مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
شباب: "التشات" عبر الانترنت مجرد نافذة للبحث عن العلاقات الجنسية العابرة
تحقيقات

فتيات: طلبت منا علاقات جنسية فرفضنا وانتهت العلاقات ببساطة لهم وألم نفسي لنا

كان من المحال لقاء المحبين في عهد ليس بعيداً، وخاصة في ساعات الليل المتأخرة، لتصبح شبكه الانترنت المتنفس الوحيد لهؤلاء الشباب،


فأصبح التواصل عبره هدفاً لكل عاشق ومحب وأصبح سهلاً أن يلتقي الشاب فتاته في أي وقت شاء ويرى كل منهما الأخر، دون قيد أو شرط، ودون الخوف من أن يراهما أحد الأقارب الذي شكل هاجسا للعشاق من قبل.

وطرح البعض العديد من الأسئلة حول هذه العلاقة، وكان منها: هل الحب على شبكه الانترنت صادق بالفعل؟؟، وإن كان هناك حب صادق،  فهل هو مثمر أم اقتصر على المراهقين والباحثين عن العلاقات العابرة؟؟.

والتقت سيريانيوز بعض الشباب الذين ارتبطوا بعلاقات حب على الإنترنت، إما استمرت وإما فشلت، وروى لنا وائل قصته السابقة مع فتاة لم تتجاوز الـ18 من عمرها، حيث قال إنني "أحببت عن طريق الإنترنت، وذلك عبر دخولي إلى غرف الدردشة، تعرفت عبرها على فتاة أصغر من عمري بحوالي 4 سنوات، مع يقيني أنها مراهقة في البداية، لكنني تعلق بها كوني أعاني من فراغ في عواطفي".

وتابع "تواصلت معها لمدة 3 أشهر وطلبت منها أن أعرف شخصيتها وشكلها الذي كان متخفياً خلف حروف الشات" مضيفاً "اعترفت لها بحبي مع أني لم أكن صادقاً بهذه المشاعر ولم يرق لي شكلها كثيراً بعد أن التقيتها، وفي المقابل لم أقطع العلاقة معها، كون علاقتنا التي استمرت عدة أشهر على الانترنت، ليلاً نهاراً، لم يكن من السهل نسيانها والتخلي عنها".

شاب: كذبت طوال سنتين، وأدركت بعدها أنني مرتبط بعلاقة يمكن أن تسمى أي شيء ما عدا الحب

وكشف وائل عدة أمور كان يتبعها من دون علم "حبيبته"، وقال "استمرت علاقتي بها حوالي سنتين تكلمت بها  عن نفسي أشياء كثيرة غير صحيحة وأدركت بعد فترة أنني مرتبط بعلاقة يمكن أن تسمى أي شيء ما عدا الحب".

وأردف "حتى الآن أنا استخدم هذا الأسلوب مع عدة فتيات على الإنترنت، وأعاملهم "كحبيبات" لكنني تعلمت درساً من تجربتي الأولى أن الإنترنت مجرد تسلية للطرفين، وأنا على يقين أن الخيانة خلال علاقتنا كانت من طرفين".

ولم يستخدم الانترنت من قبل الشباب للبحث عن الحب فقط، فمن وجهة نظر مجد كان الانترنت نافذة للبحث عن العلاقات الجنسية، وقال إنه "لا ابحث في الانترنيت عن الحب لأنني لا أؤمن به عبر هذه البوابة، ويقتصر بحثي عن علاقات غير شرعية، أغلبها لاقى النجاح وحصلت على ما أريد لأن الطرفين يريدان ذلك".

وأكمل مجد "أكثر المواضيع المطروحة في أحاديثي عبر الشات كانت تدور عن الجنس، وبرأي أن فتاة الإنترنت لا تصلح لأن تكون واقعية أبداً كوني لا أستطيع ضبط نقطة الخيانة فأنا لا أعلم عدد الشبان الذين تتحدث معهم في ذات اللحظة التي تتحدث بها معي، ولا استطيع الثقة بها مطلقاً، والسؤال الذي يطرح نفسه هو: لماذا هذه الفتاة دخلت "للشات" أو صنعت "مسنجر" لتفتحه طوال الوقت؟؟".

بعد الحديث على الإنترنت كان اللقاء الأول صدمة ونهاية علاقة دامت اشهر

ومن وجهة نظر الفتيات كان الأمر أكثر سوءاً، حيث أن الفتيات هم "الضحية" في هذه العلاقات، وقالت هند "تعرفت على شاب عن طريق غرف الدردشة واستمرت علاقتي به حوالي 5 أشهر وكانت أغلب الأحاديث تدور حول الدراسة كونه طالب جامعي".

وتابعت "وبعد فترة بدأنا بالحديث عن الحب، وطلب مني لقاءاً شخصياً لنتعرف أكثر على بعض" مضيفةً أنها "ترددت بداية الأمر، ووضعت أهلي كعقبة للقاء لكنه سرعان ما هددني بفسخ العلاقة فاضطررت لأن أرضخ لطلبه".

حدد المكان والزمان ونوع الثياب ولونها وكان الموعد الأول والأخير، وقالت هند "عندما التقينا بدأ يغير معاملته معي متحججاً بأن شكلي لم يرق له، وأني لست كما توقع في البداية، حينها بدأت العلاقة تتراجع حتى انتهت، أما من ناحيتي  فتابعت زيارة موقع "الشات" الذي كان مكان لقائنا الأول، دون جدوى في لقائه".

أما من وجهة نظر بانة فإن التواصل عبر الانترنيت له فوائد ومضار وكتجربة شخصية تعرفت بانا على شاب من منتدى مخصص لقريتها وعلمت انه مغترب حالياً ولديه فكرة بالعودة بعد فترة قريبة، وقالت عن تجربتها "استمرت علاقتي به حوالي شهرين شعرت خلالها ببعض مشاعر الحب، لكنه سرعان ما وصلت إلى نقطة النهاية لأن بعد المسافة كان عاملاً كبيراً لفشل العلاقة، فاتفقنا على أن نبقى أصدقاء في حال عودته إلى سوريا، وبهذا انتهت علاقتنا التي كانت على مشارف الحب".

"عاد الحب علي عبر الانترنت بمتاعب نفسية وحالات كآبة"

وعن محاولات الشباب في اصطياد الفتيات لعلاقة جنسية عبر الإنترنت، روت سهر قصتها، وقالت إنه "عادت علي تجربتي السابقة في الحب عبر الإنترنت بمتاعب نفسية عدا عن حالات الكآبة، وكأية فتاة ترددت إلى أحد المنتديات "الادبية" وشاركت بعدة مواضيع إلى أن طلب أحد المشاركين عنواني الإلكتروني وقبلت طلبه كونه ساهم بعدة مشاركات أعجبتني".

وأضافت سهر "تعرفنا على بعض وبدأ الموضوع كصداقة بسيطة لكن مشاعر الحب بدأ تتخبط داخلي حتى اعترفت له بحبي، واستمرت علاقتنا حوالي 3 اشهر حتى صارحني أنه عازم على خطبتي طالباً مني لقاءً شخصاً لأنه لم يعد يحتمل التواصل معي عبر الانترنيت الخالي من المشاعر والتعابير".

 قبلت سهر طلب الشاب وعندما التقت به دار الحديث حول المكان الذي جلسا فيه كونه مقهى عام وقالت أنه "صارحني بعدم حبه للأماكن العامة وطلب مني الذهاب إلى شقته فرفضت، وقف عند طلبي ولم يجبرني مغيراً وتيرة حديثه إلى الكلمات الجميلة والمعسولة يتغير طارحاً بعض الجمل التي تتخللها إيحاءات جنسية".

وأضافت سهر "بدأت بالتخوف منه حتى كشف لي في النهاية بأنه يبحث عن متعة عابرة وإن لم أكن جاهزة فسيخرج كما دخل، وفعلاً تركني دون أن يحاول التواصل معي مرة اخرى، ما سبب لي أزمة أعاني من أثرها حتى الآن".

صاحب مقهى انترنت: الحب على الانترنت تفاهة وتسلية وعلاقات فارغة، مع انها منتشرة بين الشباب

والتقت سيريانيوز صاحب مقهى للإنترنت الذي قص لنا عدة قصص عن بعض زبائنه، وقال محمد "تعرفت على زبون بحكم تردده المتكرر على المقهى حتى أصبحنا أصدقاء، وأخبرني أنه على علاقة بفتاة عن طريق الانترنت، وبعد عدة لقاءات عبر الانترنيت تعرف عليها شخصياً وخرج معها لعدة مرات، وبعد فترة قرر الارتباط بها فاعترفت له أنها كذبت بكل شيء يخصها حتى الاسم،  فتأزمت نفسية الشاب فترة طويلة بعد هذه الصدمة حتى انه لم يعد يتردد للمقهى إطلاقاً".

وتابع محمد "لدي موظف يحب عن طريق الانترنت، حتى أصبحت لديه امرأ عاديا بأن يصارح جميع الفتيات التي يتعرف عليها عن طريق الانترنت بالحب" مضيفاً إنه "ينتظر هذا الشاب الزبونة حتى تدخل إلى المقهى لاستخدام الانترنيت، فيسرق "ايميلها" من برنامج "EASY CAFFE" على "السيرفر" وعندها يقوم بتسجيل عنوانها ويحاول التواصل معها وإذا تجاوبت يعترف لها أنه من طاقم عمل المقهى والإيجابية الوحيدة أنه لا يكذب عليها بهذه النقطة".

وأكمل محمد "برأي الشخصي، الحب على الانترنت مجرد تفاهة وتسلية وعلاقة فارغة لا قيمة لها مع انها منتشرة بين الشباب، فهي عبارة عن فراغ عاطفي يحاول الشاب ملئه بأي علاقة سهلة المنال وعابرة، فكيف يتعرف الشخص على آخر دون توافر أية معلومات موثوقة عن الطرفين".

خبير نفسي واجتماعي: غالباً ما يكون الباحث عن الحب عبر شبكة الانترنيت، يعاني من فراغ عاطفي

وللظاهرة تفسير من الناحية النفسية، وللوقوف على الموضوع ودوافع هذه العلاقات، التقت سريانيوز مع الخبير النفسي والاجتماعي أسامة خليفة، الذي قال إنه "غالباً ما يكون الباحث عن الحب عبر شبكة الانترنيت، يعاني من فراغ عاطفي، وبحاجة إلى أية مشاعر لسد هذا الفراغ، والفارق الأساسي بين اللقاء الشخصي واللقاء عبر الانترنيت أن الأول يحقق جزء من الإشباع العاطفي بصورة أكبر".

وأضاف خليفة أن "العاطفة متجددة وتحتاج لإشباع دائم فاللقاء عبر الانترنيت قد يخلق هذا الإشباع المؤقت في حال كان صادقاً، أما إن كان كاذباً ولأهداف غريزيه فقد يترتب عليه عواقب وخيمة".

وبين خليفة أن "الانترنت أحد وسائل التعارف والتواصل كأي وسيلة أخرى، والحب هو عبارة عن مشاعر لا نملك لها صد ولا رد فلو كانت عبر "الشات" أو عبر لقاء عابر في الطريق فالنتيجة واحدة"، وأضاف "لكن من الطبيعي أن يعطي المرء انطباعاً مبالغاً فيه  بصورة أكبر أثناء اللقاء عبر الانترنيت، كون العلاقة مبنية على صورة غير ملموسة".

ورأى خليفة أن "الانترنت أو "الشات" أو "المسنجر" وغيره من وسائل التعارف، ما هي إلا أحد العوامل التي تكون وسيلة لإيصال مشاعر الشخصين لبعضهما البعض، فإن كانت المشاعر صادقه من كلا الطرفين فسوف يكون هناك حب ونسميه إيجابي، وفي حال كان غير ذلك انقلب إلى استغلال مجرد من أي مشاعر".

حسام قدورة – سيريانيوز شباب


 
2009-11-24 02:16:07


شارك بالتعليق


2010-02-20 09:47:26
متفهم
تشات
هذه هي الحضارة فاذا اسئت استخدامها اساءت لك وهنا يكمن دور الاهل فعليم توجيه ابناءهم الى الطريق الصحيح ودمتم
syria
-

2009-12-03 10:10:16
شاب واقعي
القصة واضحة
التشات وسيلة المجتمع هو يلي خلقها بسبب الطريقة يلي بيتعامل فيها الشب بالواقع اذا حاول يتقرب من بنت والبنت تعامله بهي لطريقة مع انو الها تلتين الخاطر اما بالتسبة للبنات فبيحبو النيت لأنو بكل بساطة البنت بتكون قبيحة او ذميمة الشكل بتحط صورة لانجيلينا جولي وبتلاقي اهتمام من شب ومعاملة بالواقع بحياتها ما بتنولها بكل بساطة لانو بالواقع شكلها مفضوح ودمتم
-
-

2009-12-02 22:02:06
mahmoud7
النت عبارة عن بابين أحدهمان نافع والآخر ضيلعة للوق
الماسنجر بشكل عام برأيي ضياعة للوقت يعني هل الشباب بدال ما يفتحو عل الماسنجر يفتحو على مواقع الأخبار أو التعليم يعني الواحد يبدأ من نفسو مثلا انا واحد من شباب الماسنجر وناوي الغاء الماسنجر من حياتي وصحيح الحب غريزة بكل انسان بس كمان مو كل انسان لازم يكون عبد لنفسو وأهوائويعني لازم النسان يستفيد من وقتو وشكرا........
s.y.R

2009-11-29 12:45:19
reem
??!!!
ياجماعة اذا لاحظتو انو كل يلي عم يحكو هنن شباب او بنات عايشين بسوريا وانا بتوقع انو هنن اساسا عم يلجؤا لهالشي بس كرمال يخلصوا من الضغط يلي عايشين فيو او بيعتبروها وسيلة امنة اكتر بس هادا الحكي مابيتعمم انا مثلا عايشة بالامارات ومرتبطة بشخص عايش بالسعودية بس نحنا كتير متفقين ومنحكي عالنت وعالتلفون ياجماعة الدني ماخليت والا مايكون في حدى بيستاهل الثقة ولو
UAE
-

2009-11-28 12:37:39
بنت من طرطوس
النت موسيئ
بصراحة انا مجالي بيتعلق بالشغل على النت ويمكن كنت من اول ناس استخدموه انا وحدة من هل الناس الي تعرفت على شب وحبينا بعض وهلا خطبناوقريبا رح نتزوج بس السؤال الي بطرح نفسو هل معقول كل البنات سيئات ولا كل الشباب هاد موضوع بتعلق بالطرفين المهم انو التكنولوجيا ممتازة بس نعرف استخدماتهابالشكل الصح
سوريا
-

2009-11-28 01:43:42
كل انسان يعمل على شاكلته
النت متلو متل اي وسيلة معرفة تانية
اناكنت من الناس اللي ضد فكرة الحب او الارتباط عن طريق النت بس بشكل غير مباشر وقعت بحب فتاة عالنت وحاليا مخطوبين بس من جهتي اعتبرت معرفتي فيا عالنت كوسيلة بدائية للتعرف عالبنت بس ما اكدت مشاعري لحتى اتعرفت عليها بالواقع وتمت خطوبتي على طريقة الزواج التقليدي بالظبط ومن عدا هيك اتعرفت على صديقين على النت والان تربطني بهم علاقة وثيقة, وعلاقة عمل ايضا
-

2009-11-27 23:40:45
sebaweh
طولوا بالكم..
القصة مابدها كل هالقد,العلّة مو بالنت ولا بالحكي عالنت,العلة بالأشخاص الي بدو جنس بيلاقي والي بدو تفاهة كمان بيلاقي وبالنهاية الشخص المو محترم بحياتو الواقعية مارح يصير بني آدم ورا الكمبيوتر,الأساس هو الصح ,والبنت الي بتحترم حالها هي الي بتخلي الشب يحترم حالو وما بتعطيه طريق ليحقق أهدافه وخصوصا إنو الشخص بيبين عليه إن كان منيح ولا عاطل..
syria

2009-11-26 12:56:57
أبو العبد
فقط في العالم العربي
هاد الكلام فقط في العالم العربي. في دول الغرب لا يوجد شيء من هذا الكلام. يستخدمون التشات في أمور مهنتهم و دراستهم عبر تبادل المعلومات السريعة. اما عنا..... كل شي ممنوع مرغوب. و هاد الطريق الوحيد للتسلية
سوريا
-

2009-11-26 09:37:57
شب تشاتي
مزبوط
على فكرة انا بدخل على التشات من خمس سنين وإذا بدي احكي على كم بنت تعرفت يمكن يا اربعين يا خمسين وحدة المهم انو من هالخمسين يلي تعرفت عليهم تنتين طلعو مقبولين وال 48 يعني بدك تحطهم بكيس زبالة وتكبهم بالحاوية ما علينا من هالتنتين يلي تعرفت عليهم حبيت وحدة عن جد وخطبتها رسمي بس ماكملت قصتنا بسبب أهلها على كل حال لهلأ بتعرف على بنات من النت بس لعلاقات عابرة
-
-

2009-11-26 01:29:51
مازن خيمي
هي القصة ما بتنحل بسرعة
التوعية والاعلام وهالقصص برأي ما بيفيد ولا بيجيب إلا نتائج إيجابية بيسطة, هي فترة وبتعدي على معظم الشباب اللي بيستخدموا التشات انو يحبوا ويتمعشقوا لفترة سنة او سنتين, اخر شي بيحس حالو انو عميضيع وقت وشوي شوي بينسحب من الموقع اللي عميفوت عليه واخر شي بيلتهي بشغلة تانية بشغل او دراسة اكتر او بيسافر ومابيعود بيفضا لهيك قصص...
سوريا

2009-11-25 20:50:42
د.ياسر
تعليق
أن العلاقات التي تتم عبرى النيت لا يمكن ان تكون علاقة محبة صادقة وانماالغاية منهاأشباع الغريزة الجنسية للطرفين سواء عبرى النيت أو القاء ومايجر خلفه...
سورية
-

2009-11-25 20:27:54
الشاطئ المهجور
كل شي بيصير
انا عندي قاعدة بتقول كل شي على النت بيصير بس شو يعني شات
بنغلادش البلد
-

2009-11-25 17:41:30
بنت واعية
حسبنا الله ونعم الوكيل
لازم يكون في توعية لهالشباب والبنات أكتر من هيك ،ولازم يسمعوا ويشوفوا قصص يلي قبلهم لحتى يقدروا يبعدوا نفسهم عن ادمانهم على المسنجر والشات ودور الأهل كبير لانو كمان لازمهم توعية، المفروض ما يحسوا اولادهم بفراغ عاطفي ممكن ان يكون جو البيت والرفقة كافي لهالمراهقين ، بس ياحسرة كل واحد غرقاااااان بمشاكلو وماعاد يعرف كيف بده يهرب من حياته ..غير بهالشات
سوريا
-

2009-11-25 17:18:43
ياسمين
أهداف أخرى
ليس من الضروري أن تكون علاقات الانترنت علاقات تبحث عن الجنس وإشباع الرغبات بل من الممكن أن تكون علاقات صداقة وأخوة ناجحة يكون الطرفان فيها صادقان بما يتحدثان عنه على سبيل الفضفضة وتفريغ ما يجول في خاطره شابا كان أم فتاة
سوريا

2009-11-25 13:56:55
hikmat.media
الصحة والفراغ
أرجوك افهمني اسأل مجرب ولا تسأل حكيم قال صلي الله عليه وسلم:(( نعمتان مغبون فيهما كتير من الناس: الصحة والفراغ )) لا يمكن أن ننكر أن المشكلة الرئيسية تكمن في أساليب منع وتصوير وتبشيع ماهية الزواج بطريق مباشرأو غيره وخاصة أين الخطبة الشرعية التي أمر بها الله قبل الكتاب أرجوكم عودوا إلى الأسباب الحقيقية
سوريا

2009-11-25 12:14:50
helen
التعميم مرفوض
بظن انو البنت اللي ما عندها وعي كافي مالها مضطرة تعد عالنت حتى العالم يستغبيهاوكذلك الشب واللي بدو علاقة شرعية او مو شرعية بيكفي انو ينزل عالشارع في اشكال الوانمالو مضطر يعد ورا شاشة النت وسيلة اتصال عادية للاصدقاء والتعارف ومن زمان كانت مي وجبران يحبوا بعضون كتابة عالرسايل شو الفرق الحب غير موجودعالنت لكن الصداقة موجودة
syria
-

2009-11-25 12:14:49
helen
التعميم مرفوض
عنجدملينا من فكرة انو البنت غبية وبينضحك عليها ليش مامنستخدم النت كوسيلة لكسب اصدقاء اللي بدو علاقات شرعية ومو شرعية ينزل عالشارع ففي اشكال الوان موبيعد ورا شاشةفي ناس مغتربة وفي ناس قاعدة ورا مكاتب طول النهار
سوريا
-

2009-11-25 10:54:05
سوري-جزراوي
المنطق
يعني اول شي النت وسيلة متلو متل غيرو ومو ضروري كل علاقة تفشل منحط الحق عالنت والكزب. في ملايين العلاقات في الحياة بتفشل وفي كزب ممكن يصير حتى لو المعرفة شخصية بس ماحدا بيحكي فيا. بس الانترنت. والله بعرف ناس مافي منن وعلاقات تطورت كتيرعالنت. وفي كتير ناس بعرفن شخصي ماخرج رفقة. كلشي الو سلبيات وايجابيات. بس اللي فايت عالنت مشان حب عندو فراغ عاطفي.شكرا.
سوريا
-

2009-11-25 10:01:34
لالو
قمة الغباء
يعني أنا بستغرب إنو لما منسأل ست أي واحد فيناكيف اتجوزتي جدو؟ بتجاوب ع الصورة، منصيير منضحك فكيف ممكن نحنا نحب و نتعلق بشخص اذا كان حاطط صورة بالتشات ممكن ماتكون صورتو. فهدا قمة السخافة والسذاجة والغباء ولا أنا غلطانة؟ وبعدين اللي اخترعت الانترنت أكيد اخترعوا لشي أهم من هالترهات
سوريا
-

2009-11-25 09:31:25
R-A
بؤرة كذب
صباح الخير .. أنا لما كتبت رسالتي الشخصية على نافذة الماسنجر عبارة ( الإنترنت هو بؤرة الكذب ) عتبوا عليي الناس وسمعت تعليقات معارضة لهالكلام.. لكن في حالات بيبقى الطرفين فيها صادقين البنت بتكون فيها حاطة خطوط حمرا للشب وبنفس الوقت الشب بيكون ملتزم حدوده معها وبيكونوا متفاهمين وبينهوا علاقتهن بالارتباط لكن هي الحالات هي حالات شاذة في عالم التشات..
Syria

2009-11-25 04:13:18
دار باسيل
ممكن بلا عنصرية
مالي فاهم ليه دايما بتحطوا الشاب مكان الذئب والبنت ياحرام هي الحمل الوديع ؟!!! كتير بصير معي اني بكون عم اشتغل اي شي على النت وفجأة بتبلش توصلني رسائل من بنت ما والحكي الي بتحكيه انا بخجل لما بقراه !!! وكمان عدا النت الله وكيلكون لما منمشي بالشارع منتلطش الف تلطيشة وتلطيشة من شي شلة بنات بئى حاجة تحطونا نحنا الشباب ببوز المدفع !!
-
-

2009-11-24 21:30:50
Unknown
sometimes it can happen
i ve met a guy through the interent, we met and fell in love, we stayed together for almost a year and we wanted to get married so love can happen through the net and through the right channels
syria
-

2009-11-24 19:22:30
شاب على الشات
ذكور أم اناث
مللنا اظهار الفتاة بمظهر الضحية بين انياب الشاب المفترس تلك الكائن الرقيق الحساس و كأنها لم تصنع عنوانها على الانترنت الا بسبب انها ترغب بان تتعرف على بنات فقط "" صداقة بريئة "" و ليس حالها كحال الشباب ترغب كما يرغب و تبحث كما يبحث و تريد كما يريد و تعطي بارادتها وتاخذ من الشاب الصديق
سورية
-

2009-11-24 19:19:27
واحد من البشر
كلام جميل
شو هل الموظف شو مفكر بنات الناس لعبه بين اديه وعم يضحك عليهم شو كاين بزمناتوا اكلوا شي لطشه عاطفيه من واحده حتى هيك عم يساوي ؟؟؟؟؟؟
لايوجد
-

2009-11-24 17:37:09
سامية الحق
الصح بضل صح
انا برأي النت هي وسيلة احيانا للتفاهم اسهل من الحكي مباشرة والانسان الصح بضل صح وين ماكان والعكس صحيح ... بس لازم الواحد يكون حذر أكتر بتعاملوا مع التشات حصرا ويفكر مليون مرة قبل ما يحكي مع حدا فيه..
سوريا-دمشق
-

2009-11-24 16:41:06
وردة من هي الدنيا
كلام منطقي
الله يحفظ بناتنا وشبابنا الحكي عل النت هي وسيلة جديدة للتعارف إلها ميزاتها وإلها مساؤها بس على الأغلب نتائجها فاشلة لانو هي بالاصل مو واقعية ودائما الواقع أحسن وأسلم وأحلى...
سوريا-دمشق
-

2009-11-24 09:21:02
JSC
سبحان من عافانا
غالباً ما يكون الباحث عن الحب عبر شبكة الانترنيت، يعاني من فراغ عاطفي، وبحاجة إلى أية مشاعر لسد هذا الفراغ، والفارق الأساسي بين اللقاء الشخصي واللقاء عبر الانترنيت أن الأول يحقق جزء من الإشباع العاطفي بصورة أكبر كلام سليم وينطبق على المدونات نفس الشي لكن بنسبة أقل كلو عبارة عن فراغ عاطفي وحرق وقت وصحة على شاشة لابتفيدني لا بدنيا ولا بآخرة
سوريا
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات