syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الموبايل للمراهق ضرورة أم إفساد؟
مواضيع للحوار

يختلف الناس حول الموقف من منح المراهق موبايلاً لينقسموا إلى قسمين:


الأول: يؤيد ذلك لأسباب عديدة منها: ضرورة التواصل معه في أي وقت من جانب الأهل، أو لأسباب نفسية متعلقة بانتشار الموبايلات الكثيف بين مختلف فئات المجتمع بما فيها المراهقين مما يضع الأهل الذين لم يمنحوا ابنهم موبايلاً في خانة المقصرين بحق أولادهم، ويجعل الابن في خانة المحروم مما يملكه معظم أقرانه مما يؤثر عليه سلباً من الناحية النفسية على الأقل، إلى جانب أسباب أخرى يؤكد على أساسها البعض ضرورة منح المراهق موبايلاً، والعمل على تجنب سلبيات ذلك عبر التوعية والمراقبة المدروسة، وعبر منح المراهق موبايلات بميزات قابلة للضبط كي لا يستخدمها فيما قد يجره إلى عالم الإثارة اللأخلاقية.

 

القسم الثاني من الناس: يرفض ذلك رفضاً تاماً إيماناً بالعجز في ضبط تلك التقنيات وما يعنيه ذلك من أن هامش تعرض ابنهم للمثيرات غير السوية سيزداد مما سيرفع من احتمالات انحرافه خلقياً، إلى جانب أن البعض يعتقد أن الموبايل في يد المراهق نوع من الترف الغير مبرر الذي سيجعل من شخصية الابن شخصية مدللة ومترفة، وبالتالي سيضعف ذلك لديه نوازع الاعتماد على الذات والبحث عن عوامل النجاح في الحياة،....وأسباب أخرى تقترب مما سبق في طبيعتها.

 

فما رأيك فيما سبق؟

هل منحت ابنك المراهق موبايلاً أم لا؟ ولماذا؟


2009-09-24 16:44:48
شاركنا على مواقع التواصل الاجتماعي:



شارك بالتعليق
ياعيني عليي2009-10-07 20:28:59
هادا هوه ياحبيبي ياحسام
حلال عليك حطيت أيدك عالجرح ..هل هناك ضرورة للموبيل للراشد قبل المراهق في سوريا ؟؟؟؟؟
-سوريا
Housam2009-10-06 22:09:33
احسن
السوال بيكون احسن : هل هناك ضرورة للموبيل للراشد قبل المراهق في سوريا ؟؟؟؟؟
سوريا
mr.xray872009-10-06 14:00:17
.j
مع احترامي لجميع المشاركات الواردة ؟ولكن نقاش الموضوع كأن المرهق لن يستطيع العيش من دون جوال هل هو يذب كل يوم إلى آخر الدنيا حتى يحتاجه؟ولكن يحتاجه في أمر واحد هو أن يشعر نفسه إنو هو رجال وذلك بسبب مسخ الشخصية الذي يصيب المراهقين لأنو تافه وفاضي
سوريا
رامي2009-10-06 04:19:04
السيد رضوان الدياربكرلي
وعليكم السلام والرحمة ومع عدم الاختلاف على وجود ماطرحته مشكوراً لكن أخي الفرق كبير جداً فالتعرض لماذكرته يتم الحصول عليه خارج أسوار منزلك الذي يحاول جميعنا عزله عن كل قذارات الأخلاق ومنكرهافي حين أن موجات الأذى وأدوات نقل الفيروسات اللاأخلاقية تطير في الهواء وتسهم أنت في استحضارها سهلة المنال وبجو هادئ مريح لتدخل منزلك من التلفزيون أو من هذا الجهاز المزود بمزايا الفيديو وآخر هم المراهق كما تكلم الشباب هو اجراء مكالمة هاتفية
-سوريا
رضوان الدياربكرلي2009-10-05 17:56:26
الموبايل أم المناظر الفاضحة في الشوارع
السلام عليكم الرجاء عدم الفلسفة كثيرا هل ترون منظر موبايل بيد مراهق اهون أم ان ترو فتاة مرتدية تنورة إلى فوق الركبة بشبرين ؟؟؟؟؟ فبلا علاك الفساد اله 10000 سبب لاتحطولي الموبايل سبب + انو افلام الدعارة في كل مكان بــ25 ليرة سورية
سوريا
أبو الهيث2009-10-05 03:47:59
منطقيا
منطقيا,لم يقرأ أحد السؤال جيدا..ليس بالضرورة شراء جوال يحتوي على ميزات تساعد على اغواء الأولاد كما تفكرون,فهناك أجهزة جوال لا تحتوي هذه الميزات.كما يمكن للأهل التحكم بكمية الوحدات المعطات للولد..فكونو منطقيين أكثر,و لا تنظرو الى هذا الموضوع بتخلف و تعصب...
سوريا
أبو السيم2009-10-05 03:38:24
ما دخل...
أنا مراهق , و إذا بدي أغلط ما في شي بيردعني , و إذا انحرمت من الموبايل لهل سبب بدي دوّر على 99 طريقة تانية حتى ... الشغلة مو شغلة موبايل الشغلة قناعة و أنا أهلي عطوني حرية كاملة لهيك بحترمن و بحترم حالي و حاجة تحكو بهل قصص ...
-بريطانيا
أبو وليد2009-10-04 10:49:40
N73 ME شكراً على رأيك
بعد استعراض الأراء ابني صف تاسع صرعني ولقيتك اختصرتا بكلمتين بشكرك رأيك هو الأكثر حكمة وهاد يلي بصير
-سوريا
amani2009-10-04 09:20:14
انا مع التكنولوجيا
أنا مع التكنولوجيا ولن نستطيع ان ننكر أنها صارت من الضروريات ولكن علينا أن نمتلك الوعي لاستخدامها فطالما الولد في البيت لاداعي للموبايل ولكن بمجرد دخوله الجامعة وسفره ومبيته خارج المنزل يجب أن يكون معه موبايل وللأسف المراهقون اليوم يستعملون الموبايل للرسائل والبلوتوثات فقط وهذا مرض بحد ذاته
-سوريا
أبو معروف2009-10-03 20:51:11
نعم للموبيل
نعم للموبيل وحتى للأطفال وأنا عندي أطفال 7 سنوات 5 سنوات وكل واحد منهم عنده هاتفة الخاص وأنا أتواصل معهم أثناء غيابي عنهم ومع ميزات خاصة من الحجب حسب الطلب
-سوريا
Heavy Overdose2009-10-03 20:41:57
FOR MR. HELLO
CONGRATULATIONS FOR YOU & FOR YOUR SON .... More focus
-سوريا
----2009-10-03 17:40:43
Hello
Hello we r in 2009 and u still talk about this,,,,,, ur son can get anything bad in 10000000000000000 way wake up
سوريا
مهندس مغترب2009-10-03 15:46:20
يتبع
بالتقنيات الحديثة ووسائلها ووسائطها المتعددة للاسف المي عم تجري من تحت معظم الاهالي وهنن ما عم بيحسو ما بتفاءل خير لمجتمعنا اذا رح نضل مقلدين هيك بشكل اعمى او بالاحرى مستهلكين لهيك ادوات بدون ما نعرف محاسنها ومساوئهاوالشي اللي لاحظتو هو الفساد الاكبر بين البنات الصبايا يعني امهات الاجيال وهدا الموضوع كتير خطير لانن هنن رح ينشؤو الاجيال القادمة ويربوهن فاذا كانو جاهلين بهاتقنيات ومحاسنها ومساوئها فعلى الدنيا السلام رح بشركن بجيل مايع اميع من القطر على صدر كنافة ودمتم.
-الإمارات
مهندس مغترب2009-10-03 15:32:23
الى MARWAN
صدقني يا مروان لو المنظر بلا تياب احلى كانو طلعو بلا تياب . اما بالنسبة للموبايل اوووف على ارغم من اني متعصب للتكنولوجيا بحكم انه من صلب اختصاصي بس التربية شي والتكنولوجيا شي تاني نحن اللي بينقصنا الوعي من الاهل لو كان الاهل عندهن الوعي الكافي بمضار ومحاسن التكنولوجيا كان ما في مشكلة وخوف عالنراهقين بس هون باب القصيد . يعني منع ابنك من حمل الموبايل رح يأثر عليه كتير ويحطو بمواقف حرجة ورح يولد عنده الحافز لانه يشوف هالشغلات بموبايل رفيقو وما خفي اعظم ، انا الي باع كبير ...
-الإمارات
زياد2009-10-03 13:01:05
سيف ذو حدين
الموبايل صار ضروري للكل ... الكل بيضطر يحكي بالشارع أو يبع رسائل يعني بطلت شغلة حكر لنوع معين من الناس.... بس ممكن يستعمل كوسيلة إفساد وهون الشغلة ما بتتعلق بمراهق يعني ممكن الكبير يستعملو بطريقة مو صحية والشغلة بالنهاية بتعتمد عالتربية وعالوعي
-سوريا
Angel2009-10-03 12:33:11
تسلاية
انا لسا ما عندي ولاد بس وقت يصير اكيد رح جيبلو والشغلة مو فساد او ضرورة الشغلة تسلاية يعني تعرف على بنت ما بدو يعطيها رقمو شو بدو يعطيها رقمي!!!!!! وهكذا....
سوريا
zeena2009-10-03 10:53:45
my
شي أكيد ان الجوال فساد للمراهق واضاعة للوقت وفتح باب كبير للدخول في علاقات محرمة سواء كانت هاتفية أو استخدامه عن طريق المسنجر حتى ان استخدامه صار في المدرسة بالنسبة للمراهق شي ضروري كتير ومابيقدر يكفي درس بلاه ... اي شـــــــو هاد؟
-سوريا
ابو رياض2009-10-03 08:27:58
وين الفساد بالموضوع
اذا صار سعر الموبايل بسعر التراب وابني او بنتي قادر انو يشتري من مصروفو ليش خلي ابي يضحك عليي ويستري موبايل من ورا ضهري وخلي طول الوقت صامت لحتى ما اعرف هي اول شغلة والشغلة الثانية : الفساد بانت الي موجود بكل بيت وعم نمنحو لاولادنا مو بس بالموبايل والفساد بالتلفزيون الي صار موجود بكل اوضة فوقفت عالموبايل فلا تخلي شي بنفس ابنك حتى لوو ما طلب منك اعملو الي بنفسو ..
سوريا
فراس باشا2009-10-02 14:55:08
لنضحك شوي
اخي الكبير عندوبنت عمرها سبع سنوات بقيت تلح على ابوها ليشتريلها موبايل قام بعد ما اشترالها موبايل قلي شو رأيك عل هالجيل قمت قلتلو اذا وهي عمرها سبع سنين اشتريتلها موبايل بس يصير عمرها 20شو بدك تشتريلها طائرة خاصة؟؟نصيحة الموبايل ضرورة بس فيه خطورة على المدى الطويل وحاولوا دائما تختصروا بأستعماله واستعملوا الارضي افضل والموجات الكهرومغناطيسية اول ما تؤثر على الدماغ
الإمارات
محمد2009-10-02 06:37:02
تعلق على الموضوع
انا ماعندي مشكلة انو أبني يحمل موبايل لانو شغلة راجعة على ترباية الأهل لا أطفالهم
سوريا
ابو غازي2009-10-02 01:35:22
ماحدا داير على ولادو
بالزمانات يعني كان يا ما كان في قديم الزمان كان الاهل يخافو على ولادهن مع مين بيمشو مين مرافقين وين لهلأ شو لابسين مين عم يقلدو وشو عم يسمعو وغيرو وغيراتو اما في هذا الزمان صار الشب والبنت معاهن موبايل وما لازم حدا يشوف شوفيه لانو من خصوصياتهن وهاد الموبايل لحالو كسر رقابة الاهل بالكامل فصار الشب يخزن رقم البنت باسم شب و العكس صحيح وعلى حكي مراهقين وطبعا مراهقين هالايام مثقفين نتيجة الديجتال و النت فتخيلو شو بدهن يحكو ( اكيد على الدراسة ) ودمتم بود
-سوريا
خبير2009-10-01 20:58:18
افساد لاخر درجة
يا اخوان صدقوني الموبايل في يد المراهق اكبر ضرر و خطر على المراهق و هو احد الاسباب الهامة لانحراف المراهق لانه اصبحت سهولة الوصول الى المراهق عن طريق هاتفه اسهل و اسرع طريقة صدقوني و عن خبرة فالمراهق الان تغريه اشياء كثيرة حتى تعئبة الوحدات هو اغراء له لتصل اليه جنسيا و باسهل طريقة و انا من الناس الذين طلب منه هذا الطلب فلماذ الموبايل للمراهق يرحمك الله
سوريا
صقر سورية حلب هوليود2009-10-01 15:20:56
انا عندي الحل ولا صقر عالفاضي
انا برأيي نسحب الموبايلات كلها من الناس ونبدلهم بطيور وحمامات مثلا اخوك بالسعودية بدك تبعتله رسالة بعتها مع الحمامة وكل واحد يحط بجيبو شويه حبوب وحمامة زاجلة ونمشي بالشوارع متل الجدبان هههههههههههههه لك خلصونا بقى احسن ماتفكرو بالموبايلات فكروا بالأهم نحنى بجد كل فترة منرجع لورى اكتر ليش لك شو ناقصناانا معم بحكي حتى اعلق اوافتخر بس عن جد صايرة العيشة مقرفة مابقى نعرف الصح من الغلط بالعكس الموبايل مفيد للمراهق من كترهالجرائم صرنا نخاف على شبابنالحدى بالليل يفترسهم عالأقل يعطينا خبراو يبلغ الشرطة
-سوريا
OmAr2009-10-01 11:02:36
OmAr
ولله هو الموبايل منيح ومو منيح مصرفوا كبير وأذا الواحد بدوا يحكي مع صديقتوا بدوا شي 400 أو 600 وحدة والشركات أ** من هيك مارح يطلع بس الحمد لله وغير المصروف كل شهر بينزل موبايل جديد بس أنا لقيت حل لهل مشملة وصيت على موبايل من أميركا أيفون ومن هون لسنة مابطر غيرو لأنوا ماحدا معوا منوا خخخخخخخخخخخخ وشكرا
سوريا
مراهق2009-09-30 14:29:26
شو هل الفزلكة
(يعني بس بدكم تتفلسفوا) شو لح يعمل المبوايل اذا المراهق بدو يتفسد 100 موبايل مابوقفو عن فساده. هلئ الومبايل بحملو مراهق مشان( 1)منظر (2)يحكيلو مع شي صديقة (3)يتفرج على ل(توم وجيري) هدول هنن ثلاث شغلات بيقد يساويهم((((انتوا قلتوا مراهق بكرى بيتغير )))
سوريا
Modar2009-09-29 13:37:51
حلو الموضوع بس بعد شو
الموضوع حلو بس أتأخرت كتير يا حبيبي زمن التوبة عدا وولا بعد ما صار تقريبا 90% من المراهقين معون موبايلات اللي مو على علم أهلوا عندو موبايل بالسر الموبايل ألو ميزات والو سلبيات يعني المراهقين عمتحكي عنون بيكونوا بحاجة كبيرة للموبايل متل العمال والصنايعية وآخر شي الدكتورة الحائرة أنت تعليقاتك كتير منطقية ومهمة وبتفكري بوعي كبير بدك تلغي الموبايل الغي الكمبيوتر قبل الموبايل لأن الكمبيوتر للألعاب ال.....
-الإمارات
حريص2009-09-29 10:27:33
والله فساد بفساد بفساد
إنه الفساد بعينه لأنو هالمراهقين من الجنسين عم يستخدموه مو لأغراضه وبدون إداراك بس الشب بيكون حابب صبية والبنت كذلك الأمر وهيك بيحكو على الموبايل و بيبعتو رسائل ومن هالزعبرات وهنن الاتنين عم يتسلوا بس بتوقع الأهل بيعرفوا حق المعرفة أنو غلط وأي واحد منا إذا رجع لحاله ولعقله لعرف أنو هالسن غلط يمتلك موبايل لأنو الغرض من وجوده هوه للحالات الضرورية بالاتصال بالشخص المتجول او يلي ما عندو تلفون ومو للزعبرة وللتشخيص وهالعلاك وهاد يلي بيقول ايه ومعلش يرجع يراجع حاله....
-سوريا
حسام2009-09-28 23:50:34
إفساد .. قولا ً واحدا ً
الواقع في مجتمعنا يا سادة يخبرنا بما لا يدع محال للشك .. أنه إفساد ..
سوريا
شام2009-09-28 22:25:12
حكي فاضي
هي أنا بتذكر ماشترولي أهلي موبايل لبلشت امتحانات البكالورياوالحمد لله لا تعقدت نفسيا ولا حسيت بنقص انو ماجبت موبايل وانا اصغرلأني كنت مقتنعة انو مالو طعمة قبل مرحلة الجامعة غير طق الحنك وتضييع الوقت وشوف هالشي إدامي على رفقاتي اللي عندن موبايلات !
-قبرص
ty2009-09-28 18:25:39
سلاح ذوحدين
طبعا الجوال ضروري مع الأبناء لكن الخطرالذي لم يتحدث عته الجميع هوالخطرالصحي على الأطفال أوالمراهقين في مثل هذا العمرأمابالنسبة لاستخداماته فقدقامت سيريا تل مشكورة بطرح خط أمان لايستطيع التحدث فيه الشخص سوى لخمسة أرقام محددة تحدد من قبل الشخص نفسه أو غيره من الأهل ولايستطيع تغييرالأرقام سوى الشخص نفسه وهذا شيئ جميل والخط مجاني فقط اشحن وبرأيي يجب أن لاننقدباستمرارلكن يجب ذكرالمحاسن فبلدنا بألف خيرونعمة لكن العيب فيمن لاينظرإلابمنظارالنقدلمجردالنقد
-سوريا
Samer2009-09-28 15:48:45
لا توجد مشكلة
بكل وسائل الاتصال, المشكلة هي في الوعي العام... هل تذكرتم الوعي العام؟ لأن العالم نسيناته شكلها.
-سوريا
marwan2009-09-28 15:06:15
لك خربانة خربانة
لك اذا الشغلة على الموبايل يكتر خير الله اما ما عم تشفوفو هالشوفات بالطريق لعمى مو ناقص غير انو العالم تطلع بلا تياب وكل هاد تحت الحضارة لانو الحضارة والاكابرية لما بتمشي الوحدة ونص يتابها تارتكها بالبيت هون منخاف على ولادنا من هالشوفات هي
-سوريا
فينيق2009-09-28 12:28:09
أفضل بألف مره
إنها ضريبة الحضاره وموبايل بيد مراهق أفضل بألف مره من سائق سياره متهور
-سوريا
مغرومة2009-09-28 12:24:10
الفساد مو متوقف على حمل الموبايل
اكيد الموبايل ضروري بغض النظر للمراهق او غير المراهق واذا مشان الفساد فاكيد مو الموبايل اللي رح يكون سبب الفساد لأن اللي عم يصير بالشوارع واللي عالانترنت كافي لتفسيد جيل كامل يعني ما رح توئف على الموبايل
-سوريا
baha2009-09-27 22:56:36
لاء
ليس ضروري الموبايل للمراهقين او حتى للي شيله للمنفخه ليش ما ينزل قرار اذا المراهق لازم يشيل موبايل يكون فقط اتصال وبارقام محددة ويكون مسموح بالمدارس على هل الاساس وغيرشي مثل البلوتوث والميمور وغره لاء ما ضروري ابدا لانوا متل ما عمنسمع اطفال في الابتدائي موجود في موبايلن افلام اباحية ؟؟؟؟؟؟؟؟؟؟؟؟؟
-سوريا
Heavy Overdose2009-09-27 19:02:29
تحياتي للسيدMr.HG
وبالنسبة للإنترنيت والستلايت فهو ضروري للإنسان العاقل أما المراهق فله أستخدامات أخرى لانفع منها أي بتعبير آخر تضييع وقت هو بأمس الحاجة إليه لبناء مستقبله وبرأيي المراهق بحاجة ملحة للمراقبة والمتابعة من خلال أهله ليكون أنسانا أيجابيا وفعالا ومنتجا عندما يتجاوز سن المراهقة لذلك ينبغي على الأهل أن يقدموا له يد العون قبل أن يندم الجميع على ما مضى..فبلا موبايل ولاأنترنيت ولاستلايت
-سوريا
Heavy Overdose2009-09-27 18:17:02
تحياتي للسيدMr.HG
أشكر لك مناقشتك أولا يجب أن نحدد سن المراهقة 10-25 سنة حسب متغيرات العصر ثانيا أستخدامات الموبايل وفوائده هي تسهيل أمور الحياة الصحيحة يواسطة الإتصال ثالثا لابد وأنك تعلم عن مضار الموبايل الصحية والاجتماعية رابعا أستخدام الموبايل للمراهقين هو سماع الأغاني ومشاهدة مقاطع الفيديو والبحث بالبلوتوث عن أجهزة الجنس الآخر والتحرش بشكل مباشر وغير مباشر بالإضافة للتصوير الغير مشروع هذا هو حال الموبايل بيد المراهقين وآخر هم المراهق هو الإتصال بأهله وهناك مصيبة أخرى هي التقليد للآخرين بشراء أحدث جهاز
-سوريا
M r . HG2009-09-27 12:50:21
Overdoseبالاضافة الى ذالك
و المراهق كمان اذا كان تحت سن الرشد ليس باستطاعته أن يحصل على شهادة سواقة وممنوع أن يقود سيارة . ولكن هذا لا يعني بأن امنع طفلي او ابني من تعليمه على السيارة .و في كل بلدان العالم المراهقين يحملون الموبايلات و الاهل هم بانفسهم يقومون بشراء تلك الموبايلات تحت مسؤليتهم و بهذه الطريقة المراهق يحمل و يشتري الموبايل. و شكرا
-سوريا
M r . HG2009-09-27 12:33:51
Heavy Overdoseالى المستر
من يرفض حمل الموبايل للمراهيقين حتما سيرفض الكمبيوتر و الانترنت. لأن الكمبيوتر و الانترنت اخطر بكثير جدا من الموبايل و له مجالات اوسع للافساد و القرصنة و الكذب الخ طبعا هذا لمن يريد أن يستعمله في الطريق الغير الصحيح. بينما الموبايل ليس خطرا على الطفل او المراهق بل بالعكس الموابيل و الكمبيوتر والانترنت مهمين جدا في هذا العصر الذي نعيش فيه. ما تقول الدش او الستالايت افساد للمراهقين كمان!!.
-سوريا
عبود2009-09-27 11:01:26
ليس
الموبايل غير مهم للكبير فما بالك بالصغير 90% من حملة الهاتف النقال في سوريا مصابين بمرض تقليد الشريحة الغنية ولايستفيدون من الهاتف بشيء سوى تلبية متطلبات عقدة النقص التي يورثونها بأمانة لاولادهم.
سوريا
آلاء2009-09-27 10:33:44
فساد طبعاً
فساد طبعاً و خصوصاً للبنات
-سوريا
ماجد2009-09-27 09:57:28
الموبايل غير ضروري
الموبايل غير ضروري بالطبع، المشكلة أننا هنا في سوريا نتشبث بالقشور كالموبايل و السيارة التي نشتريها بالرغم من عجزنا عن تسديد أقساطها و ننسى الجوهر الذي هو احترام القانون و الإنسان و ثقافة نقد الغلظ و الإهتمام بالمصلحة العامة. لذا أرى أنّ الموبايل وسيلة تسهّل الحياة فقط و لكن هناك ما هو ضروري أكثر بكثير منه، وجميلٌ أن نفهم أولادنا ذلك. وشكراً لسيريا نيوز
سوريا
everswiss2009-09-27 09:24:27
اكيد
فساااااااااااااااااااااااااد بكل معاني الكلمة و حاجة ليس له مبرر
-سوريا
Heavy Overdose2009-09-26 21:05:03
مع فائق الإحترام يامسترM r . HG
أول شي كل سنة وأنته سالم بعدين راجع الكتالوج ولا صار بالآظان بعدين فيك تشرح ليش بدو يتم منع بيعوا للطفل و اليافع او المراهق غير لأن ممنوع عليه مو لانو ما رح يكون معو حقه .. ولاتخلوط الحابل بالنابل ماحدا جاب سيرة الكمبيوتر والأنترنت وبالنسبة لسن البلوغ فياريت تسأل عنوا بمديرية الأحوال المدنية بيفيدوك أكتر ..
-سوريا
M r . HG2009-09-26 20:17:34
Heavy Overdoseالى المستر
شو رأيك كمان بالكمبيوتر و الانترنت مو فساد قولك!!؟؟ اكيد!!و بعدين من بعد امرك لوسمحت اذا فيك تخبرنا عن هالقوانيين يللي لايجوز بيع الموبايل لمن لم يتم سن البلوغ حسب قوانين البلد؟ شي اكيد انو باي دولة كانت الطفل و اليافع او المراهق ما رح فيه يشتري موبايل لوحده الا اذا ما شترالو اياه ابوه او وامه لانو ما رح يكون معو حقه!.
النروج
M r . HG2009-09-26 19:38:51
يا لطيف
كيف لوكان السؤال الكمبيوتر و الانترنت للمراهق ضرورة أم إفساد؟ ماذا كان سيحصل **
النروج
Heavy Overdose2009-09-26 19:12:56
فساد ونص
مي منكم قرأ الكتيب أو الكتالوج تبع الموبايل؟؟؟؟ ولاسيما شروط البيع!! لايجوز بيع الموبايل لمن لم يتم سن البلوغ حسب قوانين بلده..وشكرا جزيلا
-سوريا
صالح السليمان .موسكو2009-09-26 16:40:20
موضوع جداً تافه !
كل هذه الأحاديث والتعليقات،تعليقات أناس فقراء وليس لها معنا. أبني من عمره 7 سنوات وهو يحمل موبايل. والأن عمره 13 سنة ويجيد استعمال الموايل أفضل مني بكثير. ولكن كلامك مرتبط بحياتكم القديمة التي لم تعرف الموبايل او حتى الهاتف الأرضي. ووطننا فقريبا من أخر البلاد الذي دخلها هذا النوع من الخدمة الحديثة. لذلك لاتحرموا أطفالكم من هذه الحاجة إذا كانت عندكم الأمكانيات المادية.
سوريا
بساتنة2009-09-26 13:01:19
كلما ازداد التطور في الدنيا ازداد الفساد بنسبة كبي
والدنيا من اسوء لاسوء بالنسبة للموبايل اكيد اذا كان لح يفيد المراهق 20بالمية فلح يضرة 80 بالمية وبالاخص للبنات لان هذه الوسيلة ستوصل المسيئ الى بيتك بسهولة فاعلى كل الاهالي مراقبة ابنائهم بطريقة غير مباشرة لكي لا يزيل الثقة بين الشخص واهله وإن كانو مراهقين او غير مراهقين لان الانسان غير معصوم عن الخطئ وكل إنسان قابل لان يخطئ ولكن ليس العيب ان يخطئ الانسان ولكن العيب أن يبقى على الخطئ ومتل مابيزرع الانسان بيحصد والتربية اساس كل شيء وليس المال والتباهي لح يكون بالتربية وليس بالمال بين الناس
-سوريا
بساتنة2009-09-26 12:45:27
النصيحة كانت بجمل
بدك تنصح الاب لانك خايف على عرضة وشرفومتل شرفك بتقلوولله شفت بنتك مع فلان ابن فلان بيقلك ليك عمي شوف فتح عينك هل الاد كل واحد بيعرف شو مربي هي اذامااكلتلك شي مسبة منو بدال مايروح يتحقق ويتاكد من هل الاخبار او بتجي بتقلو شفت ابنك مع الازعر ابن فلان او عم يدخن او شفت بي موبايل شغلات مسيئه للادب بينصدم بيقلك ابني انا بعرف شو مربي الله ويفقك ايمنى من هل سيرة احسن مانزعل من بعض وهو مفكر ابنو نقطةبالمصحف الشريف او نازل من السمى ملفوف بورقة وبس يشوف ابنواو بنتو عامل عملة كبيرة ويسود وجهه بيقول يا ريتني
-سوريا
نور2009-09-26 12:33:34
اين السؤال
اكثر ما لفتني في هذا الموضوع الهجوم على وزارة التربية ووزيرها.مع انني قرأت السؤال جيدا ولم اجد كلمة تربية!!!!المهم اننا تعودنا على تحميل اخطائنا لغيرنا . لكنني سأجيب على السؤال لاااااااااااا لا يجب منح المراهقين موبايل فما بالكم انني ارى اطفالا بصف الثالث الابتدائي يحملونه وتقولون مراهقيييين؟؟؟؟؟
-سوريا
أم البنات2009-09-26 11:03:50
ابعد عن الشر
المراهق بيرغب يجرب كل شيء ورغبته في حمل موبايل عبارة عن تقليد للغير ومهما كانت تربيته عالية فسوف يتأثر بالمحيط وبحب أقول مهما كان الموبايل مفيد فهو يحتوي على الشر بيد المراهق إن ماكان منحامله فمن المحيط وبذكر بالمثل ابعد عن الشر وغنيلو وبس ينضج هالمراهق منحملو موبايل لكان كيف كانت الناس عايشة بدون موبايل
سوريا
عبد الكريم2009-09-26 11:05:41
لا موبايل و لا ما يحزنون
إيام زمان لا كان في موبايل و لا شي من هاد، و العالم ما بهمها غير المظاهر، ببلاد برة الابن بيكون عم يدرس بولاية و الأهل بولاية و ما بيحكي معهون إلا بالمناسبات، عنا طلعت هالظاهرة من لا شيئ و لا قلكون من الفضى صارو الأهل يجيبو موبايل لولد عمرو 8 سنين مشان المنظرة و الفشخرة لا مشان يتطمنو عليه و لا يسألو، بس مشان ما يكون متدايق يقبش والدته، الموبايل صار بزمنا بطعمة و لا طعمة، الموبايل اخترعو مشان الحالات الطارئة مو مشان تقعود ساعتين عم تحكي مع حبيبة القلب و لا تطق حنك مع رفقاتك.
-سوريا
منال2009-09-26 09:53:17
ضد الموبايل
انا ضد منح الطفل الموبايل لأنه لا يعتبر مراهق انما طفل قاصر بالتلي هو غير مؤهل قانونيا في حال حدوث ضرر
سوريا
محـــــامـ2009-09-26 09:35:43
ميــــزة الـــــ 5 أرقـــــامـ
هناك خطوط خليوية تبرمج مسبقاً على خمسة أرقام فقط فالذي لم يربِّ إبنه / بنته بشكل صحيح يمكنه تفادي أو الحد من تصرفاتهما الغير مسؤولة بشراء هذا الخط لهما ...... و لكن المراهق يبقى مراهق
-سوريا
فادي / الرياض2009-09-26 09:01:07
في شي أهم
أنا بشوف في شي أهم من أننا ناقش هيك موضوع الأفيد نناقش ليش لحتى المراهق أو المراهقة يستخدم الموبايل غلط شو الشي يلي بيدفعة الشهوة مثلا شو الشي يلي عم يحركة هل المراهقين تعاملنا معاهم بصدق حسيت ياأب أو يا أم بمشاكل ولادكم بس كمان أنتوا معذورين ( النيا تلاهي ) في شي أهم الأم تاركة بنتها على التلفون راكدة ورى الزيارات والاب مسكين راكد بالصبح ورى الشغل وباليل ورى حد يعبي مكن المرى المصونه يلي ملتهية بالزيارات . قبل هيك موضوع رحوا سكروا بيوت الدعاره العراقية والسوريه والشي يلي فضحنى بعدين منشوف
سوريا
جلال2009-09-26 08:19:26
قل لي من تعاشر اقل لك من انت
انا مع الاخ يامن بهاد الموضوع لانو الانحراف بيجي من الرفقات الزعران مو من الموبايل
-سوريا
sara2009-09-26 02:27:26
شعب ما بيلبقلو...
على فكرة التكنولوجيا كتير ممتعة ومفيدة بنفس الوقت بس المشكلة انو نحنا شعب ماعم نعرف نستعمل هالتكنولوجيا وبالتالي عم نشوفو انو شغلةمسلية وبس وهون الخطورة بحد ذاتها انو ما نعرف نستخدم تكنولوجيا متطورة متل الموبايل والكمبيوتر والانترنت بالاستخدام الامثل والتوعية لازم تكون للكبار منشان يقدرواينقلوها للاصغر منن وشكرا موضوع ملفت للنظر
-سوريا
eyad2009-09-25 23:56:51
القصة مو هون
ياأخي فيو المراهق يلاقي 100طريقة ليتعرف عالمثيرات مو المشكلة الموبايل المربى وين ما حطيتو بيضل فيو أخلاق شو ما كان الوضع فهي اسما حجج وكتر الشد بيرخي
-سوريا
يامن2009-09-25 22:30:08
قول لي من تعاشر اقول لك من انت
يجب التركيز على اصدقاء المراهق وليس على الموبايل لان المراهق يتعرض يوميا لخطر الانحراف بسبب المجتمع وليس بسبب الاجهزة النقالة او الكمبيوتر
سوريا
بنت الشام2009-09-25 21:26:13
تتمة اي ولاء
بس بنظرة خاصة كمان ما دخلا بترباية الولد دخلا بطبيعة سرعة انسياقة ورا الغلط هلق انا معي موبايل وقت كنت صف عاشر كنا احملوا بس بالصيف اخي معو موبايل من التامن بنت عمي من العاشر بس الفرق انو موبايلي فيه كل الميزات بس ما بستخدموا استخدامات خاطئة بنت عمي عندوا استخدامات حدث ولا حرج اما اخي الصغير مرات منلقط معو قصص بس بيكون حدا من رفقاتوا باعتا(هو بطبيعة ممكن يلحق الغلط) بهاي المقارنة نحن ثلاثة بنفس الطبيعة متربايين وانا أقل وحدة مدللة بيناتن بس هاي مو المهم
-سوريا
بنت الشام2009-09-25 21:20:25
اي ولاء
اي بحملوا لابني (ابني هو شخص بعرف عنوا كل شي كل شي يعني كل شي مين رفقاتوا شو بيحب من وجهوا بعرفوا ايمت بيكذب اليوم ليه طالع وين رايح شو بدو من رفيقوا وقت يدقلوا شو المواضيع اللي بثير اهتماموا شو الشي اللي ما بيشدوا ساعتها بعرف حملوا ولا ء) وما بحملوا لابني غذا كان ابني من النوع الكتوم اللي ما بعرف عنو شي واللي ما بيقلي شي اللي ما بعرؤف شو اهتماماتوا(ولا إذا كان عندوا اهتمامات بالأساس)وبنظرة عامة الموبايل ما لازم يحملوا إلا بعد البكلوريا هو هيك لازم وفروض بس مع موجة انتشار الموبيلات
-سوريا
ويليم2009-09-25 21:18:10
الضرر على الكل
قريبا جدا وعند أثبات خطوره التعرض لاشعاعات الموجه الكهرومغتاطيسيه الصادره عن الهواتف النقاله الكل لح يبطلو كبير وصغير وللعلم في كتير شركات وقفت التعامل بنظام البرافو لأنو بسبب صرع ولحنا من الشركات يلي وقفتوا بعدأعراض على الموظفين منها طنيين حاد بالاذن وصداع وعدم القدره على فهم الكلام مع المتصل وموجات تعصيب ناتجه عن أستخدامه
سوريا
رامي2009-09-25 20:27:00
أسود أو أبيض
حتى بأرائنا عم نتجادل وشبه عم نتصارع والسبب مجهول طبعا أنا برأي مو لازم المراهق يحمل موبايل شكرا الكم
سوريا
أبو قيس2009-09-25 19:56:59
رأي عام
الله يرحم بيو اللي قال انو وزارة التربية هي الداء مئة خليوي لا يخربو الجيل متلهالله يساعد الجيل معه مثلا الرياضيات باللاتينة والفيزياء بالعربي والكيماءباللغتين بدي اعرف وين البلد الذي يعلم لغتين بالاضافة الى لغتهلماذا الفرنسية علما انك تتكلم مع الذي جنسيته فرنسية باللغة الانكليزية فهل هي اهم من المعلوماتية يا سيادة الوزير
سوريا
محمد سواس2009-09-25 19:06:09
طبعا افساد
مالذي يستعملونه فيه على أي حال ؟ أغلب استعماله ( من قبل الجاهلين من شبابنا و الذين لم ينالوا التربية السليمة و تربوا في الشارع ) صار للأسف مقاطع البلوتوث الوسخة و الغاية في القذارة ثم ماذا ؟ لا شيء ببساطة
-سوريا
المحقق غادجيت2009-09-25 18:15:22
إلى السيد / السيدة دريكيش
شو دخل القمر بالموبايل؟ بس أكيد لم تغادر(ي) سوريةإلى بلد متطور (ألمانيا، السويد، الدانمارك، ....) وإلا لرأيت أن الأسر التي تهتم بتربية أولادها لا تعطي لأبنائها موبايل إلا بعدة شروط قاسية من أجل الحفاظ على تربيته، مع أن الموبايل هناك مجاني يعطى هدية مع شراء الخط، والاتصالات شبه مجانية ، لكن الفرق في تفكير البشر بيننا وبينهم يقدر بالسنوات الضوئية، نحن مصروعين بالبهورة والمظاهر والحكي الفاضي وغيرنا مشغول بالعمل والأداء وجوهر الإنسان لذلك أرجو عدم مقارنةمن وصل للقمر ومن يصنع المرسيدس بنا
-سوريا
المحقق غادجيت2009-09-25 18:10:10
مرة ثانية: خطر أكيد
لا أؤبد الموبايل بيد المراهق، ونعريف المراهق هو الشاب أو الشابة من عمر 12 إلى 19 تقريباً وهم يعرفون بالانكليزي تيينز أي من ثيرتيين إلى ناينتيين (13 إلى 19 سنة). هؤلاء يحملون من الطيش الشيء الكثير، قد يكون مفيدا أن يحمل واحدهم الموبايل لكن خطر الموبايل عليهم أكبر من فوائده، بالمناسبة تعريف الموبايل لدى المراهق: جهاز يحمل ميزات بلوتوث وكاميرا عالية الدقة وسماعات وكرت ذاكرة واسع وميزة الاتصال ملتي ميديا وآخر صفة هي أنه يمكن الاتصال به هاتفيا.. فرجاء شو راح تتوقعوا من اللي يحمل هالميزات
-سوريا
مواطن2009-09-25 16:00:56
رأي
ولك هادا الهم... اسألو هالناس شو رأيهم بوزير التربية اللي دمر هالجيل .... عن جد خدو رأي هالشباب وشوفو رح تلاقو العجايب
سوريا
frei2009-09-25 15:56:58
عدم رفض الحداثة
انني ارى ان كل شيئ و ليس الموبايل فقط يرتبط بشكل اساسي بحسن التربية فعندما يكون الاهل واثقون من تربية اطفالهم فانني مع استخدام الموبايل من قبل الاطفال و لكن و للاسف ليس فقط الاطفال يستخدمون الموبايل بشكل خاطىء و انما الراشدون قبل الاطفال
سوريا
محمد2009-09-25 15:45:59
ليش الموبايل
يا أيها الناس يا كرام و يا محترمين مع أحترامي لكل المناهضين للتطور و الذين يدعون أن الحضارو أفسدت البيت العربي التربية هية التي تحدد خطورة الحضارة و ليست الحضارة و هندما فشل البيت العربي من ضبت هذا البيت أعتبروا أناالحضارة هية السيبب
-سوريا
أبو وائل2009-09-25 15:30:03
الخيرة بين الأمرين
أعطي ولدك موبايل بدون بلوتوث
سوريا
أبو وائل2009-09-25 15:18:00
الخيرة بين الأمرين
لابد أن الموبايل للمراهق ضرورة وبلاء بالنسبة لنا وله فيمكننا أن نشتري له موبايل بدون بلوتوث
سوريا
ابن البلد2009-09-25 13:59:00
العقل زينة
يا أيها الناس يا كرام و يا محترمين مع أحترامي لكل المناهضين للتطور و الذين يدعون أن الحضارو أفسدت البيت العربي التربية هية التي تحدد خطورة الحضارة و ليست الحضارة و هندما فشل البيت العربي من ضبت هذا البيت أعتبروا أناالحضارة هية السيبب
سوريا
فادي ندم2009-09-25 13:44:50
انا برائي فساد 100 % 100%
هذا رائي فساد 100 %
سوريا
قصي الزير2009-09-25 13:22:02
الموبايل شر لابد منه
أثبتت كل الدراسات العالمية ضرر الموبايل الصحي والاجتماعي والأخلاقي ولكن أهم هدية يقدمه الأهل لأبنهم المدلل هو الموبايل لكي يكون كأصحابه المدللين هذه هي العولمة في بلاد العرب ياأصدقائي هي تخريب القيم والأخلاق وأبعادنا عن ديننا و لغتنا وعروبتناوتربية أجيال تستخدم الحضارة بالطرق المخربةالهادمة لكل قيمنا أعاننا الله وأبعد عنا شرور أنفسنا وشرور فهمنا للعولمة الخاطئ وأعادنا لقيم دينناوقيم وأخلاق أجدادنا اسس امتنا العظيمة
سوريا
gogo2009-09-25 13:00:07
اكيد فساد
اصلا طيش هالشباب المراهق منين عم يجي من بلوتوث الموبايل لازم كل اب ما يعطي ابنو موبايل لحتى يصير عمرو 20 سنة عالأقل
-سوريا
MAHER2009-09-25 11:55:21
كتر الشد بيرخي
انا لحد هلء ما فهمت انو ليش ل العالم اخدة هالفكرة السلبية عن الموبايل رغم انتشارو الواسع؟؟ يعني اذا كل واحد منا بيعرف انو الموبايل فيه مساوء ليش حتى يحملو اصلا؟؟ ولا انت اعمرك 35 سنة ما بتغلط وابنك عمرو 18 سنة بيغلط واذا كل المشاكل الاخلاقية والشذوذ اجت من الموبايل معلش نحن قبلانين. جيب لابنك موبايل وخلي عندك حق انك تشوف شو فيه هالجهاز احسن ما يجيبو هو بالسرقة عنك وما تعرف انو معو موبايل ولا شو فيه هالموبايل لانو في مثل بقول ( كتر الشد بيرخي )
سوريا
أكرم العفيف2009-09-25 11:20:15
أنت ما جبتلو
أنا ما جبتلو وما رح جبلو مو بس لانو افساد كمان لان مثل هذا السلوك يعزز انمط الحياة الاستهلاكية السلبية قالشاب الذي يصرف على الموبايل 2000 ليرة واركيله 1000 ليرة ودخان 2000 ليرة وموتور 1000ليرة وثياب 1000 ليرة ومصروف للشله 1500 ليرة ونفقات اخرى حوالي 1500 ليرة قيكون مجموع مصروفوا حوالي 10000 وهو اكبر من راتب مهندس معين حديثا" واحتاج الى 230 من 240 لطلعلوا هندسة والى معدل 70 بالمية حتى تعيين بيصير هالشب يطمح لكل شي الا الدراسة بما فيهاسرقة موتور من هون وحقيبه نسائيه من هناك ودبرها
سوريا
غابرييل عمر-فلسطين2009-09-25 11:08:13
نعم
نعم أعطيه، لكن من ماركة السكودا أو ما شابه ويكون الخط فيه 200 أو 300 وحدة بالشهر، لحالات الضرورة القصوى، مع العلم إننا كلنا عشنا ودرسنا بدون الحاجة للموبايل
سوريا
شامية2009-09-25 03:11:15
وين الغلط
انابرأي مافي مشكلةازابهيك اعمارحملناموبايلات بس موضروي تكون فيهاالميزات كلهايعني متل بلوتوث اوفيديووكاميرايعني منشان الاهل يطمنو على ولادن وكمان لازم يكون الموبايل مراقب من الأهل عن جد لحناالعرب كل شغلة بنقلبهالعب يعني صرنامين هوي الشخص يلي بيحمل موبايل اتقل من التاني كل ماينزل موبايل حديث الشاطرمين بيشتريههيك تفكيرنا
-سوريا
الدكتورة الحائرة2009-09-25 02:04:30
كل انسان عليه مواكبة الحضارة
الموبايل مثل الكومبيوتر مثل التلفاز مثل اي شيء يجعلنا نتواصل مع العالم والحضارة وكل شيء كما نستطيع استخدامه للعلم والضرورة كذلك نستطيع استخدامه للسوء والرذيلة وفي هذه الايام وفي الدول المتقدمة الاطفال يتعلمون على الكومبيوتر في المدرسة منذ سن الرابعة فهل يعقل ان المدرسة تعلمهم السوء والاهل اذا راقبوا اولادهم وربوهم تربية صالحة ماالمانع من استخدام الموبايل وغيره عند الضرورة واين كان الموبايل والكومبيوتر في الماضي وقبل اختراعهم كانت تحدث كثير من قلة الاخلاق والجرائم والرذائل
-سوريا
محمد2009-09-25 01:21:40
واللـــــــــه ضروري جداُ
والله ضروري جدا عشان اذا صار شي يتصل او تتصل في الاهل  
البحرين
الأغر2009-09-24 23:33:21
شو المشكلة
وين المشكلة اذا حمل الواحد موبايل حديث في كل الميزات يعني عيب اذاشفنا وتعلمنا انا من هواة الموبايل وكل شهر او شهرين بينزل موبايل جديد وبغير موبايلي ليش وين الغلط على الاقل منتعلم شي من هالدنيا يعني حاجتنا بقاقوقعةحول نفسناوحاجتنا تلقي الاوامر والقوانين خلونا شي يوم نشوف ونتعلم ونقرر والا منضل متخلفين يعني الواحد فيناعم يشوف كل شي بالتلفزيون شو رايكن نلغي التلفزيون كمان او شو رايكن نلغي شي اسمو ايميل تحت حجة الاصالة والعراقة يا جماعة الخيرخلولناشويةحريةوخلونا نتعلم الصح والغلط لحالنا
-الإمارات
الأغر2009-09-24 23:28:20
الى متى
انا مع فكرة حمل الموبايل بس بعدالمرحلة الثانوية بس يعني مو معقول الشب او البنت بيسمحولها تضل بالجامعة للمسا بس ما بيسمحولها تحمل موبايل(طيب ليش) بعدين في شرط اذا الاسرة متوسطة الدخل ما في داعي للموبايل بس اذا قادرة ليش لا وولانسة نور بقلها سلفا مبروك عالموبايل واذا ما شفتي شي كويس انا بجبلك واحد حديث من دبي هدية الجامعة
-الإمارات
مسلمات بنيات عصرهن2009-09-24 23:19:59
كأي شيء أخر سلاح ذو حدين وأمره غدا لا يندرج
ضمن الحاجة أو الضرورة الملحة لاقتنائه باختلاق التبريرات وإنما من المسلمات كحاجة المظلة عند انهمار الأمطار أو لباس البحر على البلاجات لذا كل ينظر للمنظور من أقرب زاوية له فيرى الجمال تارة آيات أو بأخرى أقبح ما رأى إنسان وبود أود لو تطالعنا الشركات بخطوط تخصص خدماتها مختصرة لمن هو دون السن القانون حيث تقع أهميتها المراقبة الحثيثة وعن كثب أكثر تفند حامله بمن اتصل ومن يرافق وعلى أي أمر عقد العزم بخدمة مأجورة لأهله برسائل ترسل بآن لهم بالأرقام والأسماء والرسائل بالاتجاهين إرسال واستقبال
-سوريا
دريكيش2009-09-24 22:11:45
خلااااااااااااااااااااااااص
خلصونا بقى العالم وصلت للقمر وانتو عم بتفكرو اذا ابنكم المراهق عم يحمل موبايل 00برأيكم اذا ماحمل موبايل مافيه يشوف هالشوفات اللي خايفين يشوفها بالموبايل بالعكس المراهق لازملوموبايل منشان اهلو يحكو معو اذا اتأخر( لازم ياحبايبي لازم ) انا طالبة جامعة ماحملت الموبايل حتى خلصت بكلوريا وخي صف عاشر معو موبايل وكتير مبسوطين لأنو لولا الموبايل مامنعرف عنو شي ووين هوي وقت اللي بدنا لذلك ريحونا اشترو لأولادكم المراهقين وغيرن موبايل وبلالكم هالتخلف الفظيع (قلنالكم العالم وصلت للقمر)
-سوريا
أبو عبدو الدوماني2009-09-24 21:48:41
أنا مع اعطائه موبايل ولكن بشروط
أنا مع اعطائه موبايل ولكن بشروط: أولا أن يكون الموبايل لا يحوي أي ميزة رفاهية مثل الكاميرا أو البلوتوث أو الأنفراريد أو امكانية الاتصال بالانترنت باستخدام ميزة GPRS مثلا , ثانيااذا كان الولد لم يصل للمرحلة الثانوية بعد فيجب أن لا يكون له جهاز خاص به بل يكون جهازه مشترك مع شخص اخر أو أنه يقوم باستعارة الجهاز الثاني لأحد الوالدين, ثالثا أن يكون شحن المويايل من مصروفه الخاص في حال تجاوزه المرحلة الاعدادية
سوريا
adam2009-09-24 20:47:38
fast service
انا بعتقد انو ضروري بس تحت رقابة الاهل واشرافهون يعني اسهل واسرع طريقة للوصل للشخص المعني وصار من ضروريات الحياة العصرية والحديثة ..
سوريا
مواطنة بتحب بلدا2009-09-24 20:21:37
ممكن
الموضوع بايد الاهل هنن اللي بيقدرو انو يحافظو على ولادن من خلال التربية اولا ومتابعة اعمالن بشكل عام ومرقبة التلفون من وقت لاخر بدون علم الاولاد و اهم شي الثقة
-سوريا
noor matar2009-09-24 18:36:44
بكير لسا
انا صار عمري 19 سنة ولسا اهلي ما جابولي موبايل على قولة بكير لسا وما الك فيه وانا الاحد نازلة داوم بالجامعة فبقا انا بلاقي انو معهن حق لانو بنشوف اشيا حتى مع البنات بتوقف شعر الراسس وشي تاني
سوريا
N73ME2009-09-24 17:54:53
نعم ولا 2
طبعاً الأمر يستوجب تنشئة أساسية على التقوى ومخافة الله وحفظ القرآن الكريم والتعامل الصادق مع الناس وأن لانغطي الشمس بغربال فالجنس موجود والإباحية موجودة لكن من القرف والقذارة أن يتقرب شخص سوي منها وأن ينحدر إليها وفي النهاية المعصوم هو من عصمه الله وإني أكاد أرى أن تربية الأبناء في الغرب أفضل بكل صراحة على الأقل خوفاً من زملاء السوء الذين يهدمون ما نبنيه في بيوتنا برمشة عين وقد أصبحوا في بلادنا العربية أكثر وساخة وميوعة وسطحية!!!
-سوريا
N73ME2009-09-24 17:51:58
نعم ولا
نعم لجوال مراقب محصور بخمس مكالمات فقط مثلاً وبدون مزايا الفيديو والسمارت فون في مرحلة المراهقة ولا لمشغلات الفيديو والإباحية والعري التي تطير في الهواء مع ذرات الأوكسجين وبذلك أحمي ولدي من التعرض لهذا الجو الموبوء على الأقل لفترة انتهاء مراهقته وبنفس الوقت يكون على تواصل تام معي وضمن المتاح مع ضوابط حكومية أسرية بوجوب إغلاق الجوالات بعد الحادية عشرة ليلاً وتشغيلها في الثامنة صباحاًلكي يرتاح الدماغ من الموجات الكهرطيسية واللاأخلاقية التي قد تطرأ في هذه الأوقات وعلى هذا المبدأ مافي متلنا يتبع:::
-سوريا
المحقق غادجيت2009-09-24 17:20:09
لا للموبايل بيد المراهق
الموبايل بيد المراهق كمن يعطي المجنون سكينا ثم يلومه عندما يجرح نفسه. لا تعط المراهق موبايل ولن تندم مو وقوع مشاكل عاطفية والتهاء عن الدراسة والتحصيل العلمي. فقط المعقدون بعقدة النقص يحاولون تعويضها بإعطاء ابنهم موبايل (وغالباً ما يكون فاخراً). العائلات المتوازنة ماديا ونفسيا لن تعطي ابنها موبايل إلا بعد دخوله الجامعة وبفرع جيد على أقل تقدير. كفانا صغر عقل، وأنا لا أنظر فأنا لم ولن أعطي أبنائي المراهقين موبايل إلا بعد تفوقهم في البكالوريا ودخول الجامعة مع أنه بإمكاني شراء أفضل موبايل
-سوريا
Eyad2009-09-24 17:10:48
اخلاق الولد وماليه الأهل ومبشرات مستقل الولد سادة
انا في بداية العشرينيات ولم أحمل موبايل حتى السنة الثانية من الجامعه وليس ذلك لاني لا استطيع بل لاني لا اريد بينما اخي اصغر من بسنتين ونصف حمله قبلي بأربع او خمس سنوات وهذا الذي دفع ابي لإجباري على حمل الموبايل فيما بعد .... انا أرى أنه يمكن جعل موبايل للبيت للحاجة التي يرددها البعض ..وايضا أن يحمل المراهق جهاز ليس بالمتطور يعني للاتصال وفقط زز مع مراقبة دورية وايضا الانتباه الى عدم تخنيقه كي لا يؤدي الى نتائج عكسية والله اعلم .
-سوريا