مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
نداء استغاثة ..... من موفدي مصر
مساهمات الطلاب

شكرا سيريا نيوز فبابك هو الباب الوحيد المتبقي لنا كي لا نموت صامتين !! الموضوع القديم المؤلم في إحدى حلقاته الجديدة .... راتب الموفدين المتأخر دائما و المستباح من قبل وزارات الدولة تارة بالتأخير و تارة بالتحويلات غير العادلة وتارة أخرى بعدم تطبيق الزيادة الموصى بها من قبل السيد رئيس مجلس الوزراء... فإلى متى ؟؟؟؟


إلى متى ستتكرر هذه المهزلة التي تسمى راتب الإيفاد ؟؟!! إخواني و أبناء وطني معاناة الموفد هنا في مصر كبيرة جدا فحقوق الموفد تموت يوميا أمام عيونه و واجباته جعلها التشدد الكبير سيفا مسلطا على رقاب الموفدين ،و الأمثلة هنا كثيرة جدا و سأسردها عليكم على سبيل المثال لا الحصر .... 1-التأخير الدائم في الرواتب،و الضرر الكبير الذي يلحق بالجميع (حيث لم يبق من لديه ما يقرض به الآخر .. الكل مفلس - ويوجد موفدين تم طردهم من بيوتهم بسبب تأخير دفع الإيجار لشهرين متتاليين و صاروا حاليا لاجئين عند بعض الإخوة المصريين من زملاء الدراسة). 2-السيد رئيس مجلس الوزراء أصدر تعليمات تقتضي بتسوية أوضاع الزيادة الأخيرة للموفدين بحيث يتم رفع الزيادات إلى 10% كحد أدنى ،لكن نتفاجأ أن السيد وزير المالية قد قام بتسوية أوضاع جميع الموفدين في كل الدول باستثناء مصر التي بقيت الزيادة فيها 5% فقط . 3- بعد احتجاج كبير على الزيادة الهزيلة 5% لم يستمع إلينا أحد ،و هنا أوجه اللوم الكبير لاتحاد الطلبة في دمشق حصريا،لأن اتحاد الطلبة في مصر لم يدخر وسيلة للدفاع عن حقوقنا ،أما قيادتنا الطلابية في دمشق فلم نسمع أنها حركت ساكنا///معقول اتحاد الطلبة غير قادر على المطالبة بتطبيق قرار رئيس مجلس الوزراء/// إذا غير قادر /// فليتح الفرصة لغيره من الزملاء عساه يقدر /// 4-راتبنا الحالي بالدولار و الدولار قاعد يتبهدل كل يوم و نحن ما هو ذنبنا أن ينقص راتبنا دائما في ظل ارتفاع الأسعار ضمن موجة الغلاء الفظيعة،، طالبنا يكون راتبنا بعملة اليورو ،لكن على أساس أن يتم احتساب اليورو ضمن قواعد ثابتة مثل التي تستخدم لحساب رواتب موفدي ألمانيا و فرنسا و غيرها من الدول ،،، لكن المفاجأة أن الوزارة حولت راتبنا للدولار (المتبهدل أساسا )وقامت بشراء اليورو لنا (يعني فوق خسارتنا بالدولار المتبهدل-خسرنا فرق التحويل لليورو-وسنخسر تكاليف التحويل إلى البنك الأهلي المصري ) وبهذا نكون قد خسرنا حوالي 6% من الراتب يعني راحت الزيادة الأخيرة وخسرنا فوقها. 5- المنح المالية التي صدرت عن رئاسة الجمهورية قبضها جميع موظفي الدولة باستثناء الموفدين و السبب مجهول . 6- فرق الراتب ((ذلك الموضوع الشهير جدا )) تم حرمان الموفد الموظف منه و السبب كذلك مجهول. 7-قانون البعثات العلمية النائم في أدراج وزارة التعليم منذ شهور طويلة لم يصدر بعد ... و السبب مجهول . 8- التصريحات الإعلامية الرنانة التي نسمعها مثل الاهتمام بالبحث العلمي و تكريم الباحثين ، نسمع بها عن بعد و لا تنفيذ على أرض الواقع . 9-دورات اللغة الأجنبية نراسل الوزارة لكي توافق على صرفها فتوافق ، و عند الصرف تنسحب الوزارة و لا يستطيع الموفد إكمال الدورة والحصول على الشهادة بسبب عجزه عن دفع الرسوم حتى لو كان من المتفوقين . 10- العلاج غالي جدا في مصر و الأدوية كذلك غالية جدا و المواطن المصري يخضع للتأمين الصحي فلا يصيبه أي أذى أما السوري فلا تأمين صحي و لا صرف فواتير العلاج علما أن الموفد لو كان في الوطن لتلقى العلاج على الأقل من المستوصفات الحكومية و المستشفيات ،إذا فالوزارة أفقدتنا حقنا كمواطنين في العلاج داخل الوطن و لم تعوضنا كمواطنين خارج الوطن . في الختام أرجو أن تجيب وزارة التعليم عن هذا التساؤل: هل بقي للموفد ما يفكر به على صعيد البحث العلمي ؟؟ أم أنه أصبح مجبرا على البحث عن حلول لمشاكله المعقدة و التي تتعقد مع مرور الزمن أكثر فأكثر !!!


 
2010-02-07 08:35:29


شارك بالتعليق


2010-03-09 14:24:51
عنجد الستحو ماتو
بتبادل
اي نعى على مصر بتوقع ان ادا قدمت طلب رح يبعتو مباشرة ولا نسيت حاللك لما قتلت حاللك لتجي على المانيا ولا شوووبس لتعرف وتشوف النعيم النحن فيه تعى شو ناطر
سورية
-

2010-03-04 15:26:04
علواه تنفونا على مصر ارحم
خلصوناااااااحاج نق
مين ضربكن على ايديكن وقلن تجوا على مصر بس بدي افهم وبعدين بتجوا بتنقوا مو عاجبكم نحنا كمان باوربا عم ندفع ضريبة الللغة الصعبة اما انتو مرتاحين دراسة بالعربي ويا محلاهاوالكل بيفهم عليكن وبتفهموا عليه يا ريت بلا تزوير كل رفقاتنا الموفدين لمصر مرتاحين وعم يقولوا الراتب مكفيهن وعم يصمدوا كمان
المانيا
-

2010-03-03 16:47:20
سكووتتت
بدنا حقنا بس
نرجو من وزارة التعليم العالي بتعيويضنا براتب نسميه طبيعة تعويض بدل تخلف لان المو مصدق يجي يعيش بمصر ولا بتوقع في طالب موفد بيتمنى يدرس بمصرلدللك تاعون اوروبا يسكتو رجائن احسن ماننفيهم على مصر
مصر
-

2010-03-03 09:39:58
الموضوع جدي
حاجي تعليقات سخيفة
ارجو من الطلاب التغليق ضمن الموضوع وعدم التعليق على امور شخصية سيارات بفرنسا وبيوت وخلونا بالموضوع المطروح المشكلة انتو خرجتو خارج الموضوع بسبب الفضى موفدي فرنسا ولاالمانيا واذا دولة اوروبية الموضوع مصر الرواتب 500 يورو بعد لتحويل طبعا يعني شي3700 جنيه اجار البيت 1200-1500 جنيه يفضل من الراتب 2200 بالسوري 20000 هل هاذا كافي شرب واكل ومرض وسفروشكرا
اكيد مصر (ام الدنيا) هيك بيقولو
-

2010-03-03 04:02:39
طالب موفد (صاحب المقالة)
ما عرفت الهم بحياتي لحتى بدأ الايفاد
السلام عليكم:إخواتي لا نريد أن نزايد على بعضنا في دول الإيفاد من لديه مشكلة أكثر من الثاني،جميعنا نعاني ولكن الوضع في مصر هو الأكثر معاناة ماديا و اجتماعيا و ثقافيا وحتى سياسيا،ولو أعطتنا الوزارة حق التحويل الى اي دولة أوربية ،لن يبقى موفد واحد في مصركما انها لو أعطت موفدي اوربة حق التحويل الى مصر لما قبل اي موفد ان يعيش بمصر ولو شهر واحد..
مصر أم التلوث و الازدحام و الروتين

2010-03-02 11:52:23
الى معيد موفد فرنسا
وللاحتجاج ذوق2
واغلب المعيدين بفرنسا عندهن سيارات لان اجازات السوق مسموحة للطلاب بفرنسا والله يخليلكن هالكاف اللي بتدفعلكن الاجارات بقى شو بدكن احسن من هيك هي لسى ما حكيينا عن التعويضات اللي بياخدها المتزوج عن كل ولد يولد بفرنسا دون استثناء من الحكومة الفرنسية ولسى بتحكي عن بحث علمي وعلم بتصور الكل بيعرف العيشة المريحة بفرنسابس نحنا غايتنا تشويه صورة البلد بغاية الطمع
DEUTSCHLAND
-

2010-03-02 11:48:12
الى معيد موفد فرنسا
للاحتجاج ذوق
ممكن تفهمني شو الالتزامات اذا هئية الكاف بتدفعلكن اجار البيت للكل دون اسثناء وما بادفعوا غير شي بسيط للاجار والتامين الصحي معوض وتسجيل الجامعة معوض بقي بس الاكل والشرب وما شابه ذلك واذا كان في ما شابه ذلك بالموضوع حقكن الراتب ما يكفيكن بقى حاج طمع كل واحد مننا عم باخد 1200 يورو بشهروا ما عدا 1700 بنهاية كل شهر حاج طمع
المانيا
-

2010-02-28 19:21:56
اي تعو عيشو بمصر طالما عا
بيكفي تخلف
بتوقع ان طلاب مصر مو عميطالبو غير بحقون الوزارة منحيتون اياه مو بيكفي عايشين بدولة متخلفة اي خلي شي واحد عميدرس باوروربا يجي يدرس بمصر رح يرضى احدي يجاوبني
مصر
-

2010-02-28 12:07:12
صعيدي موفد
حاجة نق
سمعت في مناقشة بوزارة التعليم مشان تعويض الموفدون بمصر لانو يا حرام راتبهن قليل والتعويض ع الشكل التالي:بيت جاهز ومفروش وسيارة ورصيد بالبنك وبالاضافة الى امكانية تحمل نفقات العرس لموفد العازب ام المتزوج فراحت عليه اما بالنسبة للدراسة والبحث العلمي والشهادة مو مهمة كتير للموفد بمصر لانو راح يكون في تسهيلات كتير (شي مخجل اصبح هم الطالب الوحيد هو الفلوس )
جانب بيت العمدة حسنين ابو عينين
-

2010-02-28 11:52:03
معيد موفد إلى فرنسا
إلى معيدة موفدة
دي حاج تبيعينا وطنيات خيتو..وبحث علمي ومابعرف شو بيظهر أنت مو عايشة بأوربا ,لأنو أنت بتعرفي انو هون ما ممكن البحث يستمر اذا المادة مو موجودة, والمعيد الموفد بتمر عليه أوقات بيصير عليه التزامات مضاعفة ومع عدم وجود المادة اللي هي حقو رح يتراجع مردودو بالانتاج العلمي والمعيدين اللي بمصر ماعم يحسبو دولار ويورو وإنما عم يحكو عن شحادة يعني مو مضلان مع البعض
france
-

2010-02-27 22:24:10
موفد عايش بمصر
إلى الموفدة المعيدة
يا أختي الكريمة يللي بيعد العصي مو متل يللي بياكلها.... ولا حدا يفكر حالو قادر يتفهم ويحكم على وضع حدا تاني لو كانو بنفس الغرفة فكيف إذا بغير بلد!! مارح قلك غير انشالله تكون أموركم بألمانيا أحسن بكتير من مصر...وعلى فكرة أنا استقبلت زملاء من موفدي ألمانيا أجو لمصر على مؤتمر يا ريت تسألين عن الأسعار والمعيشة والغلاء...ووقتها رح تتوقعي عن شو عم نحكي..
مصر
-

2010-02-26 15:57:22
زميل لموفد
يجب على الوزارة العدل
الله يكون بعونكم يا موفدين مصر، فجماعة ألمانيا مثلا يوفرون و الحمد لله على ذلك، و الله يرزق الجميع. يجب على الوزارة العدل بين الجميع.
سوريا
-

2010-02-26 00:38:49
معيدة موفدة
وللاحتجاج ذوق2
وللاحتجاج ذوق يعني حدا بيحكي على بلدوا وما احلانا حدا من برا يجي يقرا هالمقال شو بدو يحكي على الحكومة اصلا رواتب موفدي سوريا من اعلى الرواتب التتي تقدم لمعيديها ويا ريت لاتنسوا انو بلدنا هي عم تخلينا نصير وفي غيرنا عم يشتغل مليون شغلة حتى يسد مصاريف الدراسة بالخارج وحكومتنا ما عم تقصر بس كل ما هنالك عم يصير تاخير بالرواتب بس بالنهاية بيصل
المانيا
-

2010-02-26 00:30:19
معيدة موفدة
للاحتجاج ذوق
السادة الزملاء يكفيكم ***** ارسلتم من اجل البحث العلمي لا من اجل الحسابات واليورو والدولار واصبح الواحد منكم عم يحسبها بالليرة شايفة المعيد يا دوب يلحق شو راح منو مصاري ونسي العلم والبحث العلمي وكانو بعمركن مو شايفين مصاري وعلى اساس راح تاكل الوزارة حقكن شو نحكي نحنا بالمانيا الاجارات غالية والى الان ما في راتب يا جماعة اسثمروا وقتكن بالعلم مو باليورو
المانيا
-

2010-02-24 23:34:48
موفد تعبان
نداء لكل موفد في مصر
أرجو من الجميع مساندتي في طلبي و السعي للحصول على التأمين الصحي بأي شكل تختاره وزارتنا الكريمة لأنه نحنا وأولادنا عرضة للاصابة بأخطر الأمراض بسبب زيادة التلوث بكل أشكاله بمصر وارتفاع أسعار الأطباء والعلاج والتحاليل والأشعة وكل مايتعلق بالطبابةلأنه اذا ضلنا هيك ما حدى راح يرجع سليم تايخدم البلد,وتكون وزارتنا خسرت عالفاضي
مصر
-

2010-02-24 00:37:01
يمكن اسمي موفد
يا دنيا........حني شوي...... قولي حطي
صراحة الموفد الكريم الى واقع بين سندان تاخر الراتب وقلته وبين غلاء المعيشة في مصر وشو ولسا فوق الموت عصة قبر بها التحويلة الى اليورو كمان نقص الراتب وهيهات الموفد يلاقي حدا يغيثوااااااااا
مصر
-

2010-02-23 18:06:15
موفد من جامعة دمشق
إلى موفد على باب الله
كلنا بالهوى سوا: مين قلك إنو رواتب جامعة دمشق وصلت. الرواتب ما وصلت كمان.
فرنسا
-

2010-02-23 15:28:40
Assistant mondiant en Fra
SVP
S'il vous plait nous sommes devenus des mondiants ici en France on attend la réponse de la ministrie à bientot
France

2010-02-23 14:17:50
نطالب بتعويض بدل تخلف
لاحياة لمن تنادي
نحن طلاب مصر نطالب بزيادة بتعويض بدل تخلف مو بيكفي انكن باعتينا على دول متخلفة كمان الراتب بتخصموا علينا لذللك نطالب الوزارة بتعويض بدل تخلف زيادة عن الطلاب الموفدين الموجودين في دول اوروبا العمياخد راتب اعلى مننا الضعف وفوق هيك عايشين بدول متطورة للك تعو على مصر بس يوم وعيشوا فيها رح تشوفو لو تعطيونا ضعف الراتب بانو قليل علينا
مصر
-

2010-02-23 13:39:23
معتر مغلوب على أمره
أسوء جامعة
لا تستغربوا أسوء جامعة بالعالم كله جامعة الفرات مهما حصل فيها من تغييرات للقائمين فيها لسا الراتب ما حدى يعرف تحول ولا لسا والمشكلة الكذب شغال كتير ورخيص كتير ومكلل بالحقد الله لا يسامحهم كل شغلة بيحطو فيها مية علة وعلة بس تاتصير ضد الموفد
مصر
-

2010-02-23 10:09:50
معيد مفلس
لا حول ولا قوة
يعني يا اخواتي حال كل معيدي الجامعات نفس الشي ،كل اربع شهور عنا هالمعاناة ومنبلش نطرق ابوابهم ونستجدي ... عنجد عيب يعني بعتونا طلاب علم بس شكلو بعتونا طلاب وشحادين منشان كل ما طلبنا منهم يحسو بعظمتهم ودمتم
بلاد العرب أوطاني
-

2010-02-22 13:21:38
rahed
لا حياة لمن تنادي
ألى الزميل صاحب المقال شكرا له على وصف معاناتنا نحن هنافي مصر.........ومتل مابيقولوووو رحنا بين الأجرين فعلا........نتمنى من وزارتنا الموقرة وبالظاهر رح نضل نتمنى... شي بيضحك فعلا....قال باعتين الطالب المعتر يعمل بحوث وهو أصلا عم يحاول يعمل بحث عن حالو ويشوف حلول لمشاكلووو مع الوزارة... كاسك ي وطن....نتمنى الرد من الوزارة ومن المالية أيضاودمتم.....
egypt
-

2010-02-22 09:46:18
حائروا مصر
الى متى
الى وزارة التعليم العالي بربكم الى متى سوف تظلوا تنظروا الى موفدي مصر على ان لاهم لهم الا جمع الاموال والاستثمار في الاسهم والشركات,فكروا فينا في مشاكلنا في جامعاتناو في معاناتنا اليومية,اعزائي نرجو منكم ان تفهمونا والله لا أحد يحب ان يظل بعيدا عن اهله وناسه من اجل توفير بعض المبالغ المالية,نرجو منكم تغيير هذه النظرة مع العلم ان مصرالآن غيرذي قبل
سورية
-

2010-02-21 23:01:37
موفد على باب الله
تقصير دائما من جامعة البعث
المشكلة انو التاخير دوما من جامعة البعث و شو بيتحججو انو الميزانية اول السنة بتاخر طيب هل من المعقول طلاب جامعة دمشق تاتي رواتبهم بآخر الشهر الاول و جامعة البعث لا حياة لمن تنادي فهمنا مصاري مافي بس جداول الطلاب ما وصلت لهلق يعني التقصير واضح و كلهم مشتركين من رئيس الجامعة و جر بقاالله يستر من اللي جاية انا عم احكي على جامعات اوربا و الله يكون بالعون
اوربا
-

2010-02-21 18:35:07
معيد موفد
كله بيقول قديش توفر
يا جماعة والله أكثر ناس متبهدلة بالايفاد في مصر هم معيدي الجامعات ووقوعهم تحت تسلط المجالس وموافقة عديمي الخبرة والمعرفة من الأساتذة على صرف أوعدم صرف مستحقاتهم وأول سؤال أول ما بيشوفو النازل اجازة لبلده شو صار عندك قديش بتوفر اشتريت بيت عملت شي مشروع هون تستثمر مصاريك
مصر
-

2010-02-21 14:15:21
موفد مصر
نزول اليورو
الوزارة تحسب الراتب على أساس سعر اليورو=66.77ليرة سورية لكن السعر الحالي لليوروهو 62.88 ليرة يعني هناك خسارة 4 ليرات في كل يورويتحملها الطالب الموفد, لذلك نقترح تعديل سعر صرف اليوروبحسب سعره في السوق وعدم تثبيت سعر الصرف لليوروعلى قيمة محددةو ثابتة
مصر
-

2010-02-21 02:14:17
موفد
رجعولنا الخسارة
وفق نشرة البنك بيوم 18 شباط بعديوم من قبض رواتبنا في مصرالمستحقة في اخر شهر 12 اي تاخيرشهر ونصف نجدان خسارة الموفدالعزابي من جراء التحويل من الدولار الى اليورو31000 ليرة في السنة والمتزوج مع ولدان 50000 ليرة يعني بمدة الايفادالخسارة 250000 ليرة وهو مبلغ ليس بالقليل ابدايعني الخسارة وصلت ل7.5% وليس 6% *******
مصر
-

2010-02-20 21:54:23
موفد الى مصر
ماذا تريدون أن نصبح ؟
السؤال الذي يطرح نفسه هل تبحثون فعلا عن كوادر علمية لتطوير البلد وترسلونها لكي تحصل ع الشهادات العليا ايمانا منكم بتطوير البلد؟ أم هو واجب ارسال الطلبة للخارج لكي نقول ارسلنا وأوفدنا ؟ فإذا كانت غايتكم الأولى فأنتم تصنعون كوادر خبيرة همهاالحسابات والحصول على لقمة العيش فقط والمطالبة بالرحمة وعدم الذل بسبب الرواتب الهزيلة واذا كانت الثانيةفقلوا بصراحة
مصر
-

2010-02-20 21:23:51
درويش
اغيثونا
ان الخسارة التي طالت الموفدين في مصر من جراء انخفاض اليورو اثرت بشكل على دخولهم ولابدمن اعادة النظر بالموضوع وانصاف الطلبة
مصر
-

2010-02-20 21:09:10
طالب حق
لاحياة لمن تنادي
لما اسمعنا انو الراتب صار باليورو انبسطنا قلنا فرجت ولكن للاسف نتيجة تحويل الراتب الى يورو خسرنا الزيادة وفوقها زيادة وكل ماقلنا في غلط بيقلولك المسوولين انتو طلبتو يصير راتبكو باليورو صحيجح طلبنا بس مو ينقص عن الدولار طلبنا تعطونا حقنا بس مو تاخدو حقنا وهادا عاطول عم يصير معنا بتقولي موفدي مصر بحسابات الوزارة والجامعة منفيين وليسوا موفدين
اكيد مصر
-

2010-02-20 16:28:04
الى متى
انصفو طلاب مصر
للعلم فقط نسبة الزيادة الاخيرة للطلاب الموفدين التي هي 20 %اثر تحويل من الدولار الى اليورو خصمت من قبل وزارة المالية
مصر
-

2010-02-20 15:48:04
مصر
معك حق
زميلي العزيز كاتب المقال والله معك حق في توصيف المشكلةوفق ما ورد ... إلا انني اريد أن اوضح القول أن فرع مصر يتحرك ويشرح ويوصل القضايا الى سورية كذلك فإن الاتحادفي دمشق يناضل ويسعى على مختلف الاصعدة لتحقيق ذلك وفي كثير من الاحيان وحسب علما من الفرع أن الزميل رئيس الاتحاد و رئيس مكتب الفروع الخارجية يعترضون ويتحفظون إلا أن المشكلة في استجابة الوزارة
مصر
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات