سيريانيوز شباب وتعليم :: الغش في الامتحانات باستخدام الموبايل

الغش في الامتحانات باستخدام الموبايل

مواضيع للحوار

يلحظ الكثيرون أن الجهات المختصة في وزارتي التربية والتعليم العالي، تمارس إجراءات صارمة ضد استخدام الموبايل كأداة للغش سواء في الامتحانات الجامعية أو في الامتحانات العامة للشهادتين الثانوية والإعدادية.

وفي تجارب حقيقية، تعرض بعض الطلبة للفصل النهائي من الجامعة بعد اكتشاف الموبايل معهم داخل القاعة الامتحانية.

بعض الطلبة الجامعيين يظنون أن إجراءت الجهات المختصة ضد إدخال الموبايل للقاعات الامتحانية مبالغ فيها، نظراً لوجود وسائل للغش أنجع وأقل لفتاً للأنظار

فما رأيك فيما سبق؟

هل سبق أن مررت بتجربة طرد من امتحان بسبب الاشتباه بالغش عبر الموبايل؟

هل تعتقد أن الإجراءت الصارمة ضد إدخال الموبايل إلى القاعات الامتحانية مبررة؟

شاركنا الرأي...

شارك بالتعليق

مليت بدي اتخرج

مليت من الدراسة

والله برأي تسهلو الاسئلة لانو ما مخلين شي بالعالم الا وحاطينها انا بدرس ادارة اعمل شو دخل كتاب الحقوق سنة رابعة عنا و شو دهل كتاب الشريعة عنا لك شي بيقرف و كرهت الدراسة من ورا هالمنهاج المحترم وبدي غش و رح غش و يلي بدو يصير يصير ماعاد فرقت معي

طالبة ثانوية

الغش ثم الغش

الغش ان كان بالموبايل او بأي طريقة لح نظل نغش انا مع الطلاب الغشاشين سهلو الاسئلة بعدين احكو عن الغش بطلب من سيريا نيوز ان تضع حوار بأسم اسئلة تعجيز الطالب في البكلوريا

طـــــــــالب يائس

شو مشان البكالوريا

أصدقائي أنا طالب بكالوريا والفكرة انو الواحد بدو يكون عايش من 1000سنة لحتى يحفظ هيك منهاج..لأن كان في شي اسمو ون عربي عن جد مو هيك اسم بس...طيب أنا سوري شو بدي بالصومال اذا بتزرع موز ولا فجل؟؟؟درسونا عن سوريا ..لك عن لبنان عن تركيا ...مو عن بلد اذا بعيش 2000سنة مو سائل شوبيشتغلوا فيه ولا شو بيزرعوا.....لازمنا سماعة أكيد بس من وين؟؟؟؟؟؟؟أنجدونااااااااااا

ســـــــوريا الأسد

عمرو واثق

الموبايل

يجب ان نركز على استخدام الموبايل كوسيلة تعلم ذاتي بدلا من ان نركز على استخدامه للغش

اوف عليكم

لك لاتصدقوالقوانين الجامعية اذا الدكترو ما عم يصحح الاوراق ليش خايفين يا يعطي الاوراق لبنتو او ابنو يا لمرتو ليصححو او فا دخل الوبايل ولا تخاف ما في شي

بااااااااااااااااي

حلال عالشاطر

إذا الدكاترة عم يغشو.... وقفت عالطلاب..........!!! غشوا إذا بتقدروا ولا تردوا على حدا.. والمبدأ القائل: اسمحوا لي قلكون:>.. مع الأسف الشديد..

شوفكر بس على الموبايل

في حيل احسن

اول شي الدكاترة يصححو بضمير انا بعتقد انو التصحيح بيكون هيك 1:الاوراق بتكون بالشوالات 2:بيخصصو لكل شوال العلامة ماوعلى هيك يتم التصحيح يا اما بيكون الله مالله حركش طربش

بس تسهلو الاسئلي وتصصلحو بضمير متل العالم والناس وتقدرو تعب الطالب وتنزلو المعدلات من بطل نغش لك صار يلي بسكر المعدل مابيطلعلو شي بس ياخوفي تجيبو اسئلي ما ايلا حل

ولك شو موبايلات شو بطيخ هذه صرعة قديمة جدي كان يستعملها انا عندي طريقة أحدث!!!

ابو اللوز

ميزان الحلال

شوفو انا مع انو الغش بالفحص حرام بس ببلدنا حلال ليش؟ لما المادةببتسرب لفلان ولعلان هادا حلال ولما المادة بتنباع حلال ولما بيتفق دكتور مع واحدوبقلو علملي ورقتك حلال ولماالمراقب بنقل عالم معيينين حلال ولما بكون المقرر ما بينجح فيه الا كل طويل عمر حلال ولما البنت بتقلب بمعية دكتورا *** حلال اي انا بئلب شيخ وبفتي وبصوت عالي النقل حلااال

عبيدة القاسم

قبل ماتقولواالغش حرام شوفوا هالاسئلةاللي عم تنحط موحرام مشان هيك سهلوا الاسئلة ما بيضل غش

بدل ماتحاربوا انتشار ظاهرة الغش بالموبايل روحوا ربوا هالدكاترة اللي شهاداتها مدري من وين جاية ... وبالمعية ياريت تراقبوا الأسئلة اللي عم تنحط حاكم في بعضها بيلزمها 6 ساعات للحل وبعضها بدو الوحي ينزل عليك حتى تعرف تجاوب ... لذلك طريقة الموبايل معي شغالة 100% ومتأكد ماحدا رح يكشفني وترفعت مع أربعة من رفقاتي بهالطريقة هالسنة وطالما رح يضل هيك الوضع

لما كنا بالجامعة من حوالي 12 سنة قام أحد زملائي بتطبيق جهاز لاسلكي في جبيرة جبس يضعها على يده اليسرى في الامتحان على أنها مكسورة وخارج القاعة يكون زميل له على الجهاز الثاني و يقوم بتنقيله الأجوبة واستمر على هالحالة 4 سنوات حتى اكتشفوا أمره بالصدفة ومن زميله اللي خارج القاعة فحرموا الاثنين 4 دورات امتحانية يعني الشباب سبقوا الموبايل ولازمهن جائزة

موسى الملا

الغش في الموبايل

نحن ضد الغش ولكن نريد ان تكون الاسئلة على نظام الاتمتة افظل ويكون يذلك لاوجود للغش ولا لظلم طالب في جامعة حلب كلية الحقوق للتعليم المفتوح وحرمانه عام بسبب نسيانه الموبايل في جيبه وهو مغلق وهل هذا تعليم ام تسقيم ولكم جزيــــــــــــــــــــــل الشكــــــــــــــــر

نحن من مؤيدون للغش

برأيي ان الغش هو الطريقة الامثل لنجاح الطالب بسبب صعوبة المناهج في سورية لذلك يضطر الطالب لاستخدام اي طريقة تساعده في حل الاسئلةولو ان المنهاج متعلق بالحياة العامة كان فكر الطالب بالدراسة لان المنهاج لان المنهاج لايفيد الطالب بالحياة العملية بل يفيد في وجع الرأس والانتحار واليأس لذلك يجب تخفيف صعوبة المنهاج من اجل عدم سب الطالب على المنهاج والي اخترعه

سماعات أضغر من شحمة الأذن

برأيي مابقدرو يمنعوا هالشي لأني أنا بنفسي كنت بستخدم سماعة صغيرة توضع داخل الأذن بالقناة السمعية ولايمكن ملاحظتخا وبسعر زهيد من الإمارات.

محمد انس الزعبي

الموبايل

إن الغش عن طريق الموبايل ليس بشىء المهم

سوريا الحبيبة

منع الموبايل غير مقنع

كيف رح يقدروا يكشفوا وحدة ..وسماعات الموبايل تحت الحجاب....

لا اجراءات النقل ماشي وبكل الطرق والسلام

لك خلو هالعالم تتنفس

يا جماعة وقفت الشغلة بس عاللي عم يعملو مشان يمنعو الطلاب يفوتو الموبايل معهم ليش قليلة حالة الإرهاب النفسي اللي بيمارسها المراقب عالطلاب أثناء الامتحان على ما بيصرخ و بيبهدل و هي اللي بتطرق بكعب كندرتها و هديك اللي عم تطق بالعلكة و التانية عم تعلك بلا طعمة و آخر الشي إذا قلعو شي طالب برا القاعة بيعتبرو حالهم عاملين إنجاز

الشام التي لا تنام

لا داعي للتعقيد

ليس من الضروري اذا كان بحوذتي موبايل فنيتي الغش وما المانع اذا حملته وكان مقفلا انه لن يؤثر بشيئ اللهم اذا كنت احمل ايضا رادار

والله الأمر طبيعي و منطقي منع ادخال الموبايل للامتحان صحي أنو مناهجنا ما كتير بترفع الراس ومانها يعني أكيد مو عدل أنو طالب يتعب و يدرس و طالب غشاش و منافق و داير على الصياعة و مفكر حالو حربوق , و التنين ياخدو نفس درجة الامتحان

حلال على دينو يلي بيتنقل

أنا أرفض فكرة منع الطلاب من إدخال الموبايل على قاعة الإمتحان وحلال على الشاطر

ولي علي انا

معليش يغشو بس سألو حالكون ليش لانو ما شالله دخلة الجامعة عند الطالب صارت حلم وحلم صعب مو كيف ما كان يعني لو رسب مو رايحة غيرعليه بتقولو يدرس ايه معكون حق لانو منهاجنا سهل كتييييير يا ريت حدى يرأف فينا ويطلع على مناهجنا ومناهج باقي الدول وشوفو الفرق مافي ابدااااااا

ما في حل الجيل الجديد أذكى من 100 مراقب.. لازم تساوي الأسئلة بالجامعة والبكلوريا استنتاجية والطالب مسموح يدخل شو مابدّو... بترتاحوا وبتريحوا..

المضحك هوعدم فهم او تغابي النظام التدريسي لانو بالجامعات المحترمة الطلاب بيقدمو امتحاناتم عالكومبيوتر واحيانا بالتراسل,صديقي حرموه من امتحانو لانو معو موبايل 3310 الماني مافيه لا عربي ولا بلوتث ولاشي ممكن ينغش فيه وكان حاطو بجيبتو ورن بالصدفة جامعتنا صايرة فاشلة بكل شي للاسف ارجوان يلتفت الكادر الاداري لتحسين الكادرالتدريسي والنظام التعليمي بدل هلمهازل

الخليوي حبيبي

يعني ليش هيك انتو لازم تتركو الطالب على راحته في الأمتحان وخارج الأمتحان (موهيك الديموقراكية)

يابا الخلوي شغال من التاسع والباكالوريامش بالجامعه0000

طبعاً يلي بدو يغش عن طريق الموبايل بدو يكون ....... لأنو مو معقول ما حدا رح يكشفوا

ركزولي على كلمة بعض

تعرض بعض الطلبة للفصل النهائي من الجامعة بعد اكتشاف الموبايل معهم داخل القاعة الامتحانية. لك صدقوني طالما الخيار والفقوس بهالبلد شغال سمحوا بتدخيل الموبايل أو عمرون ما يسمحوا الشباب ناجحين ناجحين واضربوا راسكون بالحيط

الخوف من المجهول

بعد السلام .. فكرة التشديد في منع دخول الموبايل اظن انها اتت من المحاولات الاولى لهذا الغرض وعلى ما اظن ان كشف بعضها - في البداية - دفع بالقائمين على الامتحانات لهذا الجراء .. ولكن الحقيقة تقال انه يوجد اساليب و اساليب عند الطلاب عندما يريدون ..!!

ليس بالخليوي وحده يتم الغش

من الضروري جداً تطبيق كافة الاجراءات الكفيلة بمنع الغش بأنواعه سواء تم الغش بواسطة الموبايل أو بواسطة المراقب او حتى استاذ المقرر نفسه..وسائل الغش متنوعة ومقنّعة (بتشديد النون)وكفانا طلابا متخرجين بالنقل... في احد الاجتماعات التي حضرتها اشتكى احد مسؤولي التربية عن المستوى المتدني للاساتذه المتخرجين من جامعة معينة.فكان جواب مسؤولنا الحكيم"بضاعتكم ردت لكم

when any student use his mobil during the exam , he must be punished , but when the university punish the student because he put the mobile in his pocket this is great stupidness.

مواعيد التسجيل

مواعيد الامتحانات

نتائج الامتحانات