سيريانيوز شباب وتعليم :: القبول الجامعي.. ما رأيك

القبول الجامعي.. ما رأيك

مواضيع للحوار

طالما حكم اختيار الطالب لمستقبله الدراسي العلامات التي يحصل عليها في البكالوريا العامة ونتائج المفاضلة، وطالما رأينا طلابا تستقر بهم الأمور في اختصاصات بعيدة كل البعد عن ميولهم ورغباتهم.

في المقابل أليس من المنطقي أن يختار الطالب أفضل ما يمكن، حيث أن الكليات التي تتطلب معدلات عالية تعبر عن انعكاس لطلبات سوق العمل، أي فرص أكبر لتأمين مستقبل أفضل.

اليوم يتحدثون عن تغير سياسة قبول الطلاب في الكليات السورية، ضمن المعطيات التي أوردناها ما هو تصورك لأسس القبول الجامعي في سوريا في المستقبل القريب.

شارك بالتعليق

راضية بقضاء الله

أنا تماما مع حكي"وزير"و"ارثر" أنا أدبي وبدي إنكليزي أو عربي بس كل اللي حوليي تنبؤوا بإني ما بقدر عالتنين لأني جايبة بالإنكليزي38 وبالعربي56 وامتحان قبول ألغوا السنة ولا حول ولا قوة إلا بالله

طلال أحمد إسليم

عموه إنت وياه يوم إنك تقرا وتجيب معدل عالي يومها بتقعد مثل شيخ الشباب وبتنقي الي ودك اياه من زبال حتى طب بشري.أما الي وده يسرح مع ربعه بالشوارع ويقعد 24 ساعةعلى سوبر ستار وياكل برغر شي طبيعي انه ما ينال الي يريده. يعني التيس ( الله يعز السامعين ) وده يصير طبيب. واذا كل تيس وده يصير طبيب تصير الناس تتغدا وتفطر حبوب بانادول.يا خلق الله الحياة ماهي بالساهل

المملكة الأردنية

من الطبيعي أن يكون لكل دولة سياسة استيعاب طلابي في الجامعات خاصتها ومن الطبيعي أن يلتزم الطالب بسياسات بلده الرامية لتوفير الكوادر الفنية العلمية التي تخدم العملية التنموية .. غير أننا نتساءل إلى متى يرمى بعرض الحائط رغبة الطالب نفسه .. هل من المعقول أن نتحول جميعاً إلى آلة تقوم بالتخطيط متناسين رغبة الطالب حبذا لو يوضع هامش ولو25% لرغبة الطالب

أنا بدّي أعلق على موضوع الشباب والتحدي الجنسي والاقتصادي اللي فاتحينه للحوار ومانكم حاطين شارك بالتعليق شكراً

نظام ممتاز

1-عدم دخول طلاب العلمي فروع الادبي لانه يؤثر على فرص قبول طلاب الادبي2-احاث جامعات في كل محافظة او محافظتين حسب مساحة المحافظة3-جعل مفاضلة كل جامعة على حدى و التسجيل المباشر واخذ العدد المطلوب حسب تسلسل العلامات(مثل التعليم المفتوح)4-قبول الطلاب العرب والاجانب بما لايؤثر على الطلاب السوريين وبمعدلات منيحة مو يلي بجمع 50% متلا بيفوت حقوق

مبسوط كتيير كتير

طالب متقاعد

يللي عم يحكي عن الدول التانية لك انتو بألف الف نعمه وما تعرف خيرو لتجرب غيرو لتكونو ما بتعرفو انو ارخص جامعة برا بتكلف 5000$ سنويا يعني 260000 ليرة لو هون هيك شو بدكن تساوو بحالكن بدي افهم بعدين في الف طريق ومجال غير الجامعة ولا لازم التقليد لك طورو شوي وحاولو تتفهمو بيكفينا مهندسين ودكاترة

مبسوط كتيير

طالب متقاعد

لك والله يا شباب صدقوني انتو فكرو شوي وشوفو لك الله يعين الدولة يعني وين بدها تروح فيكن شوفو المتخرجين شو عم يشتغلو بالاول بعدين احكو لك فكرو شوي انتو كنتو رح تصيرو طلاب جامعيين يعني رح تصيرو فهمانين فكرو شوي بكل الاوضاع حولكن مو بس المعدل هاد وواقع

طالب متقاعد

هلاء يللي بدي افهمو انا انتو ليش زعلانين بس فكرو شوي لقدام يعني نجحتو وسجلتو لك ما بدكن شغلم ولا كمان رح تصيرو نفس الحكاية المشكلة اكبر من معدلات حدا يفكر بمستقبلو يعني قبل الدراسة مين يللي فيو يشتري بيت او يسكن لحاله أو او او ال معدلات ال هيه هيه ان نجحت او لاء حتى بالعكس رح تخسر اربع سنين من عمرك رح تندم عليهن بس تخلص الدراسة وتتفاجئ بالوقع

تبا لهذا التعليم

اي سياسة واي قبول؟عن شو عم تحكوا ؟معليش نفهم؟ اذا كان معهد العمل اليدوي في مفاضلة الشواغر للموازي 181 للادبي...دخيلكن ليش اللي جايب هالمجموع شو اللي مارح يطلع له لحتى يشلف حالو على هالمعهد ويترك كل الكليات ابتداءا من الاعلام وانتهاء باقل معهد؟ ياللعجب

لك والله القبول زفت لك دمروا مستقبلي مثل مستقبل غيري واللي قبل مني يعني الي معو شهادة بكالوريا ما فينو يكمل دراستو والله انشويناعلى أحر من الجمر وفي مسابقات قبل الجامعة (اللي معو واسطة بينجح) نجحت بالسنة الماضية وما استفدت شي ومنشان نأجل الجيش عدنا السنة ونجحنا وكمان عالفاضي هذا هو التعليم عنا يا اما علامااااااات أو واسطات أنا رايح عالجيش باي؟

افضل حل لهذه المشكلة هو ان يكون لكل كلية معدل ثابت خلال السنوات اي ان يتم تحديد كلية ما بمعدل محدد وفي كل سنة يكون المعدل ثابت فبذل يكون على الطالب ان يقرر عدة كليات وان يسعى في امتحان البكلوريا ان يحصل على معدل الكلية المطلوب وبذلك لن يحتار الطلاب ولن يتفاجئ الناس بالمعدلات المختلفة عن السنة السابقة بحيث ان المفاضلات تعمل على اكثار المشاكل لاغير وشكرا

بدنا تطور

انا بدي شوي تطور في مجال التعليم يعني تغير بسيط مثلا الطالب لازم يدرس الفرع يلي بدو وهو لسى في بداية مرحلة الثانوي وتغير طرق الدراسة لازم منهاجنا يعتمد على ذكاء الطالب وحسب الذكاء تختار الفرع يلي يناسب كل شخص

سوريا الغالي

قد أصبحت البكالوريا شبح أو مايسمى بقاتل الحلم فهل يعقل يا جماعه قد أصبت بمرض نفسي وفي الآخر أدخل الفرع الغير محبوب لنفسي ماذا اقول ؟؟؟؟؟

أنا أعتبر نفسي من أكثر الطلاب ضررا بهذه القرارات التي سوف تهدم مستقبلنااليكم قصتي وأرجو منكم قرائتها: في السنة الماضية درست لكي أدخل في التعليم الفتوح ونجحت في البكالوريا انتظرت حتى بدأالتسجيل وقد كنت جاهزا ماديا ومعنويا وبقي فقط التسجيل وذهبت لأنصدم أكبر صدمة في حياتي 50% صار بدهم بالتعليم المفتوح وكان بدي بذلك الوقت تأجيل للعسكرية..يتبع

طالما أنن طلابنا يدرسون ما لا يحبون فإننا لن نرى إبداعاً حقيقياً في بلدنا الحبيب أنل عن ارتفاع المعدلات فأحد الأسباب هو ازياد عدد طلاب البكالوريا مع تخفيض معدلات العام وبالمقابل مازلنا مقتصؤين على ثلاث جامعات في سورية ( جامعة الفرات لا تضم عدد كبير من الاختصاصات لذلك لم اعتبرها جامعة ) إذن الحل بإنشاء عدد جديد من الجامعات وتخفيض تكلفة التعليم الخاص

تحياتي الى زملائي الاعزاء... التعليم في سورية حكرا على ثلاثة فئات: 1-الزمرة النافذة في الحكم 2-الي معو فلوس 3-ابناء الشهداء و الجولان وما بعرف شو.. أو انك تجيب 228 حتى تدخل فرع هندسة متل الخلق والعالم.مو عيب روحو شوفو مصر ام 6 مليون طالب شلون بتستوعب جميع اطياف الشعب في الجامعات و بمعدلات عادية و بالمجان.موعيب معاهد صار بدها فوق 190.الله عالظالم

طالبة سورية

اذا عرف السبب بطل العجب 1

اذا استطعنا أن نتخلص أيضا"من الكم الهائل من الطلاب العرب الذين يأتون من الاردن و مصر و لبنان و العراق للدراسة في سورية في الفروع الطبية وبمبالغ أقرب الى المجان نستطيع ان نعرف اين يكمن الخلل.

طالبة سورية

اذا عرف السبب بطل العجب 1

حبذا لو نعلم من هو واضع هذا الاساس في القبول الجامعي هل هو فكرة محلية أم تقليد لأنظمة جامعات أخرى، ونتعرف على كيفية القبول بالدول الاخرى عندها فقط نستطيع المقارتة و معرفة أين تكمن الثغرات في هذا النظام اذ تختلف المعطيات باختلاف الظروف.

طالبة مقهورة

يا ريت يصير القبول على اساس الميول و نخلص بقى من عقدة البكالوريا يعني انا حفوت هندسة و بحياتي ما كنت بتخيل هالشي كل عمري بحلم بالصيدلة بس للاسف تحطم حلمي بعد ارتفاع المعدلات و نقصني علامتين يعني انا ما بتصور انو الواحد حيفلح الا بالشي اللي بحبو و هاد اللي لازم يصير

سوريا الحبيبة

التقييم النفسي

يجب أن يكون اختيار الكلية مبني على توجيه نفسي مسبق كي يختار الطالب الفرع الذي يناسب ميوله و تطلعاته

طالب جامعة

علامات القبول الجامعي

افكر احيانا بالقبول الجامعي بعد عشر سنوات فارى المجموع لدخول كلية الطب يكون اعلى من المجموع العام ب10علامة فةوق المعدل 270 من 260 ز

امتحان قبول

يجب أن يكون لكل كلية امتحان قبول خاص بها .... ويتم قبول الطالب في هذه الكلية بمجرد اجتيازه لهذا الامتحان . ويجب أن نتخلص من نظام العلامات البالي ... ونتخلص من العادات الاجتماعية التي تحض فقط على احترام الطبيب والمهندس والمحامي وماعدا ذلك فهو " علاك " ،.. لذلك كل من تكون علاماته في الثانوية عالية يسعى اوتوماتيكيا لدخول هذه الفروع...

مواعيد التسجيل

مواعيد الامتحانات

نتائج الامتحانات