|
والمصيبة الأكبر2010-10-03 14:27:32
هل تعلمون المصيبة الأكبر؟؟؟؟
بعد تخرج الطالب من الجامعة يكون في نقطة الصفر وتأتي الخدمة العسكرية ليذهب تحت الصفر...لو أجرينا مقارنة بين من ترك التعليم من بعد المرحلة الأساسية وبين من تابع تعليمه الجامعي لوجدنا أن من ترك المدرسة تفوق على المتعلم بسنوات ضوئية. أولا اذا تعلم مصلحة فهو يكون قد بدأ بتحصيل الراتب من عمر 15 سنة. ويكون قد خدم عسكرية قبل وتزوج قبل وبنى بيت قبل . ولا يوجد تسعيرة للمصلحة في بلدنا على عكس كشفية الطبيب أو تخطيط المهندس. كما الحاجة للمصالح مطلوبة(اي العمل متوفر) -سوريا
السوري 2010-10-03 14:26:39
-
بالرغم من كل شي هالرقم كتيييير كبير معناها صارت كمان كتب المدرسة تجارة ويلي عم يقارن بالدول الاخرى ياريت تكون المقارنة متكاملة - لما كان التعليم مجاني والصحة مجانية ويقولوا اشتراكية ما كنا نزعل لكن هيك اشتراكية بالرواتب والاجور والتعامل مع مقدرات الدولة ومن ناحية الخدمات الاساسية ماعادت اشتراكية بتكون الامور مو مزبوطة ابدا-سوريا
زوركوف 2010-10-03 13:48:20
Mr. Haysamm
شكرا لردك الراقي ، وشرحك المستفيض الذي أحترمه ، وبرأيي بتعتمد القصة علحالة المادية لكل أسرة ، قد يصرف البعض ألف ليرة على طاولة عشاء بمقصف ، وقد تقتات بها أسرة لأسبوع ، ولا أملك إلا أن أحترم وجهة نظر الطرفين ، بس في شغلة ، صدق إني إذا برجع عسوريا ما بستعمل إلا وسائل النقل العمومي وبشتري بسكليتي متل أيام زمان ، بعتل فيا الخضرة وبروح وينمابدي ، مافي أحلى من البسكليت وأنا مستحيل إخجل منا ، أما السيارات ماحبيتن. -الإمارات
haysamm2010-10-03 10:48:43
إلى السيد زوركوف
شكرا لكلامك الجميل .. وأحب أن أضيف أن ثمن النسخة لايغني ولايفقر في ظل كل هذه الكماليات والتي نشتريها كلنا بآلاف الليرات بينما نقف مترددين عند الرغبة بدفع مبلغ مالي لشراء كتاب نغني به ثقافتنا وعلمنا .. يجب أن يكون للعلم ثمن حتى نشعر بقيمته وقيمة الكتاب هي ثمينة ولاتقدر بمبلغ مالي بسيط ندفعه فما بالكم بكونه كتاب مدرسي .. للأسف لاتوجد لدينا ثقافة القراءة وأنتقلت العدوى شيئا فشيئا لنخسر حتى الرغبة بالعلم وتطوير الذات فأصبح شراء كتاب والثقافة والعلم هو الكماليات .. بينما السيارة أصبحت من أساسيات-سوريا
زوركوف2010-10-03 06:33:20
تصحيح
أعتقد أن سعر النسخة غالي شوي والكاتب معه بعض الحق ، بصراحة مشكلة للي عندو كذا ولد ، شكرا للكاتب الكريم لتسليطه الضوء على هذه القضية الهامة . لكن بهالحالة نسخة كتب الجامعة بشقد صارت؟ الله أعلم. -الإمارات
حبيب2010-10-03 02:33:33
طفولة ومستقبل
بتعرفو وين المشكلة؟ المشكلة أنو الكل بيعرف أنو بعد هالتحصيل واللهاث والتعب الواحد بيفوت على الجامعة بشق الأنفس وبس يتخرج بتبلش المأساة بالبحث عن عمل. هل وزارة التربية عندا استراتجية؟ هل استراتيجيتها متكاملة مع استراتيجية التعليم العالي؟ هل المناهج متناسبة مع سوق العمل ومع الاستراتيجيات العامة؟ إذا كانت الأجوبة لا فمعناها معو حق يهكل هم رب الأسرة،أما إذا كانت نعم فبيرخص الغالي.هل مطلوب فقط حشي معلومات أم تعليم مهارات؟والله اللي عندو ولاد بالمدرسة يبعتهن أحيانا بدون سندويش. الله يعين الفقير-سوريا
معلم2010-10-02 22:26:44
مجبور
طيب ليش المدرس ما يدفع 2000 ثمن دليل و 40000 ثمن محمول وبعدين شي كم الف ثمن سيديات ومستلزمات ودورات ما هو عم يبني الأجيال لتصير تعملو كم كف وتسلخه شكوى تطير راسه حرام خلي يجربوا النصر على أساتذتهم شوي -سوريا
معلق غير رياضي2010-10-02 22:18:06
ابتعدوا عن العلم ولو بجاوركم
حاولت أن أفهم العنوان لهذه المقالة " ابتعدوا عن العلم ولو بجاوركم" آخر كلمة بجاوركم؟ هل هي كلمة عامية؟ هل أخطأ الكاتب وأراد أن يكتب شيء أخر؟ أو أنه أنه لم يراجع مقالته ولا حتى عنوانها قبل نشرها؟ هذا استهتار باالقراء والموقع. لماذا تغاضى الرقيب عن ذلك؟ بكل الأحوال من قرر انجاب ثلاثة أولاد لايستطيع أن ينق وينعي عدم قدرته على تعليمهم. فثلاثة الله يخيهم كتير على عائلة دخلها محدود. يذكرني هذا الأمر بمن يضع يده في النار ويلعن سخونتها.-سوريا
ابو محمد2010-10-02 21:47:36
و لم التشائم
يعني الناس مقضينا سهرات و دورات و بيشترو تياب تركية و بيلبسو اوقات فرنسي كمان و ما شاء الله اكتر الناس عندا سيارات هل مصروف كلو على ولد بدك ياه كل شهر على سيارة بس هنيك بتبين المظاهر بس هون ما حدا شاف المظاهر بتعرفو يا اعزاء ليش هل شكوى كلها لاني الله يخليلنا الحكومة الكريمة جدا علينا بالتعليم و رمزية رسومه يا اخي الكاتب او الاخوة المعلقين التعليم بلاش في سوريا اذا حطلو الاب شي خمس آلاف ما خربت الدنيا و صدقو كل ال بتدفعوه هو ثمن كتاب في بلاد اجنبية و الكل بيعرف اديه اقساطون -سوريا
نبوخذ نصر2010-10-02 20:12:10
ثلاث أولاد
ثلاث أولاد بالمرحلة الثانوية؟ ماشاء الله كيف لحق يجيبهم هيك ورا بعضهم. أي يالله هي المشكلة بتظهر بس أول سنة واعتباراً من السنة الجاي بتلاقوا هالكتب عم تنباع مستعملة وبسعر أرخص.-سوريا
زوركوف2010-10-02 19:49:24
Mr. Hay Sam
أوافقك الرأي ، وأشكرك على هالتعليق الجيد و الرأي الصحيح . -الإمارات
haysamm2010-10-02 17:38:09
شو بدكن كلشي ببلاش؟؟
شعبنا النقاق بدكن كلشي ببلاش؟؟ احمدو ربكن إنو التعليم بعدو إلزامي وروحوا شوفوا كيف بمصر وغير دول عربية كيف الطلاب عم يتسربوا من المدارس لعدم وجود مدارس حكومية أصلا كافية وصار التعليم كلو خاص ... بس شعبنا غاوي نق وشكوى وما بيعجبوا العجب-سوريا
Reda2010-10-02 16:03:12
غلط هذا الكلام
أنا رح أمسك العصا من المنتصف ، أول أمر نزل بكتب الله الثلاثة وأهمها هو العلم والارتقاء بالنفس ، فلذلك من المستحيل يمكن أنو نتخلى عن العلم بالمدارس ، طيب واللي ما عندو مصاري يطالع ابنو من المدرسة ويعملهم تدرس منزلي ، يعني العائلة تدرس أولادها ، لأنو الشغلة مو ضرورة بالشهادات ، بس كل شيء إلا العلم |
|
![](images/aalogo.gif)
![syria-news.com](images/synslogo.gif)