syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
محلات سي دي بدون تراخيص بحماه
أخبار القراء

إلى من نشكو؟؟ والشكوه لغير الله مذله.. ربما نجد ضالتنا عندكم ياسيريا نيوز المحترمه!!!


نحن أصحاب محلات ال CD في حماه
منذ عام ونصف تقريبا قامت بلدية حماه دائرة التراخيص بإغلاق كافة المحلات التي تجد عندها سي دي فيديو وصوت وغيره بحجة انها تريد تراخيص إداريه..
وأنا ومن مثلي من عندهم تراخيص من وزارة الثقافة بالفيديو وبيع وتاجير الأشرطه وغيرنا من ليس لديه ترخيص وعنده محل تجاري نظامي قمنا بدفع تكاليف ماديه وأغلقنا محلاتنا ريثما نستطيع عمل معاملة الترخيص التي تطول ومن دائره لدائره ...
وأخيرا عملنا الترخيص الاداري وعدنا لمزاولة المهنه ...
ولكن الذي حصل انه بعد شهور نامت البلديه ولم تعد تراقب هذا الموضوع . وعاد الغير مرخص له بفتح دكانه وكل يوم يفتح محل جديد لدرجة أنه أصبح بجانب محلي محلين وغير مرخصين .. وطبعا غيري كذلك في كل الأحياء
فما ذنبي ومثلي ان ندفع تراخيص وضرائب وغيرها وغيرنا عالمرتاح يشاركنا رزقنا وربما يعمل  بالسيديهات الممنوعه وهو مخالف ولا من رقيب او حسيب؟..
نحن نريد حقوقنا وكلنا أمل من سيريا نيوز ان تكون منصفة لنا بهذا وتنشر الموضوع ربما يستيقظ من نام
وترك الجمل بما حمل والمصيبه انو منطبق القانون على كيفنا ووقت اللي بدنا منشد ومنشد بالتطبيق وبعدين خلص نوووووم عميق ..
وشكرا لسيريا نيوز
 

أصحاب محلات سي دي
 


2007-05-05 03:15:23
شاركنا على مواقع التواصل الاجتماعي:



شارك بالتعليق
صاحب محل2007-05-05 21:09:14
للأخوه فارس وصقر
اخوتي هون موشغلة رزقه.. طبعا كلنا يعلم ان الرزق على الله ولاديقة عين بل تطبيق قانون ليحمي الجميع يعني شو رأيك مثلا واحد يجي يعمر غرفه عباب بيتك وماحدا يحكي معو وحتى لو كان فقير أو جارك يفتح شباك عبيتك بتنبسطو ؟؟بالنسبة لي انا مرخص من قبل وزارة الثقافه واداري وكان ممكن انتظر لحتى تخلص موجة التراخيص وارجع افتح بس اللي بيمشي عالقانون بيحترق يعني؟الله يسامح
-حماااااه
عبسي2007-05-05 18:20:08
انضحك عليك.. شو بدك بغيرك
هي بيكون المحافظة ناقصهم شوية مصاري. من كم سنة صارت قصة شبيهة بالشام, سكرت المحافظة كل محلات الكمبيوتر بالشمع الأحمر, على أن يدفعوا رسوم تراخيص إدارية للمحافظة, و بعد 3 أيام اعتذروا من اللي لسا ما دفع و سمحوا بفتح المحلات, وراحت عاللي دفع.
-سوريا
SAKR2007-05-05 10:31:05
فارس من المانيا معك حق
يا اخي خليك بحالك وليش ضرر الناس؟ يعني انت اذا صرلك تتهرب من الترخيص بتقول لا ؟ يعني اذا انت دفعت وين الاستفادة والمتعة انك تخلي غيرك يدفع الله بيقسم للعباد رزقتهم وحتى لو تح جمبك 100 محل الك رزقة بدك تاخدها و مقسومة من رب العباد
-سوريا
صاحب مركز آخر2007-05-05 09:12:51
وفي دمشق أيضا
نفس الحالة في دمشق.. أنا أدفع الضرائب والتراخيص وغيري لا يدفع شيئا ويبيع أقراص ممنوعة جانب محلي منها أغاني عباد الشيطان وأفلام ممنوعة
-سورية
ما غيري2007-05-05 09:05:33
خرجكن ما حلكن تحفظو
خرجكن!! ما حلكن تفهمو الترتيب؟ بزمانو طلع شي قانون وانحط بالجرايد عن ضريبه الناس بدها تدفعها عن الدش.. كانت ما بتزكر ئديش بس يمكن ???? مع ورقه نقدمها "نصرح" فيها عن نوعه وموديله ..الخ " وهي الالخ كانت بالقانون مو من عندي" وقال ازا تاخرنا؟ ندفع الدبل ، حبيتهن!! لادفعنا ولا حدا قال وين الطريق بقى ما حلكن تفهمو.عملو هيك ليختبرو صبركن المؤمن ممتحن.
-حاره اللي ما دفعو الضرايب
fares2007-05-05 05:28:30
الرزق على الله
يعني يا اخي اذا انت نصيبك تدفع هل الضرائب مو ضروري تروح تشتكي وتضيق عينك ع الناس التانيين ولازم تعرف انو ما هدا بياخد غير رزقه ونصيبه فلا تخاف ما حدا رح يقاسمك برزقك انت بس خلي نيتك صافية لا يؤمن احدكم حتى يحب لاخيه ما يحب لنفسه
-المانيا