شوربة ومشوربة يعني ما ضل غير التوقيت الشتوي بدو يؤثر عالسياحة .. مطاعم البلد فاضية والفنادق عم تصفر وعمال وموظفين المنشآت السياحية شحدوا قاعدين ببيوتهم مثل النسوان وجميعنا منعرف السبب وأكثر من هيك مابقى بدي أحكي .. عووووووجة.

التوقيت الصيفي والتوقيت الشتوي معمول فيه في دول عندها نظام عمل محدد. الهدف الأساسي هو توفير الطاقة. هذا يصح في بلاد تغلق فيه المحلات باكرا الساعة 6 أو 7 مساء. أما في بلادنا حيث تفتح المحلات وتغلق على كيفها فلا فائدة ترجى من تغيير الوقت من الأساس

التوقيت الشتوي هو الأصل والتوقيت الصيفي هو الدخيل, وبما أنه قد يسبب مشقة على الصائم بممارسة نشاطاته بوقت أبكر, فلا ضير من العودة إلى الأصل

التقويم الهجري القمري لم يوضع حسب القرآن الكريم أو حديث شريف أو سنة، إنما وضعه عمر بن الخطاب رضي الله عنه، وبالتالي ليس هو شرع إلهي، وأستغرب جدا من هذا التقويم الذي لا يصلح للاعتماد عليه في الزراعة أو التجارة أو الصناعة لأنه غير ثابت بالنسبة للفصول، ولا يمكن التخطيط على أساسه لأن يتعلق برؤية الهلال وليس الفلك أما بالنسبة للصيام فمرة يكون الصيام في عز الشتاء حيث النهار قصير للغاية وليس هناك حاجة لشرب الماء، ومرة يكون في عز الصيف حيث النهار طويل وهناك حاجة صحية ماسة لشرب الماء.

أولا الصيام لن يتغير، وإذا أردتم تغيير وقت الدوام فغيروه بدون تغيير التوقيت، ألا تدركون أن هذا الوقت هو وقت سياحة وسفر في سورية، هل تعلمون مقدار الإرباك الذي يصيب السياح ووسائل النقل في حال تغيير التوقيت بشكل غريب وغير متوقع؟

يعني شو الفرق بين التوقيت الشتوي او الصيفي الصيام من الفجر وحتى غروب الشمس فيهن يلعبوا بالساعة بس ما فيهن بالشمس بس ماني شايف فرق

ماعم بعرف شو المشكلة بالتوقيت الصيفي؟ يعني هي أول مرة بيجي رمضان بالصيف ولا هي آخر مرة!؟ برأيي انه الحل هو اصدار تعليمات تختصر أوقات الدوام الى أقصر فترة ممكنةخلال شهر رمضان الكريم. الحقيقة انه هالموضوع لازم يندرس بشكل جدي و خاصة مع حالة ارتفاع درجات الحرارة والتغير المناخي بالعالم كله. أما مسألة العمل بالتوقيت الشتوي بعز شهر آب فبدكن تسمحوا لي هي صار اسمها فزلكة.

انه من قمة الجهل انه كلما شعر المسلم بصعوبة عبادة ما ان يلجأالى تغير سنن الكون لان دورة الحياة تقتضي الصيام في بعض الاشهر التي يطول نهارها وهنال اشهر تقصر بها ساعات النهار فما بالنا نحن في القرن 20نتحدث عن مشقة الصيام فكيف يكون الكلام لمن عبدوا الله لاول مرة في هذه العبادة ايام رسولنا الكريم يوم لم يكن هناك لاتكيف ولااي من وسائل الراحة التي ننعم بها الان وكانوا يصومون بالغم من كل المصاعب فهل اختلفت النفوس ام العقول ام درجة الايمان ولاحول ولاقوة الابالله حسبنا الله ونعم الوكيل الى اين وصل الاسلام

رمضان كريم, إلى جميع المعلقين قبلي : سؤال( بل جواب ) .. إن الصيام من الفجر وحتى المغرب .. هل يوجد مشكلة ان قمت بترجيع الوقت الى الوراء 10 ساعات مادامت مدة الصيام نفسها ...؟؟؟ لماذا تعتقدون ان هذا تحريفاً بالدين ؟؟؟؟ هل كان يوجد ساعة منذ 14 قرن ؟ أعتقد أن التلاعب بالساعة لن يؤثر على العبادة .

ان الدول التي ابتدعت موضوع التوقيت الشتوي والصيفي الغت هذا الموضوع لانه اثبت علميا بانه سخافة وغباء وغير مجدي لان ساعة الا نسان البيولوجية تتأثر بالشروق والغروب وليس بحركة عقارب الساعة ممكن تغيير وقت الدوام ساعة ولكن اللعب بعقارب الساعة هو لهو اطفال لايفيد في شىء وكأن الواحد بيضحك على حالو اما توقيت الصيام فمرهون بالشروق والغروب وبالتالي نعود الى الساعة البيولوجية فما هو المفيد في تغيير عقارب الساعة واللعب كالاطفال الصغار ارجو من المسؤولين مراجهة انفسهم في الفائدة من هذا اللعب

عيب عليكم تطرحوا هالفتنة للنقاش......ولا صحيح(( يلي استحوا ماتوا))

لك بربي عيب عليكن لسع كل فترة بتنطو بفنة شكل لسع نقدم ونرجع لك هاد صيام عم تتعاملو ما ربكن يعمش اشبكن انا رأيي كل واحد يحويلو ساعة ويقدم ويرجع ع كيفو ويصوم لحالوعم مين عم تضحكو ع ربكن ؟ استغر الله العظيم

ليش هيك اتركوا كل شي على حالو مشان العالم تتعود على الصبر و الجلادة ولا تخافوا من الشوب برمضان لأنو الله سبحانه وتعالى رح يهون الصيام علينا كتير وما رح تحسوا فيه بالتعب انشاء الله بس اتكلوا على الله (هذا رأيي )

والله مريح بس الأحلى والأريح من الدوام بالتوقيت الشتوي بعز الصيف إنو نعطل بشهر رمضان متل أهل السعودية

أنا مع البدء بل التوقيت الشتوي في رمضان

انا مع تغير الوقت في رمضان كما كان يحدث سابقا بتمنى من الحكومة تدرس الموضوع يعني وقت الصيام طويل والعمل مضن وليس هناك اي عائق او ضرر اذا تغير الوقت

وين المشكلة إذا بدنا نصوم من الفجر ولغاية آذان المغرب.. علينا وعلينا فإن غيروا ما في مشكلة وإن ما غيروا ما في مشكلة..

وعليه فإنني أقترح : 1. أن يتم التغيير بتاريخ ثابت بغض النظر عن يوم حلوله بحيث يتم البدء بالتوقيت الصيفي في اليوم الأول من نيسان كل عام وينتهي في اليوم الأول من تشرين الثاني . 2. أو أن يتم البدء بالتوقيت الصيفي صباح الجمعة الأخيرة من آذار و ينتهي في صباح الجمعة الأخيرة من تشرين الأول بشكل مماثل تقريباً لما هو مطبق في دول الاتحاد الأوربي و لبنان .

ليش شو دخل الساعة بالصيام ؟؟؟؟ الفترة اللي رح نصومها من قبل الشروق حتى الغروب يعني اذا قدمو الساعة 6 ساعات منصير نفطر و الشمس بنص السما؟؟؟؟؟؟؟؟؟؟؟؟؟؟؟

القرار المصري مبكر و يؤدي إلى عدم استنفاذ الاستفادة من تطبيق التوقيت الصيفي و يربطه الأخوة المصريين بتوفير الراحة للصائمين و انا أرى ضعف هذا "العامل النفسي "هذه الايام حيث رمضان يأتي منتصف الصيف

بالنسبة لعلاقة رمضان باختير معد البدء " او الانتهاء " من العمل بالتوقيت الصيفي أو الشتوي فإن المهم هنا الا يكون التغيير خلال الشهر الفضيل و ذلك منعاً لارباك الصائم نتيجة تغيير الساعة. اما عن قرار مصر بتغيير الساعة و العودة إلى التوقيت الشتوي قبل رمضان - يتبع-

إن تطبيق التوقيت الصيفي يؤدي لوفر في استهلاك الطاقة الكهربائية ناتج عن زيادة الاستفادة من فترة الإنارة النهارية الطبيعية في الوقت الحيوي من النهار عبر تقديم شروق الشمس ساعة للأمام .

من المفيد أن نستعرض موعد تغيير التوقيت في بعض دول العالم . ففي الولايات المتحدة وكندا يتم التغيير للتوقيت الصيفي اعتبارا من صباح الأحد الأول من نيسان وحتى الأحد الأخير من تشرين الأول ، واعتباراً من سنة 2007 أصبح التغيير في الولايات المتحدة اعتباراً من الأحد الثاني من آذار ولغاية الأحد الأول من تشرين الثاني . وفي لبنان و دول الاتحاد الأوربي يتم التغيير للتوقيت الصيفي صباح الأحد الأخير من آذار و ينتهي في الأحد الأخير من تشرين الأول.

لكن الفائدة من اعتماد نظام التوقيت الصيفي تنعدم مع حلول الشتاء وذلك للحاجة إلى إنارة ٍ أكثر في ساعات الصباح ، مما يحتم العودة إلى نظام التوقيت الشتوي ( الأساسي ) عبر تأخير التوقيت ساعةً إلى الوراء .

حالياً هناك حوالي 87 دولةً في العالم تتبع نظام التوقيت الصيفي ولا يوجد من الدول العظمى إلا اليابان و الصين لا تتبع هذاالنظام . تبرير اعتماد التوقيت الصيفي يأتي من أنه كلما ابتعدنا عن خط الاستواء يصبح الفارق واضحاً بين طول النهار والليل خلال فصل الصيف،ويبدأ شروق الشمس في الساعات الأولى من النهار حيث يكون معظم الناس نياماً فيذهب الضوء الطبيعي هدراً ولهذا يتم زيادة التوقيت بمقدار ساعة أي \" تأخير شروق الشمس ساعة \"، وعملياً هذا يجعل غروب الشمس متأخراً ساعةً أيضاً .

مستغرب ليش البعض مستهجن تأخير الساعة والبعض معتبرها لعب...اول شي ليش في شي اسمو تقديم او تأخير الساعة بالدين وبعدين اذا كسبت يافهمان الساعة بالفطور ليش مو انت خسرتها بالسحور؟؟؟؟؟

أن برأيي أنوا يخلوا التوقيت الشتوي على طول لأنه ما بيفرق كتير عن الصيفي يعني الموظف اذا طلع قبل بساعة شو رح تفرق معه ما دام عم يطلع بالشوب ويرجع بالشوب أما بالنسبة لتغيير الوقت فعدد ساعات الصيام هي ذاتها يعني رح نفيق قبل ساعة فليش نحنا بنصعب على حالناالامور وكل عام وانتم بخير ورمضان كريم

فيه نقطه مهم ياليت الشعب السوري يكون واعي وفاهم اللي انو محلات اللي يتردد عليها المسلم قبيل الاذان ويكون يستنى الاذان عشان يفطر نجد ان بعض المحلات تشغل اسطوانات الاغاني قبيل الاذان وهذا مايجوز شرعا لانو الواحد جالس يدعي قبل الفطور وهذا سنه نبويه اتمنى انو تمنع المحلا من تشغيل الاغاني قبل الاذان لما فيه مصلحة العباد والبلاد

اتسأل اذا غير التوقيت هذه السنة فالسنوات السبع القادمة والتي يأتي فيها رمضان صيفا ماذا نعمل نوقف الساعة ولا شووووووو؟؟؟؟؟؟؟؟؟!!!!!!!!!!!!

لك حاجتنابأة شو صرلنالك تنابل فهمناهاثقافتناقليلةكمان بلعناهاوعم نتجردمن مبادئنابحجة التطوروعدم التخلف كمان هي عم نبلعهابالزور امايجي واحديحكي انو بيتمنى يقرب الساعةمشان مايصومهالاتخنت شوي خلينانستحي ع حالنا بأة بالفعل هزلت

ياجامعة مابنسدق على الله حتى يجي رمضان مشان نكفر عن ذنوبنا ألي غرقاننين فيها ، ووقت الصيام هو هو من شروق الشمس حتى غروبا إذا كتيير حاسيين أنو الوقت طويل كتيير فعليكن بالاستغفار و التسابيح وقراءت القران أفضل من تاخير ساعة أو تقديما

في بعض بلدان أوروبا تشرق الشمس بعدالثامنة صباحاوبماأن أولئك القوم حريصون على توفيراستهلاك الطاقة قاموابايجاد التوقيت الصيفي والشتوي ومن هذاالمنطلق أرى أنه من الضروري الحفاظ على التوقيت الصيفي في بلادنا بتقديم الساعة في الصيف ساعةأخرى من أجل توزيع استهلاك الكهرباء في ساعات مختلفة و بذلك ينخفض الضغط على الشبكة الكهربائية ونستثمر النهار من أوله فتوفر الدوائر العامة التكييف الصباحي و...

العمل ليلا هو الحل يا ريت تساوي استفتاء عن موضوع تقسيم اوقات العمل الى دوامين من 12 ظهرا الى 5 عصرا ومن 10 ليلا الى 2 صباحا ليكون مجموع الدوام 9 ساعات في اليوم.... لكن يجب توفير المواصلات ومساعده المواطن على تغيير الوقت ... واظن يوجد انتاج اكثر في ذلك وخاصة في شهر العبادة والصوم

آآآآمييييييييييييييييييين

شو رأيكو يصير التوقيت الشتوي يبلش بشهر حزيران مشان تنبسطو. بعدين شو الفرق ما هيي ساعة المسا بتصير الصبح

أيام الرسول الكريم (ص) والصحابة، كان الناس يتواعدون كالتالي: نراك بعد صلاة الفجر، أو صلاة العصر... إلخ. فلم يكن لديهم ساعة ولا هم يحزنون، لم يكن لديهم توقيت إلاّ مواعيد الصلاة حسب شروق الشمس وغروبها.. فلو تغيرت الساعة، هل ستتغير مواعيد الصلاة؟ وهل سيتغير موعد شروق الشمس أو غروبها؟ بالطبع لا، فلم هذا الهجوم الذي لا أرى أي تبرير له؟!!

الصيام ليس بالساعات و انما ابتاء من شروق الشمس الى غروبها اى انه سوف نصوم نفس الفتره الزمنيه و لكن بدلا من اداؤنا صلاه القيام حتى الساعه 11.30مساء (العشاء الساعه 9.30 و نصف ساعه لاداؤه ثم راحه ربع ساعه ثم ساعه و نصف للقيام و الدعاء ) فهو للتسهيل ليس الا و لكم محبتى

هذا الاستفتاء بين مدى تخلف شعبنا ومحدودية تفكيره,المفروض ان المعلقين هم من القراء اي ناس لديها جهاز كمبيوتر وتدخل على النت وتقرأ وتتثقف اي النخبة من ناحية العقل لكن للاسف هذا الاستفتاء اظهر عكس ذلك فأغلب المعلقين كان رد فعلهم يدل على جهل تام وتزمت لامعنى له ولا صلة له بالدين..صار التوقيت الشتوي تحايل على الدين ومخالف للشريعة اليس هذا امر مضحك

لو علموا فضل الصيام واجره ومدى فوائده العظيمه لكفت الالسن عن مثل هذه المداولات اللهم بلغنا هذاالشهر العظيم واجعلا فيه من المقبولين امين اللهم امين

يعني أصلاً تغير الوقت الشتوي أو الصيفي منين طلعولنا فيه مابعرف !!!!!!

رمضان وجد لاختبار المؤمنين واعتقد ان هذه حكمة من الله عز وجل ان ياتي في الصيف و الشتاء ((اللهم بلغنا شهر رمضان اللهم اعنا على الصيام و القيام و غض البصر و حفظ اللسان)) هي من عندي (اللهم دمر كل الاقمار الصناعية قمر النيل و عربسات و الهوت بيرد)

بمصر لا تستغرب شي

عم نضحك على الله

أنا برأيي يجي شي كاو بوي يربط الشمس بحبلة وينزلا عالغرب لأن هالحل عقلاني أكتر من تأخير الساعة!! شو بتأثر ساعة بالناقص الصبح؟؟ واللي عم يقول انو برمضان العقل بيوقف من جهتي بالعكس بس اشبع عقلي بيوقف وبرمضان بيكون تفكيري صافي أكتر من أي وقت وماعندي هم إلا العطش لأن هالسنة رح يهلكنا العطش بس كله بثوابه.. بقى كبرو عقولكم

يعنى هلأ هى مو فارقة سنصوم من الفجر الى المغرب ولن تنقص ساعات الصيام اذا عملنا توقيت شتوى ..الله سوف يعيننا على الحر فى آب اللهاب .. بس القصة انه توقيت شتوى بعز الصيف ؟ هون النكتة .ورأيى ( ولا علاقة له بالصوم والتوقيت ) انه ما يتغير خلال شهر فقط وبعدين يرجع التوقيت الصيفى حتى أول تشرين الثانى.. خلينا هيك والله المعين . هيك هيك الشوب آخد مجده معنا ..

في كل سنة وقبل أن يأتني رمضان نقول اللهم أعنا على الحر والتعب والعصبية وديقة الأخلاق ويأتي هلاله ويمضي دون أن نشعر ناسين أن الله تعالى يرسل ملائكة رحمة مع هذا الشهر الكريم ويقيض الشياطين بالأصفاد ومعلومة للكل من يستطيع أن يصوم 15ساعة متواصلة لن تزعجه الساعة الـ16 فلم نغير الوقت ساعة من أجل راحة نفوسنا والتي سيزيد من الأمر ولن ينقصه لا حاجة للتفكير بتغيير الوقت أبداً

حبذا لو يتم تنظيم وقت العمل بالنسبه للمحلات خلال شهر رمضان الكريم بحيث يتناسب وتوقيت الشهر الكريم وبهذا لا نضطر لتغيير التوقيت

هواناضدالعمل بتوقيت الشتوي اساسالان هو ضغط للاوقات ولخبطه لاوقات الصلاة ولخبطة الساعةالبولجية للانسان فهذا التوقيت ماحدا عم يعمل فيه الا نحنا ومصر وكل العالم ماحدا بغير توقيتو ابدا اخي ليش مانعمل مثل الخليج توقيتين عمل صباحي ومسائي الصباحي يبدا من 10الى 3 والمسائي بنسبة للاعمال الخاصةوالمحلات من 10 ليلا الى 2 صباحاوالناس بالخليج اساسا من كثر الشوووب بتنام بالنهار وبتفيق بالليل الى قبل العصر بقليل منشان يلحقو صلاة الظهروشايفلك نحنا هون صرنا مثل الخليج بشوب لازم نسهر برمضان الى الفجر

ياجماعه التوقيت الشتوي يطبق في الشتاء لانه يتاخر شروق الشمس ويقصر النهار فقط لهذا السبب الفلكي واعتقد انه لا يجوز ان نطبق التوقيت الشتوي في شهر آب ياشباب شهر آاب يعني الصيف فكيف تطبق انظمة الشتاء وقوانينه على فصل الصيف

اكيد هاد شي ايجابي واحسن للكل لانو باخر الوقت عقلنا بيتوقف عن العمل نهائي.......يعني مو ضروري نضل ساعة زيادة مو قادرين نعمل شي غير انو نستنى الفطور وبعدين الصيام من الفجر للمغرب ان كان بالتوقيت الصيفي اوالشتوي

يا ريت يصير دوام العمل ليلا وخاصة للمحلات التجارية عنجد افضل للناس وللمحلات اقل شي بتخف لزحمه بلنهار ولمشاكل يلي لناس بتحجج بانا صايمه وبتلاقي علقان ستين خناقة وكل هاد بيقلك صايم وبعدين يلي حابب يتفرغ للعبادة بصير عندو وقت وطبعاشو ما قررت الحكومة لحى يضل مو عاجب حدا لانو كل واحد بدو حكومة هوا يمشيها على كيفو

بصراحة مو معروف الهدف من تغيير التوقيت .. بعتقد ما هو شرط من شروط الشهر المبارك لذلك اتمنى عدم التغيير لأنه خربطة للدوام وخاصة المدارس ..بعدين مو محرز الوقت كله شهر ما بيتعودالطالب عليه حتى يغيروه وتعودلقلك!!!

انا برايي ياجماعة انو احسن اذا كان عالتوقيت الشتوي وهاد مالو دخل بالدين وبالإفتاءات لانو نحنا ماعم نخالف امر لله وعم نصوم من شروق الشمس لغروبها ... بس إذا فطرنا الساعة 6ونص أحسن مانفطر الساعة 7 ونص وخاصة اللي عندو وظيفة من مصلحتو أنو يفطر على بكير ويلحق يخلص تراويحه وروحاته .... ولا شووووووووو!!!

إن رمضان قد أتى لكي يمتحن صبر الإنسان على تحمل الجوع والعطش، لكن لم يأتي لكي ننام النهار ونسهر الليل (بغض النظر عما إذا كنا نسهر الليل على المسلسلات أم بالصلاة والدعاء) فحسب رأيي الشخصي والذي أعتقد أنه صواب إن رمضان هو (أكرر) لامتحان قدرة الإنسان على الصبر وتحمل ذلك في سبيل الله, وبالتالي أي أمر يسهل على الصائم هذا إنما هو تحايل على الله (استغفر الله). يجب أن نستمر بالعمل كما كنا قبل رمضان، والحركة والعبادة تماما كما نحن في الأيام العادية. تغيير التوقيت يلائم التنابل فقط.. المعذرة

الملاحظ من رأي بعض المعلقين قديش تفكيرهم محدود شو دخل الاسلام بموضوع التوقيت الصيفي والشتوي,الصيام من الفجر حتى المغرب ان كان صيف او شتاء وتغيير التوقيت لتسهيل الامر على الناس وخاصة الموظفين بس الوقت الفعلي لم يتغير ولكن للاسف هذا نمط تفكير اغلب الشعوب الاسلاميةوتشددهم بامور تافهة وهذا نتيجة قلة ثقافة وقلة وعي وللاسف هذا يطبع الشعوب الاسلامية بطابع التخلف وهذا ما يسيء للاسلام..رب العالمين امرنا بالتعلم واول آية اقرأ..حاجتكم تخلف اقرأوا تعلموا وافهموا

لك يا عيوني،شو فرقت معكون تزبيط الساعة على النظام الشتوي؟ بالعكس الصيام هو نفسو ذاتو الصيام ما بعتمد على الوقت،بيعتمد على شروق الشمس وغروبها!يعني انتو رح تصوموا 15 ساعة على الحالتين بس بدال ما يأذن الصبح الساعة 4 بصير بأذن 3 الصبح،وبدال ما يأذن المغرب 7 ونص المسا بصير بأذن 6 ونص،صعبة شي؟ما أصلا بوقت النبي كان في ساعات؟كانو بيمشو على ظل الشمس،صار الضهر صار العصر صار المغرب صلو العشاء ونامو،فكركون من إيمتى استحدثوا النظام الشتوي والصيفي،يللي هو مخصص فقط للحفاظ على الفروق الشمسية بين الصيف والشتا؟

ياريت يصير التوقيت الشتوي برمضان بسوريا لأنو بيصير النهار قصير و يؤذن المغرب الساعة السادسة و النصف تقريبا وهاد الشي بينعكس إيجابا على نفسية الصائم يعني فرقت ساعة وما بيشعر الواحد بالصيام و أغلب الناس يلي بتفطر بحجة(الآدان لساعة التمانة أنا ما بتحمل) أي النهار طويل.

يا جماعة القصة ما بدها فتوى يعني الصيام من الفجر حتى الغروب ....بقى وين المشكلة اذا قلبنا عالتوقيت الشتوي ؟؟؟؟؟؟المسألة نفسية فقط

الانسان بيدعي رب انو يبلغوا رمضان ونحنا عم ندور على اللعب بالامور الكونية يا ناس اتقوا الله وحسبي الله ونعم الوكيل

ولله اذا بكون التوقيت عل النظام الشتوي برأي أفضل منكسب ساعة لئنو بصراحة الوقت طويل شوي

نحن كبلد تعودنا على الصيام باي وقت وكمان تعودنا على كل شي بوقته ويجب هنا استشارة الدين في هذا الامر

مشان التوقيت الصيفي والشتوي لا اختلاف نحن تعودنا على ميعاد ولا يجوز التاخير والتقديم خاصة في رمضان نحن كبلد متعوين من هذ الشهر لهذا التوقيت الشتوي وليس معنى كل شي جاية نقدم التواقيت

الصيام الحقيقي هو الذي يكون بدون أي تسهيلات . لا تغيير في أوقات دوام الموظفين و لا مسلسلات بالعشرات و لا أي شيء. أنا برأيي المتواضع يجب أن يتم الصيام بظروف الحياة الطبيعية و الأفضل أن أمارس حياتي الطبيعية دون أن يعرف الآخرون حتى أني صائم. فأي صيام هذا عندما أصحو في وقت الظهيرة وأذهب إلى عملي لمدة ثلاث ساعات أقضي معظمها نائما" و أتصرف مع الناس بعصبية وقبل الإفطار بقليل أزاحم الناس في الطرقات وبعد الإفطار أشاهد عشرة مسلسلات إلى وقت السحور. أستحلفكم بالله هل هذا صيام؟؟؟

لا ارى داعي لتعديل الوقت لطالما الفرق هو ساعة واحدة فقط ولااريد ان افتي بما ليس لي به علم وانما لاداعي لهذا لانه ليس موضوع برلماني حتى يتم التصويت عليه هنالك مجلس افتاء اعلى في الجمهورية هو من يقرر بالنهاية وشكرا للمساهمين ولادارة الموقع

يعني باب الحارة بدل ما ينعرض الساعة 9 بينعرض 10 اذا هيك مو مشكلة منلحق مسلسل صبايا عن شو الموضوع ؟؟؟ آسف شكلي خربطت بالعنوان مو عن رمضان بتحكوا ؟

يا جماعة مشان الله يلي عم يقول انو ما بيصير نلعب بالدين وما بيصير نتصرف من عنا فكرو شوي ... الصيام هو هو سواء بالتوقيت الصيفي او بالشتوي يعني يعني اذا كنا بدنا نصوم 12 ساعة رح نصوم 12 ساعة سواء هيك او هيك الفرق بس انو بدل ما تفطر الساعة 8 مثلا رح تفطر 7 بس لعبنا بالساعة ... لا غيرنا سنن الكون ولا شي ... يقا فكرو شوي مشان الله

طالما أن الصيام هو من الفجر حتى المغرب فماذا سيقدم أو يؤخر العمل بالتوقيت الشتوي . الأفضل أن يتم تعديل عدد ساعات الدوام للموظفين وهذا كافي . ثم هناك أشخاص قاموا بطباعة الإمساكيات ليوزعوها باكرا على الناس ومن الغير معقول أن يطبعوا غيرها . على زمن رسولنا الأعظم ما كان في ساعة وإذا بدنا نمشي على القرآن والسنة وما نتلاعب فيهون فالصيام من الفجر للمغرب وبس بقا حاجة زعبرة يا مصر

ياجماعة ترى مافي فرق بين التوقيت الشتوي و الصيفي الا بالساعة بالتوقيت الشتوي راح نصوم 16 ساعة و بالصيف نفس الشي مافي فرق خالص, يعني بدل ما ننمسك 3,5 راح يكون 2,5 و الافطار نفي الشي

اصلا مصر ماعندون فرق بشي كلشي عندون حلاااال انا بتمنى انو ياريت ايغيرو وقت الدوام للعالم يلي ابتشتغل بالدوائر الرسمية بس برمضان يعني بدل مايداومو الساعة 7 يداومو الساعة 9 وينصرفو ابكر بساعة من الدوام المعتاد هيك ممكن هالشي يريحنا شوي لانو مومعقول انغير التوقيت برمضان

في عندي سؤال مهم جداً : هل أيام الرسول كان هناك تغيير للوقت أم لا و إذا كان هل كان الرسول صلى الله عليه وسلم ليستعمل هذه التغييرات بعدين ممكن نقزل أنا مع أو ضد تغيير التوقيت . يعني لازم نرجع للمنبع و بعدين منقرر

الافضل رأي رجال الدين بالموضوع وماحدا يحكي من عنده فما هو راي رجال الدين وسماحة المفتي احمد حسون؟

طبعاً حرام شو بدنا نلعب على ربنا بمصر كل شي بيحللوه واذا بدهن بمصر يصوموا لدرجات المادنة كمان الدين يسر!!!!

و الله ما حا تفرق كتير, لازم يكون في تسهيل بقدر الأمكان.. يعني مثلا بالسعودية هون ما في تغيير بالتوقيت بس بيكون في تغيير بأوقات الدوام مثلا دوامي بدل ما يكون من 9 الصبح للخمسة رح يصير من 11 لل 3 و برأي أذاماكان في مجال لتغيير وقت الدوام لطلاب المدارس و الموظفين كويس يصير تغيير التوقيت يعني هوي هيك هيك مو مأثر عالصيام و مادخل التوقيت لانو الصيام من الفجر للمغرب بغض النظر شو كان التوقيت. حولو.

ايه عادي ، طالما انو الواحد بيصوم من طلوع الفجر لحتى لغروب الشمس ، اما تغيير الوقت فهذا لمصلحة الصائمين ولا يقصر من فترة الصيام وهذا جائز .

يعني الصراحة هاد الشي كتير منيح للناس اللي عندها وظيفة يعني ممكن نرتاح شوي كون الدنيا صيف والشوب مابينحمل أما بالنسبة للي عندو محل وشغل خاص وتاجر مارح تفرق معه لانو مارح يصحى من الساعة 7 الصبح وأكيد ربات البيوت مارح تفرق معهن مارح ياكلها غير الموظف يلي مجبور انو يقوم بكير والنهار طويل ومتعب انشالله يغيرو التوقيت

إن قدمنا التوقيت ساعة و لا أخرناه ساعة ،الأمر لن يغير من لأمر شيء ،فااليوم هو هو من شروق الشمس إلى غيابها لن يزيد أو ينقص ،و أن كان على رأئي فأنا أفضل التوقيت الواحد صيف و شتاء دون أي تغيير .

يعني والله الواحد بيستحي يقول انو نحنا مسلمين ...... يعني كيف كانو أهل أول يصومو وهلأ نحنا ما رح نتحمل ..... والله كل شي تغير وما بقى حدا بيستحي