مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
كيفية الحصول على المساعدات الإجتماعية للطلاب في ألمانيا
مساهمات الطلاب

يتساءل العديد من الزملاء الموفدين إلى ألمانيا عن كيفية الحصول على مساعدات إجتماعية من الحكومة الألمانية و بما أن هذا التساؤل يطرح على طلبة موفدين آخرين فمن الطبيعي بأن لا تجد أي طريق لهذه المساعدات بسبب عدة عوامل ومنها بالدرجة الأولى الحسد ومن ثم السرية ومن ثم الأنانية وحب الذات.


وهنا أطرح لكم العديد من المساعدات الإجتماعية مع كيفية التقديم لها بالتفصيل و مع المبالغ المتوقعة من هذه المساعدات و الطرق القانونية للحصول عليها: ملاحظة : جميع العبارات التي تحوي كلمة زوجة الموفد أو زوجة الطالب تنطبق تماماً على زوج الموفدة أو زوج الطالبة.

1-Wohngeld وهي مساعدة تعطى لجميع الناس الذين رواتبهم لاتكفي لمعيشتهم و لدفع تكاليف السكن و يتقدم لها الطالب الذي يحمل الإقامة ذات القانون رقم 16 أو 17 أو من الأفضل أن يتقدم بإسم زوجته التي تملك إقامة لم الشمل أي إقامتها مكتوب عليها الرقم 29 أو 30 أو 31 (العازب لايستطيع التقديم لهذه المساعدة) حيث أنك تقدم لهم معلومات عن راتبك الشهري و عقد السكن وعدد الأولاد. و الجهة التي تقدم الطلب لها تدعى (فونغيلدشتلى) ويمكن معرفة المكان الموجودة فيه في كل مدينة من خلال الدخول إلى الموقع التالي: www.wohngeld.de ملاحظة: إذا تم رفض الطلب الأول حاول التقديم مرة أخرى ولكن بإسم الزوج الآخر الذي لم يكن الطلب الأول بإسمه.

2-Kindergeld وهي مساعد شهرية تعطى لكل طفل في ألمانيا يتراوح عمره بين 1 يوم و 21 سنة إن كان ألماني أو غير ألماني و هي دائمة مادام عمر الطفل بين هذه الفترة ومقدار هذه المساعدة هي كالتالي: 164 يوروللطفل الأول+164 يورو للطفل الثاني+174 يورو للطفل الثالث+195 يورو لكل طفل آخر. وهي تعطى فقط للذين لديهم إقامة لم شمل أي الذين قد كتب على إقاماتهم الرقم 29 أو 30 أو 31 ولا تعطى لمقدم الطلب الذي تكون إقامته إقامة طالب و قانونيتها كالتالي: من الحظ أن تؤخذ هذه المساعدة قبل سنتين من التاريخ الأول لدخول الزوجة إلى ألمانيا ولكن لاتحزن لذلك فما أن تحصل زوجتك بالقانون على إقامة العمل بعد سنتين من دخولها إلى ألمانيا ستقدم من جديد وستحصل على تعويضات الأطفال من تاريخ دخولهم إلى ألمانيا أو من تاريخ ولادتهم في ألمانيا و هنا يتساءل أحدكم و ما هي إقامة العمل للزوجة فيكون الجواب إصبر للآخر المقال فسيكون هناك توضيح لذلك.

و عن مكان التقديم و طلب التقديم ستجدون كل المعلومات من خلال الموقع الحكومي التالي:

http://www.arbeitsagentur.de/nn_26546/Navigation/zentral/Buerger/Familie/Hilfen/Kindergeld/Kindergeld-Nav.html ملاحظة: قد يتم الرفض إذا تم التقديم قبل سنتين من دخول الزوجة لألمانيا ولكن بعد تجاوز السنتين فلازم يوافقوا وذلك حسب القانون.

3-Elterngeld وهي مساعدة شهرية لكل طفل تعطى لأحد الأبوين أو يتقاسمها الإثنين حسب القانون ومقدارها 300 يورو شهرياً لمدة 14 شهر تبدأمن تاريخ ولادة الطفل وقد تكون هذه المساعدة 375 يورو شهرياً إذا كانت العائلة لديها طفل آخر عمره أقل من سنتين أو طفلين عمرهم أقل من ست سنوات ويتقدم إليها من معه إقامة لم الشمل (القانون 29 و 30 و31) و الشرط الآخر هو تجاوز السنتين في ألمانيا(أي لديه صلاحية عمل) و غير ذلك فالطلب مرفوض حتماً.

و عن طلب التقديم و أماكن التقديم ستجدونها في هذا الموقع :

http://www.elterngeld.net/elterngeldstellen.html ملاحظة: هنا لايحتاج الطلب أي أوراق عن راتبك الشهري أو راتب الزوجة أو الأولاد.

4-Kinderzuschlag و هي مساعدة شهرية مقدارها 140 يورو لكل طفل وتعطى فقط للذين رواتبهم لا تكفي لدفع أجار السكن والتأمين الصحي والسيارة والمعيشة ضمن عملية حسابية موجودة في الموقع الإلكتروني الموجود تحت هذه الفقرة. ويتقدم لها فقط من يحملون إقامة لم الشمل أي القانون 29 أو 30 أو 31 ولا تعطى لمقدم الطلب الذي مهنته طالب. فإن كانت رواتبك مع إستهلاكك مع حساباتهم متوافقة فإنك تحصل على هذه المساعدة والعكس صحيح . وعن طلب التقديم ومكان التقديم فهو نفس مكان الكندرغيلد أما الطلب و العملية الحسابية فهي في هذا الموقع:

http://www.arbeitsagentur.de/nn_26532/zentraler-Content/A09-Kindergeld/A091-steuerrechtliche-Leistungen/Allgemein/Kinderzuschlag.html ملاحظة : إذا حصلت على هذه المساعدة فسيعطونك النقود إبتداءاً من تاريخ تقديم الطلب أي ليس من تاريخ دخول أولادك إلى ألمانيا أو من تاريخ ولادتهم.

5- مساعدة ماقبل الولادة : و تدعى: finanzielle Hilfen aus der Bundesstiftung " Mutter und Kind " und der kirchliche Stiftung "Für das Leben" و هي مساعدة وحيدة تعطى دفعة واحدة فقط للأم و مقدارها 1200 يورو و تعطى قبل الولادة بشهرين تقريباً ويتم التقديم لها حصراً خلال الفترة الواقعة بين الشهر الخامس و الشهر السابع من الحمل وهناك جهة أخرى تعطي فقط 500 يورو ولها نفس الشروط ولكن إسمها غير وارد بذهني لأنني لم أتقدم لها طبعاً لكون المبلغ أقل , والبعض يقول لماذا لم تتقدم للإثنتين والجواب هو عدم جواز ذلك أي فقط تتقدم لهذه أو لتلك. ملاحظة: هناك مدن لا تعطي المبلغ كامل فيمكن أن تعطي جزء منه والباقي ألبسة للطفل مع أغراض له أو مدن تعطي أغراض ولا تعطي نقود. وأما عن جهة التقديم لهذه المساعدة فهي مختلفة في كل مدينة فيمكن أن تبحث عن ذلك في الأنترنت أو أن تسأل الألمان عن ذلك ولا تسأل العرب.

6- قانون السماح بالعمل لمن تجاوز السنتين في ألمانيا ويحملون إقامات عليها الأرقام 29 و30 و 31: بعد مرور سنتين لزوجتك في ألمانيا من المرجح أن تحصل على رسالة من شؤون الأجانب يقولون لك فيها من الآن فصاعداً تستطيع تغيير إقامتك من عدم السماح بالعمل إلى السماح بالعمل, وإذا لم تصلك تلك الرسالة فعليك الذهاب وزوجتك إلى شؤون الأجانب وتخبروهم بذلك وذلك حسب القانون الألماني وإذا قالوا لكم ذلك غير صحيح فقولوا لهم يرجى التأكد من رئيسك أو من زميلك مع الإصرار على ذلك. وفي حال عدم الموافقة فيرجى إرسال رسالة إلى إيميلي الموجود بالأسفل حتى أرسل لكم القوانين الخاصة بذلك على شكل ملفات تطبعونها وتقدموها لهم كدليل. وإذا قالوا لكم قانون شؤون الأجانب مختلف بحسب كل مدينة فقولوا ذلك غير صحيح و أصروا على ذلك فهذا الحق حقكم.

طبعاً هذه المساهمة تأتي في حرصي على إستفادة الجميع من هذه القوانين ومن الناس من يقول بأنكم موفدين وتأخذون من الدولة نقود فأقول له ألمانيا تعطي هذه المساعدات لمن لديه نقود أو من ليس لديه وبالإضافة لذلك تعطينا على حسب الرواتب التي نحصل عليها وهذا إن دل على شيء فيدل على عدم كفاية رواتبنا على حسب نظر الألمان لذلك يعطوننا مساعدات.

وأرجوا ممن يود التعليق أن يتذكر بأن كل إنسان له رزق قد كتبه الله له وليحمد الله على رزقه مهما كان.

أخيرا أتمنى لكم الإستفادة وأتمنى أن تدعوا لي وإذا أردتم أي معلومات أو إستفسارات إضافية قد نسيتها فيرجى مراسلتي على الإيميل التالي: [email protected] مع التحية طالب موفد


 
2009-04-05 16:02:26


شارك بالتعليق


2009-04-23 10:51:38
غير موفد
انتباااااه
أتمنى للجميع أن يأخذو هذه المساعدات وخاصة المقيمين في الغرب والجنوب بسبب غلاء الايجار هذا أولاً . ثانياً في حال أخذ أي شخص بعض هذه المساعدات أو كلها أن لا يخبر أحدا (طبعاً الجميع سيخبرون الجميع) لأنه في حال علمت الجهة الموفدة بأن الموفد يتلقى مساعدة معينة قد تخصم هذه المساعدة من راتبه (انا غير متأكد لكن هكذا يحصل مع الموفدين المصريين )
المانيا
-

2009-04-20 12:34:02
Phantom
إلى الأخ (لاتعليق)
طبعا أكيد مافي رشوة هون بألمانيا ولهيك الطرق اللي عم يتم اتباعها متلم اقلت بتقديم اوراق ناقصة أو قديمة وهالشي للاسف(كان يتم)بتغطية من جهات رسمية.و أنا معك أنو تصليح الغلظ بيتم بمواجهته وهادا الشي عم حاول اعمله هون مو أكتر.وبالنسبة لسوريا صدقني لو الناس بدهاكانت خفت الرشوة لاكتر من سبعين بالمية.لو كل واحد مابيحاول يحصل على شي ماله من حقه بطرق غير قانونية
syria
-

2009-04-19 16:53:32
لا تعليق
phantomالى
انا قصدت عن العقلية السورية اللي بيكون مبداها قائم على الرشوة في الدوائر الحكومية واكيد هادا ما فيك تنكروا لانو انا بالنهاية سوري وبعرف شو اللي عم يصير ببلدي لماكنت ببلدي ولما جيت لهون وبحب اكدلك انو نحنا بنصلح الغلط لما بنواجه مو بنتخبى وراه وبنقول نحنا صح وما عنا لا رشوة والانسان الصحيح بالمكان الصحيح والى اخره والكلام اللي بيطابق الواقع هو اللي بينسع
المانيا
-

2009-04-18 10:25:18
phantom
توضيح للأخ (لاتعليق)1
اتهامك إلي بحمل العقلية السورية هادا وسام بحطه على صدري(طبعا قصدي عن العقلية السورية اللي بيمثلها الناس المتحررين اللي مابيقبلوا الغلط واللي في منن بسوريا لسى كتير ولله الحمد)أولا معظم المعيدين عم يجوالحالن بالاول وبدون زوجة وبالتالي الاوراق اللي عند الالمان هي لشخص أعزب فقط بعدين بيجيب الزوجة والاولاد ومابيقدم للدوائر هون كشف راتبه الجديد وبالتالي
syria
-

2009-04-17 17:51:55
لا تعليق
phantomالى
والمشكلة انو حتى التربية السورية جايبينها معناالمبنية على الاتهام والحسد دون مبرربعدين شو علاقة تقبل الاخر في حال الانسان حصل على حقوا واخيرا ما في انسان بالارض ممكن يتنازل عن حق الووحتى ولو مو بحاجة الا اذا كان ... وانا معك انو اخلاقياتنا بترفع راس البلد والعفة عمرها ما بتنعاب بس تكون بمحلها وفهمك كفاية يا سيدphantom وبنصحك لا تتهم زملائك حرام الظلم
المانيا
-

2009-04-17 17:43:35
لا تعليق
phantomالى
الى الان حامل معك العقلية السورية وجايبها لالمانيا يعني كيف الناس اللي عم تحكي عنهن عم يقدموا اوراق غير نطامية اذا كل الاوراق موجودةاصلا عندهم بمكان الاقامة يعني اي عقل سخيف مكن يصدق للحظة انو ممكن هون الموظفين بيقروا بالمساعدة من دون البحث والتمحيص في مكان صدرو اقامتك شو وين نحنا بسوريا يا ريت بس اهالي سوريا الموجودين بسوريا يعرفوا كيف يرفعوا راس بلدن
kimpasj
-

2009-04-17 07:57:24
مسرور
الى الاخ متسائل
الجهة هي رعاية الحوامل الكاثوليكية و هي تابعة لكنيسة عادة و فيك تترجم و تتدور في النت بمدينتك و ان شاء الله تظبط معك لانها من حق الام و الطفل و حتى لو راتبك 1500 يورو رح يعطوك المساعدة فما تخاف
ال........
-

2009-04-16 21:34:57
موفد ألمانيا
رجاء
رجاء من الزملاء الموفدين والذين لديهم أطفال أو أزواج ارجو منكم مناقشة أموركم والمساعدات التي ممكن ان تحصلوا عليها (مع اني اشك انهم سوف تحصلون على شيء)في غير هذا الموقع الرائع الذي اصبح من اهم المواقع التي تهتم بأمور الموفدين. حيث ارى في هكذا مقال ضرر كبير للموفدين غير المتزوجين وليس لديهم اطفال.لأنو سوف يظن ان ايضا سيحصلون على مساعدات وهذا غير صحيح.
المانيا
-

2009-04-16 15:35:53
متسائل
إلى الأخ معيد مجرب أو لأي شخص أخر مجرب
ما الاسم الدقيق للجهة التي تعطي مساعدة للولادة مبلغ 600 أو 800 ؟
ألمانيا
-

2009-04-16 12:44:34
وطني
عدم الغش
شكرا للمقال ولكن السؤال ليس ما تقدمه ألمانيا , ولكن هل يحق للموفد التقدم بطلب مساعدة ,,,,,لان الموفدين لا يقدمون المعلومات الصحيحة وبالتالي هم لا يستحقون شرعا تلك المبالغ ...فمثلا الحدود العليا لمساعدة الام قبل الولادة هو حوالي 1300 يورو و رواتب الموفدين اعلى من ذلك وهم يبررون لانفسهم حتى يحصلوا على تلك الاموال .......لف ودوران
المانيا
-

2009-04-16 00:04:44
موفد مجرب
بصراحة فقط الخامسة زبطت
بالنسبة ل1 و4 كان ردهم راتبك من سورية . بالنسبة 2 و3 كان الردأنت طالب ولزوجتي قالوا ليس لديها حق العمل. بالنسبةل5 أخذنا660 يورووحطيناهاحق تخت وعربية.أنا تزوجت بعد 2.5 يعني بينتهي إيفادي ومابحق لزوجتي العمل.وأقول لجميع الموفدين في العالم إن صح لكم لاتقصروا والله يهنيكم ويبعد الحاسدين.بس بشوف نشر المقال هنا غير مناسب لأن في وسائل أقل بهورة.والسلام
ألمانيا
-

2009-04-15 23:51:46
موفد مستغرب
لماذا يتبع
بصراحة الشباب الموفدين في ألمانيا وكذلك أتحاد الطلبة متعاونين جدا وموضوع المساعدة تناقشناه وتخابرنا فيه والشباب كلهم متفوقين ويستاهلون المزيد. كلامك دقيق من حيث أنواع المساعدات لكنه أفتقد للزبدة.بصراحة أغلب الموفدين يحصلون على مبلغ 600 حتى 800 مرة واحدة في حال أتاهم ولد.اما باقي المساعدات فهي لاتحق للطالب تحق للزوجة في حالة حق العمل وهذه نسبة 1% .
ألمانيا
-

2009-04-15 23:45:32
موفد مستغرب1
لماذا
أولا إن كان صاحب الخبر يريد الخير ونيته صادقة لوجه الله فالله يعطي العافية . لكن مستغرب نشر خبر يخص حالة خاصة على موقع أصبح شبه رسمي.كان بإمكانك تحويل إيميل لكل الموفدين عندما يصلك إيميل أتحاد الطلبة حيث كل أسماء الزملاء.وأعتقد أنك ربما قد أنهيت إيفادك وبعدها تريد التكرم على الشباب وأنا لم يعجبني وصفك للموفدين أعلاه بالحسد والانانية .
ألمانيا
-

2009-04-15 21:50:49
phantom
إلى الأخت معيدة مع الاحترام2
ام اجلا وهالشي مارح ينذكر بالمانيا لانو عادي بس رح ينذكر اكتر انو الشعب السوري شعب نظامي أو امين و اخلاقي وبيتقبل الطرف الاخر. بمعنى اللي بيرفع راس بلدنا هو اخلاقياتنا اكتر من شهاداتنا.والعالم اللي ماعم تاخد مساعدات هي مالها عالم غبية وانما عالم إما مالها بحاجة او مابترضى تاخد شي ماله من حقها.بس للاسف صرنا بزمن العفة فيه بتنعاب . مع تحياتي
syria
-

2009-04-15 21:46:47
Phantom
إلى الأخت معيدة مع الاحترام1
عال جدا ونحنامالنا مختلفين على هالنقطة.طول ما انو الحصول على المساعدة عم يتم بتقديم اوراق نظامية فحلال عليكن(بس قلت للاسف لحد هلا كل اللي بعرفن اخدين مساعدات كان هالشي بطرق غير نظامية ونشالله كون غلطان بحق البقية)بعدين أنا مالي خايف على المال العام الالماني و انما خايف على سمعة بلدي بألمانيا.وبحب اكدلك انو كل العالم رح تاخد شهادة الدكتوراة عاجلا
szria
-

2009-04-15 21:16:05
حكيم ألمانيا
الى معيدة + phantom
يا زملائي والله مو حلوة بحقكم عم تتخانقوا. وما حدا رح يعطيكم اي مساعدة . أرجو منكم مطالبة وزارة التعليم العالي بأن تنصفكم أسوة بالموفدين الى جارتكم فرنسا.حيث تدفع لهم فرنسا جزء كبير من أجرة السكن وتعطيهم رواتب على مشاريع الماجستير والدكتوراة. نحنا رواتبنا ما عم تكفي اجرة غرفة وخاصة في المدن الغربية من المانيا.
المانيا
-

2009-04-15 19:41:32
معيدة
phantomالى
ونحنا حاليا عم نختلف على شي ما صار لانو انا الى الان لم احصل على اي مساعدة ولما بقدر ما رح اقصر وسلامي للبلد لانو اكيد انا وكل انستن هون بهمه سمعة البلد بس السمعة شي والحصول على حقي في بلد يحترم الانسان وحقه بالترفيه امر اخر ولما نتاخد شهادة الدكتوراه اكيد هون بنوفع البلد وراسها وتحيا سورياوشعبها العفيف المناضل التي يرفض المال ليرفع راس البلد عاليا وشكر
germany
-

2009-04-15 19:31:15
معيدة
phantomالى
ممكن اوضح شغلةانا سبق وقلت انو المساعدات هي حق النا لما بنقدم اوراق تظامية وبحترم خوفك على المال العام الالماني والناس اللي حكيت عنهن حضرتك بتموت من الجوع وما بطالب بحقها بتكون مشكلتن الغباء والاستسلام مو مشكلتنا وبعمرن ما بيكونواالنا مثل يختذى به وحاج تحكي عن سمعة البلد لانو سمعة البلد ما رح تخرب اللي عم يخربها مو نحنا?????
Deutschland
-

2009-04-15 14:36:44
موفد في ألمانيا
الكلام ليس دقيق والامر ليس بسيط
أنا موفد لألمانيا كلامك غير دقيق وانا أعرف ثلاث موفدين غيري وحاولنابأسمائنا وأسماء زوجاتنا أن نحصل على معونة الأطفال فقط وفشلنا . وكلهم حصلوا فقط على مبلغ 600 مرة واحدة للأم الحامل.وأنا قرأت القوانين لايعطى الطالب أي مساعدة ولايحق له وكلامك صحيح في حال حصول الزوحة على حق العمل وهذا مستحيل إلا بعدد مرور وقت وحالة شاذة وبالحظ.
-
-

2009-04-15 12:46:14
موفد
الكره في ملعب
اصبحت الكره في ملعب موفدي فرنسه يالله دافعوا عن حالكون بينوا المستور يا لطيف اناسمعت انه حتى مشروع الدكتوراه بتاخدوا عليه راتب شهري يقدر ب 500 يورو لصالح المؤسسه التى تعملون لصالحها وبتشكوا من 2% والا هي خطه الهجوم للدفاع
المانيا
-

2009-04-15 01:39:08
موفد ألمانيا
فرنسا وبس
أنا بصراحة بحياتي ما حصلت على أي مساعدة من المانيا مع اني ايفادي قارب على النهاية.على عكس الطلاب الموفدين الى فرنسا والذين يتلقون الدعم بشتى الاشكال وخاصة في موضوع السكن.(فرنسا تدفع لهم القسم الأكبر من الاجرة) بقى يا طلاب المانيا حاجة تتخانقوا مع بعض روحوا شوفوا طلاب فرنسا شو مرتاحين (بدون حسد).
المانيا الغربية
-

2009-04-14 11:45:56
سوري
صحوة ضمير كاذبة
طيب لنفرض جدلاً أننا نستطيع الحصول على هذه المساعدات , طيب ليش كاتب المقال لم يشير غلى هذا الموضوع منذ زمن أم أن هناك أسباب أخرى , لماذا لم يصح ضميره من قبل , أم أنه يريد إثارة غبار فقط في هذا الوقت , ماهو المقصود من صحوة الضمير الأن
فرنسا
-

2009-04-14 09:27:14
phantom
نحن نتناقش ولا نتهاجم2
مع العلم أن الراتب ازداد اكثر من ثلاثين بالمثة خلال السنوات الاربع الاخيرة. وهنا يكون الاحتيال بتقديم أوراق منقوصة وغير كاملة.بالنسبة للمعيدات أنا أقر بأنهم مظلومات بالنسبة للمعيدين ولكن يجب عليهم المطالبة بانصافهم بسوريا بتغيير قانون الايفاد ومعاملة الموفد والموفدة على حد سواء.نقاشنا هنا ما هو إلا محاولة لتحسين حالنا وشأننا وليس هو بخلاف أوبدافع الغيرة
syria
-

2009-04-14 09:22:39
Phantom
نحن نتناقش ولا نتهاجم1
من ناحيتي فإن حديثي كان نابع من تجارب تحدث أصحابها شخصيا لي عنها.فالاحتيال يتم هنا ليس بتقديم أوراق مزورة(هذا ما اتمناه على الاقل ولو أن هذا بألمانيا أكثر من سهل حيث لا أحد يطلب ورقة أصلية ويكتفوا بصورة غير مصدقة)فمثلا يقدم البعض كشف براتبه فقط من قبل زواجه وبدون تقديم كشف براتب الزوجة والاولاد. او يقدم لهم كشف براتبه من أول إيفاده
syria
-

2009-04-13 22:49:20
موفد سوري فخور
مدققين على هذا الأمر. زملائنا بفرنسا يأخذون هذن المساعده لأطفالهم وأكثر من ألمانيا وكذلك يدفع لهم قسم كبير من السكن وكثيرا من الميزات الأخرى وهذا حق لهم لأنها قانونيه. أتصور أن تصرف لك معزنات قانونيه أفضل من ضياع الوقت للبحث عن عمل الذي هو الممنوع قانونيا.
Germany
-

2009-04-13 22:42:00
موفد سوري فخور
*********
أرجو إقفال هالموضوع لأنه وللأسف أصبح ساحه للمهاجمه بدلا للنقاش البناء. أريد أن أوضح أمرا مهما وهو أنه لايستطيع اي موفد تقديم أي ورقه غير نظاميه وذلك لأنه عند قدوم الموفد قد قدم كامل الأوراق للسفاره الألمانيه بدمشق بما فيها الدعم المالي وهي موجوده أيضا بمكتب الأجانب ولدى الجامعه أيضا. يعني لايستطيع أحد التلاعب بهذا الأمر. وبصراحه ماني عرفان ليش كثير
Germany
-

2009-04-13 09:15:33
بنت البلد
مافي داعي لكل هالحكي
يازملاء المقال لأخذ العلم,بالنسبة إلي بمقاطة هيسن سألت وقالولي ما في أي مساعدةتعطى للموفدين من اللي أنذكر بالمقالة,مافي داعي نضرب ببعض أكتر من هيك ونضرب شرفيات عابعض ,الحال من بعضووكلنا طلاب
ألمانيا
-

2009-04-12 19:27:26
phantom
إلى السيدة معيدة مع الاحترام 2
بعدين محدودية الدخل ما بتبرر الحصول على المال بطرق غير قانونية او بإبراز أوراق غير رسمية وصحيحة.نحنا قلنا لو كان حصول هالمساعدات عم يتم عن طريق تقديم اوراق قانونية(وهادا مستحيل لانو نحنا بألمانيا ومنعرف هالشي)فحلال عليكن و إلا فهو احتيال ومسيء لسمعة البلد.ورجاءا كل واحد يحكي عن حاله في عالم كتير بتموت من الجوع وما بتاخد شي ماله من حقها.الشكر لسيريانيوز
syria

2009-04-12 19:23:32
Phantom
إلى السيدة معيدة مع الاحترام
اولا العقد شريطة المتعاقدين.يعني انت من اول ما رضيتي تصيري معيدة بتعرفي انو لازم ترجعي ولازم تشتغلي عند الدولة وهالشي ما انضاف او تغير بعدين.ثانيا هادا المال اللي عم ينصرفي عليكي وعلي مال عام وعم ينشال من ميزانية الدولة فعدم عودتي على البلد هي جريمة سرقة و احتيال بحق كل مواطن سوري. وشروط الغربة الصعبة كلنا منعرفها بس ما حدا فرض علينا نتغرب او نسافر
syria

2009-04-12 12:58:51
معيد
لا وطن بدون حياة كريمة
القانون بالمانيا ليس بالفضفاض ليتم الاحتيال عليه كما في سوريا, الاموال المدفوعة للاجانب في ألمانيا هي حقهم بالقانون لضمان الحياة الكريمة للجميع. و بالنسبة يلي عم يحكي عن تشويه سمعة البلد بظن ان الحياة الكريمة هي الاهم و فوق كل اعتبار. إلا إذا اردنا ان يعيش اطفالنا على هامش المجتمع في بلد متقدم مثل المانيا.
ألمانيا
-

2009-04-11 19:14:21
معيدة
الى السيد احتيال على القانون بلا لف ودروان حول تفس
وليش برايك احتيال غالقانون اذا حق الحليب والحفوضات هون بيساوي راتب احسن موظف بسوريا وليش ما استفيد كرمال بنتي تتهنالها شوي بمكارم المانيا وشو 156 يورو هي في حال اذا انا استفدت منها شو بتعمل بتغطي مصاريف الروضة واللبس والاكل والالعاب والحفوضات واشياء اخرى يفوق ثمنها ما ذكر انفا ويا ريت بلا كذب لانو اي معيد بتجيه مساعدة بعمره ما بيقول لا وهي الصراحة
المانيا
-

2009-04-11 19:02:47
معيدة
الى السيد احتيال على القانون
وما قلتلوا يا حضرة الزميل لبرفسورك انو الدولة راح تخلينا ندفع ضعف المبلغ في حال لا سمح الله صار معنا اي امر طارئ وما قدرنا نحصل عالشهادة ما قلتلوا انو نحنا عم نقضي الغربةوبعدنا عن اطفالناو صعوبة اللغة وناهيك عن مشاكل التي لهااول مالهااخر وبالنهايو عندما نعود للوطن سنعامل معاملة الغلرباء اضافة الى خدمة الجامعة ضعف مدة الايفادوالله عم ننذلب بهالايفاد
المانيا
-

2009-04-10 23:47:21
موفد سوري فخور
Erklärung 2
والمقيمين وذوي إقامات عمل وهذا دليل على أن kindergled ليس مساعده إجتماعيه. وكل الطلبه الموفدين على علم بهذا الأمر قبل أن ينشر. ولكن لابد من الأمانه والصدق بتقديم الأوراق حتى يكون الموضوع قانوني وحلال بنفس الوقت. ومافي داعي أن نهاجم بعض. وانتم تعرفون ان الموفد السوري من أحسن الموفدين وبشهادة الأساتذه الألمان فأرجوعدم الأنقاص من شأنه. مع الشكر
ألمانيا
-

2009-04-10 23:39:47
موفد سوري فخور
Erklärung
سلام. أولا انا موفد سوري بألمانيا والراتب الحمدلله كافي بالأخص للعزابي وهذا فخر لنا بأننا نأخذ راتب جيد. أما صدقوني اللي عنده أولاد نوعا ما مصاريفه مرتفعه وهذا يعتمد عالمدينه أيضا. وأريد أن أوضح أن ال kindergeld لايعتبر مساعده إجتماعيه بتاتا ولكن هو دعم للطفل حيث هنا بألمانيا حتى الذي يتقاضى راتبا عاليا مهما كان يحق له الحصول عال kindergeld طبعا للألمان
ألمانيا
-

2009-04-10 19:34:28
مغترب
تحذير
إقامات الدراسة المكفولة بضمانة مصرفية أو كفيل أو دولة موفدة أو لم الشمل تخضع للشرط التالي وإن لم يكتب عليها: Erlicht bei Beantragung von Wohngeld oder Leistungen nach SGB II oder SGB XII المقيمون يعرفون معنى الشرط. أي أن الإقامة تلغى فوراً عند طلب معونات معينة، أما Elterngeld و Kindergeld فهما غير مشمولين بالشرط
ألمانيا
-

2009-04-10 17:50:24
معيدة موفدة
للتوضيح فقط1
ولكن للاسف تم رفض طلبي وعندها قالت لي الموظفة ان اجلب اقامة زوجي حتى يتم قبول الطلب لانني لا استطيع ان استفيد انا وقد قدمت الوثائق صحيحة وضمن القوانين الالمانية يسمح للزوج او زوجة الموفد الاستفادة لانهم يسمح لهم بالعمل بعد سنتين والاقامة ليس لها علاقة بالمساعدات اطلاقا لان الجهة التي سوف تقدم اليها طلبك هي التي تبلغك مباشرة اما تستفيد او لا فقط
المانيا
-

2009-04-10 17:41:41
معيدة موفدة
للتوضيح فقط1
اولا اود الشكر لصاحب المقال على منفعته للطلاب لان الشخص بالنهاية هو عم يطرح مساعدة ونحنا فينا نستفيد او لا وانا ااسف عندما اقرا تلك التعليقات والتي تصدر من معيدين ويفترض ان تلك الفئة لديها محاكاة للامور انا بالنسبة لي عندما انجبن طفلتي في المانيافي المشفى اعطوني وثيقة لكل استفيد من مساعدة Kindergeld und Elterngeld وقدمت طلبي الى الجهتين المذكورتين
المانيا
-

2009-04-09 20:02:47
meedo
والله عيب
يا جماعةيلي كتب المقال مو قصدو الا الافادة ليش نازلين فيه ما بعرف؟بصراحة كلياتنا عندنا كرامة ولو كان الراتب فعلا بيكفي ما كان حدا راح يطلب مساعدات من الحكومة الالمانيةوبعدين اكبر مشكلة هيه التاخير بوصول الرواتب والتعويض العائلي يعني تعويض عام 2008 للعائلة الى الان لم يتم صرفه فتخيلو حالة عائلة من 4 اشخاص على راتب شخص واحد..هاد هو يلي بخلينا نطلب مساعدات
المانيا
-

2009-04-09 16:26:11
ياشباب
عيب عليكم
يعني شويه التاني راح تتقاتلوا مع بعض اذا كان كلام الكاتب صحيح فهو يريد ان تستفيدوا وان لم يكن صحيح اذا على ماذااعتمد على معلوماته .لا تخافوا الوزاره ماراح تنقص من راتبكم واذا خايفين من الزياده القادمه .اي الله يعطيكم عمر لهداك الوقت .انا بشكر صاحب المقاله وياريت يكون في العالم مثله .
باركينو فاسو
-

2009-04-09 14:15:13
مختار ألمانيا
مجنون يحكي وعاقل يسمع 2
الموفدة المتزوجة من الطبيعي تقدم على هيك مساعدة لأنوا الدولة تبعها ما عم تنصفها بالمقارنة مع السيد الموفد لأنوا عنا المجمتمع للأسف ذكوري **** وكأنوا الأنثى جاي من كوكب ثاني. لذلك أنا أشد على أيدي أصدقائنا الموفدات من أجل الحصول على هذه المساعدات في المقاطعات التي يسمح بها بالحصول على هذه المساعدات
ألمانيا
-

2009-04-09 14:08:13
مختار ألمانيا
مجنون يحكي وعاقل يسمع
يا سيدي يا مشارك حضرتك بحقلك تحكي بس عن نفسك وعن المقاطعة اللي إنتى عايش فيها لأنوا في مفاطعات بمجرد ما تطلب مساعدة إجتماعية فالإقامة تبعك صارت بحكم الملغية وطبعاً هيدا إذا كانت المساعدة من حقك وقد تكون من حقك بشرط تقدم بياناتك كاملة غير منقوصة ومن وجهة نظري الموفد المتزوج اللي أقل أحقية بهالمساعدة بكتير من الموفدة المتزوجة
ألمانيا
-

2009-04-09 13:23:52
موفد
حول المساعدات كلها
والله ورب الكعبة , اليوم الموظفة قالت لي بالحرف / الذي يقدم على طلبات المساعدة الإجتماعية سوف يتم الغاء إقامته / عيب عليكم تكذبوا , يمكن في هناك أشخاص يأخذوا هذه المساعدات ولكنهم قاموا بتزوير وثيقة ما , وإذا انكشفوا سوف يتبهدلوا
المانيا
-

2009-04-09 12:52:22
موفد
حول المساعدة الأولى
صاحب المقال كاذب ببساطة لأننا ممنوعون من المساعدة الأولى وإليكم المرجع في ألمانيا http://www.wohngeld.de/wohngeld.de_neu/portal/allgemeines.aspx عيب عليك تشغل الناس وتعيشهم بالأمل , عيب عليك هذا التصرف , وسوف نواتيكم بباقي البيانات عن المساعدات تباعاً
المانيا
-

2009-04-09 11:39:49
معيدة
شكرا
مع اني بحاجة الى مثل هذه المساعدات فانا لا اتقاضى راتب عن زوجي و لدينا مصاريف اضافية للدفع لا يدفعها اغلب الموفدين و نحن لم نحصل على الاشهر الستة المجانية لدورة اللغة الالمانية و مع ذلك كنت اتمنى ان لا تنشر مثل هذه الاخبار عالنت و الا فان الزيادة القادمة للرواتب لن تتجاوز 2% مع اننا نفضل زيادة الرواتب على المساعدات
برلين
-

2009-04-09 00:57:49
موفدة
رجاء
رجاء سيريانيوز رفع المساهمة من الموقع أعتقد أنه كفى نشر تعليقات القراء من الموفدين وغيرهم فمن يتصفح هذا الموقع ليس سوري فقط .......وأعتقد أنه من يحب الاستفادة من هذه المساعدات يستطيع مراسلة صاحب المساهمة على عنوانه الالكتروني
ألمانيا
-

2009-04-09 00:05:06
موفد
الى الاخت زوجة موفد
انا لست ضد المساعدات ولكن ماذا تسمين طلبك لمساعدة مع عدم اظهار الراتب الحقيقي.لماذا تخفين راتبك عنهم؟؟ .كلامك صحيح ان المدن الالمانية ليست بنفس المستوى ومن يعيش في سكن طلاب ليس كمن يعيش بسكن خاص لكنني كنت شديد الوضوح قدمي وثائقك كاملة فان اعطوك مساعدات فهي حقك وحلال عليك وعلينا. اما ان تقولي لأن المعيشة غالية فهذا مبرر فأنا لست معك(اعذريني على صراحتي)
المانيا
-

2009-04-08 22:08:58
موفد في مدينة ميونيخ
ميونيخ متل ابو رومانة بسوريا
أنا أطلب من وزارة التعليم العالي رفض أي قبول يأتيها من مدينة ميونيخ في جنوب ألمانيا. لأنو كل راتب الموفد ما رح يكفي أجرة غرفة في قبو لا يرى النور. خاصة اذا كان غير متزوج ولا يحصل على اي تعويض.
ألمانيا الغربية
-

2009-04-08 18:56:58
phantom
احتيال على القانون 3
ومنخون مبادئنا وقيمنا.وطبعا بأكد انو لاثواب ولافضل لصاحب المشاركة بل على العكس هو عم يساهم بتشويه صورة البلد.وبطلب من سوريا نيوز أنو تحذف هالمشاركة و انا مستعد وبتحدا أنو يطلع موفد واحد وهون حكي موجه لموفدين المانيا تحديدا ويقلي أنو راتبه ما عم يكفيه سواء اكان عازبا أم متزوجا.********
-
-

2009-04-08 18:53:13
phantom
احتيال على القانون 2
انا كنت خبر البروفسور المشرف علي براتبي كاملا وبانو الدولة بترجعنا رسوم التأمين الصحي وتسجيل الجامعة وبتعطينا كل سنتين ثمن تذكرة طيارة على سوريا وبتعطينا كل سنة راتب ونص تعويض قرطاسية ولباس فأعجب جدا بمقدار اهتمام الدولة عنا بالعلم لحتى تدفع هالمبالغ الكبيرة لهالعدد الكبير من الموفدين بمعظم دول اوربا.ونحنا شو منعمل بالمقابل منشوه سمعة البلد ومنخون..
syria
-

2009-04-08 18:49:34
Phantom
احتيال على القانون وتشويه لسمعة البلد
بضم صوتي لصوت الأخ(موفد)وبقلن للاخوة المعيدين انو الراتب السوري سواء للمتزوجين او العزابية بيكفين ومابيخلين بحاجة يطلبوا مساعدات لا من ألمانيا ولا من غيرها.راتب المنحة السورية ماله اعلى راتب بس كمان ماله أقل راتب للمنح.وبحب ذكر الاخوة المعيدين انو نحنا سفراء لوطنا الحبيب سوريا وعيب علينا نلجأ لهيك أساليب لا بتليق فينا ولا ببلدنا ولا بعاداتنا وتقاليدنا.
-
-

2009-04-08 18:35:12
مراقبة
ازيدكم من الشعر بيت
و كمان اضافة الى ذلك يحق لزوجات المعيدين التقدم الى كورس لغة مجاني اسمه دورة اندماج مدته ستة اشهر تحصل فيه على شهادة ب1 و كمان دوروا عليها بالانترنت رح تلاقوها لانه بكل مدينة اسم غير
المانيا
-

2009-04-08 18:17:20
زوجة موفد
الى الاخ موفد
الى الاخ موفد اذا كنت حضرتك ساكن في سكن جامعي ايجاره كامل لا يتجاوز 270 يورو و مصروفك الشهري مع عائلة لا يتجاوز 300 يورو فبرافو عليك و صحتين بس اللي ساكن في مدينة اقل ايجار فيها 600 يورو و الفواتير من كهرباء و تدفئة تتجاوز 100 يورو و الحضانة للاطفال ب 130 يورو بس اربع ساعات هذا من وين رح يكفيه راتبه انت عمتساوي المدن الالمانية ببعضها البعض و لا ؟؟
المانيا
-

2009-04-08 18:13:38
موفد بس مو شحاد
تصحيح يا عبقري
يعني والله متعب حالك يارجل , يبدو أن وقتك فارغ ,هل تعلم يا محترم أنه مكتوب على إقامتنا ممنوع من المساعدات الإجتماعية وأن التقدم بطلب للحصول عليها يعرضك لإنهاء الإقامة , طيب شو الحل يا خبيبي يا صاحب الوقت الفاضي , شو رأيك تخلص بسرعة وترجع بلكي الوطن بحاجة هيك أدمغة , طيب هل تعلم أن المساعدات التي ذكرتها خاصة للألمان أو اللاجئين فقط , **********
ألمانيا
-

2009-04-08 16:33:57
موفد ألمانيا
تصحيح 2
ولا أعتقد أن أحدا من الموفدين يريد أن يعيش هذا الكابوس ومن يتبجح ويقول أن الراتب يكفي أقول له نعم يكفي في حال كنت وحدك بدون أولاد وزوجةحيث أنت غير مطالب بأخذ أولادك إلى أي مكان أو شراء ألعاب أو لباس أو دفع رسوم شهرية للروضة ووووووووووو
ألمانيا/نيدرساكسن
-

2009-04-08 16:29:47
موفد ألمانيا
تصحيح فكرة خاطئة
بداية شكرا سيد زياد على مساهمتك وكلامك عن علاقة السوريين ببعض في الغربة صحيح مئة في المئة و الله شي بيخجل أما فيما يتعلق بالمساعدات فكلامك صحيح يوجد مساعدات ولكن ليس في كل ولايات ألمانيا ممثلا في الولاية التي أقيم فيها تمنع أي مساعدات عن الطلاب سوائ كان سوري أم لا واي طالب أجنبي يثبت تقاضيه أي معونة يتم ترحليه ولا أعتقد أن أحدا من الطلاب يريد أن يعايش2
ألمانيا
-

2009-04-08 12:56:16
موفد غير حسود
متابعة وجع راس
وهمهم بس العملة والله صار شي يخجل يقول الواحد أنا سوري ****** شوفو الموفدين المصرين بيكتبولهم على الدعم المالي يلي بقدموه لمكتب الأجانب يرجى عدم دفع اي مساعدات لصاحبه صارت المصري عندو كرامة أكتر من السوري و الرجاء النشر
المانيا
-

2009-04-08 12:49:55
موفد غير حسود
وجع راس
كوني موفد الى ألمانيا وعازب أكل هوى و---- لأنو الراتب ما كافي والمتزوج عم ياخد من الجهتين من الوزارة و مساعدات أكتر من الراتب ويلي بدو يقول تزوج حقول منين لو معنا تزوجنا ولو بدنا نعيش على المساعدات متل اللاجئين كمان تزوجنا بس في شي اسمو كرامة وعزة نفس بتمنى تجو وتشفو الموفدين السوريين المتزوجين كيف عايشين على هامش المجتمع وهمهم بس العملة
المانيا
-

2009-04-08 11:43:02
ن ش ك ر
تحية لصاحب المساهمه
انا حبيت علق بس لأشكرك مع اني موفد لدوله تانيه؟ هي المساهمة بتنم عن شخص محترم وعلى مستوى عالي من الاخلاق ويمكن مانو من ها الزمن اللي صار فيه العطاء المجاني عملة نادرة فشكراالك وللبيت اللي تربيت فيه
مصر
-

2009-04-07 20:46:44
موفد عتيق
بحياتي ما حصلت على فرنك من الالمان
يا جماعة لاحظوا انو الشخص اذا مو متزوج ما بيحصل على شي على الاطلاق وأنا صارلي 4 سنيني بالمانيا ما اخدت سنت واحد من الحكومة الالمانية. بقى حاجة بقى حسد الراتب ما عم يكفيني اجرة غرفة
المانيا
-

2009-04-07 18:48:38
موفد
الاحتيال على القوانين 2
لذلك يا عزيزي الكاتب ان ذنب الذين سيكذبون هو برقبتك و لذلك ارجو من موفدين المانيا الذين يريدون الاستفادة من هذه المساعدات والتي برأي الكاتب يعطونها للذي رواتبه لا تكفيه ان يذهب ويقدم طلب ويعطيهم بيان بالراتب كاملا بما يتضمن الزوجة والاولاد فان أعطوه فهو حق له وان لم يعطوه فتكو ن المقالة أداه للحث على السرقة وسيريانيوز للاسف شريك بها
المانيا
-

2009-04-07 18:35:24
موفد
الاحتيال على القوانين
مفكريين هي شطارة... برافو طلاب وحرامية.ممكن تقلي يا عزيزي الموفد ليش ما لازم قدم راتبي الحقيقي لأنو ببساطة انا كطالب سوري وبراتبي اللي أتحدى طالب ما عم يكفيه (الدولة مشكورة عليه) لا تنطبق علي شروط هذه المساعدات يعني انا عم اكذب لحتى اخد هي المساعدات بس حدا سأل لو عرفو الالمان انو السوريين هيك عم يساوا شو رح يصير,بس الظاهر حلال الي حرام على غيري
المانيا
-

2009-04-07 15:09:15
Medoo
عم ينامو بالشوارع
شو وين معيدينا الأشواس يلي شايفو بس شاطرين بالنق و السق و الشحادة و على أساس عم ينامو بالشوارع و ميتين الجوع للأسف فعلا إذا الطبقة المثقفة و وجه البلد هيك فالبقية معذورين شو ما عملو ومن هنا من هذا المنبر الحر سوريانيوز إطالب الحكومة إلغاء الايفاد فورا لأن المواطن من يدفع للخزينة و الرجاء النشر و عدم التطنيش
Denimark
-

2009-04-07 14:35:43
سليم
شو مشان الإقامة المفتوحة؟
الله يعطيك العافية على هالمقال المفيد، بس أنا سمعت انو إذا أخدت أي مساعدات من الدولة بتقل فرصة حصولك على الإقامة المفتوحة. طبعاً هالشي ما بهم المعيدين الموفدين بس بهم ربما أشخاص آخرين.
ألمانيا
-

2009-04-07 13:35:11
iran
الله يرزق الجميع
يا جماعه نحن منحه لايران فئه ب ايران لاتعطينا مساعدات ماليه فقط السكن الجامعي ورسوم الجامعه مدفوعه مسبقا والوزاره في سوريه تقطع من راتبنا فرق المنحه ولكن الطلاب فئه الف يتقاضون مبلغ 100 دولار شهريا فقط و كذلك الدوله تخصمه من الراتب لذلك نتفاجا دوما بان راتبنا قليل بعد الخصم لا يتجاوز ال 500 دولار للدراسات علما ان التضخم في ايران 30% فلماذا هذا التصرف ؟
iran
-

2009-04-07 10:53:14
Khaledd
شكرا كتير
الشكر الكتير لسيريانيو على نشر هالخبر والى الامام
المانيا
-

2009-04-07 10:48:26
Khaled
شكرا كتير
الله يعطيك العافية يا سيدي كلامك صحيح عن الطلاب السوررين بالغربة يلي ما بغاروا على مصالح بعض وكل واحد بيعتبر اي شغلة بيعرفها مكتسب شخصي محد لازم يعرفه او يستفيد منه وخاصة اذا تعلق الامر بالمساعدات الاجتماعية.
-
-

2009-04-07 10:32:40
رامـز الخـطـيـب
حسب المنطقة
كل الذي قلته هو صحيح ولكن يطبق فقط في بعض المناطق في المانياولكن ليس الكل فانا تقدمت لكل ماقلت عليه وصحيح ماقلته حسب القانون ولكن قانون الاجانب في المانيا يشترط عليك ان يكون راتبك يكفيك لتحصل على الاقامة فبالتالي دائرة الاجانب يمكن ان لاتعطيك اقامة وترحلك حسب القانون اذا اخذت اي مساعدة وهذا ماحدث معي في مقاطعة بادن فوتمبرغ فاضطر لتقديم راتب اكثر
المانيا
-

2009-04-07 10:36:58
مشارك
جزاك الله كل خير
ياسيدي جزاك الله كل خير عن هذه المشاركة الجميلة .. و إن شاء الله ينتفع بها الطلاب الموفدون جميعا.
سوريا
-

2009-04-07 07:33:33
صاحب المساهمة
تصحيح الإيميل
الأيميل الصحيح هو [email protected] فقط نضع نقطة بدل إشارة الناقص في الإيميل القديم.
Germany

2009-04-07 04:32:03
قاصد كريم
للجادين فقط
يا جماعة سؤال جدي جدا جدا: أنا غير موفد وعايش بسورية... سؤالي هو: معقول لهذه الدرجة حال الموفد، مرة يعترض على زيادة الراتب ومرة يقول سوف نتسول بسبب وزارة التعليم العالي، وغيره وغيره وآخرها طلب مساعدة اجتماعية؟؟ بحساب بسيط ألاقي انه انت عايشين أحسن من أحسن شخص بسورية مع استثناء بسيط... أرجوكم أجيبوا على سؤالي.
سورية
-

2009-04-07 02:26:51
موفد غير حسود من مصر
الله يزيكم من نعيمه
الهم زد وبارك ونتمنى الخير للجميع والله يرزقنا كما رزقكم دولة تهتم بقاطنيها سواء مواطنين أصليين او اجانب
مصر
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات