syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
هل يكفي دخلك لتسديد فواتير معيشتك .. حدثنا عن تجربتك؟؟
مواضيع للحوار

بحسب التقارير الاقتصادية وتصريحات بعض المسؤولين فان دخل المواطن السوري كافي لتأمين احتياجات الحياة الضرورية.


ولكن من حيث الواقع يقول الكثير من المواطنين بان متطلبات الحياة اصبحت ذات كلفة عالية وان الدخل الذي يحصل عليه معظم المواطنين غير كاف لتسديد فاتورة تكاليف المعيشة الاساسية.

 

ماذا عنك ؟

ما هي تكاليف المعيشة في حالتك، وهل يسدد الراتب الذي تتقاضه او الدخل الذي تحصل عليه فاتورة المتطلبات الاساسية ؟

وكيف تطور ارتفاع الاسعار برأيك ؟ ، وهل حصلت على زيادة في الراتب او الدخل موازية لزيادة الاسعار في السنوات الاخيرة ؟


2010-07-18 20:46:46
شاركنا على مواقع التواصل الاجتماعي:



شارك بالتعليق
haya2011-08-22 23:25:14
الفواتير مأساة
للاسف لايكفيني الدخل الذي احصله واضطر ان استلف او ابحث من يسدد عني فاتورتي لدرجة اني اضطر ان اتخلى عن شرفي بسببها
السعودية
بسمة حزن2010-07-26 15:11:01
الى مواطن
جبناتي مع خبزاتك ماكفونا لنص الشهر يعني رح نكملا شحاتة عباب الجامع بس مو غلط رح فكر فيك بلكي بحقق واحدة من احلامي الثلاثة
-سوريا
علاء-طرطوس2010-07-26 11:07:44
الموضوع نسبي
أنا برأيي أنو تكاليف المعيشة تختلف من مدينة لأخرى,انا مهندس تركت الدولة وتوظفت بشركة خاصة وبراتب 30000 عالأقل كبداية, وممكن هيك دخل بمدينة متل طرطوس انك تعيش حياة فوق الوسط وممكن تشتري بيت بأجمل أحياء طرطوس كونها مدينة لا توجد فيها مناطق مخالفات كتيرة,وبرأيي انو يلي عم يشكو هم بأغلبيتهم موظفين دولة الذين همهم هو الراتب التقاعدي وانو الدولة مابتطردهم من الشغل واذا اشتغل او لا رح ياخد هالراتب,تجربة القطاع الخاص ناجحة بالرغم من بعض السلبيات و المستقبل للقطاع الخاص
-سوريا
SALY2010-07-26 10:42:31
قولتكن شو رح يصير
طيب هلأ سؤال وأماااااااااااااانة تجاوبوني عليه !!! بعد كل هالتعليقات والأخد والرد والحكي شو رح يتغير ؟؟ رح يصير شي ؟؟ في حدا رح يرد علينا ؟؟ في حدا رح يحاكينا ؟؟ رد ترخص الاسعار ؟؟ رح تزيد الرواتب ؟؟ ولا بس مسخرة علينا ولا أكتر ما هو فشة خلق .؟؟ رح ينطوى المقال والتعليقات ولا حدى شاف شي يعني بس احكوا الحكي ببلاش الحمد لله رب العالمين (( إن الله مع الصابرين))
-سوريا
محمد2010-07-26 09:26:44
تكملة
وعلى فكرة ولأنو المعيشة في قطر (بالنسبة للدخل) رخيصة فالواحد بيصرف اكتر مشان بيقولو انو الواحد بالخليج ما بيجمع وهاد الكلام صحيح لانو الواحد بسوريا في كتير سلع بيكون فعلا ماحيها من قاموسه (متل السيارة, الأجهزة الكهربائية المتعلقة بزيادة الرفاهية, اللحمة,..... الخ) كانت الايجارات غالية جدا في الدوحة وكلام الاخ باسل صحيح, لكن هي الطفرة انتهت على الرغم من انو غلاء الايجار غالبا ما تمت تغطيته من الشركات واصحاب العمل (حسب تجربتي) برأيي أهم اسباب الغلاء في سوريا هوي شجع التجار اضافة لعوامل اخرى
قطر
محمد2010-07-26 09:19:21
تكملة
وسافرت على قطر(وقطر هيي الدولة الاعلى دخلا في العالم) ومن الظلم مقارنتها بالوضع الاقتصادي في سوريا لكن: في اشياء أحيانا بفكر فيها وبتدايقني: طبيعي انو البنزين ارخص لانو قطر دولة منتجة للنفط ومصدرة الو, طبيعي يكون الدخل اعلى من سوريا بكتير لكن ليش المياه المعبأة في قطر أرخص من سوريا رغم بسوريا بتطلع ببلاش ربانية وفي قطر بتتصنع تصنيع, ليش الخبز بقطر ومن اجود الانواع ارخص من سوريا رغم سوريا دولة منتجة للقمح وقطر لا, ليش لحم الخاروف السوري بقطر نفس سعره بسورياواحيانا ارخص
قطر
محمد2010-07-26 09:08:38
الوطن والاغتراب
بسنة 2003 كنت موظف بشركة كبيرة بسوريا وكان راتبي الشهري 17000 ليرة وبأكدلك انومن وقتا ولهلأ هيك راتب ما بيكفي يعيل أسرة في سوريا وبالورقة والقلم: (1000 مواصلات,1000 موبايل,1000 تلفون ثابت,1000 كهرماء,هادا كلو على الاقل وحتى هي الارقام غير واقعية واقل كتير من الحقيقة, 5000 ايجار منزل على اعتبار انو اكيد صاحب هيك دخل ما بيقدر يشتري ملك, يعني بيبقى 8000 للأكل والشرب واللبس والعلاج والدوا والولادة والمدارس وكلكن بتعرفو انو هيك مبلغ بينحط بقعدة مطعم لاربع اشخاص. فكيف اللي بيقبض 10000 ليرة
قطر
باسل2010-07-26 05:01:02
بلادي و إن جارت علي عزيزة و أهلي و لو ضنَوا عليَ
ولكن هل كان الراتب ليعوضني عن عائلتي و أهلي و وطني؟ الجواب لاااا وألف لا لم يكن مال الدنيا كلها ليعوض نظرة الى .... جبل قاسيون أو ضمة لأبنتي أو لوقفة ثرثرة مع صديقي أو جاري! صدقوني الآن دخلي أصبح أقل من الأول والأسعار تقريبا ضعف 2006 ولكني أشعر بشيء لم آلفه في الغربة وهو الأطمئنان والأمان! صدقوني لست أدافع عن أحد فقط أروي تجربتي لمن لم يجرب! بلدنا والحمد لله بخير و ستستعيد عافيتهابإذن الله ولا شدة إلا بعدها فرج! و أقول لمن في الغربة (الله يعينكم)
سوريا
باسل2010-07-26 04:43:04
بلادي و إن جارت علي عزيزة و أهلي و لو ضنَوا عليَ
عندما كنت في الدوحة استأجرت غرفة في فيللا سكن شباب معظمهم من لبنان كون ادارة الشركة التي أعمل بها لبنانية و طبعا كانوا يكرهونك لمجرد أنك سوري! كنت أدفع حوالي 20000 ليرة سورية اجرة تلك الغرفة وباختصار فيما عدا إيجار البيوت كل شيء متوفر ورخيص فوجبة دجاج kfcفقط بسعر :250 ليرة سورية وهي بالنسبة للراتب لا شيء! وليتر البنزين بسعر 11 ليرة سورية أرخص من الماء! حتى أنني كنت أشتري أشياء لا أحتاجها فقط من أجل التسوق! وأبعث لعائلتي مبلغ 45000 ليرة سورية شهريا! ولكن.....
-سوريا
باسل2010-07-26 03:39:04
بلادي و إن جارت علي عزيزة و أهلي و لو ضنَوا عليَ
سأحدثكم عن تجربتي في العام2006 كنت بعمر34 سنة متزوج ولدي ابنتان يومها كنت موظفا بشركة خاصة وكانت زوجتي موظفة أيضا ودخلنا بحدود 40000 ليرة وبيتنا ملك لله الحمد! وسحنت لي فرصة عمل في قطر و الراتب بحدود 100000 ليرة شهريا و بالفعل سافرت الى الدوحة وتركت أسرتي في دمشق على أمل اللحاق بي قريبا! ثم كانت المفاجأة بأن هذا الراتب لا يكفي لاستئجار منزل عائلي وتحمل النفقات العائلية بالشكل المناسب فعملت لمدة سنة واحدة و لم أطق بعدها الأبتعاد عن عائلتي وأهلي و بلدي الحبيبة دمشق وأنهيت إقامتي!
-سوريا
باسل سـكريه2010-07-26 04:11:44
Maine,usa
قرات كل التعلقات شيء فعلا بحزن الله يكون بعكونكم...بس دائما بسال حالي سؤال لما بدخل ع سيرا نيوز ولا مره شفت انه في مسوؤل ما من اختصاصوا الموضوع وجاوب عليه مو بس هاد الموضوع اي موضوع كان موجود !!!! ليش يحزركم؟؟ وليش مثلا ما سيرا نيوز تطلب بشكل رسمي من المسؤلين يردوا او يعلقوا على الامر ؟؟ ما بشوف الا موضوع مطروح العالم بضوج ومتل العاده ببلشوا تهجم على بعض وبتخانئوا وبروح الامر والمشكله قائمه ما انحلت ؟؟؟وبصراحه اكتر هاد بولد نظره سلبيه عندالمغتربين للوضع خصوصا انوا المسؤلين مطنشين
الولايات المتحدة
لا تيأس......مافي أمل2010-07-26 02:40:02
تعالوا نحسبها
ياسيدتي المواطنةنحنا منحسب كلشي ممكن نعملو حتى نعرف اديش بدنا نصرف وبكل اللغات ومنشوف كيف بدنا نوزع الراتب ومنستعمل كل اساليب الحربقة بتوزيعو حتى وصلت فينا نسأل اديش بيكلف القبر خوفا ما نموت قجأة ومانكون ما عاملين حسابناقام واحد رفيقنا راح سأل حفار قبورأديش بيكلف القبر؟؟؟ قلو بالميتة بالميتة بيكلف 5000 قلو واذا الميتة من عندنا؟؟؟؟؟؟؟؟؟؟؟؟؟ بركي منوفر شوي وحدوووووووووووه
سوريا
سوري حربوق2010-07-26 02:31:11
لولا
يا صديقي انا جامعي سنة اخيرة يمكن ما تستفاد مني كتير بس لولا صرماية ابي لكنت متت من الجوع وحياتك
-سوريا
aly2162010-07-25 22:05:57
تعليق
سؤال مش بمكانو
سوريا
من حلب...يا خاي2010-07-25 20:29:55
ظليت متمسك بالوطن كثيرا قبل أن أرحل أخيرا
تجربتي يا أخوتي لا تختلف كثيرا عن تجاربكم،في صيفية 2009 تزوج أخي الأكبر في بيت العيلة قبل ان يسافر وصارشويةمناسبات ولكن الفواتيرقصمت ظهورنا5250 ماء 5800 كهرباء هاتف4400ولن أحدثكم عن أمور أخرى أثقلت كاهلناحتى صار العزوف عن الزواج هو الحل العملي لشباب اليوم...فقررت الهرب إلى الخليج من جديد..وصدقا يا جماعة صحيح هون بتاكل وبترفه عن نفسك والحياة أسهل نوعا ما ..بس ليش طفشوناوحرمونا من اهالينا ومن وطنناالدي نحبه ومن حارات حلب ومن جنةدمشق ومن بحر اللادقية ومن ومن ..(الله على الظالم بس)
-سوريا
un syrien2010-07-25 17:48:41
شعب نقاق ومنافق
شكراً للأخ سوري متلي متلك...لخصت كل شي كنت بدي قولوا...نحنا شعب نقاق ومنافق و بدنا كل شي ع بارد المستريح بلا تعب و بلا شغل...و حياة قلبنا المظاهر و الفشخرة
-فرنسا
أسألو سيرياتيل2010-07-25 16:57:30
اسألو سيرياتيل
عندي رفيق بكندا طلع أغتراب هوي و عيلتو هنيك ماعندو شغل ياخطي لكن الدولة عنيك بتعطيه راتب شهري 2700 دولار بفترة 4أشهر وفر و أشترى سيارة تويوتا كورولا و طبعا أحلى عيشة و أحلى خدمات و هي و هوي قاعد بالبيت و هنيك بيعملوله دورات تأهيلية للإندماج بالمجتمع و بعدها البدء بالعمل و تحصيل راتب شهري بحدود 5000 دولار
-سوريا
AMAL2010-07-25 16:51:03
معادله مستحيلة الحل
يرجى منكم تعريف احتياجات الحياة الضرورية و تعريف تكاليف المعيشة الاساسية و ارفاق جدول بالاسعارالتفصيلية لعازب و المتزوج
الولايات المتحدة
مواطنة رقم 22010-07-25 16:03:52
ليش عم تظلموا المواطنة
أنا ما بشتغل بس زوجي مو موظف هو صاحب شركتين و3 معامل و3 مطاعم وعملي عرسي بفندق فخم ورحنا شهر عسل سياحة بكل أوربا واشترالي هدية عرسي سيارة BMW وكتبلي نص البيت يلي بالمالكي بإسمي وحق البيت 70 مليون يعني ببساطة صار معي 35 مليون بدون ما أعمل شي هذا عدا طقم الألماس يلي لبسني ياه يوم عرسي بس بتعرفوا شو؟؟ بعد كل هالشغلات فتحت عيوني قام شو ؟؟ طلع حلم!!! ما تمنيت أصحى منه طلع علينا ديون الدنيا مو عرفانين كيف نوفيها أنا وزوجي تمنيت نام وما فيق بس هي يلي حكيتها حياة مرت مسؤول الله يخليلنا المسؤولين
-سوريا
مغترب قبل الولادة2010-07-25 16:53:56
؟!؟!؟!
مو ليكون في دخل بالاول
-السعودية
هههههه2010-07-25 15:49:35
هههههه
مصروف ابن المسؤول يلي عم يقول هالكلام قد راتبي على 3 مرات
-سوريا
هههههه2010-07-25 15:49:35
هههههه
مصروف ابن المسؤول يلي عم يقول هالكلام قد راتبي على 3 مرات
-سوريا
موطن حر2010-07-25 15:25:31
ياريت تعديل الدخل
مع كل الشكر لكل من ساهم في بناء سوريا اليوم الوضع كتير مأساوي انا وزوجتي موظفين ورواتنبا تصل حتى 25000 ليرة سورية ولكن مع وجود قرضين لكل منا ويبقى من الراتبين فقط 18500 ولديي طفلين والله تمر ايام صعبة جدااا ولولا الدعم الخارجي من الوالدين وهما فلاحين في الطرفين عن طريق ارسال لنا مستلزماتنا الغذائية حسب توفر الفصول يمكن كنا تعبنا كتير بحياتنا والمشكلة انو حتى الوظائف اليوم صارت صباحا ومساءااا وبتعويض قليل والحمد لله رب العالمين على كل شيئ لازم تعديل الاجور ياريت
-سوريا
حمود محمد اليوسف2010-07-25 15:18:45
عم نلعب لعبة القط والفار
زيادة رواتب من طرف ( القط)وارتفاع الأسعار من طرف ثاني ( الفار ) وحتماً الفأر هو الربحان
سوريا
بليز انشروا كلامي2010-07-25 13:09:28
بليز انشروا كلامي
بتمنى تنشروا كلامي حتى ماتكونوا متحيزين،، الموضوع انحط على سيريانيوز للاستهزاء بالموظف ويلي بيجاكر أكتر كلام المسؤولين قال بيكفي أنا بشتغل بصالون تجميل وبروح بعمل (( لنسوان المسؤولين)) منيكور وبديكور ببيوتهن وبتفوتوا على بيوتهن متل الأحلام وكأنه هنن بكوكب تاني يلي منقوعة بالليمون ويلي بالحليب ويلي عم تعمل مساجات وموسيقى السلو والشغالات كأنك مو بهالبلد بس انتوا اطلعوا عالشارع وشوفوا العالم الميتة يلي عم تركض عالميكرويات ليلاقوا محل لك ويلي بيجاكر أكتر كلام المواطنة لك حسبي الله ونعم الوكيل
-سوريا
شامي عتيق2010-07-25 13:30:48
الله يعين
ياجماعه عالعاده العالم بتطالب بزياده الرواتب وبترجع بتندم ليش ياحزركم لانو بعد الزياده مباشرة التجار القباضيات بالاسواق برفعو الاسعار مشان الموظف يعيش بالنعم.
روسيا الاتحادية
واحد من الناس2010-07-25 12:53:08
أبيخ وأبرد سؤال
هذا أبرد وأبيخ سؤال سوؤله المواطن السوري منذ 30 عامأوالذي طرح السؤال ليس له الصلاحية بزيادة الرواتب وتحسين الدخل وأنا حاسس إنها نذالة لتقليب المواجع مثل الي صور أبوه وهم ميدفنوا وكل يوم بيعرض الشريط لأمه منشان تبكي يا لطيف على البياخة!!!!!!!!!!!!! طبعا مابكفي لإطعام شخص واحدتبن لمدةعشر أيام 
-سوريا
أنور2010-07-25 12:43:48
ترتيب الاولويات عند الحكومة
بسبب الغلاء الفظيع ‏ تعليق وزير التجارة: الرز ارتفع بسبب أكل المنسف والمقلوبة المفروض الشعب يغير عاداته، يترك المنسف والمقلوبة ويأكل الدقيق : : بعد فترة من الزمن: : : : وزير التموين: الدقيق غير متوفر بالأسواق بسبب إقبال الناس عليه ، المفروض الشعب ما يأكل دقيق مفروض يأكل تبن : : : بعد فترة من الزمن: : : : وزير الزراعة الألبان ارتفعت بسبب ارتفاع سعر الأعلاف لأن الناس صارت تأكل تبن ، المفروض الشعب يأكل تراب: : : بعد فترة من الزمن:
-سوريا
Only the truth2010-07-25 10:31:36
Chaotic System
I worked in Syria for a few years before moving back to the west. I must say that there are many Syrians at my company in Syria that were making more than 150,000 SYP per month, most of them had foreign education. I was making even more but couldn't live in a chaotic system so I gave up and left!
-سوريا
M.R.M2010-07-25 09:14:37
اسمع عن غيرك بتعرف وضعك...
بأوروبا أول ما تتوظف بروح راتبك على البنك و طبعاً بصورة طبيعية بتشتري بيت مرهون أساساً للبنك بحيث بروح 10% من الراتب للبنك لمدة 25 سنة لتسديد ثمن البيت مع الفوائد و 10% من الراتب لمدة 3 سنين ثمن سيارة و بقية 80% بتروح على التأمين الصحي بالدرجة الأولى و على مصاريفك الشخصية و على الإدخار لصالح الإجازات السنوية أو التقاعد أو.. معنا الكلام و بالقياس لازم يكون الراتب لا يقل عن 250 ألف لتقدر تحقق هذا الكلام احسب الفرق و ردلي خبر
-سوريا
anas2010-07-25 08:41:25
الله بعين
الحمد لله الراتب بيكفي وزيادة حتى عم بيزيد منو وعم بوفر حوالي 700 دولار مخليون لتقاعدي وبس يصير عندي خدمة 10 سنين رح اطلع شم هوا بالساحل عنا .. وشكر
سوريا
مواطن2010-07-25 08:31:45
احسبها
مواد تنظيف+غاز+زيت+سمنة+رز+بقوليات+دواء+طبيب+قطعة لباس+لوازم طفل رضيع+لوازم طفل بالمدرسة+كهرباء+ماء+هاتف+صيانة عامة للبيت اجار اذا كل مادة ب500=8000 كل يوم وجبتين طعام 200*3=6000 والراتب كلو 12000 طبعا اب وام وطفلين بدون اجار
-سوريا
الصيدلاني محمد ماهر النوري2010-07-24 23:30:29
هو بالأساس غلط يتسمى راتب
لانو هو لازم يتسمى معونه اعاشة او بدل شحادة مو راتب لانو الو علاقة بكلشي الا الراتب اصلا ما لاو راتب ابدا
سوريا
مهندسة2010-07-24 22:12:42
الراتب للسترة فقط
أنامهندسة وراتبي ماصار عشرة آلاف يادوب فاتورة موبايل ونت ومساعدة شوي لأهلي والله مابكفي تنزل عالسوق تشتري فيه شي متل باقي نساء التجار يكل الأحوالحمد لله على كل الأحوال المهم مانمرض لأنو إذا مرضنا هون المشكلة ومنين بدك تجيب والدكاترة أغلبهم حرمية بها البلد بقا قولو الحمد لله وأدعو ربكم ماتمرضوا ...
-سوريا
جامعية و لكن2010-07-24 21:28:34
حالة صعبة
لازلت شابة لكني مريضة و غير متزوجة لنفس السبب نصف راتبي للادويةمع انه فقط 9000 لا استطيع ان ازيده لاني مريضة كماقلت و2000 رسوم نقابية كل شهر لم يتبقى لي شئ اعيش حاليا مع اهلي ولكن عندما اصبح وحيدة ماذا سافعل؟!!
سوريا
ابو العبد الشامي2010-07-24 20:17:03
افضل طريقة لكسب المال الحلال
اسمعو مني وجربو هالتنجربة بما انو الشباب هونة بالموقع يلي نزلو هالموضوع عم يتمئلسو علينا نحنا الكل ولا هنن عايشين بغير دولة يعني هنن عم يكفيهون راتبهون لاخر الشهر حق اكل بس . المهم نصيحتي الكون انو تباشرو بزراع المصاري وكل واحد يزتلو كم ليرة بحض الزريعة بركي بيطلعلو شجرة مصاري حلال . والله مالي عرفان شي بيقطع القلب بس بنستاهل الله لايقيمنا نحنا صايرين اكالين نكارين عم نشلح الدولة هديك الحسبة اخر الشهر والدولة الله يعينها ماعندها مورد غير هاكم ضريبة يلي عم تشل فيهون بقية المواطنين
سوريا
هدفي بالحياة طلع تسلل2010-07-24 19:38:51
الحق يقال
والله ياجماعة هي بلدنا وعايشينها بالحلوة والمرة وحلاوة الشعب السوري انو صاحب روح رياضية وهاد موضوع وضعوه للتنفيس ليس الا ومشكورة سيريا نيوز عالموضوع *
سوريا
سوري متلي متلكم2010-07-24 19:23:50
مو صحيح حكي تلات ارباع الشعب
لا حدا يزعل اللي بيقرا كلامكم وطبعا اللي بيسمع كلام الناس هون كله عن ينق ويسق وكأنه على حافة الانهيار والموتّ! طيب المطاعم والسيارات والملاهي والمصايف والبحر والفنادق والموبايلات ووو وكل هالصرف المرعب اللي عم نشوفوا مين هدول؟ ناس من المريخ ؟ ولا قلة معها مصاري؟ مافي قرنة بالبلد من كتر السيارات بتمشي بالشارع بتلاقي كل واحد ماسك موبايل عم يحكي فيه شي نص ساعة بتروح على المطاعم والقهاوي والمصايف مليانة عالم !! بظن مشكلتنا ماحدا بقول الحمدلله ودائما عينا على اللي عند الناس مو عنا
سوريا
ahmad2010-07-24 14:07:32
عم أشتغل فيها
الشعب ما عم يشتكي بس عم يفش قهرو لانو السوأل بسم البدن بكل الأحوال أوراقي بسفارة عقبال كل الشباب
-سوريا
عبد الرحمن تيشوري2010-07-24 12:12:31
الرواتب في سورية ضعيفة جدا وهي من اسباب الفساد وال
يبدوا ان العاملون في الدولة قد دخلوا برج الحظ بعد طول انتظار لزيادة رواتب واجور تخفف عنهم الارتفاع الشديد في الاسعار الذي وصل الى 100% خلال الاشهر الاخيرة واكل رواتبهم واجورهم واكل الزيادة المنتظرة ايضا قبل ان تأتي - رغم الزيادات التي طرأت على الرواتب والاجور والمنح التي منحها الرئيس الشاب الذي تمتع بالوطنية والعزة والشموخ لكن قطار الحظ لا يقف على محطة العاملين في الدولة فما ان يصدر مرسوم الزيادة حتى تقفز اسعار بعض السلع فتصبح الزيادة في خبر كان ويعود الغلاء ويعود انخفاض الاجور وتتدهور العلاقة
سوريا
طبيب عام2010-07-24 12:13:09
اتركوا البلد
لكل اللي عميشتكوا أرض الله واسعة ليش ما تتركوا البلد؟؟؟؟؟؟؟؟؟؟؟؟؟ العمل بالسعودية أحسن مية ألف مرة وأيضا بقطر وكل دول الخليج من الناحية المادية ونظام المعيشة وكل شيء وأما أوربا وأمريكا وكندا وأستراليا فهم الأفضل على الإطلاق فالهجرة أحسن من الشكوى بدون فائدة
-سوريا
Syrian-beloved2010-07-24 11:14:33
يلا بسيطة
يلا بسيطة وربي خايف احكي يصرلي شي لمين بدي فش خلئي يعني مارح هز بدني خلص اتكلنا على الله
سوريا
محتارة2010-07-23 22:52:52
بدي قول حكي فاضي متل حياتي
انا مهندسة و عايفة حياتي ...في ناس تخرجو معس من نفس الدفعة و موظفين متلي بس اشترو سيارة انا برأي هاد الو تعريف واحد ...يا بتكون حرامي يا ابن عز يا أما موت طقيق و فقر و بهدلة
-سوريا
ياسمين2010-07-23 22:45:08
تتمة
هاد و شو قال مضروية بحجر كبير لاني موظفة درجة اولى ...كل مشكلتي الحقيقة اني موظف شريف يعني جوعان و مقهور و مو مدعوم و هلق بس خلص ماجستير رح يزيد راتبي 700 ل.س تخيلو احترام العلم ...ايه بلا كرامة و ضحك عالناس الله يخليكون...
-سوريا
ياسمين2010-07-23 22:40:05
عم تمزحوا اكيد
اكيد هالسؤال مزحة لانو خبروني على مين هالاحصاءات اللي عملوها و بأي بلد ..انا مهندسة و موظفة حكومية يعني راتبي 10000ل.س فاتورة موبايلي كل شهر على الاقل 1500 ل.س و اشارك بالمصروف على عيلة من 7 افراد و اذا ما بدي بالغ بقول اني من نص الشهر برجع مشي عالبيت لانو ما بضل معي مصاري و بشتغل بعد الظهر بالدروس الخصوصي بس يعني قديش بدي طلع و ما ببالغ اذا قلت انو ثلاث ارباع ثيابي من البالة( الله يخليلنا البالة) و اذا مرضت انا او حدا من اخواتي ما فينا نشوف دكتور ...
-سوريا
عايش برا2010-07-23 21:50:27
بتصدقوا
أنا مغترب من فترة طويلة باوروبا و الحمد لله توفقت و فتحت شركة ناجحة. دخلي لا يقل عن 50 مليون ل س بالسنة. و الكلام صدقا و بدون مبالغة. بالنسبة الي سورية هي جنة على الأرض .كل ما بنزل على سورية بحس حالي امبراطور لأنه الناس هون بتحب المظاهر و بتقدر الشخص اللي معه مصاري. لك والله حتى الشرطة لاحظت انو بيخافوا من سيارتي. الله يكون بعونكن على هالرواتب و الحياة اللي بسورية.
سوريا
ahmad2010-07-23 21:37:03
مو ليكون في دخل أول
محاسب مجاز ومعي شهادة من أمريكاوخبرة 5 سنين رجعت من السعودية من 3 شهور ولحد هلأ ما لقيت شغل بقا يا حبيباتي انا آسف لأنو مالح أحسن احسبها واعطيكم جواب لأنو والحمد لله الدخل عندي صفييييييييرة
سوريا
franc2010-07-23 20:25:53
الى مواطنة ؤ واحد من هل البلد
حاجة كدب و تجليط
ألبانيا
سورية2010-07-23 18:17:08
فهمت عالمواطنة
شو يا جماعة الكل عم يشكك بحكي المواطنة و _مؤهلاتها_ طيب يمكن هيي عندها مؤهلات غير الشهادات العلمية نحنا ما عندنا منها.و في اعتقادي أنو هيك قصدها بالحربقة ...
-سوريا
موظف منتوف2010-07-23 15:26:34
مسؤولية
إن الأجر الذي يجب أن يحصل عليه أي موظف لدى الدولة هو25000 ل.س خمس وعشرون ألف ليرة سورية وهوالأجر الذي يضمن له الحد الأدنى من مستوى المعيشةمع بقاء مستوى الأسعار ثابتاًوهو أمر مستحيل في بلدنافي ظل انعدام الرقابة وانتشار الرشاوى الكبير حتى عند الأجهزة الرقابية وطمع وجشع مافيا التجار الذين يسيطرون على فعاليات الاقتصادالسوري وكل زيادة في الأجور يتبعها فوراً ارتفاع في الأسعار وبنسبة أعلى من نسبة ارتفاع الأجورمما يزيد من الفجوة التضخمية ويضعف القدرة الشرائية لليرة السورية ويزداد الموظف فقراً.
-سوريا
واحد من هل البلد2010-07-23 15:09:35
مهضومة هل المواطنة
انا بأيد كلام المواطنة تماما-- البلد في شغل كتير وفرص حلوة وراوتب - بس المشكلةفينا نحنا انو ما بنعرف نتحربق-- يعني مسلا انا مهندس كمبيوتر تاني دفعة بسوريا -- وبحكي لغتين بالاضافة للعربي وعندي خبرة بدبي باكبر شركة لتمديد كابلات الانترنت والاتصالات بس لاني ماني حربوق ما عم حصل راتب اكتر من 60000 بسوريايعني تلت الراتب يلي عم تاخدو المواطنة لانو طبعاما فيني ساوي مقارنة مع زوجها يلي راتبو ضعف راتبها -- من هون بنعرف يا جماعة انو في رواتب وبتكفي بس لامثال الاخت مواطنة مو للي مثلنا .
-سوريا
مشعل2010-07-23 13:29:22
لاحول ولا قوة الا بالله
ههههههههههههههههه مو نائصنا ضحك لما يكون الواحد معو دكتورا بالذرة من فرنسا وئاعد عم يشتغل ليل نهار مشان 40000 الف بالشهر ورفيئو التاني بالسعودية عم ياخد 150000 وين صفيت القصة المتعلم عنا بسوريا ما عم ياخد حئو؟؟؟؟؟؟؟؟؟؟ويللي مو متعلم بتلائيه تاجر كبيييييييييير(الله كبير)
سوريا
عمر2010-07-23 13:23:59
سؤال بمحلو
اكيد مابيكفي من يوم ماصار التضخم واصبح الدولار 50 ليره لن يستطيع المواطن العيش على راتبه عملتنا اصبحت متل العمله التركي اذا رجعت قويتلل15 ليره مثلا للدولار بسعر الصرف بتصور الرواتب تكفي وبتزيد
-سوريا
ابو علي2010-07-23 13:17:21
سوريا بلد غال
سوريا بلد غال و المدخول يعني مو عالي بسال نفسي ليشس هيك البلد غالية؟ على شة يعني ؟ انا سوري اعيش باوروبا والله اوني عايش بسوريا لمتت من الوضع الاقتصادي المتردي
-سوريا
سهير2010-07-23 12:23:07
سوريا
السلام عليكم ورحمة الله وبركاته انالموضوع يعنى شريحة كبيرة من المجتمعان الراتب لايكفى حت العشرة من الشهر والباقى الله اعلم كيف الناس بدبر حالهاو الله فاتورة ماء وكهرباء تلفون نصف الراتب واكثر شوي و بلش الهم كيفبدنانكمل الشهر وفهمكم كفاية
-سوريا
سمر2010-07-23 11:12:02
سؤال بيضحك
ازا مواطن عميتدين ليسدد فاتورة الكهربا بعد ساعات الكهربا الجديدة فشو بيسموها بيكفي الراتب للاكل والشرب كمان
-سوريا
???2010-07-23 10:28:49
بيكفي لكن كيف
كنت فاهمة السؤال غلط، او متأثرة بالتعليقات، منشان هيك ما نشرو تعليقي، بس ايه اكيد بيكفي الراتب لتسديد فواتير الشهر، والباقي منقضيه من باب الله يا محسنين الله لا يفضحلك سر.
-سوريا
بو هارون2010-07-23 10:15:17
الكويت
بلا حسد قل اعوذ برب الفلق من شر ما خلق من شر حاسد ازا حسد هههههههه انا مغترب وخارج هل بلد بس من البلد وما معي شهادة واصل للتاسع فقط بس عندي خبرة بهل حياة قد تلات ارباع الفهمانين على اساس واعمل بجد ونشاط واكتب واتحدث الانكليزية بطلاقة بعد المعاشرة ودورتين واملك سيارتين و جيت سكي وعايش مبسوط وبجي على سوريا زيارة بالصيف وبس هيك مرتاح وبحب قلكن انو الله يكون معكن ويعينكن يا هل الشعب عنا وتقبلوا تحياتي ما تقولو حظ بس والله بشطارتي مجنن العالم هون خخخخخخخخخخخخخ
-الكويت
مغتربة2010-07-23 09:24:13
إلى مواطنة
شكلك يا مواطنة فايتة على المقال الغلط وما كان مطلوب من أمثال جلالتك التعليق إلا إذا كان قصدك الاستهزاء بمشاعر على الأقل 15 - 17 مليون سوري باعتبار انو البقية ماشية امورهن والحمد لله، وهي شغلة اللغات تبعك صارت قديمة على علمي انو مدارسنا صارت عم تعلم لغتين غير العربي ولا مو هيك شباب؟؟؟ لما بدك تتبهوري حكي ب 3 او 4 لغات اجنبية غير العربي بعدين قولي بحكي لغات والماجستير صارت تافهة لازم نحكي بالدكتوراه هلاء بقا حارتنا ضيقة ومنعرف بعض ولما بدك تتحربقي لا تتحربقي على سوري...
-سوريا
fadi2010-07-23 06:24:01
اييييييييييييييييييييييييييييييه بيكفي بيكفي وزياد
شو يعني يلي سائل هيك سوال مو عايش بالبلد بيكفي وزيادية بس يومين مو كل الشهر
سوريا
من هالبلد2010-07-23 01:11:40
شي بيحير
انه بدي افهم لما اقرا التعليقات بحس انه المواطن على وشك الانهيار وبنزل عالشارع ماشاء الله كلو راكب سيارات كلو عندو بيوت ومحلات وكلو بيحكي بالموبايل المطاعم مليانة النوادي المقاصف المراقص الملاهي الكافتيرياكلو معو مصاري وبيفت عملةشي بيحير من وين هالعالم بتجيب المصاري مابعرف انا دخلي يعتبرجيد جدا وعزابي وكل شهرين لروح على مطعم او كافتريا حدى يفهمني شو عم بيصيرمن وين هالمصاري!!!!!بس تعرفوا يمكن نحن هيك لو بيصير راتب الموظف 50000بدنا نقول مابيكفي
-سوريا
وحدة مو رايقة2010-07-23 00:50:56
مواطنة يا مواطنة
شو بتقصدي بالحربقة؟ قوليلنا منشان النبي كي كي بركي منتعلم منك شهادتي من برا انكليزي احسن من العربي مع اسباني شو لازم ساوي؟ بلش سكرتيرة؟انزل جيب كنزات من الحمرا؟صفرا وحمرا وخضرا؟ شو اعمل بس قوليلي اول خطوة ولا ليكون قصدك......ممممم اي لا ما بدي خليني ع الفلافل..شبها؟مع البندورة و الكازوزة عم تنبلع معي...ميرسي لوقتك سنيوريتا
-سوريا
نعيمان الداشر2010-07-23 00:46:06
لا والله
والله انا راتبي ما بكفي لا خر الشهر لانو انا موصاحب راتب انا عيش ع التطفل والفقر طامرنتي طمر وشوبدي قلك لقلك الحياة صعبة بشهادة اخوي فواد الداشر
سلوفاكيا
صحفية بس ما عم بشتغل2010-07-23 00:38:39
احلى شي المواطنة
لك تئبشي قلبي أبش أبوشة...مديرة وعندها بنت وصبي وجوزها وفاضية تعلق لا وترد على الناس كمان...لك يا ستي الله يتم عليكي يارب...لعلمك انا عندي محل ع الانترنت والحمد لله بطالع بحدود ال $5000 بس ما بتفشور وبجاكر العالم اللي مالي بنوب احسن منون بس يمكن ظروفي احسن وبقعد بحكي شروي غروي..والله لما نزلت ع الشام شفت الناس عم تحكي مع حالها من الغلا مو حلوة منك مو يا قطة؟ بحب نوه انو انا متخرجة من امبركا وعم بعمل ماستر حاليا..ومع هيك ماعم لاقي شغل هون منشان هبك عم بشتغل لحالي
-سوريا
صحفية بس ما عم بشتغل2010-07-23 00:32:00
طبعا بيكفي
وبيزيد معي دايما للشهر التاني...خضرا ورخص وووجه حسن...يعني رحت ع اوروبا والله اللي صرفتو بالشام اكتر...بس يمكن لانو الخدمات بالشام احسن...
-سوريا
غربة2010-07-22 22:13:05
مو ليكون في شغل ومعاش
لك ليش فتحتو هالموضوع وفتحتو جروحات هالعالم الغلبانة لحتى اتساعدون وتلاقولن الحل والله ياااااااريت طيب مو ليكون في شغل لحتى المواطن ياخود معاش كتير في ناس بتنام بلاعشا او بلا مايدخول عالبيت رغيف خبز وناس وناس وناس وناس وبتقولوا معاااااااش لك شكيت همي وهم العباد لرب العباد
سوريا
SPRING2010-07-22 21:25:05
إلى مواطنة
حابب اسألك سؤال أنتي راتبك هدا بتاخدي بالمدينة الفاضلة ولا عنا هون أنا طبيب بيطري بشتغل بشركة خاصة أول ما توظفت ب12000ولبعد سنتين حتى صار راتبي 15000 وبعدني عزابي ويادوب مسكج حالي بس داخل على الله وعليكي إذا هالشركة اللي بتشتغلي فيها بتشغلني مستخدم براتب أكتر من راتبي مستعد ضحي بشهادتي بس دليني عهالشركة لأن مو معقول هالرواتب الخرافية إلك وللسيد جوزك وعفكرة بعرف بحكي عربي وبشتغل عالكمبيوتر
-سوريا
غني كبير (مليونير يعني)2010-07-22 19:51:47
فائض مالي كبير
أنا بقترح أنو الحكومة تخفض المرتبات لأنو كتير عم بيزيد مصاري معنا وما الها داعي أبدا. بس البياخة وين ؟: البياخة من سيريا نيوز يلي بيطرحوا هيك موضوع للنقاش والاستفتاء ! واضح أنو أستهزاء بالمواطنين أو للتنفيس ! بايخة سيريانيوز ماظبطت معكون هل مرة! مو ؟
-سوريا
مواطن مغترب2010-07-22 19:26:07
مصاري كتير بس بالحرام
مين اللي قال أنو بلدنا مافيهل مصاري....! بل فيها وأكتر من أي بلد تاني....! بس المشكلة انو تحصيل الفلوس لا يتم إلا بالطرق الملتوية. يعني اللي بدو يعيش بالحلال خلي يهاجر او يموت من الجوع والهم.وطبعاالسبب عدم وجود أنظمة وقوانين تعطي كل مواطن حقه. لذلك كل هالعز والمصاري اللي عايشة فيه بعض الناس 95 بالمية جاية من الحرام أو بطرق مشبوهة... يعني كم سنة تانيين بيصير شعب سورية ثلات أصناف ( حرامي أو شحاداو مهاجر) وحسبي الله ونعم الوكيل.
النمسا
سعيد2010-07-22 18:58:08
شغلة فاضية
الراتب بزيد 2000 و التسعيرة بتزيد5000 يعني زيادة الراتب ابتعمل خربان بيت للموظف و الغير موظف .و مافي ضبط للاسواق ويلي عم بقول الراتب بكفي مانو حاسس بالموظف لأنو مصروف سيارتو قد 5 موظفين
سوريا
عيب2010-07-22 18:53:49
واحد زائد واحد يساوي اربعة موو هيك
البضحك انو الدولة رفعت رواتب دكاترة الجامعة ونست الموظفين الاخرين الحاصلين على نفس الشهادة وكانو هدول بيشتغلو وهدول بيتسبو وكانو هدول مواطنبن وهدول من المريخ فبقى باي مقيلس عمقيسو على مقياس قد مافينك تظبط حاللك ظبطووو ومن بعدي فليكن الطوفان
-سوريا
عنتابي2010-07-22 17:13:06
خير الكلام ما قل وذل
ولك آآآآآآآآآآآآآآآآآآآآآآآآآآآآه ...
-سوريا
bravo 62010-07-22 16:28:53
my country or my life
ههههه طبعا أول شي موضوع بلنسبه لألي انحل من زمان طبعا أنا عمري ٢٢ و ساكن بسويد و عندي بيت و شغل و حتى عندي صاحبه سويديه . بس من لما كنت بسوريا كنت أشتغل ٢٤ ساعة و ما لحق مصروف أما هون شغل ٨ ساعات و راتب قد راتب الموظف على شي ٥ مرات و مرتاح و أبعد عن شر و غنيييلو نحنا ما رح نتقدم بنوب
-سوريا
الوحش المسكين2010-07-22 14:16:57
أبو الطمع
يا حبيبي يا عمري يا عيوني يلي صاير أنو كل حرفة هل إيام معروف شو دخلها من 8 تلاف إلى 45 بأحسن الأحوال لذالك لا تفكرو بهل موضوع لانو مابيخلص أفتحو موضوع تاني متل لماذا المواطن السوري يسعى بكل ما أوتي من قوة أنا يسافر إلى إي بلد ؟؟؟ وما الأسباب بس المشكلة حلها بين قوصين (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
سوريا
مواطن2010-07-22 14:09:59
إلى بسمة حزن
بما انو انا وياكي منئبض هالرويتب وبما انو وياكي عزابية تعي نحط خبزاتي على جبناتك بركي بكون اجا نصيبنا
-سوريا
مواطن منتوف2010-07-22 12:27:30
كلو يفكر أنو بلدنا فيها مستقبل مزهر
كيفكون أول شي ... أما بعد :أنا دخلي الشهري 15 ألف, متزوج وساكن بلأجار أجار البيت 7500غرفة واحدة ولفضل لطمع يلي ساد المجتمع بعد لجوء الأخوة العراقيين الحمد الله تزوجة من دون مساعدة الأهل يعني صفي من راتبي 7500 في 500\كهرباء مع أنو هل فاتورة بضحك التفصيل تبعها ماعلينا وفي فاتورة المياه 300 وفي تلفون موبايل لانو ماعندي قدرة جيب أرضي مايقارب 1000 مواصلات بس على شغلي 600 صفي ولحمد الله 5100 بعد ما أكلنا شي لا أنا ولا زوجتي تخيل يرعاك الله بس الحمد الله لذالك الجواب واضح
سوريا
بسمة حزن2010-07-22 11:26:58
عفوا2
المهم في بداية 2010 قلت لحالي لازم كون حربوقة وقد حالي ووفر من هالرويتب سجلت احلامي عاورقة كالتالي: احلم ب بيت، سيارة، زوج, حذفت كلمة احلم وقلت التزمشو صار لهلا؟ ولا شي البيت بدو يكون معك على الاقل 70.000 مشان تسجل على بيت والسكن الشبابي لازم تكون عالعكازة مشان يطعلك( علامات الاولاد والخدمة,و)لغينا البيت, السيارة قلنا الدولة بتسلمنا كونو كل رفقاتي بالمكتب معن سيارا ولساتني عم قوم الليل والفجر حاضر بلكي بشوفو اني بنت البطة البيضة والله انا بيضة ياجماعة. باقي من احلامي الزوج رح اعمل جهدي شلون؟
-سوريا
سوري مغترب2010-07-22 11:26:16
ههههههههههه سؤال يطرح نفسه الحياة ليست اكل فقط
مو هون المشكلة المشكلة لنفرض انو شاب خريج جديد ولن نقول غير متعلم بيروح على الجيش وبيرجع يتوظف بقطاع خاص وبعد الظهر اشتغل شي تاني سيتراوح دخله بين 18000و 30000 هل يكفي هذا المبلغ لكي ياسس بيت ليتزوج فيه فنفرض احسن الاحوال انو راتبه 30000 وهو طموح وصرف 5000 بالشهر بين مواصلات واتصالات وطبعا بياكل في بيت ابوه رح يوفر 25000 مبلغ محترم السؤال كم سنة عمل لكي يشتري بيت ب 1500000 وكم سنة فرش وكم سنة مصاريف زواج وذهب وخلافو بعتقد انو الحكومة بتفتكر انو متوسط عمر الشاب السوري 150 سنة
سوريا
الى مواطنة2010-07-22 10:57:44
شو مشان
مشان الله تفهمني هي المواطنة شو قصتها والله حاسستها عم تجاكرنا لك والله انا معي لغتين انكليزي وفرنسي ممتازة ومعي ادارة اعمال وبرمجة كمبيوتر وراتبي بس 25 الف وبشركة معروفة وعلى مستوى طيب شو هالمخلوقة ضدنا هلأ بيتركوا كل التعليقات وبيحطوا تعليقها انه صح الراتب عم يكفي من وين طلعتلنا هي
-سوريا
بسمة حزن2010-07-22 10:35:49
عفوا
عزيزتي مواطنة: انا مهندسة ومعي لغات ووصلت لمراكز مرموقة بالدولة!! لحد هون بفضل شغلي و وتعبي على حالي بس ياحزرك قديش راتبي؟ 14.000 ل.س لاتكفيني مواصلات للوصول الى عملي ليش، لاني وصلت هون غصب عن الكل وبعدين جمدوني وصرت بنت البطة السودا لاسيارة متل رفقاتي ومبيت ولا حدا بيسال وينك ، لبسي يادوب بشتري من بقايا هالرويتب ولسا مو متزوجةيعني هالراتب تبعك مو منطقي منوب الا اذا جايبتيلك شي شهادة من برا وسيفي ممهور من كل دول العالم متل موضة هالايام واعتبروك خبيرة زمانك وصرتي تقبضي باليورو؟ عفوا
-سوريا
محمد2010-07-22 09:43:00
بديهيات
من البديهي: 1-أن الموظف النزيه في سوريا تكاليف متطلباته الأساسية أكبر من دخله. 2-ارتفاع الأسعار لا يتناسب من الزيادات الحاصلة. ممايدفع الموظف إلى سلوك احدى الطرق: 1-الرشوة 2-البحث عن عمل ثاني وثالث 3-بالنسبة للعزابي يبحث عن زوجة تكون موظفة 4-الهجرة خارج البلد ولاسيما للعاملين المهرة وجميع هذه الطرق تؤدي: 1-البروقراطية 2-انخفاض المردود ولاسيمافي قطاع التعليم 3-زيادة المشاكل العائلية 4-عدم توزيع الثروة الوطنية بشكل عادل نتيجة الرشوة الحاصلة المطلوب حل عادل من الحكومة يتعدى الأقوال
-سوريا
مواطن جوعان2010-07-22 09:50:00
وين العدل والحق
انا موظف راتبي 8600 واجار بيتي 9000 وروضة بنتي 2500 وفاتورة كهربا 1000 ومي 500 وومواصلات 2000 واكل الحمد لله عايشين عدي فاتحين تمنا للسما وناطرين فرج الرب ...
سوريا
محمد2010-07-22 09:38:59
بعدما قرات
قرات كل التعليقات وصح الراتب ما يكفي بالاجمال وانو عيلة من 4 افراد لازم يكون عندها راتب 18000 ليرة بيكفي بشرط انو البيت يكون ملك ، بس استغربت من التعليقات انو السيارة صارت ضرورة وانو عم تنحسب من ضمن المصاريف ليش السيارة ضرورة يعني مو شرط وعلى فكرة السيارة مو ضرورة ببلاد برا كمان المواصلات العامة شو بتعمل لو كان كل واحد باروبا او امريكا بدو يركب سيراة ما كان في داعي للمواصلات العامة عندهم وهي متطورة جدا هنيك كمان الموبايل يعني ضروري الموبايل يكون مع الام والاب والولد والبنت
سوريا
محمد2010-07-22 09:27:49
الاخت مواطنة
شبكون يا جماعة ليش عم تظنوا بالمواطنة الظن السيء، إيه في ناس عم تاخد هيك رواتب لكن برأيكون يلي عم يشتغلوا بالجامعات الخاصة قديش كم تكون رواتبون ؟ يعني نفسها رواتب الدولة ؟ فلا كتير الموضوع ياخد حدوا الموضوع بسيط : ناس فوق و ناس تحت و تم الغاء الطبقة الوسطى ..
-سوريا
مواطن من الدرجة غير الموجودة2010-07-22 03:32:15
حل اقتصادي لزيادة الأسعار المطردة
الحل بكل بساطة هوة تفعيل الشي اللي فاتت فيه الحكومة و اللي هوة السوق المفتوح مع "عدم دعم السوق و الانتاج المحلي" بركي شي يوم بيوصل لمستوى الأجني ..و فتح السوق يعني الضرائب على أي منتج بتصير بسيطة و بتتركو التجار يسعرو على كيفون والشاطر هون بيصير برفع قيمة البضاعة و بيخفض سعرها لينافس الأجنبي مظبوط...أو خلو سوقنا مسكّرة مظبوط و شددو الرقابة على كل الأسعار بطريقة فعالة و أعلنو عن أسعار كل شي المؤسسات الاستهلاكية التابعة للدولة..و كترو منها و هون بيت*وزق التاجر المريش و بيحس شو كان عم يعمل بالناس
-سوريا
عيب2010-07-22 02:39:38
الستحو ماتو
اكيد مو عميكفي والعندو شك يسال المسوؤلين اذا راتب عشرة الاف بيكفي لاحد اولادن ولالالا وقبل هالشي القار بمنع المواطن انو يبني قبل ماتطلعو هيك قرارات طلعو قرارت بديلي توفر المسكن للهشعب اذا 80 بالمئة من الشعب من الدخل المحدودوسعر اقل بيت 3 مليون ليرة فبقى عيب
-سوريا
rama2010-07-21 23:35:33
الحل كلنا منعرفو
((اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
-سوريا
واحد مقهور بس مقهور2010-07-21 20:52:51
نحن بدنا نفهم اكثر من المسؤولين
يا جماعة أفهمو السؤال كويس يعني الدخل يتحمل فاتورة الكهربا الميه والتلفون والضريبه والمجهود الحربي وبنزين سيارات المسؤولين وفاتورة الموبايل المسؤلينومصروف نسوان المسؤلين بس ورسوم النظافه ... ماحدى سألكم عن الأكل والشرب والمدرسة والسكن
سوريا
ع بالي الراحة2010-07-21 20:37:01
شحاته
والله انا طالبة ماجستير الراتب لا يكفيني مشان التكاليف فقط , بالاضافة الى انه لدي خدمة 9 سنوات و لما عملت تعديل وضع زاد الراتب 175 ل س وصار الراتب يكفي و زيادة.؟!!!!!!!!!!!!
سوريا
أحمد أبو الفدا2010-07-21 17:06:32
الحمد لله رب العالمين
اولا أشكر سيريا نيوز على هذا الحوار الرائع والهادف الى التوعية لا يوجد رجل شريف يكفيه دخله الشهري , الا من انعم الله له واكرمه فالله يرزق من يشاء , اما انا , أعمل مدير تنفيذي في شركة تجارية خاصة حيث اداوم 12 ساعة يومياًالراتب الشهري هو :15000 الف ليرة سورية لدي طفلة ومصروفها الشهري 5000 زوجتي مريضة بداء السكر ومصروف علاجها الشهري 5000 المنزل اجار 7000 مصروف طعام للمنزل 5000 اصبح المصروف الشهري 22000 الف اعمل اضافي في احد المعامل ب 10000 الاف ما بنام غير ساعتين يوميا وشكرا
سوريا
مجنون يحكي و عاقل يسمع2010-07-21 16:21:02
ايه تعالو شوفو سوريه
هي جواب لكل مين عم بيقول ما بيكفي شو بدها تعمل الحكومه اكتر من هيك : هيئة الاستثمار : 279 عدد المشاريع المشملة خلال العام الماضي بكلفة 247 مليار ليرة هي عملت مشاريع ليش ما بتروح تدور على شغل هنيك او بدكم الحكومه تجي و تبوس ايديكم حتى تشتغلو
-سوريا
سمير ابو مازن2010-07-21 15:38:04
هل يكفى دخلك لتسديد فواتير معيشتك
لا والف لا راتبى 18500زوج زوجة وشاب 17 سنة طعام شراب ادوية فواتير كهرباء ماء تليفون مواصلات تصليحات منزلية الخ الخ الخ مدرسة يكفى لمدة 10 ايام والباقى دينا لاول الشهر
سوريا
مواطن سوري2010-07-21 14:06:19
إذا عرف السبب بطل العجب
نحنا يا جماعة بنسمع من الختايرة دائماً موقف رجولي جداً وهو انهن بيبيعو يلي فوقون ويلي تحتون مشان ما يخلو ولاودن لازمون شي وهاد الشي طبعاً كانو عم يطبقوه لأنون ما خلولنا شي نبيعو نحنا مشان ما نخلي ولادنا لازمون شي بس على كلن نحنا يلي صاير فينا هو كسر قديم كتير ما بينحل ولا إذا عطينا كل مواطن سوري مليون ليرة **
سوريا
محمد عبدلله2010-07-21 14:31:12
ررررررررررمضان الأسعار نااااااااااار
مين هاد الي بيقول بيكفي الي يقول بيكفي كلامة بلهوا او خايف انا بعرف انو الأسعار بتصير نار والله الناس ما بدهم رمضان مشان الأسعار بس بدي اعرف مين هادال......الي بيرفع الأسعار والله الا ابوسو لأن ابن حلال اكيدلعمة ملينا ملااااحظة انا مابدي احط ايميلي مشان ماروح دعوسة بين الأجرين الله يكسر اجريهم أمين يارب
-سوريا
عيسى غسان الشهابي2010-07-21 14:07:25
بصراحة لا
بصراحة لا يكفيني دخلي المتوسط لادفع فواتيري
سوريا
دلوعة وحلوة2010-07-21 13:39:07
الى مواطنة
انا كمان قابلة للانحراف بس راتبي ماعم يوصل يادوب لل 150000 شو الحل برأيك قولتك لازم اشتغل دوام صباحي كمان
-سوريا
sami2010-07-21 13:01:30
بيكفي و نص
انا من ناحيتي مكتفي و الحمد لله اكيد كل الشعب السوري ما بيكفيه الدخل اليومي ولا اي شعب راضي عن حكومتو لك لو كل واحد بيحدد شو بدو من هالدنيا و هدفو بتكون الدنيا كلها بخير بيصحي الواحد فينا الساعه 12 و بيقول يا رب ارزقني شو بدو يرزقك اذا فايق الضهر و اخر شي منقول الحكومه يعني اما لحق على الله اما على الحكومه الشعب يا حرام ما بحياتو عليه الحق قومو شتغلو حتى الله يرزقك روح بين محافظات سوريه كل واحد بدو شغل جنب بيتو يا اما مدير شو هاد يا اصحو شوي
سوريا
sami2010-07-21 13:01:30
من جد وجد
يا حماعه انا بشكر سيريا نيوز على هالمواضيع المميزه و بقول لكل اخواني من جد وجد والله بلدنا فيها خير بس لازم نسعى للشغل لاناكثر الشباب بيصحو الساعه 12 ليروحو على الشغل و بيرجعو 3 على الغدا لك كيف بدوالواحد يطلع فلوس هيك اسعو والله البلد فيها رزق بدها حركه بالدين والعقل و بكل نواحي الحياة بيقولولك اسعى يعني دور على لقمة العيش و كل واحد بمجالو انا هدي وجهت نظري
سوريا
هدفي بالحياة ...طلع تسلل2010-07-21 12:36:06
ليش كل هالحكي يلي ما بيسوى
انا شب عمري 29 وعايش ومبسوط مع العلم انو دخلي مابكفي وشلت طبعا فكرة الجواز من راسي مو مشان شي بس هيك اريح من نق النسوان صحيح عم روح عالبيت مشي بس هيك افضل مشان الصحة وصحيح عم اكل وجبة وحدة بالنهار مشان ضل رياضي وصحيح كل يوم بنهز بدني من الفواتير مية مرة بس اكيد مشان ضل محافظ عالروح الرياضية فالدولة عم تساوي قصارى جهدها للمحافظة على المواطن فليش هالحكي الزايد
سوريا
حقوقية2010-07-21 12:16:34
ما في فايدة
الحكي متل ئلتو ..شو رح يغير يعني الواحد فش خلئو وبعدين .... بدنا حللللللول ..كلنا منعرف بالبلد ما حدا عم يصير ليسرق او يسافر برا البلد هدول اللي عايشين عيشة بني آدمين واللي عم نشوف مضاهر الترف عليهون اما اللي بالبلد وما سرق .. لك صرلي مخطوبة شي 4 سنين وخطيبي مهندس وانا خريجة حقوق ولك لهلأ ما ئدرنا نمشي خطوة لهيك رح يسافر لبرا يعني لأيمتى 000
-سوريا
النحلة2010-07-21 09:06:04
رواتب الدولة والتشجيع على الفساد والرشوة
للاسف ظهر احد خبراء الاقتصاد على شاشة التلفزيون وبذكائه الخارق كان تحليله ان شركات الموبايل تحقق ارباح هائلة هذا يعني ان المواطن السوري بحبوحة لذلك فهو يتكلم بالموبايل لكن لم يسال هذا المسؤول الخارق الذكاء ان موظف راتبه 7او9اوحتى 13الف كيف اشترى الموبايل ومنين عم يدفع الفواتير الا اذا كان مرتشي ..للاسف ان حكومتنا الرشيدة هي التي تشجع على الفساد والرشوى والاختلاس في هذه الرواتب وصار الموظف بكل وقاحة يطالب بالرشوى
-سوريا
طبيب اسنان2010-07-21 09:51:55
انا طبيب اسنان وموظف
انا طبيب اسنان وموظف وعيادتي اجار وزوجتي موظفة وبعد كل هاد والله العظيم عم سكج تسكيج صدق أو لا تصدق لا بيت ولاسيارة ولا عيادة ولا اي نوع من الرفاهية الا اللهم بس عندي موبايل ليش الكذب ... هاد ولسا ماعندي ولاد اي خليها عالفوقاني الله يكون مع العالم
سوريا
إيهاب2010-07-21 09:42:19
المعاش ما عاش
ما بعرف شو سبب هالموضوع المطروح عالسيريانيوز........يعني أنا حاسس أنو في مواضيع "أهم" بتمس واقعنا لازم نلاعجها متل انخفاض معدل البطالة, تحسن مستوى المعيشة, انتشار الأمانة الزايدة، .......إلخ أما الراتب فالحمد عم يكفيني لـ 3 الشهر ويزيد معي كمان أجار مواصلات للـ27 يوم البقيانين. وإنشالله عمري ما أكلت!
سوريا
النحلة2010-07-21 08:54:30
اريد ان اسال الحربوقة مواطنة
شو بتقصدي بالحربقة ؟؟؟ ان يتنازل الانسان عن كرامته وشرفه مثلا ... !!! انا كنت اشتغل بقطاع خاص وبالتحديد شركة اجنبية وحاصلة على شهادات عليا واتقن لغتين وعلى قدر من الجمال ومع ذلك لم احصل 160000 ل بعد عمل 25 سنة ... بس ممكن تفهميني شوهي الحربقة اللي عم تحكي عنها ورغم خبرة ال25 سنة لم نحصل لا انا ولااحد من زملائي الذين تركوا عملهم السابق ويعملون الآن خبراء في شركات مختلفة على 160000ل مع ان رواتبنا عالية كخبراء
-سوريا
متعب العنزي2010-07-21 08:09:04
اقرضوا الله يبارك لكم
الله يطلبكم ان تقرضوه فهل اقرضتموه {مَنْ ذا الَّذِي يُقْرِضُ اللَّهَ قَرْضاً حَسَناً فَيُضاعِفَهُ لَهُ أَضْعافاً كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ} اقسم بالله ان اردتم الاكتفاء بالرزق والزياده فأنفقوه في سبل الخير تصدق حتى وان كنت فقير وثق بأن الله سيضاعفه ويبارك لك فيما يضاعف ، ادي زكاة امولك أكفل الايتام لا ترد سائلاً ابدا ، وتعفف عن اكل الحرام ابتعدوا عن الزنا فلا يجتمع زنا وغنى ، اجعلوا نسبة من اموالكم في هذه الامور وسترون البركه والزياده واقسم بالله على هذا
السعودية
مواطنة2010-07-21 08:13:43
الى السيد غريب الدار
يكون بعلمك أنو أنا أشرف منك ومن .... دراستي ادارة أعمال وبحكي 3 لغات بشكل ممتاز وبشتغل مديرة قسم قروض التجزئة في بنك خاص من سنتين، وبفضل ارادتي وعزيمتي وصلت لهون مو بفضل شي تاني، وزوجي مدير اقليمي في شركة خاصة وبيحكي لغتين بشكل ممتاز.. بتحب كفيلك ولا بيكفي لهون؟؟
-سوريا
الغلط وين2010-07-21 01:46:47
النا الله
برايي تعمل نظرة على تعليقات هل ناس الا اذا في واحد مفزلك راتبه فوق 15 الف صرلي 8 سنين موظف وعمري 31 سنة وما عندي مصروف نهائيا راتبي متل ما هو بدخل فيه جمعية راتبي 9 الاف ولهلق ما عندي قدرة اشتري غرفة بارخص مناطق الشام لو حتى مخالفات وبعين الله وحسبي الله ونعم الوكيل
-سوريا
Goodman2010-07-20 23:09:23
وضع محزن ولكن!!
سلام. العجب كل العجب لما قرأته من تعليقات!! إذا كانت الأمور كما قرأت, فكيف امتلأت شوارع سورية بالسيارات الجديدة؟ ولايوجدمكان خالٍ في المقاهي والمطاعم, والازدحام في المولات الجديدة, والشعب تمبل لا يستيقظ قبل العاشرة صباحا, و الجميع يتكلم عن الموبايل و الآي فون و الانترنت, أضف الى ذلك أن الجميع يتمتعون بالسمنة والكروش الكبيرة (هل هي من قلة الطعام؟)ً.. الحقيقة أني أرى المواطن السوري مرفه أكثر من معظم شعوب العالم, فهل لهذه الظاهرة من توضيح؟؟ أو أن الشعب تعلم على الشحادة؟؟ هل من عاقل يجيب؟؟
-الولايات المتحدة
هللر2010-07-20 21:41:34
هللر
اناطالب طب بالمانيا عمبشتغل بالمشفى و بطالع مصروفي و الحمدلله ما ناقصني شي . اشتغلت بسوريا قبل ما اجي لهون . راتبي كموظف بطالعو هون بشغل يومين كطالب و بس ابلش تخصص بطالع بالشهر راتب موظف سنوي . و بعد التخصص راتي الشهر عن راتب موظف لـ 4 سنين .
النمسا
طرطوس2010-07-20 21:05:24
عايش و مش عايش
انا لست بموظف لا قطاع عام ولا خاص انا املك و الحمد لله محل تجاري صغير متواضع في منطقة بعيده عن السوق التجاري,صدقوني همي الصباحي كيف ساسدد فواتير الكهرباء و كيف ساسدد فواتير الهاتف و الموبايل وكيف ساوفر لكي ادفع ضريبة الدخل السنويه التي تبلغ 13000 ليره ,كيف عايش ما بعرف انا على يقين اني عايش مشان الحكومة وانا بامر الحكومه
-سوريا
محشش2010-07-20 20:38:04
حاجتها للفة
هي نشرة اسعاري راتب 12000 اذا النا تلفون 1000 وكهربا عمي شي 3000 اذا بدك تشتري تياب اعوذ بلله بوط زفت 1000 هي بالة 2000 بتشتري زبالة بنطولون 1000 مواصلات مكاري 2000 هي بس للشغل و بدك شي 5000 ليرة علميتة عاسعار الاكل اكل هوا الحالية وحسوب اشتريت شي تاني بتكون اكلت هوا ماعدا قسوط شي بقا قول للي ال بكفي ياكول هوا يانو بعد الحساب منقول عم ندين وناكل الحمدالله بحب الكون توووووووووت وخيار وموز وفريز وهدول غالين **
-سوريا
شبه مواطن2010-07-20 19:59:54
الحل
واحد مرة قللي إنتوا كيف عايشين قلتلوا عايشين ومستورة..وهون نقطة ضعفناالرضا ياعالم الرضا بيصير على شي وشي ولو رضي السبع إنو مافي حيوانات كان مات من الجوع بس هو دور وسعى ليلاقي لقمة حلالو المصيبة عنا إنو شغل ما في ومصاريف في وكل مالون هالمسؤولين عم يغبوا مصاري وكل مالها الناس عم تفقر إلى متى لعمى اشتهيت وأناماشي بالشارع لاقي واحد عم يضحك كل واحد عم يخطط لبوكرا كيف بدو يسرق وكيف بدو يستر سرقتو مشان يسكت الأفواه يلي عندو وين المساعدات الاجتماعية ياوزارة الشؤون الاجتماعية واللاعمل
-سوريا
fatima2010-07-20 19:40:16
لا تسألوني كيف أعيش
هلأ هو الراتب مشان شو ؟ مشان الفواتير اكيد.. ، فالجواب طبعا الراتب يكفي لدفع الفواتير ، أما من ليس لديه فواتير فأيضا يكفيه هذا الراتب و لكن بشروط ، أن لا يمرض ، أن لا يلبس الجديد، أن لا يفكر بقضاء اجازة على شط جميل، يعني بالمختصر المفيد.. يأكل فقط ليعيش.
-سوريا
مواطن فاقد الامل2010-07-20 19:34:51
رواتب الدولة والظلم..تابع
بس بسبب النطام يلي ماشيه عليه حكومتنا الرشيدة وقله عدلها مع هالشعب خلت غالبية الموطنين يصيرو متلي وهيك انتشر الفساد وبتمنى من الاخ هيثم ما يتفلسف وياخد كتر السيارات مقياس بالرفاهية لانها ضرروة متل كل هالعالم
-سوريا
فاقد الامل2010-07-20 19:08:14
رواتب الدولة والظلم
انا موظف دولة من سنة ال 2003 ومؤهل ولهلأ راتبي 7000 الاف ليرة ومتلي متايه وبسبب هالشي طفشت وبلشت أرتشي من هون وهون لحتى اقدر عيش عائلتي وطعميهم فقط مو رفهم.يعني لو كانت الدولة محسنة المعاشات وعادلة فيها ما كنت اضطريت انا ولا غيري انه يمد ايده لعالم ويرتشي ويحس حاله شحاد وهاد على الاقل ما بيريضي رب العالمين**
-سوريا
سريانو2010-07-20 18:11:46
اكيد عم يكفي ويزيد كمان
راتب 18500 الحمد لله في بيت بس في اول شي فاتورة موبايل 1500 اشتراك انترنيت 1500 فاتورة كهرباء وماء وسطياً بالشهر بتوقف شي 2500 فاتورة تلفون 2000 بانزين وسطياً للسيارة 5000 بالشهر وهذا شو بدون مشاوير 12500 راح من الراتب وهي لسه ما تزوجنا ولا جبنا ولد بقي 6000 3 كيلو لحمة اقل شي 2400 كيلو تفاح كيلو برتقال كيلو موز كيلو دراق كيلو كرز 5 كيلو بطاطا صحن بيض علبة سمنة 5 ربطات خبز بطيخة شمامة راح 2000 بنطلون قميص 2000 تدينا 400 ليرة عزابي انا مرتاح الحمد لله بس اتزوج ؟؟ مستحيل
سوريا
غريب الدار2010-07-20 18:11:05
الى مواطنة
والله معليش اسمحيلي بهالكلمة مين اهالوحدة اللي بتحصل شهريا 160000 يعني لا تأخذينا بهالكلمة فيهاااااااااااااا ان ولكن وليت ولعل
-الإمارات
MOHAJER2010-07-20 17:47:43
أي عائله من 5 أشخاص بحاجه للمبلغ 100 ألف شهريا
قد يستغرب البعض و لكن هي الحقيقه للعيش عيشه كريمه و عيشة بني أدمين و أي شخص يكون أما مو عايش بالبلد او مرتشي أذا فاتوره الكهرباء شهريا لا تقل عن 5.000 ل س و 2.000 ل س ماء و موبيل و هاتف البيت و الام و الاولاد شي 10.000 ل س على الاقل و أكل وشرب و لباس لا يقل عن 50.000 و طبابه و أدويه شي 10.000 ل س و مصروف سياره كمان 15.000 ل س و مصروف مدارس خاصه يا جبار يا رب و كتب على مدار العام مع مصروف الاولاد 300.000 ل س غير اذا حب الانسان شي مشوار او لا سمح الله يصيف من وين عايشه العالم طيب
-سوريا
خبير2010-07-20 15:38:09
ملياردير تحت الطلب
الحل بسيط جدا يكفي ان تتعرف على شي واحدمن على الأثرياء الجدد واسماؤهم معروفة وتكون واجهة لبعض اعماله يللي إما أن يريد ان يهرب بها من الضرائب او يغسل بعض اموال وسخة كالرشاوي او صفقات عابرة للحدود او تكون جسر لعملية عقارية بها نصبة كبيرة من الدولة اومن هم غافلون او غائبون وتباع مجددا لشخص آخر فإما يبيعها لمغفل آخر أو يساوم صاحبها على إعادتها غليى لقاء ربع او نصف ثمن النصبة ...الخ وهناك كتاب سيصدر قريبا كيف تصبح مليارديرا متى تريد من دون خوف من قانون او احد لأن كل العمليات قانونية
-سوريا
فارس2010-07-20 14:24:26
لاااااااااااااااااااااااااااااااا يكفي
الراتب 10800 لزس اجار البيت 6000 ل.س ايام العمل 6 ايام ساعات العمل 11 ساعة مصاريف الابن الوحيد شهريا بمعدل وسطي 5000 ل.س الباقي شحادة وعالة على الاهل والاقارب ولقمة مغموسة بالحرمان والذل سحقا لتخمينات المؤسسة الاقتصادية
-سوريا
مواطن عم يعاني2010-07-20 14:19:54
بكفي زياده
أخي أكيد يلي عم يقول الراتب بكفي بكون راتبو من فوق 25000 أو عندو حوافز واضافي أو هو مو بحاجه للراتب لأنو الرشاوي يلي عم تجي بتكفي وبتزيد والراتب هو عباره عن مبلغ اضافي عم يقبضو أنا بتحدا اي واحد عم يكفي راتبو وماعم يشتغل شغله تانيه وتالته اذا طلع بأيدو وشكرا\"
سوريا
رولا2010-07-20 13:31:08
سؤال وجيه
عم تسألو حدثنا عن تجربتك؟يعني عجبتكم هالمسخرة يعني ليش تفتحو عليكم هالباب تجربتي اني اتزوجت وسافرت على السعودية وراتب زوجي رائع نعيش ونصمد وكل ما نقرر ننزل على البلد نشتري بيت نلاقي البيوت اغلى من السنة يلي قبلهاننزل نحط كل شي معنا مصروف ونطلع وعلى هالحالة عشر سنين من جنان زوجي ومافي حيلة قرر يتزوج من وحدة سعودية معفنةبس غنية وقام طلقته انا وصار عنده بيتين واتشردوا الولادانشالله تستفيدو من هالتجربة
-سوريا
مبتدى2010-07-20 12:09:36
تكاليف المعيشة
والله لم يكفي فاتورة كهرباء وماء وتلفون بعد التقنين فالمروحةوالفريزر أصبحت ضرورية في هذا الحر الفظيع والبراد كل هذا من الضروريات وليس الكماليات فننقص من الفواكه والأكل حتى نستطيع أن نعيش بالراتب
-سوريا
اب بطران2010-07-20 11:42:41
التدبير نصف المعيشة
يا شباب الظروف الحالية كتير صعبة ويللي عم يشتغل لازم يكون حكيم نفسه ويمد اجريه على قد لحافه وكتير اشياء من الكماليات يمكن الاستغناء عنها , ويللي رضي عاش وانسو الرفاهية والكماليات الخبز والاكل والدواء والكهرباء والماء والبيت
سوريا
موظف معتر2010-07-20 11:20:27
اي بيكفي ونص والدليل
بالعلامة صرت مجمع شي نص مليون باخر ستة اشهر وعم فكر زور ماليزيا واليابان وتايلند!! لاني السنة الماضية مليت من اوربا وامريكا!! بس بصراحة انا بخاف اني روحح هنيك ولاقي كل السوريين عم يصيفوا هنيك!! لك يا زلمة من كتر مانو شعب مرفه وين ما تروح تلاقيلك شي مليون شخص عم يعمل سياحة!!وكانك بسوريا!! على كل حال عم فكر اعمل سياحة جليدية واذا بدي شوف كمان سوريين هنيك راح اشوف شي كوكب تاني !!  
سوريا
مواطن2010-07-20 11:10:23
مهزلة2
اليوم عم نحكي مع الشباب متل العادة عند فنجان القهوة الصبح انو البيت والسيارة صارو بالبلاد برا من بديهيات الحياة ما بفكر فيهم الواحد ما بدي احكي على اوروبا او امريكا انا عم احكي بالدول المجاورة اما نحن عنا يا لطيف لتامن بيت إذا راتبك عشرين الف ليرة بدك خمسين سنة لحتى تشتريه وباسعار من وئت ما بلشت تصمد بالمصاري لك بدك تشتري بنطرون وقميص وكندرة بتحط نص راتبك معول هالحكي وإذا بتدخن راح التلت وفاتورة الموبايل اضعف الايمان 1500 انو راتب ياجماعة عم تحكو عنو
-سوريا
مواطن2010-07-20 11:06:02
مهزلة
انو تقرير اقتصادي هاد يلي عم ياول انو الدخل بكفي للواحد حتى يعيش والمسؤؤلي مو شاطرين غير بالحكي انو الدخل بكفي اي مزبوط لانو هنن مو ناقصهم شي والشعب ما بيطلعو عليه انو دخل هاد عم تحكو عليه عم احكي بالنسبة لموظفين القطاع العام 10 آلاف ولا عشرين الف إن شئ حالو اعلى راتب بكفي انا بقبض 17 الف ليرة ولسا عزابي عمري 32 سنة يعني ماتجوزت ويمكن بعمري ما بتجوز يعني راتبي يادوب يكفيني لآخر الشهر فما بالك يلي عندو عيلة واربع ولاد
-سوريا
سالي2010-07-20 10:22:31
ديموقراطية
في 2 مسؤولين واحد عربي وواحد أميركي عم يحكوا عن الرواتب سأل العربي الأميركي قديش الرواتب عندكم؟ الأميركي: 5000 دولار العربي: وقديش بيصرف الموظف بالشهر؟ الأميركي 2500 دولار العربي: طيب وشو بيعمل بكمالة الراتب؟ الأميركي : نحنا دولة ديموقراطية ما منسأله، شو مابده يعمل فيه يعمل الأميركي: طيب قديش الرواتب عندكن؟ العربي: 200 دولار الأميركي: وقديش بيصرف الموظف بالشهر؟ العربي: 1000 دولار الأميركي: ومن وين بيجيب كمالة مصروفه؟ العربي: نحنا دولة ديموقراطية ما منسأله، من وين ما بده يجيب يجيب
-سوريا
مواطنة2010-07-20 10:36:10
في بلدي الحبيب
والله أنا موظفة بقطاع خاص وراتبي الشهري 160,000 ليرة يتم توفيره كل شهر لأننا نصرف من راتب زوجي البالغ ضعف راتبي، عندي صبي وبنت بأحسن المدارس ،تمكننا من شراء بيت ثاني وسيارتين. لذلك الراتب كافي وزيادة. أقول لأولئك الأشخاص يلي عم ينقو أنو اذا الواحد تعب على حالو شوي ودرس وتعلم لغات وحصل على شهادات وكان حربوق بيقدر يلاقي شغل ممتاز لأنو في فرص عمل كتير منيحة بهالبلد بس القصة بدها شوية حربقة وحركة
-سوريا
أبو فهمي بياع اللوز2010-07-20 10:32:39
لماذا هذا السؤال ؟
قرأت جميع التعليقات وبنسبة 99.9% الجواب نفسه تقريبا مع تعدد السيناريوهات ولكن السؤال هو لماذا يطرح مثل هذا السؤال في حين أنه لن يعمل شيئا سوى أن يزيد من اوجاع الناس من كثر الحسابات والبعض الاخر (يعتقد) عندما يطرح هذا السؤال ان هناك من سيسمع وسيغير هذا الواقع وهذا يجعله متفائلا والتفاؤل لا ينفع البشر لأنه عندما ينصدم لاحقا بالحقيقة المرة والتي انو ما حدا معبرو ان عاش ولا انشالله عمرو حينقلب التفاؤل الى صدمة نفسية ومو بعيدة يروح فيها بقى لا تقلبو المواجع وخلي الشعب بحالو
سوريا
يزن الحمود2010-07-20 10:20:20
لسه الدنيابخير
يا جماعة البلد برغيد العيش و الموصلات فاضية و الرغيف كبير و الأسعار ببلاش و العقارات ببلاش والبانزين ببلاش والفلل ببلاش و الدهب ببلاش والأكل ببلاش والفواتير الشهرية ببلاش ومرتاحين و مرغرغين و معجعجين ولا أحلى من هيك والحزام مفكوك و الصابيا حلوين والتعليم ببلاش ونحنا ببلاش . باي
سوريا
من وين بيكفي2010-07-20 10:15:09
حاجة بقا
حاجة بقا حاجة تعتير ،، من وين بده يكفي الراتب وأنا معي بجيبتي 250 ليرة ولساتنا ب20 الشهر مشان الله يا مسؤولين ارحمونا وبتقولوا بيكفي وشلون اكتشفتوا هالاكتشاف العظيم بقا .؟؟ بتمنى من يلي عم يعلقوا عالموضوع ما يبيضوا عالعالم ويمسحوا جوخ ويقولوا بيكفي ؟؟ قولا واحد ما بيكفي بأغلى بلد بالعالم
-سوريا
مواطن2010-07-20 09:20:45
43500 وما عبتكفي الله وكيلكم
متزوج وعندي ولدين مصروفي: 16500 آجار بيت، 10000 قسط سيارة، 4500 موبايل وإنترنت وهاتف ثابت "شهريا"، 2500 كهرباء وماء "شهريا"، 6500 بنزين سيارة، صار المجموع 40000 يعني بيبقى معي 3500 مصروف منزل من أكل ولباس ومصروف للأولاد هي إذا ما مرض حدا بالعيلة لا سمح الله أو قررت وفر لإشتري بيت. تركوها لربكم يا جماعة إذا في حدا يساعدني ويقلي شو من اللي ذكرتو ما هو من احتياجات الحياة الضرورية يخبرني لحتى أعرف. وعلى فرض لغيت نص يلي ذكرتو قولتكم بكفي إنو نعيش حياة كريمة. أؤكد"كـريـمـة" الله يعين موظف الدو
-سوريا
مواطن2010-07-20 08:33:54
بصراحة
بصراحة مايكفي لزوم المعيشة الاساسيات منهافما باللك لو انه حلمت انو يصير عندك شقة 80م مسسسسسستحيل
-سوريا
BeckStar2010-07-20 07:15:25
الفواتير تحتاج نصف الراتب
للأسف فواتير الكهرباء والهاتف والماء والهاتف الجوال والانترنت تحتاج أكثر من نصف الراتب .. فما بالكم عندما فوجئت بفاتورة كهرباء بقيمة تسعة آلاف ليرة سورية اجبرت على تسديدها قبل تبديل العداد ؟
-سوريا
هاني2010-07-20 05:54:44
كيف عايشين لكن
انو مع كل هالحكي و النق معليشي سوري منكم اخواني بس انتو كيف عايشين ازا الراتب ما عم يكفي ؟؟؟؟؟؟ سؤال محيرني كتير
-سوريا
لا تواخذوني2010-07-20 02:52:13
عفواً ومعذرة
غربية يا جماعة والسؤال للسيد وزير المالية: دخل الأفراد ثابت... الأسعار بازدياد... معدل التضخم يتناقص...؟؟؟!!! فكيف ذلك يا سيادة الوزير؟
-سوريا
حلوة المزحة هاي...2010-07-20 02:48:30
كبيرة المزحة هاي...
يا جماعة شو هالحكي مستحيل دخل المواطن السوري يكفيه ولا يمكن إنو يكفيه... طبعاً ليش؟؟ لإنو كل زيادة براتب الموظف السوري تقابلها زيادة بنسبة أكبر في الأسعار فيكف بدو يكفيه؟؟؟
-سوريا
مغتربة في جدة2010-07-20 02:31:50
راتب مررررة يكفي
اولا لما كنت مغتربة و عايشة بجدة كانت عيشتي و راتبي يكفوني الي و لاهلي وبرفاهية كمان بس مابعرف شو صار بس رجعت للبلد الغلا مو طبيعي و العيشة و الراتب يادووووووب يكفي ما بعرف شو عم يصير و ليش عنا يا دوب مناخود شبه راتب ما بيعيش واحد اعزب و بالزور
-سوريا
فهمان2010-07-20 02:26:21
الى المهندس محمد
أنا عم قول من وين هالناس عمتجيب هالمصاري حاسبها عالليرة
-سوريا
حلوة وقاسية يا بلدي2010-07-20 02:16:51
لا
بكل بساطة الدخل بسوريا بيكفي لحتى يعيش الواحد من قلة الموت والغريب أنو كل شي عم يغلى والأساسيات يوم عن يوم عم تزيد وتصير أكتر كلفة والدخل عم يغرد بعيدا جدا بدون ادنى حسابات في ظل التكاليف الحالية للمعيشة يجب أن يكون ادنى دخل بسوريا بيعادل 25000 لحتى يكون في عيشة بكرامة وبأكد أنو لازم يكون هاد أدنى دخل 25 الف لززززززززززززا لازم الاوضاع المعيشية تتغير من كل بد ..
-سوريا
متفاشل2010-07-20 02:18:06
اخيرا فهمت
والله عمري مافهمت الرياضيات وشلون بيطلع رقم سالب ايام المدرسة وياما اكل عصي منشانها بس لما صرت اقبض هلق لعرفت كيف بيطلع المصروف بالناقص يعني ينتمي لمجموعة الأفراد الشحادين التي كانت تسمى مجموعة الاعداد الصحيحة بالمنهاج القديم
-سوريا
SYRIAN FALCON2010-07-20 02:02:18
إلى المغتـرب الطفـران
أخـي الطفران - قسمـا بالله أنـا عم لحـق نــص معاشــك بس و الله مبسوط و عايش أحلـى حياة و سيارتـي عنـدي و ساكـن عحساب الشركـة و الأكل مـن الشركــة - يعنـي بوفــر 25 ألف ليرة مـن راتبـ] شهريـأ - و بنزل عسوريـة كل سنـة و معـي 300 ألف - والله هـون محترمينـا أكتـر مـن بلدنـا - و عم حس حالـي إنسـان لما مديري بالشغل بيحترمنــي و بيعاملنـي كصديق أو الأرباب تبـع الشغل يعنـ] ( صاحب الشركـة ) بيمرق عالكل و بيسلم عليون لأنــو عم يديرو بالـون على شركتنــو - صبر يجــي ما في زيـن الحيـن
-الإمارات
مغتــرب طفــران2010-07-20 01:55:23
تكملــة التعليق السابـق
و بالنسبــة للتلفون و بنزيـن السيارة فهـي آخـر شي الواحـد بيفكـر فيهـن رغـم أنهـم صارو غالييــن كتيــر بس بيضل الواح يقـول آآآخ أحسـن مـن عنــا - بيعيـن الله على هالعيشـة و الله يخليلنــا الإمارات اللي فاتحـا قلوبهـالكل العالـم
-الإمارات
مغتــرب طفــران2010-07-20 01:50:39
يا حــرا م
وقــت تركـت الدراسـة ندمــت كتيـر لكـن هلق بعـد ما إشتغلــت لمـدة خمـس سنوات بالإمارات عرفــت قيمـة العلـم بسوريــة أنـا عم لحــق 100 ألف بالإمارات - ببعــت 70 ألف عسوريــة و بعيش ب30 ألف مـع إنـو يا دوب تكفينــي بيــن بنزيـن و مصاريف و أكل و سكـن - لكـن الحمد الله على نعمــة (الإمارات ) لولاهـا كنـا متنـا مـن الجــوع - و بلدنــا ؟؟؟ آآآآخ مـن بلدنـا - عووووجــة
-الإمارات
أيمن2010-07-20 01:30:11
يكفي
يكفي للفواتير تبع الهاتف والمياه والكهرباء والترابية والمواصلات وسندويشة فلافل كل يوم فقط هاد إذا كان الراتب بحدود10000 مع 20 باكيت دخان حمرا قصيرة
سوريا
حلبية تعشق الدير عشقا2010-07-20 01:02:13
أصول الإدارة المالية
ستطاعة كل فرد أن يدير ميزانيته المالية ( العائد الشهري ) بشكل سليم ومنطقي ولاحاجة لتبذيره كي لا يحدث نقص لديه قبل انتهاء الشهر ذاته , ثم حتى لو كان مردوده المالي ضئيل فابستطاعته أن يجعله وفيراً ويكفي حاجته إذا كان عمله حلالاً ويعمل بذمة وضمير فيبارك له الله في قرشه ... نعم أنا أؤيد أن المردود المادي يكفي إذا قنن الإنسان استهلاكه للمال واستطاع إدارة نفسه أولا ثم إدارة حياته ثانيا لا سيما بوجود عائلة وأطفال مسؤول عنهم مسؤولية شمولية .
-السعودية
الشكبان2010-07-20 00:31:04
حسب نوعية المعيشة
اذا بدك تعيش متل الخلق والعالم فبدك ما لا يقل عن 20000 اذا كنت عذابي و35000 اذا ماعندك ولاد و60000 اذا متزوج وعدنك ولاد ... انا عزابي وعايش اقل من عادي وبدي 12000 ليرة !!!!!!!!!!!!!!!!
-سوريا
الشفق الاحمر2010-07-19 22:42:42
قال شو بالتقسيط
يا جماعــــــــــة لا حدا يحسب و يتعب راسو و يتعب الالة الحاسبة الي معو لانو معادلة الاقتصاد في سوريا مستحيلة الحل بتلاقي الموظف بهالايام على اساس ما معو ياكل تاني يوم بيجي ع الدوام معو كيا سيراتو قال شو بالتقسيط و يوم بتروح لعندو زيار ة ببيت باليجار و بعد شي شهر بتزورو بحارة تانية و ببيت تاني قال شو اشتراها بقرض عقاري أووووووووووووووووووووووووووووووووووووووووووووووووووف و الله يا عمي مستحيلة الحل
-سوريا
نبيل2010-07-19 22:33:25
مواطن محروم
من لوين أنو نحنا عم نقدر نسدد فواتير المعيشة والله يا جماعة يعلم الله شلون عايشين أنا راتبي13000 عندي مصاريف كالآتي 2000موبايل وارضي 4000كهرباء 1000ماء وبيلحقك مخالفة مرور بالشهرحوالي 2000 وانا متزوج وعندي ولدين وزوجة وام واب هاد مصرف فواتير لسه ما اكلنا وما شربنا منشان الله بدون لبس لسه وخرجية ولااديعني منين استنتجو الحكومة انو نحنا عايشين ومرتاحين ولسه ما أجت الشاء وانتو ادرى والله والله ما عم أكذب دبروني منشان الله لأيمتى والله شوي تانية ما عاد نقدر شو الحل يا حكومتنا الموقرة
سوريا
حواء2010-07-19 22:10:02
يتبع ... غياب الاحصائيات والاقام الصحيحة
يتبع صدقا وبدون اي مبالغات المعيشة في اوربا ارخص من سورياوليس بالمقارنة مع مدخولهم وانما مع اسعارنا فقط . كيلو الفروج سوريا 120 ليرة وهنا مايعادل 100 ..سكر 50 سوريا وهنا 30 ليرة اللحم 700 ليرة وهنا 550 ليرة للضان . الماء بسوريا اغلى من اوربا مقارنة مع دخل الفرد الصافي ، والماء يعد رخيص نسبيا بسوريا مقارنة مع التدفئة والكهرباء .. والمشكلة ليس في انخفاض الدخل مع مستوى المعيشة وانما في احصائيات الدولة على ان الدخل يكفي وطالما انهم لايملكون الارقام الصحيحة طالما بقينا تحت هذا الوضع.
-البرتغال
أيمن2010-07-19 22:12:23
لما كان في دخل ما كان مكفي الفواتير بس!!
الوضع شحادة بشحادة لآخر الشهر وبعد منها ديون متراكمة وهريبة من الديانة، الله يعين المواطن السوري شو بدو يلحق ليلحق.
سوريا
حواء2010-07-19 21:59:55
تكفي المواطن ؟؟؟؟ بس انو مواطن وانو دخل ؟؟
شخص واحد راتب 1220 فئة اولى بعد 10 سنين خدمة ، اجار في مخالفات دمشق في الاماكن الاكثر امنا 4000+1500 مواصلات داخل وخارج دمشق للعمل وليس سياحه+ 1500 اتصالات انترنيت وموبايل+1000 كمتوسط غاز كهربا وماء و تدفئة + 3000 اكل وفقط في المنزل من قريبو بدون فواكه+1000 لباس (وما ادراك مااسعاره في سوريا)وطبابة ولوازم معيشة ومنزلية ونزهات ترفيهية ودورات لغة وتعلم برامج وشراء كمبيوتر او اله حاسبة و هدية للام و هدية للاب ومعاملات الدولة ..(مثلا ختم العدل اصبح ب 235 بدل 33 ليرة من 3 سنوات) وغيره خليها لله
-البرتغال
مصيف من زمان2010-07-19 22:07:19
عن جد ولا مزح
انتو عم تسالو عن جد ولا مزح اذا عم تحكو عن جد خليني قلكم طبعاً بيكفي وبيزيد لدرجة اني وفرت من دخلي من شان الاستجمام طلعت صيف بكندا من عشر سنين ولهلق ما رجعت ماكنو يخلصو المصاري يلي موفرهن
-سوريا
مجدي-طالب2010-07-19 21:47:31
رد على الاخوة
بحب رد ع الاخ عبدالله اذا عم تقول سيارات وموبايلات ومابعرف شو يعني هالشي بدل انو شي منيح بالعكس لان لو جيت ودورت من وين هالشعب كلو راكب سيارات بتلاقي كلو عايش ع الاقساط اللي جايي من المصارف وبشكل خاص من المصارف الخاصة الي عم تعطي اقساط للشعب مقابل فائدة والكفيل الدولة يا اما المواطن بكون موظف او عندو شي مقابل القرض يعني وبالاخير الشعب كلو صار عندو سيارات ورغبت الشعب انشبعت؟؟ طيب ياجماعة زاد عدد السيارات يعني زاد الطلب ع النفط ونحنا للاسف عنا تراجه كبير بالنفط ومن 30 سنة ماساوينا مصفاية
سوريا
مجدي والمهن طالب جامعي2010-07-19 21:41:57
لك اااخ والله كبير
من اخر الشي الراتب اكيد مابكفي لو بكان بكفي ماكانت الدولة بشكل متقطع وخلال فترات حتى لو طويلة عم تزيد الرواتب يعني مثلا كهربا 800 بالصيف واحيانا 1000 وبالشتي 450 وكل دورة مياه 1000 ليرة وهاتف شي 1500 هاد غير فاتورة الموبايل اللي هاد لو بتتخفف قيمة التعرفة تبعه رح يساعد الشعب حتى لو بشكل قليل تاني شي الاسعار بتطلع وبتنزل متل مابدا رغم مابتستاهل المأكولات والألبسة هي الاسعار انا برأي لو في دور للتموين كان الوضع احسن ب 40% بالنسبة للرتب الحالي يتبع بالمشاركة اللي بعدا
سوريا
غريب الدار2010-07-19 19:12:48
كافي وزيادة
نحنا ليش متغربين طبعا لأنو الحالة المعيشية ببلدنا عال العال بس لو يعرف الشارع السوري كم من خريجي الجامعات مغتربين ويا ريت ماشية امورون بالغربةمن الامارات لكندا وهيك لحتى اموت من القهر
-كندا
موظف وحداني2010-07-19 18:30:21
يتبع لما سبق
هيك بالمجموع بصير راتبي اللي هو عشرة آلاف خالص وبكون لااشتريت لبس ولا انتو أكبر قدر سكربينة بالصيف ولابوط بالشتوية ولا عيشت عيلة بأكملها اذا أنا وحدي ماكفاني كيف بده افتح بيت بس قلولي
-سوريا
موظف وحداني2010-07-19 18:21:08
شلون بكفي ماعم افهم
ياجماعة أنا عايش وحدي ماشي والمصاريف اللي رح احطها الي بس مو لعيلة الرراتب 10 ألاف مقطوعرح وزعها وشوفوا بعينكم 1000 موبايل + انترنيت 100* 30 مواصلات من والى العمل بالاضافة إلى زيارة الأهل والسوق ... 700 كهرباء وماء 500 تلفون ثابت الأكل اذا افترضنا عايش متل ال*** عم اتغدى كل يوم سندويش فلافل معناها ( 30 سندويش +20 لبن ) * 30 = 1500 الفطور (40 سندويشتين جبنة + 20 شاي) * 30 =1800 200 فواكه طول الشهر 500 مصروف نثريات دوا.دكتور.هدية لشي مناسبة و1000 ترفيه وأركيلة
-سوريا
UKS X Fighter2010-07-19 18:19:30
منرجع ولا ما منرجع......هذا هو السؤال
سؤال للجميع.....هل تفضلون راتب 250000 ل س في الخليج تمكنكم من شراء سيارة ألمانية حديثة والصرف برياحة نامة وتوفير 60000 ل س في نهاية الشهر ......أم تفضلون راتب 60000 ل س في الوطن ويا بيكفي اساسيات يا ما بيكفي؟ هانو لنشوف
-الإمارات
مواطن مقهور2010-07-19 18:02:33
اسمعوا هالحكايه الحقيقيه
من عشرين سنه المسؤولين جابوا خبير اقتصادي اجنبي لدراسة الحاله الاقتصاديه بالبلد وبعد اسبوع سألوه شو نتيجة دراسته قال لهم اذا بتظل الحاله الاقتصاديه هيك بدكم تأكلوا هره فقالوا له طيب وبعد عشر سنين ؟؟ قال لهم بدكم تدوروا عالهره ما راح تلا قوه والله انا شايف انه صرنا بهالمرحله وعم ندور عالهره ""ياجماعه السؤال معروف جوابه ومعروف الحل وهو الشفافيه والديموقراطيه ووضع مصلحة الوطن والشعب في قلب المسؤولين والتاريخ سيذكرهم في اجمل صفحاته على انهم ابطال وعظماء فعلوا الخير للوطن وضحوا براحتهم من اجل الش
سوريا
الشيخ2010-07-19 15:22:57
لك بكفي بكفي و عم يزيد و ما عم يطفطف كمان
السلام عليكم يا جماعة , انا بشتغل بشركة خاصة و مبارح عم احسب اديش ممكن انو يزيد معي من راتبي اخر الشهر فبعد حسبة عجيبة و بعد ما تقشفت كتير بمصروفي طلع معي بيزيد 9000 ل.س يعني خلال سنة بيتصمد معي 108000 ل.س يعني لحتى اشتري بيت مكسي بشي مكان نائي و بعيد بريف دمشق و بيكون حئه شي مليون ليرة اقل شي يعني بدي عشر سنين بالميتة لحتى يصير معي حئ بيت و هادا شو لسه ما اكلانا ولا شربنا و الله يعين هل المرة يلي رح نجيبها و نعيشيها معنا هل العيشة التعيسة بدعي و بئول الله يفرجها علينا اجمعين امين امين
-سوريا
سوري للعظم2010-07-19 14:59:51
جواب منطقي وسليم 4
طبعا أنا اكتب عن مدينتي اللاذقية ، فكيف الحال إن كان في دمشق الفيحاء أو في حلب الشهباء فما حال أسعار أجار البيوت؟؟؟ أكيد كحد أدنى الدبل ... فمن أين يستطيع رب الأسرت أن يدخر المال لشراء بيت بالحلال طبعاً!!!! والسلام يا إخوتي
-سوريا
سوري للعظم2010-07-19 14:55:57
جواب منطقي وسليم 3
لقد نسيت متطلبات الزوجين للمواصلات في الشهر يحتاجون كلاهما 1000 ل.س (هذا من غير الموبايل والرفاهيه في العطلة الأسبوعية) أي أصبح الراتب كحد أدنى 34800 ل. والراتب له 20000 ل.س ، من أين سيجلب الباقي؟؟؟ من السرقة في العمل أم ماذا...؟؟؟؟ ولكن هناك من لا يدخل مال الحرام إلى جيبه مهما كان كالأغلبية وللأسف ... فقولوا لي كيف سيعيش ؟؟؟ وإذا كان أحد أفراد العائلة يعاني من مرض ما .... الفهم كفاية يا أعزائي.. فالرجاء زيادة الرواتب بما يتلاءم مع المعيشة ، ومن دون أي سرقة في الدوائر الحكومية
-سوريا
سوري للعظم2010-07-19 14:54:23
جواب منطقي وسليم 2
ومتطلبات المدارس والجامعة للفرد الواحد أسبوعيا كحد أدنى يتطلب 500 ليرة أ1500 ليرة بالأسبوع وبالشهر 6000 ليرة. أما من النواحي المرضية البسيطة فيحتاج كحد أدنى 2000 ليرة ، وفواتير البيت من كهرباء وماء وتلفون 1200 كحد أدنى ، اللباس ومتطلبات البيت من منظفات و...الخ في الشهر كحد أدنى 4000 ليرة بالمجموع : 10000 +10000+1800+6000+2000+4000 =33800 ل.س
-سوريا
سوري للعظم2010-07-19 14:45:28
جواب منطقي وسليم 1
من بعد التحية والسلام. إذا كانت العائلة تتألف من خمسة أشخاص ، الأم ربة منزل والأب يعمل موظف مدخوله الشهري 20000 ليرة مع العمل الاضافي بعد الوظيفة . العائلة تسكن في مكون من غرفتين والمنتفعات وبأجرة 10000 ل.س (هذا بعد المجادلة مع المالك، طبعا المالك بحاجة النقود أيضا) ومتطلبات المعيشة من أكل وشرب كحد أدنى2500 بالأسبوع وبالشهر 2500×4=10000 ل.س ..مصروف الأولاد للمواصلات كحد ادنى للولد الواحد ذهاب وإياب 20 ل.س (هذا إن كان في المدينة) فالأولاد الثلاثة يوميا بحاجة 60 ل كحد أدنى ،ففي الشهر بحاجة 1800ل
-سوريا
asa2010-07-19 13:55:50
asa
بيكفي وبس ما عم نعرف وين بدنا نروح بالمصاري.....
-سوريا
asa2010-07-19 13:48:20
asa
يعني إذا الواحد بياكل وجبة وحدة باليوم، وبيمرض مرة وحدة بالسنة، و ما بستقبل ضيوف ، وما بيجوز وبالتالي ما في وأولاد ، بتوقع الراتب بيكفي لنص الشهر.
-سوريا
ريم2010-07-19 12:20:11
حاجة فضايح
يعني بصراحة نحنا الوضع عنا بسورية في غلاء كتير ... والشباب ما عم تلحئ والله يعين الشباب يلي بدها تفتح بيوت ... لك والله نحنا البنات عم نشتغل ومتل ما بتؤلو انو نحنا مافي هم علينا بالمختصر انو نحنا منصرف على حالنا ... بس والله الوضع للأسف بضطر انو يكون الراتب مشترك بيني وبين عيلتي ههههههه لا وكمان مصروف اخواتي
-سوريا
asa2010-07-19 12:23:18
asa
طبعاً الراتب بيكفي خمسة أيام بلياليها
-سوريا
مضروب بحجر كبير2010-07-19 12:14:32
السكن ثم السكن
اسمحولي أن أقدم نفسي كمثال على المواطن المتعلم تعليما عاليا و واحد من القلة في سورية التي وفقها الله لنيل وظيفة براتب بعتبر عاليا حيث يبلغ دخلي 60،000 ليرة سورية شهريا و هو دخل كفيل بتأمين حياة محترمة في سوريا للولا المصيبة الكبرى و هي تأمين السكن. فأسعار المساكن تجعل من المستحيل على أي مواطن عصامي أن يقتني مسكنامحترما ولو صغيرا. و البديل الذي يستهلك أكثر من 30% من دخلي هو استئجار مسكن حيث أنه من غير الممكن أن أسكن في منزل أرخص من ذلك إذا اردت تجنب أكوام القمامة في الشوارع و الزعران و البلطجية
-سوريا
بحب سوريا بس بدها شوية تعديل2010-07-19 09:14:05
نسبية
راتبي يعتبر جيد كقطاع خاص وبضطر أشتغل عمل إذافي بعض الضهر لأستطيع تأمين دراسة مستواها جيد وليس ممتاز لأبنائي. الخل بيصير كمتوسط 80000 ومصروف البيت 60000-70000 يعني ممكن وفر حوالي 10000 لأشتري بيت بعد 60 سنة للأولاد لكن لحد الآن ما ركبت مكيف على سبيل المثال لأنو مصروف الكهربا لتشغيله مرتفع يعني عم نحاول نستغني عن بعض متطلبات الراحة على حساب وفر لأشتري بيت. وكلامي جد مو مزح.
-سوريا
شامي معتق2010-07-19 09:14:12
الله يعين الي مامعو مصاري
أنا موظف بشركة خاصة،وأعمل منذ حوالي 12 سنة، بالنسبة لدخلي فهو جيد ويكفي تكاليف معيشتي أنا وخطيبتي،لكن المشكلة المخيفة التي يعاني منها جميع العاملين في سورية هي عدم الاستقرار بالعمل، يمكن بسبب وجود الواسطة بشكل كبير جدا،أو المدراء غير الكفوئين فيكون العامل أو الموظف مهدد بشكل دائم،المشكلة هنا هي الاستقرار،طبعا ارتفعت تكاليف الحياة بشكل كبير والحياة صعبة جدا على ذوي الدخل الذي لايتجاوز 20.000 والله يعين اللي مامعوا مصاري
-سوريا
سوري مغترب2010-07-19 08:50:28
قال راتب قال
لك يا جماع, المشكلة بكل بساطة انه الانسان العربي دابحته المظاهر, ولو كل انسان عميدور عحاجتو و بس كان كل العالم مكتفيين و ماحدا عليه دين بس كل واحد بده يحملي موبايل اخر صرعة و يطق حنك عليه 100 ساعة يومياو يلي بده يجيب سيارة و هو ما معو ياكل و يلي بده كل يوم ياكل جاهز, لك اي من وين ما بدهن يقلسو لأخر الشهر, لك انا عايش بكندا و بلد كتير حضارية,والله في ناس اغنياء بعرفهن, ما معهن موبايل, لأن بكل بساطة مالهن بحاجتو, طبعا هدول الموبايلات الاشكال و الالوان ما حدا بيجيبهن, لك والشعب هون اغنى من كل سوري
-سوريا
أكرم العفيف2010-07-19 08:45:00
ليس المهم هو هذا السؤال
المهم هو اين ننفق دخلنا لدينا تجربة في قرية حورات عمورين الصحية بالعام 1999 اعتمدت ان تقوم ربة المنزل بتوزيع الدخل على شكل صناديق ( ظرف ورقي فبه مبلغ من المال ) واحد للخبز والآخر للفواكه والثالث للحمة والرابع للهعاتف .. الخ ومن ثم اجراء محاكاة رقمية للمصروف وهنا ستجد العجائب وهو ان اكثر من 60 بالمئة من انفاقك تذهب الى العادات الاستهلاكية مثل التدخين والنرجيلة والموبايل والمته اجد من الضرورة بمكان اجراء هذه المحاكاة وهذا ليس دفاعا" عن الحكومة لكن لنبني قرارات صائبه ومنطقية
سوريا
كمال2010-07-19 08:50:00
الراتب
بالمختصر:أن زيادة الرواتب ترافقها دائما زيادة الأسعار بل القيمة الشرائية لليرة السورية تنخفض مع كل زيادة حاليا متطلبات الحياة أكتر يعني بالنسبة للشباب الراتب يكفيه المتطلبات الأساسية صحيح لكن لايساعده في تأسيس بيت قبل 10-15سنة وبعد قرضين أو 3 بشلوا الراتب شل يعني اجباري بدو يدور عشغل تاني
سوريا
sousou2010-07-19 08:14:45
راتب
الراتب لا يكفي والزيادات في الراتب اقل بكثير من الزيادة في الاسعار
-سوريا
ابو شهاب2010-07-19 06:19:38
شو متوسط الراتب ؟
كل واحد بيقول كافي ولا مو كافي لازم يذكر اديش الراتب ...........والاهم من هيك اذا كان الراتب مو كافي اديش بدك يكون راتبك لحتى يكون كافي لتغطية الحاجات الاساسية ؟
-سوريا
قلب المحيط2010-07-19 03:08:23
اسماع القصة
ليش كتر الحكي يا شباب هلق لاتفلي الراتب ما عم يكفي بس انتو ما عندكن حسن ادارة للمصروف وخود هالنصيحة مشان توفر كمان أول شي لاتتزوج ولاتاكل 3 وجبات ولاتطلع بالباص شبو المتورجل اذا طلعت قبل الدوام بساعة بتصل على الموعد تمام والتلفون مو ضروري ولاتتبحتر وتعمل حالك نظايفي وتكب بهالميات هون وهون وخليك على الفانوس لشو الكهربا وهم تمديدا وفوق هادا كلوا عم تنقطع عميل هيك ومتلو وشوف كيف بتوفر ربع الراتب على المقلي  
سوريا
المعلق الناري2010-07-19 02:18:57
شي بيضحك
يعني انا شو بدي احكي لاحكي شو بدوا يكفي الراتب ليكفي فاتورة مياه والا كهرباء والا هاتف والا موبايل والا ضريبة رفاهية والا ضريبة زفتية والا املاكية والا ضريبة شرفية واملاكية والا حق المازوت والبانزين والا ...والا...والا.. لك تركوها لربكن لك انا بس بدي حدا يفهمني من وين الشب بدوا يشتري بيت ويقدر يتجوز يعني اذا بيصمد راتبوا لمية سنة ما بيقدر يشتري بيت ولا ياكل هوا يتجوز لك في اليابان الزبال بيسموه مهندس صحة وراتبوا 100الف دولار في السنة والدردري بيقول نصيب الفرد بسنة 2025 رح يوصل5000
-سوريا
منافق افندي2010-07-19 01:06:26
هذا سؤال بينسئل ؟
طبعابيكفي:فواتير الكهرباء والهاتف والنقل و اسعار الالبسة و المشافي و الاغذية والسكن كلها رخيصة ولهيك عم نتجوز بسرعة وما منشتغل شغلتين ثلاثة..ومنسافر بالويك اند و منعمل سياحة و منشتري العاب لاولادنا وهدايا .. ومنوفر باخر الشهر شوية مصاري و ما منخاف من التقاعد راتب التقاعد بيكفي و التامينات الصحية بتغطي كل الاجور وعندي سيارة و ما باكل هم البنزين او هم الكهرباء او اللحمة او مصاريف المدارس و الجامعات و لا بطلع على عداد التاكسي لحتى ما يزيد ليرة و ياخذ 5 ليرات زيادة و التراخيص و الضرائب قليلة
-سوريا
عبد الله2010-07-19 01:02:13
بشان الله يالله
انا مواطن سوري للعظم والله وبموت بسوريه بس المشكله اني ماوجدة فرصة عمل اقدر اني اصرف ع نفسي كشب علما انا شب متعلم وحاصل ع شادات والحمد لله اكتر من جيده وحاولة اشتغل باكل من مجال حتى وصلة الامر اني عملة نجار باطون والله وانا حاصل على شهادات عاليه في مجال الحاسب والمعلواتيه والحمد لله وماعندي كبره في اي عمل اقوم به ولكن اين انهايه حتى وظيفة الدوله صارت عندي حلم وبتمنه شوفه لهل حلم واتمنه من كل من سيقراء هذا التعلقيق ان ينظر للشباب المهاجره للخارج بدون تردد اعداد هائله مع جزيل الشكر
سوريا
هيثم2010-07-19 01:06:59
حدا يفهمني رح جن
الناس بتشكي وببتبكي وبتشوف السيارات معباية الشوارع والمطاعم مليانة ولك روح عالمصايف وشوف العجب , أسعار العقارات فوق النجوم والناس بتدفع , الموبايلات من أغلى الأنواع , والجخ على أبو موزه والله شي بيجنن وبالأخير الناس يقولو ما بيكفي , والله بأميركا ما صارت هالرفاهيه
سوريا
بترا2010-07-19 00:45:15
. الراتب يكفى ونص !!!!
بدليل انه شهر مندفع الفواتير .. وشهر مناكل .. هاى هى القصة .. بالمختصر المفيد ..
سوريا
السفينة الضائعة2010-07-19 00:23:22
المعاش شو بيكفي ؟؟؟؟
شي بيضحك :دخل المواطن السوري كافي لتأمين احتياجات الحياة الضرورية.... بيكفي و زيادة لأنو لحنا الشعب بناكل بس علف و بنشرب مي ..... خليه لهالمسؤول يفرجيني كيف بيكفيه المعاش ؟؟؟؟ يمكن مصروف ابنه بالمدرسة أكتر من معاشه , بس السؤال من اين لكم هذااااااا !!!!!!!؟؟؟؟؟ طبعا هذا من فضل ربي
-أوكرانيا
مواطن متفائل2010-07-19 00:15:40
بلا نق
لك ياعمي مو كل واحد ينق على كيفو شوفوا مسؤولين زمان كانوا يقبضوا 2000 ليرة ومقتنعين وشوفوا شو وفروا وشو صار عند فلل وارصدة ومعامل وعايشين وعين الله عليهم ,ومسؤولين هالايام عايشين براتب لايتجاوز 20000 ليرة وكمان مقتنين واكيد راح يوفرا, من شان هيك ديروا بالكم على مصاريفكم وبيصير معكم اكثر منهم .ملاااااااااحظة يمكن صار معي غلط بالعملة وهي دولااااااااااااااااااااااااااااااااار وليس لييييييييييييييييرة.
-سوريا
محمد2010-07-18 23:35:02
نظرية النسبية
هذا الموضوع يخضع بشكل بحت لنظرية النسبية (السورية) .. بمعنى إذا كان راتبك عشر آلاف .. لح تصرف عشر آلاف وتعيش وما شي الحال .. وإذا كان راتبك خمسين ألف .. لح تصرف خمسين ألف وماشي الحال.. إذا أثبت الشعب السورية معجزة رياضية عجز عنها أنشتاين .. سبحان الله
سوريا
موظف2010-07-18 23:23:29
سوء فهم
الراتب المعطى هو أكثر من زائد بالمقارنة مع إنتاج الموظف. إنتاج الموظف في مجتمعنا شبه معدوم و لا يستحق هذا الراتب حتى. و مع ذلك الراتب الذي يستحقه الموظف نتيجة عمله. و هذا الراتب هو لقاء عمله و ليس لتربية عائلة من 5 أشخاص. منطقيا الراتب يكفي الموظف و المؤسسة ليست مسؤولة عن عائلته وإنما فقط عمن يعمل لديها. شعبنا تعود على النق و بدو ياخد مصاري إن اشتغل و مااشتغل و بدو يجيب 5 ولاد كمان. 
-سوريا
أبو...قراط2010-07-18 22:48:15
لك حاجة بقى
والله ما معنا نتحمم؟؟؟؟!!!!!
-سوريا
أبو حميد2010-07-18 22:04:41
بالقلم والورقة
يعني الواحد لازم يحكي ضميره.من ناحية الراتب بكفي؟ايه بكفي وزيادة.خلونا نحسبها بالورقة والقلم.يعني اذا موظف مثلي مع زوجةو4أولادوالوالدة واخواتي 2.يعني 9أشخاص إذا بناكل كل يوم 3وجبات فلافليعني بدنا كل يوم 315ليرةيعني بالشهريعني اكترمن9000ليرةبالشهر.هاداإذاأكلنابس فلافل.والراتب 10000 يعني عمبزيد1000ليرةبالشهر.بقاحاجةنق وكلام فاضي.ال1000ليرة بشتري فيهم مازوت وغاز طبابةوعلاج ومواصلات وملابس وتموينات من رزوسكروبرغل وعدس الخخخخخ.هادا طبعاغيرفواتيرالكهرباوالمي والتلفون.يعني الحمدلله راتب كافي وزيادة
-سوريا
المهندس محمد2010-07-18 21:00:33
المصرو ف الشهري
الراتب :15000 1-خبز 1500 ل.س 2-فواتير كهرباء وماء وهاتف (800) ل.س 3-مصروف أسبوعي وسطي (4*2500=10000 ل.س) 4-مرض (1000)ل.س مواصلات (1000) ل.س وهناك مصاريف ضائغة بحدود (5000) ليرة سورية نزهات ومصاريف مدرسية ومصاريف أولاد . وحتى يعيش المواطن في بحبوحة اقتصادية يجب أن يكون الراتب الوسطي لرب أسرة مؤلفة من 5 أشخاص بحدود (25000)ل.س فكيف بحال رب أسرة خريج جامعة تم تعيينه براتب 9500 ليرة سورية
-سوريا
ابو الفوز2010-07-18 21:02:49
الراتب بيكفي ؟؟؟ قصدكم مع رشوة او بدونهاااا؟؟؟
بالله شو الرتب بيكفي ؟؟ معقول يعني ال كم ليرة اللي عم ناخدون يكفو ؟؟؟ لولا الشغل التاني اللي برات الدوام ولا بعمرو الراتب بيكفي... في متل بينقال وهو صحيح مية بالمية جوع كلبك مشان يلحقك وللاسف هي سياسة دولتنا الرشيدة ...شو رأيكم رشيدة مو هيك ؟؟؟ والسلام
سوريا