مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
المتفوق الأول على سورية في الثانوية العلمي يطمح لنيل نوبل في العلوم الطبية
تحقيقات

مدحت فرواتي: سأسعى لتجنيب المرضى عملية القلب المفتوح

بالدموع استقبلت عائلة فرواتي نبأ نيل ابنها مدحت المجموع التام في امتحان الشهادة الثانوية لهذا العام من خلال اتصال هاتفي قبل ربع ساعة من صدور النتائج على الشبكة العنكبوتية "مبروك يا مدحت، أنت الأول على مستوى القطر".


لم تتمالك أمه نفسها فبكت فرحاً، ورغم أن المتصل على الطرف الآخر كان مدير التربية في حلب صالح الراشد إلا أن الشك في أن يكون ذلك "مقلب" من أحد الأصدقاء جعل الأب يصمد أمام تيار الفرح الغامر القادم ويؤجل ذلك حتى سماعه من جهة معروفة من قبله.

مدحت فرواتي هو الابن البكر لطبيب الأسنان هيثم فرواتي وطبيبة النسائية ورقاء نيازي والأخ الأكبر لعمرو، وريم، كان مستاء من قلة ساعات دراسته مقارنة مع زملائه الذين يخبرونه أنه يدرسون 12 أو 13 أو 14 ساعة بينما لا تزيد ساعات دراسته عن 6 – 8 ساعات، بهذا الأمر بدأ النقاش بين أفراد الأسرة الذين تحلقوا حول الجدة التي يبدو أنها كانت الملهم في هذا الانجاز وفي سيرة تفوق أفراد الأسرة.

نوبل في الطب

"القلب أحد الأعضاء النبيلة في جسم الإنسان" هذه الجملة التي سمعها مدحت من والدته في معرض الحديث عن تطوير طبيب مصري لولباً مكن من تقليص حالات استئصال الرحم لدى الأمهات بنسبة 90% ، جعلته يقرر أن يصبح طبيب قلبية.

هذا هو الهدف القريب، والهدف الأهم والبعيد، هو اختراع طبي يجنب مرضى القلب إجراء عملية القلب المفتوح، ونيل جائزة نوبل للعلوم الطبية ومثله الأعلى في ذلك العالم المصري أحمد زويل.

مساحة الحلم الكبيرة والمفتوحة على الاحتمالات الكثيرة كان يقابلها لدى مدحت "شبه يقين" في نجاح "لا يفسده" سوى نقصان درجة أو درجتان على أبعد تقدير "توقعت النجاح بتفوق وكنت واثقاً من نيلي العلامات التامة في كافة المواد، ما عدا مادة اللغة العربية في سؤال الموضوع بالتحديد، حيث تعتمد علامة السؤال على مدى تقبل المصحح لأدائي الكتابي".

حلم التفوق ومقابلة الرئيس

تحدثت والدته "د. ورقاء" عن تشجيعها له على الاهتمام بمادة التربية الدينية التي "كثف تحضيرها في 24 الساعة الأخيرة قبل موعد الامتحان، بعد "مذكرة إياه بوجوب نيل علامة جيدة فيها ليتثنى له تحقيق حلمه "في التفوق ومقابلة السيد الرئيس ضمن وفد الطلاب المتفوقين".

ويذكر مدحت أن مادة التربية الدينية كانت "المادة الوحيدة التي أجبرتني على السهر حتى الليل والنوم لساعات معدودة على عكس عادتي قبل حضور الامتحان".

يقر والده ببعد نظر والدته في هذه النقطة ولكل زاويته التي ينظر منها، فالدكتور هيثم كان مع ادخار الجهد الأكبر للامتحان التالي الأكثر أهمية في المفاضلة، أي امتحان الرياضيات.

و"بصراحة" يضيف الأب "دخول كلية الطب يتوقف على عدد الدرجات الناقصة ونحن نريد أن يدخل الجامعة الحكومية لأنها الأفضل علمياً كما أن الجامعات الخاصة باهظة التكاليف ومستقبلها لا يداني مستقبل خريجي الحكومية".

أمٌ طَموح

والدة مدحت اعتبرت أن الميل للتفوق هو الأساس في تحقيق أي إنجاز من هذا النوع بينما تعتبر جدته عزيزة آلاتي الحائزة إجازة في الحقوق في ستينات القرن الماضي ومربية أجيال لأكثر من أربعة عقود، أن الطموح في قلب وعقل الإنسان هو ما يدفعه لبذل الجهود المضنية لتلبية طموحه وتقص بكثير من الاعتزاز كيف حصلت على شهادة الحقوق "بشكل سري" بعد زواجها وكيف اضطرت لوقف التسجيل في جامعة دمشق بسبب الإنجاب.

لم تعمل الجدة عزيزة في المحاماة بل تولت إدارة مدرسة طوال عقود، ولأن للطموح عندها حيز كبير فقد أطلقت على ابنها البكر اسم "طموح" واضعة نصب عينيها نيل الإجازة في الحقوق.

"انتظرت إحداث كلية حقوق في حلب، وقدمت الامتحان بشكل سري كنت اصطحب أطفالي الثلاثة إلى ساحة الجامعة هم يلعبون ويلهون وأنا أقدم الامتحان حتى تخرجت وكانت مفاجأة كبيرة لزوجي".  

اعتراض غريب!

لكن د.ورقاء تؤكد على "حب التفوق وزرع فكرة التفوق منذ الطفولة" أحد أبرز مقومات حصد النتائج الإيجابية في المستقبل.

يروي والد مدحت كيف أنه قدم اعتراضا لدى دائرة الامتحانات على نتيجة امتحان مادة اللغة العربية التي نال فيها مدحت 58 درج من أصل 60 وكانت العلامتان الوحيدتان التي فقدهما من المجموع العام لامتحان الصف التاسع ويضيف بأن "الاعتراض قوبل بالاستغراب من قبل الموظف ولم يردنا رد عليه لاحقاً، وقد توقعت ذلك من خلال ملامح وجه الموظف آنذاك الذي قال "58/60 و288/290... على إيش جاي تعترض!؟!".

تعود والدته بالذاكرة إلى المرحلة الابتدائية عندما استهلك مدحت ورقة امتحانية كاملة في الإجابة على سؤال واحد، لقد كتب إجابة مشكوك فيها لم يجزم بها وبينما هو يفكر نظر في ورقة زميله ولمح فيها الجواب الصحيح فعمد إلى تصحيح الإجابة التي كان متردداً في كتابتها لكن ضميره أنبه "كيف أقوم بذلك وأنا صائم؟".

عاش كطفل "صراعاً أخلاقياً" بريئاً لقد كتب الإجابة "المنقولة" والتي كان سيتذكرها طبعاً كما قالت والدته لأنها عكس الحقيقة تماماً ومما لا يصدر عن تلميذ عادي فكيف بالمتفوق تتناوب الشطب مع الإجابة الخاطئة كحوارية داخلية حتى استهلك غالبية أسطر الصفحة وفي النهاية استقر رأيه على تسجيل الإجابة الخاطئة معتبراً أن ليس من حقه كتابة الإجابة الصحيحة كون عينه "رفــّت" على ورقة زميله وقد صارح أمه بما جرى!!

التخطيط والتنفيذ

ويروي مدحت عن برنامج تحضيره للامتحان التي ساعدته فيه والدته ويقول "بدأت دراسة مواد الثالث الثانوي منذ العام الدراسي الماضي فقسمت المواد على عامين، وبمعدل أربع ساعات دراسية لكل يوم إلى أن وصلت إلى العشر ساعات في الأيام الأخيرة من شهر أيار".

ويضيف "اعتمدت على الدراسة النهارية بدءاً من الساعة 8:30 صباحاً، تتخللها أوقات الراحة والغذاء ومتابعة بعض المسلسلات التي أحبها والتحدث مع أفراد عائلتي والأصدقاء".

ويصف مدحت طريقة أدائه أثناء الامتحان فيقول "استطعت التغلب على الشحن والتوتر الناتجين عن دخول قاعة الامتحان بالتروي والتركيز لدقائق معدودة بعد الحصول على ورقة الأسئلة ومن ثم كنت اسمي باسم الله وأقرأ وأجيب على السؤال تلو الآخر وانتقل إلى السؤال الذي يليه عندما لم أكن أعرف الإجابة عليه دون تضييع الوقت ثم أعود إليه لاحقاً".

وعن ثانوية الباسل المختلطة للمتفوقين يقول مدحت: "أنها تمتاز عن غيرها من الثانويات بقدرات وخبرة مدرسيها وإلمامهم بمبادئ التصحيح وسلم العلامات، كما أن جو المنافسة السائد في الثانوية لكون جميع طلابها من المتفوقين على مستوى المحافظة يشكل حافزاً ودافعاً للعمل أكثر" ويتمنى مدحت "المتعب من الدوام الطويل للثانوية" من الطلاب التركيز على حصص الإثراء حتى في الصفوف الانتقالية "لأنها تفيد الطالب كثيراً في السنة الأخيرة من دراسته".

الانجاز الباهر لمدحت وضع شقيقه الأصغر عمرو في تحد كبير، وهو متفوق كذلك ولم يفقد سوى أربع درجات في الصف التاسع.

وعمرو هو طالب في الصف الحادي عشر في ثانوية الباسل المختلطة للمتفوقين يقول "طموحي هو دخول كلية الطب والتخصص في طب العيون، ومادة العلوم هي أحب المواد بالنسبة لي، وأخشى مادة الرياضيات كثيراً".

ويتحدث عمرو عن جو المنافسة بينه وبين أخيه بدءاً من الدراسة "ومسؤولية التفوق التي حملها إياه مدحت" وصولا إلى رياضة كرة المضرب وكرة الطاولة التي يمارسها مع أخيه.

استقبلتنا العائلة بكهرباء مقطوعة، وأبينا أن نغادرها إلا على نور متذكرين "فتاة السراج" التي نالت المركز الأول على مستوى محافظ حلب دون أن يكون في منزلها تيار كهربائي ضاربة المثل الساطع في أن إرادة الإنسان أقوى من كل الظروف، إلا أن شركة الكهرباء مددت تقنينها لذلك اليوم ساعة إضافية!!

باسل ديوب – بمشاركة سركيس قصارجيان

سيريانيوز شباب – حلب


 
2009-07-23 02:40:38


شارك بالتعليق


2011-07-18 09:57:20
نسمة
الله يوفقك
ألف ألف مبروك إن شاء الله للأعلى والأحسن يا رب بنجاحك ونجاح غيرك رح تزدهر سوريا ورح تغنوها وربي يوفق كل طلاب
سوريا

2009-08-01 21:00:55
Syrian in America
lol
حلوة الحماسة بس يا ابني كل من يطمح لنيل جائزة نوبل سيفشل يعني دروس منيح واشتغل يلي عليك والا ما تاخد تقدير بس حلوة هي روح الشباب وقت كنا بعمرك كنا نفس الشي
USA
-

2009-07-30 00:31:00
prince
ملاحظة
الف مبروك بس ان شاء الله تستفيد الدولة من هلقدرات الصعبة يعني مواي واحد يستطيع ان يقدم مثل هذا الانجازوانشاء الله نكون مثله لانوسنة القادمة عندي بكلوريا انتم السابقون ونحن اللاحقون
قلمون
-

2009-07-30 00:05:26
جائزة نوبل
جائزة نوبل
الف مبروك بس فقط ملاحظة قبل التكلم عن حائزه نوبل عليك ان تكون طبيب على قدر من العلم و من ثم تجري من الابحاث العلمية ما قد يؤهلك لنيل هذه الجائزه لذلك تحتاج الى كثير من العمل و الاحتهاد على كل بالتوفيق و ارجو ان نسمع اخبارك و جائزة نوبل
سوريا
-

2009-07-29 17:15:20
طالبة بكالوريا
الله يهنيك
ألف ألف مبروك التفوق والله انك بتستاهل وانشاءالله بتوصل لهدفك بالحياة وانا الحمد لله مبسوطه بنجاحي كتير
سوريا
-

2009-07-28 00:25:24
لمى
ألف مبروك
ألف ألف مبروك بهنيك بنجاحك وطموحك الرائع
سوريا

2009-07-27 14:08:16
طالبة
إنصاف
ألف مبروك للناجحين وللمتفوقين بالبكالوريا وخاصة زملائي السابقين من مدرسة المتفوقين كلن بالتساوي على اختلاف مجاميعهم محمد شرباتي, حسن شعباني, مدحت فرواتي, راما قصير , رنيم جيعان , بريفان رشيد..................إلخ ولنكون منصفين مدحت والمذكورين وغيرهم بيستحقو المجموع التام بجدارة إنو تكون البكالوريا بصم ببلدنا ما يعني إنو المتفوقين بس بصيمة دون أي ميزة أخرى يعني هنن بيملكو ميزة الحفظ القوي يلي ساعدتهم للوصول لهاد الشي وأكيد بيملكو غيرها مزايا إيجابية
سوريا
-

2009-07-27 07:46:08
طالبة
انصاف
ألف مبروك للناجحين وللمتفوقين بالبكالوريا وخاصة زملائي السابقين من مدرسة المتفوقين كلن بالتساوي على اختلاف مجاميعهم محمد شرباتي, حسن شعباني, مدحت فرواتي, راما قصير , رنيم جيعان , بريفان رشيد..................إلخ ولنكون منصفين مدحت والمذكورين وغيرهم بيستحقو المجموع التام بجدارة إنو تكون البكالوريا بصم ببلدنا ما يعني إنو المتفوقين بس بصيمة دون أي ميزة أخرى يعني هنن بيملكو ميزة الحفظ القوي يلي ساعدتهم للوصول لهاد الشي وأكيد بيملكو غيرها مزايا إيجابية ولا يعني إنو يلي ما حصلو علامات هنن أقل ذكاء وقدرات منهم وحلم مدحت حق مشروع لكل إنسان تفوق بالبكالوريا في سوريا أو جمع قليل وما تفوق أو شو ما كان وضعو وما دام الهدف هو الإنجاز بحد ذاتو وليس الجائزة فأنا بحترم هاد الشي بس ليش معتبرين إنو هو ما بدو طب ؟ الواضح إنو شربان الطب وعميمشي بدمو أنا بستغرب من مجتمعنا يلي بيضل يزن على راس الواحد حتى يدخل طب و إذا بيحبو شي ولد بيقولولو يا دكتور من صغرو وبيحترمو بالأول والآخر الدكتور أكتر شي وهلأ لما صار الطب بين إيديه صار كخ؟ مع إنو أنا من أنصار إنو يدخل أي إنسان بناء على رغبتو مو على مجموعو وضد إني أحترم حدا بس بناء على قيمتو الإجتماعية يعني طب , صيدلة........ وموفقين الكل
سوريا
-

2009-07-27 07:30:06
حسام الدين السوري
لا تسمع من حدا.. الله يباركلك ويبارك فيك
وفي واحد صاحبي بالتاسع طلعلو عامة بس كان يحب التجارة ورغم الضغوطات من أهله قلهم هاد مستقبلي وهاد يلي بدي ياه.. وراح درس تجارة بعد التاسع.وأنا شايف أنك أنت حابب هالفرع (الطب) إذا هاد اختيارك لا تردعلى أي تعليق أو أي حدا. وتذكر أنو هاد مستقبلك.. اخترالفرع يلي بتحبو عشان تنتج فيه.اذا ما اقتنعت انت نفسك بالفرع مارح تنتج فيه.وألف مبارك جائزةنوبل (سلف)
السعودية
-

2009-07-27 07:25:34
حسام الدين السوري
لا تسمع من حدا.. الله يباركلك ويبارك فيك
مبارك نجاحك يا أمل الوطن يا أمل سوريا أنت وكل أشبالنا في أراضي الوطن.. أنا شايف انو انت حابب تنجز شي بمجال الطب.. الله يباركلك ثابر وإلى الأمام.. أنا لما كنت بعمرك واجهت ضغوط كبيرة من عائلتي عشان أدخل طب أو هندسة بس أنا بحب اللغة الانكليزية ودرست وعلاماتي كانت تخولني أدرس هندسة لكن اخترت الأدب الانكليزي لأنو هاد مستقبلي أنا وهاد يلي بدي ياه انا. يتبع..
السعودية
-

2009-07-26 18:49:18
م.فهمي
تمني
مباروك مدحت ... و أنشالله أبني محمد السنة الجاية
سوريا

2009-07-25 16:05:51
Saleh Al-Suleiman.Moscow
ألف مبروك مدحت
ألف مبروك مدحت ! أزف لك التهاني من مدينة موسكو عاصمة روسيا الأتحادية . وأتمنى لك الصحة والعافية من أجل تحقيق جمع آمالك وأحلامك .
-

2009-07-25 02:15:56
حاسوب ونظم تعليم مفتوح
لورا وليون و تايجر
كلام سليم وحكي الي بقلبي بشكركن عليه وبتمنى التوفيق لمدحت بس حدا يطبعلو الصفحة أو يبعتلو اللينك هاد حتى يشوف كلامنا ويقرر نحن مالناحاسدين ومنتمنى الخير للكل بس الشي الي بيزعل هوالعرف العام كل مين جمع معدل عالي لازم يدخل الكلية العليا الي بيقدر يوصلها مجموعه بالثانوية جمعت200وماطلعلي اقتصاد بالعلمي ولقيت حالي بالتعليم المفتوح ومرتاح كتير رغم المسخرجية
-
-

2009-07-25 01:05:15
جلال
بدها شوية فهم يتبع..
دخول كلية الطب لأن علامتهم أتاحت لهم ذلك أقول : ليتذكروا أنهم دخلوا كلياتهم بسبب علامتهم ولم يسافر أحد منهم إلا بعد فشله الذريع في وطنه شكراً على أمل أن يدخل أولادكم في المستقبل الكلية التي سيرون أنهم سيبدعون فيها.
سوريا

2009-07-25 00:28:38
جلال
بدها شوية فهم؟؟؟؟؟
بالتأكيد ألف مبروك لمدحت على الإرادة الموجودة عندو و مو موجودة عند أغلب أصحاب التعليقات المنغاظين من دخول مدحت إلى كلية الطب لأنهم فلحوا بالبكالوريا و ما طلع معهم شي معقول.. و مع أنون بيعرفوا إنو بكالوريتنا الحالية تعتمد على البصم مع شوية فهم ضرورية..وإلى كل من يعتبر حاله ناجح أو مبدع في مجاله بسبب اختياره الحر له على أساس ويلوم مدحت وأمثاله على يتبع..
سوريا

2009-07-24 15:53:02
يحيى
ألف مبروك من كل قلبي
ألف مبروك يامدحت...وان شاء الله عقبال تحقيق الحلم الكبير أنا كمان قدمت السنة بكلوريا وكان طموحي متل طموحك وجبت 255\260(50837\حلب\علمي نظام قديم)لكن الظروف وعامل التوفيق أثرت كان حلمي دخول مدرسة المتفوقين لكني رفضت لأن درجات التاسع لم تؤهلني 273 فدرست في الريف حيث ظروف التعليم صعبة وأتمنى أن أقبل بالكلية التي عدت السنة من أجلها وهي الطب وعندها نصبح أصدقا
سوريا-حلب
-

2009-07-24 13:48:26
طالبة علم مدى الحياة
ألف مبروك مدحت .. هنيئاً بلادي الحبيبة
ألف مبروك يا مدحت .. رجائي أنو تحط الحاسدين وذوي النفوس الضعيفةوراك دائما بالحياة .. فيه ناس همها إحباط الناجحين والتقليل من شأن إنجازاتن .. تابع بالاختصاص يلي بتشوفوا مناسب والله يوفقك..أنا طالبة كانت علاماتي سيئة بالبكالوريا ودخلت فرع عم تابع فيه دكتوراة ببريطانيا..لاتسمح لحدا يأثر على طموحك بالخير ونيل جائزة نوبل. بالتوفيق ان شاء الله
بريطانيا
-

2009-07-24 10:53:49
لورا
الى سوري مغترب
أول شي أنا مالي غيرانة تاني شي أنا طالبة سنة تالتة عمارة و بقلك أنو الرياضيات و الفيزياءتبع البكالوريا فيها بصم لسبب اني مجربتها بس يبدو أنك معذور للأنو يمكن ما معك بكالوريا أو أنو بكالوريتك صناعة و على فكرة الطلاب عنا عم يرسبوا بالعشرات مع العلم علاماتهم بالبكالوريا أكتر من 220 فلا تقلي البكالوريا بتحدد مستوى الطالب الله يرضى عليك أرجو النشر......
سوريا الغالية
-

2009-07-24 11:02:48
محمد خالد
مبارك لك يا مدحت
الف الف الف مبارك يا اخي مدحت من هنا ان شاء الله طريقك وان شاء الله توصل للي بدك ياه
سوريا

2009-07-24 06:42:45
Tiger
لحظة رواق
مبروك مدحت لكن البكالوريا أصبحت حافزاً للطلاب على إغلاق العقول والتفكير بالنسخ واللصق لقد اجتمعت بكثير من الطلاب النوابغ والذين دخلوا كلية الطب والهندسات ووجدت قسماً كبيراً منهم أغبياء بالمطلق ومع احترامي لمن دخل عن قناعة بس المشكلة وقت الواحد بيجمع مجموع تام فوراً بيتوجه ليحرق طموحه ويدفن ابداعه بشيء اسمو طب !! كرمال برستيج العائلة والله ابنا دكتور!!
وكلام lion ممتاز ولا غبار عليه
-

2009-07-24 00:38:22
advice
advice
every one that thinks baccalorat is a big success should konow that all our diplomas dont worth a thing in all over the world even in arab countrie so stop dreaming and start to look in a different way
france
-

2009-07-24 00:36:51
محمد
الحلقة المفرغة ذاتها
أهنئك على التفوق يا أخ مدحت وأهنئ أفراد عائلتك الكريمة. هي الحلقة المفرغة ذاتها التي اعتاد طلابنا المشي فيها للأسف. يا أخ مدحت كل الأوائل على القطر قبلك دخلوا الطب و ربما كلهم حلموا بشهادة نوبل، و لكن أجزم أن معظمهم أطباء عاديين و لم نسمع عنهم شيء بعد البكالوريا.بلدنا مليئة بالأطباء المتميزين و مع هذا نحن من بلدان العالم الثالث،لماذا؟؟؟ لأننا نفتقر للمهارات التقنية بمختلف أنواعها،ولأن طلابنا المتفوقين نذروا أنفسهم لكلية الطب فقط، و النتيجة أحلام و طموحات هائلة،و واقع على النقيض من ذلك. يا أخ مدحت إن كون والديك طبيبين لا يلزمك أن تكون طبيب فكر بروية ماذا تريد و ليس ما يريد والديك،فكر ماذا تحتاج بلدنا من اختصاصات،فلقد أتخمت من الأطباء. أنا بالمناسبة مهندس و باحث سوري في ألمانيا،و يحزنني أن أرى متفوقينا يتدفقون أتوماتيكيا نحو الطب و لا شيء غيره. أعرف أنك لا تزال صغير السن و ربما لن تعي هذا الكلام جيدا،و لكن علك تفهم نسبيا نصيحتي الصادقة لك أتمنى لك التوفيق
ألمانيا
-

2009-07-23 23:15:39
طبيب وباحث مغترب
نصيحة اخوية_لا تنجر وراء رغبة المجتمع
يااخ مدحت اولا الف مبروك ولا تستمع للتعليقات المثبطة فماأنجزته ليس بالقليل.نصيحتي وعن خبرة ان كنت فعلا تطمح بجائزة نوبل فعليك سلوك درب البحث بأسرع ما يمكن.الطب والتخصص السريري طريقه شاق وطويل وفي سوريابلا فائدة ترجى. جوائز نوبل ليست حكر على الاطباء بل العكس هم الاقل.حدد بدقة ووضوح هدفك لتصل اليه فكر مثلا بالبيولوجياالجزيئية والجينات! زويل لم يكن طبيبا!
اوروبا
-

2009-07-23 23:16:39
عبدالملك بادنجكي
الف مبروك
الف الف مبروك عزيزي مدحت و الله يوفقك و يكتر من امثالك و انشالله كل سوريا بتحتفل بحلمك . علمتنا انو ما فيشي مستحيل مع الارادة . منحبك سلام اذا بلزمك اي شي نحن جاهزين يا بطل
-

2009-07-23 22:44:28
ربيع
مبروك
الف مبروك حقك تفرح وحق اهلك يرفعو راسون فيك وترفع راسك فيون انشا الله من نجاح لنجاح
سوريا
-

2009-07-23 22:14:37
ABOU 7ASAN DOT COM
مبروك لك و لأهلك
أولا:مبروك لك و لأهلك و شيء بيرفع الراس. ثانيا: أنو مدير تربية محافظة حلب يعني كتير مهتم بالموضوع حتى اتصل مشان يهنئ الطالب وأهله أما بدو حلوان البشارة. ثالثا:نصيحة لوجه الله بلش من الأن دور على جامعات مشهورة و روح كمل دراستك هنيك و شوف شلون رح تضحك لك الدنيا غير شكل و شوف شلون رح تحقق حلمك و تأخد نوبل
usa

2009-07-23 21:53:11
باحث في جامعة انكليزية
طبعاً
وبدون شك رح تدخل طب !!! طبعاً مبروك حبيبي بس لازم تعرف شو بدك بالحياة مو شو بدون أهلك، خلي عندك شخصية قوية ولا تسمع لحدا. أنا أتألم لما أشوف شخص متوفق وبروح ع الطب لأنو بالطب مجال الابداع ضيق، مع احترامي للجميع.
انكلترا
-

2009-07-23 21:49:45
mazen
والله شي غريب
الف مبروك وانشالله تحقق طموحك وبالنسبة للكتبواعبارات غريبة هم احرار طبعا بس هاد كله بدل على عقد نفسية ظريفة
السعودية
-

2009-07-23 21:39:53
نضال-صيدنايا
تهنئة من القلب
بحب قدملك تهنئة كبيرة على النجاح الباهر و بنتمنى انو يكون في ببلدنا الالاف متلك بنتمنالك انو تكون الاول كمان في كلية الطب و تحقق كل طموحاتك
سوريا

2009-07-23 21:25:05
محمد
ليش مستغربين
ليشالكل مستغرب يعني الاول على مستوى القطر ما بطلعلو يحلم بجائزة نوبل لك الواحد صار عنا عم يجيب 120علامة يعني شحط ويجيب شهادة طب من برا الها اول ما الها اخر وقفت هلاء على ه المسكين يلي جاب 260علامة بس زعلان على حالي لو سديت حال شوي بالبكلوريا لكنت هلاء عم اشتغل شوقير سرفيس بس الحمد الله يلي رسبت وسافرت. مع الشكر
سوريا
-

2009-07-23 21:15:45
أحمد أبو أحمد
المتفوق الأول
يعني صحيح هو الأول على سوريا بس في اثنين كمان بيقاسموا مرتبة الأول، وإذا مو مصدقين روحوا على موقع وزار التربية وتأكدوا، على كلٍ مبروك، وعتبان كثير على التعليقات يعني واحد طموحوا عالي تركوا يشتغل يا أخي ولا لازم يعني نبهدلوا للصبي وبعدنا ما عرفنا خيروا من شروا.
-
-

2009-07-23 20:29:15
شامي
انا كمان
انا كمان اتصل فيني مدير التربية بس قاللي انت راسب يااااااااااا وخبط السماعة بوشي .......................بس عم بمزح
-

2009-07-23 19:02:19
سوري مغترب
ألف ألف مبروك
مبروك للطالب المجتهد نجاحه وتفوقه وفعلا من جد وجد والله سبحانه وتعالى لايضيع عمل أحد .. مبروك للأهل وأتمنى رؤية بلدي سورية في صدارة البلدان المتقدمة في كل شيء...... وأقول للفهمانة "لورا" أن البكالوريا العلمي لايمكن التفوق فيها عن طريق البصم لأنها تحوي الرياضيات والفيزياء وهي مواد يستحيل النجاخ فيها عن طريق البصم فقط.. الحسد بأكل صاحبه
سوريا قلعة الأحرار

2009-07-23 19:34:13
Booger
Ancient Medicine - 2
Heart transplant, which will always be perfomed using this method, no invention can make the heart fits in a syringe, unless u're some kind of a Hogwarts wizard or somthing, and I assume you're not... Good luck in your endeavor
Syria
-

2009-07-23 19:21:04
Booger
Ancient Medicine - 1
Congratulations for your score, but I'd like to mention that the "invention" u're talking about is history, most cardiac interventions are done nowadays using catheters, and cardiologist now even change heart valves without the need for open heart surgery.. The most important indication -and probably the only one in the future- for OHS is... to be cont
Syria
-

2009-07-23 19:17:50
Jasem
مبروك يامدحت
الف مبروك.....الله يوفقك ويكثر من امثالك لاننا بحاحة ماسة لشباب واعد والف تحية لوالديك اللذان ساهما بهذا الانجاز العظيم وفقكم الله جميعا
Canada

2009-07-23 18:50:51
طالب مجرب البکالوری
البکالوریا یلی عندنا
اولا مبروک للزميل مدحت علی هالعلامات .......بس مانکن عم تلاحظو انو البكالورياصارت عنا بصم بصم وانو البصيم بجيب علامه کامله مو الفهيم حتی مسائل الرياضيات صارت بصم ؟؟؟؟؟؟؟؟؟؟؟؟؟؟
iran

2009-07-23 18:49:47
Safouh
مستغرب
اللي أنا متأكد أنا أغاظت كتير من ضعاف النفوس اللي بركو ينظرو. هيك إنجاز بدو قدرات وإمكانيات ومواهب ما بتتواجد بأي شخصز وأنا برأيي أنو الحكومة لازم تدعمو بكل الوسائل وتوفرلو أحتياجاتو لحتى يكون قادر على الإنتاج اللي كلنا محتاجيلو. كمان مرة ألف مبروك وامشي بإنجازاتك (القافلة تسير و الكلا.......)
UAE
-

2009-07-23 18:42:45
Safouh
مستغرب
ألف مبروك على الإنجاز الضخم اللي كتير نادر أنو حدا يوصلو. أنا مستغرب من هالعالم اللي عبتنظر وبتحكي بأسلوب جارح. صحيح أنو الثانوية عنا عبارة عن حفظ بس هيك إنجاز مستحيل يكون حفظ وبينم عن أنو شخص واسع المدارك ومدرك لكل كلمة كتبها بالإمتحان يعني أنا بتحدى أي بصيم ياخد هيك مجموع وخصوصا بالفرع العلميز بعدين طموحو كتير معقول مقارنة مع إمكانياتو اللي أنا متأكد
UAE
-

2009-07-23 17:39:47
حالم بجائزة نوبل
بكلوريا وجائزة نوبل 01
مع كل احترامي لكاتب المقال بس العنوان مضحك شوي @بكلوريا وجائزة نوبل@ يعني تصور واحد يقول نجحت بالبكلوريا وتفوقت وبطمح لجائزة الاوسكار العالمية لاني شفت خبر حزين عن فلسطين وبدي مثل فلم فرجي العالم فيه مأساه اخواتنا بفلسطين بس بدي كون بارع بالتمثيل واقنع الناس انا هيك شفت طرح الموضوع بالنسبة للقلب المفتوح ونوبل
ألمانيا
-

2009-07-23 18:10:42
doctor in USA
congrats
responding to everybody on here, i wish you glorious future, hold on to your dreems. and good luck.
syria
-

2009-07-23 17:42:09
un syrian
bravo
بالتأكيد إن الحصول على العلامة الكاملة أمر يستحق الاحترام لكنني وأنا المتفوق ايضا على مستوى القطر منذ حوالى ال17 عام احب ان اهمس في أذنك وفي أذن كل المتفوقين أن التفوق هو قبل شئ على المستوى الشخصي وليس الجماعي ان تهزم نفسك وان تتخطى ماتعتقد أنك تملك من قدرات وأن تستثمر في داخلك طاقات لم ترها من قبل التفوق هو الاستمرار في القدرة على إكتشاف الاسئلة وليس إعطاءها الجواب إياك والغرور فإنه مرض أغلبية طلاب الطب في بلادنا أنت أولا والباقي يأتي
france
-

2009-07-23 17:32:05
حالم بجائزة نوبل
بكلوريا وجائزة نوبل02
جائزة نوبل يا صديقي صاحب العلامة الكاملة هي تكريم وليست مسابقة وبعدين وبكل اسف على والديك الي ما وضحولك الي بيوضع حد للطموح بيكون محدود التفكير والطموح بجوز تحصل على جائزة نوبل بس بيكون خلص طموحك وتأكد طالما انو طموحك لعند جائزة نوبل تأكد ما رح توصلها بتمنالك التوفيق بس بتمنى ما تنخدع بنفس الوهم وانت عم تدرس طب ويكون همك العلامة وتنسى التحصيل العلمي
ألمانيا
-

2009-07-23 17:26:56
حالم بجائزة نوبل
بكلوريا وجائزة نوبل 01
الف مبروك واكيد حلو التفوق واكيد الشب ما وصل للعلامة التامة لولا المجهود الكبير من الدراسة والتعب ولكن هل بيعني ان هذا الطالب هو رقم واحد... اكيد لا مقياس العلامة مانه مقياس بنوب وخاصة ببلدنا الغالي سوريا وباسلوب البكلوريا الي عم يميل للبصم وبيبتعد عن تشغيل العقل والتفكير لدرجة انو مسالة الرياضيات ممكن تنحفظ. التفوق الحقيقي ماهو بالعلامة التامة
المانيا
-

2009-07-23 17:30:16
eyad
مبروك
برافو ومبروك,بس نوبل ليست جائزة للبصم
syria
-

2009-07-23 17:04:44
any one
تحيز
يعني ليه التحيز بعنوان المقال (المتفوق الأول على سوريا)مافي اتنين غيرو حصلوا على العلامة التامة متلو يعني فكيف المتفوق الاول بس اذا مدعوم بكون شي ثاني على كل حال الف مبروك وانشالله تحقق طموحك
سوريا
-

2009-07-23 16:54:57
dr AMB
congratualtion
الزميل الصغير مدحت الف الف مبروك. لقد ادمعت عيناي واخذني الخبر الي اكثر من عقدين مضوا عندما دخلت كلية الطب. ستجد صديقي في سوريا كل العقبات التي ستحول دوت تحقيق طموحك وتجعلك طبيبا عاديا جدا مهما كانت امكاناتك, نصيحتي لك اخرج من البلدلترى الفرق الشاسع بين الطب في سوريا والطب في البلاد المتقدمة, لا تضيع وقتك بهراء البلد, مع اطيب الامنيات والتهاني للعائلة
france
-

2009-07-23 16:24:42
لورا
مبروك للبصيم
يعني بكير شوي على نوبل للطب أول شي تخرج و اختص و بعدين فكر بمشاريع نوبل و لا شو ؟!!!!!!!!!!!!!!!!!!!!!
سوريا
-

2009-07-23 16:13:36
Completely Right 1/2
forigen يسلم تمك وقلمك
اسمحولي من بعد المباركة اترجم كلام forigen بالتعليق أدناه الي بيقول فيه الكلام السليم والصح الي لازم يصير طبعاً بدون حسادة والله يتم عليك يامدحت بس الكلام الي قاله forigen والله صحيح وهو الشي الي عم يخلينا نرجع لورا قال forigen بالضبط : يتبع :
سوريا
-

2009-07-23 14:31:32
المهندس طموح نيازي
من القلب
الف مبروك يامدحت على الرغم من توقعي لهذا التفوق منذ اكثر من 10 سنوات .حيث كان الاولاد يتحلقون حول الكمبيوتر ينتظرون دورهم في اللعب كنت اشاهدك تقرأ كل مايقع بين يديك من كتاب او موسوعةفتزيد مخزونك من الثقافة والعلم فهينالنا بالتفوق الذي حققتة لقد افرحتنا واصبحت الهدف لكل طالب محب اللتفوق وفي الختام لقائنابعدعشرة سنوات عن حصولك على جائزة نوبل الف مبروك .
سوريا . حلب

2009-07-23 14:25:13
Yacoub
suggestionإقتراح
أعتقد أن موضوع التفوق يجب أن يدرس يشكل أدق وعلى سبيل المثال هذا المتفوق يعيش كما هو واضح في بيئة مثالية وأخذ المجموع الكامل ولكن مالفرق بينه وبين شاب أبوه وأمه لم يتعلما وفقراء ولا يدرس في مدرسة نموذجيين ويمشي كل يوم 3 كم وليس لدية شنطة وفقير لحد الموت ويجمع 230 أليس هذا أجدر أن يكون الأول على العالم وليس القطر ويزف له الخبر بان كي مون وليس مدير التربية
Syria

2009-07-23 14:31:07
bahaa
الف مبرووووووك
الف الف مبرووك الك و لعيلتك المتفوقة , و بهنيك على اجتهادك و انشالله بتكون من اعلام سوريا الباهرة و بتمنى تكبر طموحك و تاخد النوبل كذا مرة مو بس مرة وحدة و انشالله حكومتنا بتقدرلك هالشي.. بالتوفيق حبيب قلبي
سوريا
-

2009-07-23 14:28:27
بلال
مبروك وألف مبروك
ألف مبروك عزيزي لك ولأهلك
الإمارات

2009-07-23 14:23:54
أيمن - أبو غسان
مبارك عليك
ألف مبارك عليك يا مدحت على هذا التفوق . ونسأل الله أن يوفقك لما فيه خير الأمة والبشرية .
فرنسا
-

2009-07-23 13:31:10
mansour,ash
ألف مبروك
ألف مبروك يا مدحت تفوقك, وانشاء الله بتحقق اللي بتتمناه, وبهنيك بأسرتك المحبة للعلم.
مصر
-

2009-07-23 13:20:36
forigen
wrong
usually who has good degrees in our country, he has not big chance in the universities in Europe or America, simply our study depend on copy past on the paper, but her in Europe it is completely different, if the prof noticed, the student work like copy machine, he will not success,so Dear don’t make pink dreams be realistic hope u success I ll be happy
Germany
-

2009-07-23 13:13:14
تتهنا
الف مبروك ان شاء الله
الف مبروك وانشا الله تتم الفرحة بحصوله على ما يحب ويتمنى وعقبال الجميع - ارجو ان نسمع به عند التخرج انه مازال في الوطن ونرجوا ان يتسع صدر الوطن لااحتضانه ومن هم مثله من المتفوقين وان يكون هناك عناية خاصة بهم والتأكد من تيسير الظروف الحسنة لبقائهم بيننا البلد لايقوم الا علىسواعد ابنائه من المخاصين اصحاب المبادئ والاخلاق والف مبروك
سوريا
-

2009-07-23 13:00:43
بنت البلد
الف مبروك
الف مبروك لك ولاهلك وان شاء الله بترفع اسم سورية عاليا بعد ان رفعت راس ابويك ومبروك من قلوبنا
سورية المستقبل
-

2009-07-23 12:49:49
سامر
حاج عاد
(وفي النهاية استقر رأيه على تسجيل الإجابة الخاطئة معتبراً أن ليس من حقه كتابة الإجابة الصحيحة كون عينه "رفــّت" على ورقة زميله) يمكن من كتر الفرح ما بقا عرف شو عما يخبص بالحكي
-
-

2009-07-23 12:32:29
nader
مبروكــــــــــــــ
الف مبروك والله يعطيك العافية وانشالله من أحسن للأحسن وتتوفق بدراستك , بس لا تنسانا من الحلوان !!!!!!
syria
-

2009-07-23 12:25:59
nobel
God's willing
نتمنى له فعلاً تحقيق حلمه بأخذ نوبل، ولكن قلّة ممن أخذ نوبل كان يضع الحصول عليها هدفاً، بل أكثرية جوائز نوبل أتت دون أن يتقصدّها فعلاً حائزوها.
السويد
-

2009-07-23 12:20:31
ابو سامي
مبروك
مبروك يا مدحت .. و الله رفعت اسم حلب العالي دوما بابنائها الشرفاء
دولة الإمارات
-

2009-07-23 12:13:23
ماجد
مبروك
ألف مبروك وانشالله تلاقي الرعاية يلي تستاهلها من قبل الجهات المختصة.
سورية
-

2009-07-23 11:58:18
واحد مشوب من قطع الكهربا
عندي فكرة تانية اجدى
الف مبروك على النجاح الباهر بس عندي فكرة تانية هلق اتروك شغلة القلب المفتوح و زبطلنا شي اختراع الواحد يستفيد منو متل توليد كهربا عن طريق الشمس لأنو هلكونا تقنين و ياريت عم يجيبولنا قراءة العداد (عم يستنوا لحتى تصير فوق 2000 كيلو) يعني بدهم الواحد ما يتمتع بهالرفاهية و كمان يدفع اسعار سياحية اوقات عم حس حالي بدبي من الأسعاروالشوب بس اما باقي الشغلات انسى
موزنبيق
-

2009-07-23 11:55:11
طالب كلية اقتصاد
برافو عليك يابطل بيضت الوجه ورفعت الراس
بهنيك من كل قلبي وبهني والديك فيك حيث الجهود نصفها لهم بارك الله فيك واقر الله اعين والديك فيك
سوريا
-

2009-07-23 11:43:45
مبارك
مبروك بعلامات و بدون علامات
فرق كبير بين تحصيل العلامات التامة و بين الحصول على جائزة علمية فالاول يتعلق بعدد ساعات الدراسة و الثاني يتعلق يتقدم العلوم في البلد و وجود بنية تحتية تقنية بالاضافة الى انه لم تثبت التجربة التاريخية نبوغ اي من اصحاب العلامات التامة في الوسط العملي و العلمي حتى زويل بنفسه دخل كلية العلوم لان علاماته قليلة مبروك لكل ناجح على قد عقله و رضاه عن ذاته
سوريا
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات