سيريانيوز شباب وتعليم :: الغش في امتحانات البكالوريا والتاسع... هل هو سلوك مبرر؟

الغش في امتحانات البكالوريا والتاسع... هل هو سلوك مبرر؟

مواضيع للحوار

يندر أن تقابل شخصاً وتسأله عن مسألة الغش والنقل في امتحانات الشهادات العامة (التاسع والبكالوريا) إلا ووجدته من المبررين له بحكم الضغوط على الطالب وضخامة المنهاج والتأثير المباشر لهذه الامتحانات في مصير الطالب ومستقبله، لذا يطالب الكثير من الناس المراقبين في الامتحانات العامة بالتساهل مع حالات النقل أو الغش بين الطلبة.

فما رأيك في ذلك؟

شارك بالتعليق

طالبة صف تاسع

لكن معئول نحفظ مدري كم قصة ومدري كم درس قراءة تافهين لابيئدمو ولا بيئخروا وبالأخر يكون عليهن يا علامة ياتنتين لأ الواحد يدرس بدالون قواعد ويتنقلون احسن ماضوع وقتي بقصص واسئلتن

حط بلخرج يا شيخ ...

أولاً سبب انقل ليس من الطالب نفسوا بل من شي اللي عم يواجهوا..ففي محافظة الحسكة طلابنا ماعم ياخدو شي بمرحلة البتدائية والاعداديةماعدا ديكور المدرسة يا زلمية كانواالسجن مو مدرسة ومن ناحية الاستاذا بتصرفو كأنوا سجان ياألهي شو هاد ....وتقولو نقل ...

المنهاج الجديد

والله لو تتكرم وزارة التربية بألغاء المنهاج الجديد تكون فعلت الصواب لانه منهاج غير مفهوم الاغلبية الطلاب

طالبة مهزومة

إذا نمت بدون كوابيس خود يلي بدك ياه

عم نحكي عالغش بس بين الطلبة طب شو رأيكن بالأسئلة يلي عم توصل قبل الامتحان ب 15 ساعة طبعا بس لبعض الطلاب وبعضهن لا يعني تعب سنة كاملة بساوي تعب 15 ساعة قبل الامتحان و60 ألف بتعادل 3 إلاف حق الأسئلة هاد الواقع

انا جمعت بالكالوريا 185 صافي وفي واحد كنت معو في الصف كنت انا دائما دراسة وهو شوية دراسة بس بعدين جمع أكترمني 220 شلون صار هيك ما بعرف مع انو علامات المذاكرات والإختبارات ما بتدل على هيك طلع مدير المركز كان يدرسوا بالصف التاسع وبتعرفوا....الباقي

عم بدرس 17 ساعة باليوم وازا بنام

الغش حرام يا اخوان بس للضرورة احكام يعني عم ادرس وادرس وانا ساكن بضيعة وانا ابن بكر اكبر شي وروح وتعا واخر العنقود مو ماينين عليه ويني بدي ادرس ويني البيتتعا ادرس المنهاج الي المؤلفين بيتسابقوا لتصير سوريا اصعب مناهج بالعالم ازا بدي القط شي كلمة في ربع علامة بدي جيبا يعني مو معقول ادرس هالمنهاج ودقر عند شي سؤال لك ازا نقصني علامة للمفاضلة بروح الفرع كلو

اسأل مجرب ولا تسأل حكيم

انا من بعد ما كنت من الاوائل رسبت سنتين علمي و هي التالتة ادبي لأني حمار لما حرمت الغش بالبكالوريا بس وعد اذا بقدم سنة رابعة بدي مو بس غش بدي اخترع طرق جديدة للغش ما بتخطر ببال ابليس لأنوا الحمير بالصف صارو طلاب جامعة وانا لساتني بكالوريا قال حرام قال

انا معك ابو العلا

اقسم بالله العظيم اني سمعت عن ناس عم يستعملوا سماعات البلوتوث و يتنقلوا بس ما صدقت لشفت بعيوني 000 مو حرام وحدة انعمت عيونها لجابت 160 علامة و التانية جابت 175 و هي حاطة اديها و رجليها بمي باردة

سوريا العظيمة

طالبة بكالوريا علمي

انا مانقلت ولاحرف مع انو كانت دراستي مو زيادة وانا علمي ، انا كنت انقل بالحادي عشر وبالعاشر كمان ، بس حلفت يمين ما انقل بالبكالوريا .

ابو العلا

طيب بيصير هيك ؟

لك لكن انا اتعب كل السنة لجمع 144 بالادبي وابن جيراني يلي مقضيها سهر وشدة يمجع 198 بس لأنو حط سماعة الموبايل على أدنو بدون ما يشوفو حدا ونجح والكل فكرو عبقري ...... والله حرام

كله حرام بحرام طيب ليش مابياخد كل واحد حقه ؟ ليش هالعم بيطالبوا بالغش والنقل ؟ يحطوا حالون بالموقف المعاكس , يعني ماكانوا رح يزعلوا كتير يا ريت كل انسان ياخد حقه وبس وما يتطلع لحق غيره

شاهين المرشدي

انتشار الغش في الامتحانات هو دليل على انحطاط الاخلاق والقيم فهو كالغش في السلع والتعاملات المختلفة والذي اوصلنا لذلك اننا جردنا المراقب من كل الاسلحة التي تمكنه من قمع هذه الظاهرة *****والتي ستهوي بنالنصبح في قاع الامم ان لم نتدارك ذلك والذي اوصل المراقب الى هذه الدرجة من قلة الحيلة *******

اتقوا ربكم

من غشنا ليس منا من منا ينسى هذه المقولة العظيمة والشهيرة للرسول الأعظم , لماذا لا يأخذ كل ذي حق حقه ؟ هل من المعقول أن ينال طالب درجة لا يستحقها ؟ أرجو من الجميع التنبه إلى هذه الفكرة من طلاب وأهالي وأخـــــــــــــــــيرا : مراقبين .

فسوووووووووووووق

ماسأقوله قدلا يصدق لكنني سأخرج كلّ ما في جعبتي من الغش كثير لكن العجب أن تجد الأستاذ المراقب قد يغض الطرف عن طالب يغش وبنفس الوقت يعاقب آخر.فما هو السبب؟ رشوة مثلا؟ بل أنني متأكد أن بعض رؤساء المراكز قد مشوا في هذا الطريق والكلام من آباء طلبة الأسئلة بشكل عام بين الوسطية والصعوبة الرياضيات مثلا كانت وسط لكن طويلةفالرهان كان على الوقت وليس على الحل.

ألحسكة في رأس العين

أن ألغش أمر لا يجوز ألتكلم عنه لاننا توارثنها من جيل ألي جيل وهو أمر طبيعي على ألطالب أن يفكر في ألغش أنما هو أمر لا يمكن أن يتوقف ألطالب عن ألغش لانه يعتقد أن ألاساتذة سوف يكونن متساهيل معهم هذا ما يزيد من كثرة ألغش في ألمدارس وشكراً

ليش يعني مو مبرر

أنا كنت طالب بكلوريا من سنتين و بصراحة لولا الراشيتات بحياتي ما كنت شفت الشهادة بس هلأ عم أدرس جامعة و نشكر الله ماشي كتير منيح و ماني محتاج أتذكر أديش فيه رز بالجزائر و سمك بالمغرب يعني هيك سؤال لازم ينسأل إذا كان منهاجنا عنجد مهم لحيات الطالب مو معلومات لشهر و مننساها

مبرر و غير مبرر بنفس الوقت

بكون مبرر لما بكون الواحد دارس و تعبان عحالو وبالفحص صدفت و نسي شغلة هو دارسا بالأصل أما يكون مو دارس شي و جاي ياخد تعب يلي حواليه من أيام و شهور دراسة فهادا و الله حرام!!...

الصراحة ظلمونا السنة كتير باسئلة الرياضيات وكانت الاسئلة صعبة بس بقية الاسئلة كانت سهلة

سوريا .ادلب . كنصفرة

الحق مو علينا

أولا المناهج ضخمة ثانيا بتنسى بسرعة ثالثا كل الطلاب عن يغشوا رابعا المجاميع والقبولات نار فكيف ما بدنا نغششش

شو بصير أذا ساعدونة

يعني أذا المراقب نقل الطالب سؤال أو سؤالين شو له يصير بالدنيا يعني لماذا الشدة يا رسول الله لكا مراقب مفكر حاله له يأخذ جائز أذا ما نقل ويكن أذا هل المرقب المرقبة كان عندوه ولد أو بنت له يقول قبل ما يروه ابنه على الفحص أنشا الله يجوك مراقبين مناح و أنا مؤول عن حكي أنا ما بقول أنو ما أجيه حدا و ساعدني أجا بس على أي مادة الفرنسي و على الدينيةوإنشانا جحين

انا برايي انو هالمراقبات ما عندون ولاد يعني اذا ساعدونا شوي يمكن ينجحونا على علامة او يرسبونا على علامة

akram المخضرم

ما على المظلوم حرج

رح يكون عندي اكتر من توضيح طبعا لمعايشة الواقع هلأ اذا اجى للطالب سؤال حافظو ومو متزكرو مو حرام اذا سحبو من حوليه وكمان اذا اجى سؤال صعب شو المشكلة! طبعا انتو عم تدرسوا حالة الغش وما عم تدرسو صعوبة الاسئلة يعني علامة بتغير مصير الطالب انا بقول انو مو حرام النقل وانا بشجع عليه طبعا هاد رئي وانا اسف اذا اسئت لحدا يعني اذا راح للطالب 32 علامة راحة عليه؟!

أبوسعيد أو تعيس إذا كنت ت

أبوسعيد أو تعيس إذا كنت تريد

كنت طالب وصرت أستاذ أعتقد أن التنقيل خطر لا يمكن أن تتصوروا المعاناة يمكنكم أن تتصوروا جيوبي مليئة بالراشيتات بفحص الفلسفة ولما قام رئيس المركز بضبط بعض الطلاب كتبهم تعهد ! تخيلوا أيضا أن عمري 25 سنة والطالب أدبي أحرالر عموه 40 سنه وبيتنقل مثل الأولاد الصغار كنا مجبورين أن نساير لأن الأستاذ مهدد والحساب آخر يوم ..

أبوسعيد أو تعيس إذا كنت تريد

الغش شي من الحياة اليومية بس.......

نحن تعودنا نسمع كلمة غش كتير والبعض مينجح من ورا الغش بس أكيد هاد شي كتير غلط بس العالم بتفكر أنو يلي بيغش شاطر أنو ئدر يضحك ع المراقبين وبالحقيقة بيكون ميضحك على حالو لأن إذا نجح بكالوريا بالغش كيف رح يكمل بائي الأيام يلي جاي ؟ بتمنى ماحدا يتبع هاد الأسلوب والطالب السوري مو بس محتمل يسير عبقري حتمل يوصل للعالمية بس المهم هوي يهتم وبتمنى التوفيق للجميع

اذا احنا ضفادع تجارب

يعني السنة خليتونا ضفادع تجارب بالرياضيات فكيف ما بدنا نغش

نرجو أن يتطور التعليم ويصبح أفضل على كل المستويات وذلك لكل الصفوف الدراسية وليس فقط التاسع و الثاني عشر

لا اسباب مبررة

قال رسول الله صلى الله عليه و سلم (من غش فليس منا) و هذا حديث صحيح واضح الدلالة على ان الغش بانواعه لا يجوز ، مهما كانت الاسباب، إن صعوبة المنهاج و ضخامته لا يبرران الغش ، بعض الطلاب يضيعون اوقاتهم في توافه الامور خلال العام الدراسي ثم يلجؤون إلى الغش متذرعين بأعذار واهية ، المشكلة انه مع تبريرنا لهذا الموضوع فقد أصبح ثقافة مجتمع كامل ، و كانه مسموح!!!

الولايات المتحدة

الخوارزمية

قول الأنسة : الكل فوق الأربعين بالعربي على مسؤليتي

انسة بتضحك بوجه طالية و هية عم تغش ... و الأنسة بتنسى تشرب أهوة ابل ما تجي تراقب فبتفضل تشربة على حساب المدرسة و الضحك بالقاعة لا بد منو و السؤال على الطبخ لا بد منو يعني اذا اجتمعو انستين في القاعة صارت القاعة مطبخ يعني ارجو من السادة المصححين اذا شافو على الأوراق أهوة و حكي على لمطابخ يتغاضو شوي لأن بيكون الطالب متأثر بالجو هههههههه

المراقب اللعين

يعني شو بيخسر المراقب اذا ساعد الطالب شوي وخلا ياخد شي سؤال من الطالب اللي جنبه مو أحسن مايرسب ويعيد السنة مرة 2و3 4 بس انا اجاني مراقب ما بيخلي الواحد يلتفت ابداً وقال هو عم يأخذ راتبه مشا مايساعدنا شوهالحكي الفاضي لو كان ابنه هيك صار معه ياترى شو كانت ردة فعله ؟؟؟؟؟؟؟؟؟؟؟؟؟؟؟؟؟؟؟؟؟

ام طالبة التاسع

لما الخوف

للطالبة التي ردت علي :أستغرب لما الخوف من المراقبين إذا كنت لا أفعل خطأ لا يهم لو ملئت القاعة مراقبين ألا أثق بنفسي الخطأهو هذا الرعب الذي يملأ نفوس الطلاب من الإمتحانات لماذا؟ كلها قلة ثقة بالنفس00وإلى العندليب:صدقت نحتاج لمدرسين أكفاء لكن ألا تتساءل لماذا قلوا 00أقول لك لأنهم صاروا أساتذة بالنقل والغش00وبعضهم لا ضمير له يعلم دون إخلاص00

طالب حزين

الله يعين الطلاب

مساكين طلابنا يعني فوق المنهاج الضخم والاسئلة الصعبة كمان تشديد بالتصحيح فنيالهم كيف ما بدهم يغشو عالقليل ينجحوا نظامي لانو كمان المعدلات ناااااااااااااار وما ااقول الا الله يساعد الطلاب

أفضل الامور اوسطها

الحلول موجدوة لكن اين التنفيذ !!!؟؟؟؟ الحل الذي يرضي الطلاب و يرحهم و يرضي التربية و المسوؤلين عن الامتحانات بكل بساطةاما تخفيض و تقليل صفحات المنهاج او العمل ب نظام الاكمال الذي يريح الطالب الحلول موجودة لكن مافي تنفيذ و لا شي و لحتى تغيير نظام التعليم لن ألوم كل شخص يحتاج للمسادعدة في الفحص بالنسبة للمراقبين و التنقيل على كلا الجبهات و الله خير معين.

الى ام لطالبة تاسع

مع احترامي الك بس لو كانت بنتك دارسة كتير كتير بس من خوفا و قلقا و وقفة المراقبة فوق راسا طار السؤال من راسا و بدا بس كلمتين لتتذكروا كنتي قلتي انو حرام .. لو سمحتو ما كل واحد يتفلسف على كيفو و خاصة منشان طلاب بكالوريا يعني علامة وحدة بتغير فرع كامل و مو غلط اذا واحد احتاج مساعدة .. بدول اوروبا الطالب فيو يدخل معو مرجع لانو مو مهم البصم المهم الاسلوب

العندليب

الغش في الامتحانات

الغش حرام لاخلاف عليه ولكن عندما ياخذ الطالب حقه في التعليم اما مناهج تعج بالاخطاء ومعلم وكيل يدرس جميع الموادللطلاب ومعلم مادة رئيسية يلتحق قبل نهاية العام بشهر فالمسالة فيها نظر وشكرا

مافيها شي يعني والله حرام عنجد الضغط اللي بيعانو كبير ويعني أديه بدن ينقلو كم سؤال وبس يعني مو الأسئلة كلها حرام....

طالب بكلوريا

شو حرام تحرم عيشتهم

اذا بيحطوا اسئلة تعجيزية للطالب لدرحة انو الطالب يلي بنقال عليه مجتهد بينحط بمواقف ممكن من صعوبة الاسئلة ما يعرفها اي شو حرام نحن اكتر طلاب عنا امناهج الدراسية كتير ضخمة متل كتاب العلوم البكلوريا العلمي 333صفحة بدك تدرسها مشان 30علامة انا رأيي من رأي طالبة البكلوريا الادبي معهاحق ماضيع4علامات ولسهابيقولواالغش حرام لك يخافواالله يلي عم يحطواالاسئلة

أحمد الله أنني لم أتلقى تعليمي في سورية

أستغرب ممن لايزال يتغنى بمستوى التعليم عنا وقوة شهادة البكالوريا في سورية وتجده يتهجم على كل شي بكالوريا مو سورية وخاصة إذا كانت خليجية أو سعودية بالتحديد, والله أنو مستوى التعليم عنا أصبح مثله مثل باقي قطاعات الدولة في الحضيض, لكن بأيا دولة بتصير أنو طلاب البكالوريا مابداوموا غير شهرين أول السنة وبيعطلوا بعدها, هدا الحكي بحلب ولست أدري عن باقي المحافظا

والله عطوا هالطلاب سبب مقنع لحتى ما يغشوا يعني لازم الطالب يدرس 25 من أصل 24 ساعة علم أحياء مشان يجيب 30/30 يعني كيف بدنا نسير بشر و الله ما بعرف

لدينوووووووووووووووووووووووووووووووووو

بالمقلوب

صار شي طبيعي إنو ينقلو الطلاب بالامتحان وإذا طلعلو شي مراقب شديد فبكون ابن . .. . وإذا طلع حظ المراقب في بعض المناطق أكيد ما رح يطلع منا سليم إذا شد شوي بالمراقبة وخلاّ الطلاب ينقلو . .. لك عووووووجة عوووجة دخلك المدرس في إلو حصانة إذا اشتكا على طالب . . لا قسما بالله ما رح حدا يرد بس إذا طالب اشتكا على مدرس لاني شدلو إدنو رح يشحطو المدرس من نص المردسة

أم لطالبة تاسع

حرام الغش يا ناس

والله حرام النقل هاللي عم يصير بين هالطلاب كل يوم ابنتي تخبرني عن سهولة النقل المراقبون متساهلون جدا مو حرام بس الطالب لو مربى صح وواعي لايرضى بالغش أبدا لأنه يضر نفسه لا الآخرين والمعلمون بدل أن ينفعوا الطالب ويدلوه على الصح للأسف يعينوه على الخطأ00لازم مراقبة شديدة حرام ناس تجيب علامات لا تستاهلها00والله سيحاسب الجميع والمستقبل أساتذة فاشلين

وضع منطقي

انا طالبة بكلوريا أدبي و اليوم كان عندي امتحان قومية .. كتبت يلي عرفتو و اخر سؤال عليه 4 علامات ما عرفتو شو رأيك ؟ اترك 4 علامات و سلم الورقة و امشي ؟ ولا اسحب من كمي العلامة و اضمن 20 من 20 ؟ يوم قبل القومية..و 18 درس ..وين العدل و المنطق ؟ و كمان ممنوع الغش ؟ مشان الله حاج تعجيز ..

طالبة عاشر

ااااااااااااااااااااااااااه

يعني لولا النقل والغش صدقوني أغلبيت الطلاب ما نجحوا ال مجتمعنا عم يتطور مستواه العلمي بس بدون الغش هه مستحيل يعني أطورنا بسبب الغش

معقول عم ندافع عن ا لغش

يعني وين العدل واحد مضى السنة كلها دراسة وتعب وما نام بالليل واتبع دورات وهلك لحتى يجيب العلامة والتاني ما كان ينام الليل بس مو دراسة, أركيله وتسلاية ومسخرة بكم حركة فلهوية وغش ونقل وزعبرة يحصل على العلامة والله شي حلو وبيرفع الراس ... ممكن غض البصر عن كلمة أو كلمتين بس مو أكتر وإلا مافي داعي للامتحان , حاجة مسخرة وتبرير للغش والفشل والكسل...

راجعة عالشام

يا حرام على ايام زمان

بدي احكي و بصراحة في مشكلةكبيرةعند الطلاب انا معلم و انا عم راقب بالامتحانات ، يعني انا كل مابشوف الاسئلة المطلوبة بزعل على ايام الامتحان يلي قدمتو و انا بالتاسع لكن في مستوا ضعيف كتير لدىالطلاب ورح قلكون مثال : في سؤال بمادة القومية بما معناه رتب الاحداث التالية وفق التواريخ و هي حرب تشرين و الحركة التصحيحية و ثورة 8اذارالنتيجةانو90%حلو غلط !!

في ناس بستاهل

انا راقبت السنة على البكالوريافي امور ماحدا ممكن يشوفها او يميزها الا بس ينحط بموقع معين متل المراقبة مثلا في طالب من اول الامتحان حاطط راسو وعم يكتب وشكلو مجتهدبس باخر الوقت فجاة صاريحوص فابتسمت وفهمتو انو غاضض الطرف بالمقابل في طلاب وما اكثرهم من او 10 دقائق بيبلشوهدول والله فورا حطيتلهم حد فالواحد على الااقل يتعب شوي صحيح مو الكل متل بعض وسلامي للكل

جمهورية المراقبين العظماء

ما رأيك بالغش؟؟!!

الغش غش ولا مبرر له سوى الكسل وضعف الثقة بالنفس ونوم الضمير

ما كنت اخد هل تاسع :@:!:@:

اكيد رح يغشو العالم لانو الدراسة صعبة منهاج صعب ما بعرف لشو كل هل تعئيد تئول بدون يطلعو نابغات ولا عباقرة و اصلن شهادة التاسع ع الفاضي كلو مشان تئدم هل بكلوريا طيب لشو خلص بلاها لك اذا رسب الواحد بدو يعيد السنة كلها اي مو حكي هاد اكيد رح يشغو و انا لو بئدر غش او زبطلي شي مراقب ما قصرت بس انو لازم يعملو مدرسة صيفية مو حكي يعيد السنة كلها !! شوهاد يا :@

The United States oF 7oran

ما كنت اخد هل تاسع :@:!:@:

انو المنهاج كتير صعب عم ادرس تاسع و رح جن لك الدراسة كتير صعبة شو بدنا نعمل يعني ما في امل اذا بدو الوحد ينجح لازم يغش و بعدين التاسع بدها شهادة لشو بظن البكلوريا بتكفي لشو وجع الراس و شهادة تاسع بلاها بعدين الواحد اذا بدو يعيد بدو يعيد السنة كلها يعملو مدارس صيفية احسن ما يعيدا كلها ولله حرام شو يعني رح نطلع عباقرة غير كل العالم ولا كيف شلون بفكرو !!

مواعيد التسجيل

مواعيد الامتحانات

نتائج الامتحانات