عند الاكانب ممنوع لبس الاواعي بتلاقي الناس بلزلط او اخلى نهفة موديل ال emoلك عنجد يعني صرعة بتشل كل واحد لابسلي بنطلون اخو صف الاول وعم يمشي فيه ومن كتر مو ديق مو عرفايمشي فيه لك والله عيب عليكن

رايي بالموضوع

اتباع الموضى حرية شخصية فلا مانع من اللبس و قصات الشعر لكن لما لا نحاول ابتكار اشياء جديدة .. ( المقلدون خلفنا دائما )

ضاعت الطاسة لبسو البنات أواعينا !!

اللبس بالنهاية ذوق وبيعبر عن شخصية كل واحد منا أنا مع الموضة المعاصرة بس بشكل يليق بكل شخص منا , أنا ضد بعض التشابهات في الألبسة بين الجنسين ,يعني نفس البوط اللي بيلبسو الشباب صارو البنات بيلبسو مثلا وفي شغلات كتيره أنا برأيي البنت تلبس شي بيلق بأنوثتها من غير إبتذال والشب بيلبس شي حلو كاجيول معليش بس يكزن ملائم للوسط الإجتماعي

انابرأيي ان لكل انسان حريته الشخصية لكن من غير المعقول ان نقلد الغرب بالموضة بس يعني تقليد اعمى ليش ما بنحاول نقلد منجزاتهم العلمية والفكرية ومندعي انو الموضة تحضر مع احترامي لجميع الاراء

يعني انا مع الموضة بس هلق في موضة جديدة اسمها emo هي كل الشباب و الصبايا قلدو هلموضة عالعمياني واذا بتسالو حدا شو يعني emo ما بيعرف اي شو هاد يلي بدو يقلد شي ما لازم يكون عالعمياني لازم يفهم ليش عم يقلد

حاسس فيكن

عاااااااددي

في الحقيقة لابد ان نأخذ بعين الاعتبار بعض المسلسلات السورية المشكوره على جهودها في التوعيه حيث لاتترك في الاونه الاخيرة القضايا الساخنه الا وناقشتها بتسليط الضوء على الشخصيات السلبية وتعقيداتهاالسلوكية تاركت الشخصيات الايجابية في ذاكرة الايام وكأنها شيئ معيب او شيئ متخلف بحجة الاثاره والبزنس والانتاج ,والجذب والشد والمودرن ورمضان كريم يا حلوين

مافي داعي للجدل

القشور الخارجية غير مهمة المهم نحناشو عم نعمل شو عم نقدم لتقدم مجتمعنا بكافة المجالات؟ شو عم نغير ؟ لكن حبذالو يغار الشباب مما ينجه الغربي وان لا يندفع للبس الصرعات بدافع تقليد اعمى ويهمل الغيرة في مجال مفيد

رد عالمتخلف

مو غريب أبدا نقرا رأي وتعليق من ها المستشرق العربي "walking disaster" لابد من وجود أشخاص ينفضو شرف الانتساب للعروبة..ويعلنو بشكل صريح ووقح للغاية شرف انتسابون لأمم يمكن ماصرلا موجودة 200 سنة..ازا الأخ شايف انو التقدم بالتعري وقلة الحيا والإغراء..فهاد نعمة من عند الله لأنو بوجود هيك أشخاص منعرف حالنا انو على حق...ومنقدر نعمة ربنايلي وهبنا ياها..العقل.

فسطاط المسلمين..دمشق

walking disaster

شو هالتناقض

يعني شو برأي السادة المعلقين الاكارم الشي المتناسب مع عاداتنا؟ الطقم الرسمي مثلا؟ ما كللو غربي يا حبيباتي .. حتى الشروال تركي مو عربي فبلا مساخر وعلاك وكل انسان حر يظهر بالشكل يلي بريحو ولما بكون في عنا عادات وتقاليد تعو فنصو عهالعالم ..بعدين شي طبيعي المتخلف والرجعي يقلد المتطور والمتقدم

والله ماعد نعرف هالبلوزة للشباب ولا للبنات شو هالموضةالبايخة يلي ما لا شكل ولا هيئة

أمرطبيعي

أنابشوف أنوالأمرطبيعي وين المشكله أذانحنا أخذنا من عادات الغرب أذا ماكان عدنا عادات والالزم نضل متخلفين لحتى نموت لك حتى الموت عند الغرب متعه

ارى اننا وصلنا الى مرحلة عبادة الغرب بخيره و شره و فقدنا تراثنا و فقدنا عروبتنا و قوميتنا س

مافي احسن من الموضة

يعني اذا الموضة رح تخلينا نشوف البنت عم تنعرى شوي شوي وكل ماحركت حركة يابتبين خلفيتا يا صدرها و نشوف الشب لابس تياب اقل ما منقول عنها انو صار طنط او نص بنت فيا اهلا بهيك موضة وطلب لو سمحتو من كل يالي بيحب يتموض بطريقة عميا بلشو ببلاد برة بموضة التعري الكامل فياريت تبلشولنا فيها باسرع وقت ممكن بس ما بقول غير صحيح يالي استحوا ماتوا (قال موضة قال)

هذه حرية شخصية ولا يحق لأحد التدخل في ذلك ولا لأحد علاقة بهذا الموضوع ملاحظة الى سيريا نيوز لماذا ننظر الى الأمور التافهة ونترك الأمور الهامة ؟؟؟؟؟؟؟؟؟؟؟؟؟؟؟؟؟؟ هل هذه قضية الأزياء خطرة لهذه الدرجة وأنا برايي أن حضرتكم تهتموا في الأمور الأهم وشكرا

لك كل واحد حر بحالو منسطفل

يمكن لازم نغير

انا برأيي انو الموضة هي عبارة عن فن وانت عم تعبر عن حالك بهادا الفن وانتو يلي عم تقولو انو هي صرعة مو موضة فلازم تعرفو انو انتو عم تلبسو موضة كمان وعم تعملو فن بس بطريقتكون الخاصة وبتفكيركون الخاص

الموضة؟؟؟؟؟؟؟؟؟

أنارأيي أنوأغلب الشباب والبنات عم يقلدوا عالعمياني يعني حلو بشع عجبني ولا لاء مو مشكلة المهم أني كون عالموضة. طيب ليش عم تخلو الموضة تسيطر على شخصيكون أو حتى تمحيها لهي الدرجة؟؟؟؟لييش . والله أنا بنزل عالسوق وبشتري يلي بيعجبني وبس وما بهتم بالموضة.على فكرة أنا ما بهتم لا بالعادات ولا التقاليدبس بحافظ على أخلاقي وما بسمح لحدايفرض علي شي موعلى كيفي......

مافي جواب..!

لك يئطع عمر الموضى ازا بدها تخلي الشب أو البنت يلبسو ينطلون خصر واطي..مشان شو ماكنت افهم...بيلبسو ضيق بألف ياويلاه حتى ينزل بالجسم ..ماكنت افهم ليش...وآخرتا؟؟لئيمتى بدنا نتخلى عن الأدب والأخلاق؟؟لازم على جنان نمشي ورا العالم حتى نبين انو نحنا متلون؟؟كل شي بيجي من الغرب هو الصح..لك والله ازا منسأل هالجيل ليش هيك عم تلبس أو تسمع مابيعرف يجاوب,اي والله عيب

نأخذ ما ينفعنا فقط

ردّاً على الأخ زيوس، كما قلت الجوهر هو الأساس، لكن لا يمكن أن نأخذ كل ما يقوم به الغرب، فهل من المقبول أن ترى شاباً يضع حلق في أذنيه أو يلبس بنطالاً يكاد يسقط من على خصره المتمايل.

عادي حرية شخصية

مشكلتنا عم نهتم كتير بالأمور الشكلية وننسى الجوهر .وبعدين إذا الواحد اهتم بحالو بكون عم يقلد الغرب ؟ أنا شخصيا ما ني مستعد البس شروال أو جلابية وحط عمامة أو عقال .يا ريت نقلد الغرب بكل شي. نتعلم منون الصدق والإخلاص بالعمل والعلاقات . نتعلم أسلوب التفكير والعلم والمعرفة.نتعلم كيف نتعامل مع الناس.كيف نحترم حرية الناس

اي زي يعني لبس اهل الشام والا اهل المزة والا اهل كفر سوسه والا اهل جوبر نحنا بعصر التطور يعني ليش لناقش هل الموضوع ونعطيه اهمية كبيرة وفي شغلات اهم ثقافة الشياب والسعي لتطويرها الموضوع هاد اهم برأي

أراء مختلفة

هلأ من جهة انو الموضة صارت هوس الشباب هاد الحكي تمام,بس كمان في شي اسمو عقل مو معقول لمجرد قالو انو هل شغلة اخر موضة معناها بروح بلبسها بدون ما انا فكر,و بصراحة الملابس بشكل عام بحياتها ما كانت مقياس الشخص يعني ازا هو مو عل موضة معناها انو متخلف و مو حضاري!!و كمان ازا هو ع الموضة معناها فهمان و عين الله عليه,بالنهاية الاراء بتختلف بس مارح يتغير شي

مختار جامعة البعث(مرهف)

شيك ونازيك

انا برايي انو الانسان حلو يهتم بالموضة ويتابعها بس طبعا مو اي موضة يعني الموضة الراكزة الى حد ما ,,,, يعني الانسان ما رح يكون انيق وملفت للنظر بس لمجرد انو لابس شي غريب او شي صرعه .... بالعكس الانسان بيكون متميز بانو يختار شي حلو ويعرف كيف يختار الالوان وهي برايي كافية لانو يكون اخر طررررز .... وطبعا الحكي ان كان للبنات ولا للشباب

mno_2007دلوعة وغنوجة

بحب الموضة

انا بحب الموضوة وكل ملابسي على الموضة كتير ومافي احلى من التجديد لان من دون التجديد بيكون شي ممل وطبعن مافي انسان مابيحب الموضة بس ضمن المعقول

ابن الشام

موضة موضة موضة

هاد شعار شباب هالإيام لا حول ولا قوة إلا بالله العلي العظيم بس الغريب انو الغرب م بيتنازل يقلدنا ولابد ان يفقه شبابنا هالموضوع حتى لاتؤثر سلبا على شخصيتهم وعملياً الشباب عم يخسرو حريتهم والغرب عم يتعدى على هالحرية بدون ما يشعرهم لأن من حرية الإنسان العاقل انه يفتخر بالتقاليد والعادات الجيدة لمجتمعه ودينه والغرب ما بيرضى لنا هالشي فصار يغيير المفاهيم

@امير الليل@

انات بوافق دلوعة الشام

انابراي انو الموضة موشي سيئ بس باصول قصدي انو ياخد الشي الايجابي من الموضة يعن مايلبس تنورة عاي طريقة الاسكتلديين او يلبس متل الدول الاوربية يعن لبس مثلن وصار يتصرف لان عاداتناوتقاليدنا غيرن ولبصير عندن مابصير عنا ولازم ماينس انو هو موجو بين شعب99%شرقي يعن مابيتقبل العادات والازياء الغربية وبعدين احسن من زي بلدك مافي شكرن

عبد الوهاب شمسي

ستة و عشرون زيّاً

سمعت على إحدى القنوات أنَّ محمّد ًصلى الله عليه و سلم ارتدى في حياته 26 زياًّ مختلفاً و لم أسمع أنه منع أحد عن لبس نوع معين من الثياب إلا إن عبرعن تكبر مرتديه ثم إن الكبار لا يعجبهم كل ما يفعله الصغار و الصغار لا يريدون سماع نصح الكبار و أرى أنّ الصغار يجب أن يقنعوا بتصرفاتهم الكبار ليقتنعوا بشكلهم و الكبار يجب أن يطوروا أساليب نصحهم مثل جدتي .

دلوعة الشام

نحنا موشاطرين غير بتقليد الغرب

نحنا مالنا شاطرين غير بتقليد الغرب بس باللبس والموضة اما نحنا مامنقلدون بالتفكير والعمل والشي المفيد بس هيك نحنا فالج لاتعالج

انا بشوف انو الشغلي مو بالتياب او الشكل الشغلي بالمخ اذا بفكر و لا مشسي لانو في عالم بتنزل بنطلونا و بطول شعرا و بقلدو مطربين اجانب بس في منون لهدول العالم بفكروا و بشغلوا مخون احسن من الاغبياء يلي ماسكين الدين بالمقلوب و ما بفكروا إلا بالشرف يلي مابيعرفوا عنو اي شي وبوش المرأة إذا عورة و لا لأ و هنن بكونوا اوسخ خلئ الله و الله يثبت علينا العقل و الدين

بنت البلد ...أي والله بنت

حتى يغيروا ما بأنفسهم..

جميل ان نغير بعاداتنا وتقاليدنا بما يتناسب مع العصر ولا يخرج عن نطاق العقل والاخلاق والأديان..جميل ان نقلّد الغرب لكن نقلدهم في نهارهم ونشاطهم..وليس في ليلهم وافكارهم..جميل ان نقلد لكن بما يناسب عقلنا واخلاق المجتمع العربي..وجميل ان نغير انفسنا لنرقى بعقلنا وننهض بمجتمعنا..حلوة بلدي بشبابها الواعي ويلي بيعرف شو بدو من الحياة بما يرضي العقل والحياء

هذا الأمر يدل على ضياع شخصية الفرد في إي مجتمع كان ولكن ضياع الشخصية الخطير عندما تدخل إلى مطعم أو حفلة تجد الذي يقدم القهوة أو يقوم بالخدمة يرتدي لباس المجاهدين أو كبار التجار في تاريخنا فكما يجب أن نحترم الموضة القادمة لنا يجب أن نحترم ملابس أخواننا العرب الخليجيون أو المغاربة أو أهالي الأرياف عندنا

مشجع للموضة

الموضة حلوة

الموضة حلوة وكل موضة وإلها وقتها ونحنا بنعرف موضت أيامنا لذلك مع أحترامي لكبار العمر بحب قلون أن الموضة على أيامن بتختلف كتير عن أيامنا فلذلك مافي داعي للتعليق على هالموضوع

دخول جحر الضب

لكل أمة عادات و تقاليد تميزهاعن غيرها ونحن بفضل الله خير أمة أخرجت للناس فلماذا نستبدل تقاليدنا و عاداتنا الحميدة الراقية بعادات تتمثل ببيئات شاذة متفككة كمن يشتري كيس القمامة بقارورة العطر لذلك أنا لا أسميها موضة و صرعة بل هي إنحراف و ضياع

الأسوة الحسنة

ولكم في رسول الله إسوة حسنةنحن كمجتمع مسلم ويقتدي برسول الله وسنته يجب أن نأخذ ما يتماشى مع ثقافتنا وعادتنا كما فعلوا هم درسوا قرآننا وشريعة نبينا المسامح الكريم وآحذوكل ما هو ايجابي ومفيد والرسول عليه الصلاةوالسلام قال وهو خير من قال ((لا تكن إمعة )) لا تقلد تقليد إعمى

المهم ما يكون التفكير

اي مو مشكلة طالما ساترين جسمهن منيح بالتياب والمهم ما يكون التفكير كمان على الموضة يعني انو يعملوا متل الغرب تمام فساعتها على الوطن والاخلاق السلام

تعليق التعليقي

شو يعني موضة و شو يعني حضارة؟؟؟؟؟؟ لو البني آدم بيفكر ما كان خطر عبالوا لا تياب و لاغيرو في صديق فرنسي و هو راكب بالسيارة بيحط عالمسجلة تعليم اللغة العربية مشان يستفيد من الدقيقة و هاد بيضل ساعة عالمراية مشان يطلع CoOOl

امراض نفسية

أكترية الشباب هلق عم يبالغوا بالموضة ليجذبوا انتباه العالم فهدول حرام خطي بدهون دكاترة نفسية بس القليل من الموضة لا تؤذي احد

شو مشكلةةة

شي حلو انو يكون انواع مختلفة من الموضة شو المشكلة؟ انا بحب البس اسود انا goth بس الناس بيشوفونا و بقولوا انو نحن مجانين ..كانو بس نحن هيك منلبس

مهتمة بالموضة

كل واحد حر بحالوا

انا براي انو الموضةهي شي ضروري بالمجتمع لان كل انسان الو طريقة خاصة فيو بحكيو بتصرفاتو بشكلو وبلبسو والموضة واللبس هو الي يميزنا عن بعض وتيبن شخصيتنابس فمثلا نحن الشباب نحب الشيء الجديد ونحن الي نصنع موضتنا بنفسنامو من المجتمع الاوربي او من التلفاز نحن كل واحد فينا الو طريقة بالبس بالشكل بالحكي بالموسيقى نعبر فيها عن نفسنا بس لكل شي الو حد

موضة بس حلوة

والله في موضات حلوة وبتحدى حديقول غير هيك، مع العلم انو اشكال العالم دليل على الحضارة، أو من سمات الحضارة، يعني تصوروا لو لساتنا عم نلبس كونز ونشدوا لحلقناوبوط فونيس؟؟؟ اكيد مارح يقول ياللي بشوفنا انو نحنا متحضرين، ومو ضروري الشعب كلو يلبس رسمي كمان، خلو الشباب براحتهاأحسن شي المهم ما تنحل اخلاقهم

ليت الشباب يعود يوما

ياريت ارجع شي 25 سنة لورا والله لساوي العمايل، انامع الموضة مو ضد بس ما يتنقوا هالشباب الموضة على شكل افكارمو بس ثياب هاد اعتراض جيلنا مو بس اللبس هو الغلط

شي عادي ... العالم لا يقف في مكان واحد!

م.محمد علي

الموضة حاجة متجددة

موضوع الموضة موضوع اساسي بالنسبة للشاب الذي يريد ان يظهر بابهى حلة كيفما كان التعبير عن الموضة فنجد بالسبعينات كيف كان معظم الشباب يربون شعورهم ويلبسون الملابسة الضيقة(فرزاتشي)ولاحقا الباس الكلاسيكي(شلسطو)وغيرها فموضوع اللباس متجدد مع الزمن ومتغير بالشكل لكن نفسه من حيث المضمون مع الانتباه الى انه يجب الالتزام بالباس الانيق والمحترم الذي يظهرك كانسان

سوري يالسعودية

كفى عقداً

اتمنى أن سيتوعب الجيل القديم بأننا لسنا قشور متنقلة، فالمظهر الخارجي عبارة عن انعكاس داخلي من الممكن ان يريح بعض العقد الداخلية للشباب، لكننا من جهة أخرى نحمل هموما ونسعى لمستقبلنا وملابسنا ليست عقولنا بل هي انعكاس لفكرة واحدة من بين ملايين الهموم والأفكار التي تدور بداخلنا...وأضييف أنكم في الماضي كنتم قد مررتم بنزوات أفظع من ما نمر به "خنافس، هبيين إلخ

سوريا الشباب

مواعيد التسجيل

مواعيد الامتحانات

نتائج الامتحانات