syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
التلفزيون العربي السوري – القناة الأولى برنامج فكرة وذكرى :إكرام الميت دفنه... بقلم : رضوان رحابي
مساهمات القراء

عندما يكون للإعلام له الفائده المطلقه لهذا الجيل نقف له بإحترام وغير ذالك إكرام الميت دفنه قدم التلفزيون العربي السوري وعبر القناة الأولى يوم السبت  الواقع في 22\5\2010 الساعة العاشرة مساءا برنامجا اسم(فكرة وذكرى) من إعداد وتقديم ((الآنسة ميادة عارف خطيب ))

ومن خلال هذا العنوان يُخَيَل للمشاهد أن البرنامج سيكون لقاء مع كاتب مميز يحدثنا عن أجمل كتاباته وقراءاته وذكرياته معها , أو مع مبدع في مجال ما يعرفنا على أهم إبداعاته,ولكن للأسف الشديد كانت المفاجأة فإن الغاية من هذا البرنامج هو تعلم اللعب بطاولة الزهر وإحصاء عدد أنواعها واستعراض طريقة كل نوع في حلقة تلفزيونية .

- فالتلفزيون العربي السوري ومن خلال برنامج فكرة وذكرى يعلمنا كيفية هدر الوقت دون فائدة تُرجى . في حين نعمل وبصعوبة على تعليم الجيل كيفية استغلال الوقت بما فيه الفائدة والخير وندفعه للقراءة وطلب العلم الحقيقي الذي يعود بالتطور والحضارة عليه وعلينا وعلى وطننا بالمطلق العام.

- بينما يعرض لنا التلفزيون العربي السوري ومن خلال هذا البرنامج

 عن كيفية اللعب بطاولة الزهر أو ما تسمى بالطريقة المغربية ومن خلال شخصين يجلسان على كرسيين تتوسطهم طاولة الزهر. وعندما رمى الشخص الأول الزهر قال(أنا أجاني شيش جهار يعني بدي اللعب ستة وأربعه )  ثم رمى الثاني الزهر وقال (بنج وسي يعني أنا بدي اللعب خمسة وتلاته ) وهكذا حتى انتهت اللعبة 

- أما هذا العلم فيكون في المقاهي وأماكن التسلية التي لا تتم إلا وإذا قامت اللعبة على شرط وهو تغريم الخاسر بدفع الحساب عن الجميع الشباب  كما قال الرابح في حينها (أنا ربحت وأبوا عبدو خسر إذا تفضل يا أبوا عبدو واعمل لنا الشاي ) وان كانت عن طريق المزاح .

- ولكن وبغض النظر هذه اللعبة وبالإضافة  إلى لعبة الورق كثيرا ما تؤدي إلى الانحراف ( القمار) وهذا ما نشاهده في برنامج (الشرطة في خدمة الشعب ) فقد تبين أن كثير من المجرمين المنحرفين اعترفوا بأن البداية كانت في المقهى بسبب شرط بلعبة طاوله أو بالورق .

- أنا هنا لا أريد التحدث عما يقدمه التلفزيون في أوربا وكيف يحث المشاهد على استغلال الوقت بما فيه الفائدة وإنما ما يقدم في دول الخليج من برامج ومسابقات مثل ( تعال نقرأ) وتقوم بتقديم الجوائز للأشخاص الأكثر مساهمه في هذا مجال .

- ملاحظة : من فاته تعلم الطريقة المغربية وهي إحدى الطرائق لعب طاوله الزهر ) عليه متابعه البرنامج في السبت القادم مساءا الساعة العاشرة ليلا ليتعلم لعبة أخرى في الجزء الأول من ضياع الوقت

- أما في الجزء الثاني من ضياع الوقت  سوف يقدم لنا طريق اللعب بالورق وشرح أنواعها .

- أما الجزء الثالث فقد قررت إدارة البرنامج تركه مفاجأة للمشاهد .


2010-05-31 23:00:43
شاركنا على مواقع التواصل الاجتماعي:



شارك بالتعليق
هادي دوكار2010-06-04 13:36:13
ألك شي
أول شي بدي أشكر كاتب المقال الله يعطيك العافية ويمكن معك حق بس في شي بدي ألك ياه هو أنو لسى الشرف والحشمة موجودة ببرامجنا ومسلسلاتناوقنواتنا وخليهون يخبصو ليشبعوا بس أهم شي الشرف والأخلاق وعلقليلة بتعرف أبنك عشو عم يتفرج بدون راقبة الأهل وإذا وقفت عبرنامج تعليم الطاولة فهاد كتير منيح
سوريا
مايا2010-06-01 13:01:23
انا معك 100 %
انا مع السيد رضوان لأنو هو مو بس عم يذم البرنامج , هو عم يتمنى أنو ينعرض برامج بتطور الانسان متل برنامج تعلم الرسم أو الموسيقى أيا شي فيه ابداع , بس مو تعلم لعبة الطاولة يللي ممكن يصير مدابح من وراها خصوصا اذا كان الواحد مخو ما بتحملو انو يخسر لأنو بيلعبو بروح مو رياضية, ياريت يرتقو بالبرانج و بيكفي هالمسخرة
سوريا
l'entrantaumure2010-06-01 12:17:31
وين المشكلة؟
ما حدا ضربك ع ايدك و قللك اتفرج يعني انا بصراحة لو سمعت عنو كنت تفرجت لأتعلم لأن طاولة الزهر متل الحياة بدها حظ و بدها شطارة لتستفيد من الحظ و التفزيون السوري صحيح انو متمنى يكون احسن من هيك بس ابدا ما فينا نعدو من التلفزيونات السيئة و بتمنالو النجاح
-سوريا
زوربا2010-06-01 12:07:36
تنذكر وما تنعاد
تنذكر وما تنعاد هديك الايام اللي كنا مجبورين نتفرج عالقناة السورية الارضية ...قبل ما تجي الفضائيات ... كانت محطة مقيتة بكل معنى الكلمة وثقيلة على النفس وساذجة ... ومليئة بالكذب على النفس ... اي دفنوها بأعمق حفرة ... واتمنى انو يوما ما تزول من ذاكرة الطفولة هذه الذكريات السيئة ... خصوصي صباح يوم الجمعة الكئيب مع البرامج الحوارية البليدة ... ولا المذيعات ... حاجة بيكفي غت على قلبي ...
سوريا
سوري متشائل2010-06-01 11:52:34
....
البرانامج محطوط بقترة سهرة ...بدك شي هادف بفترة سهرة ...معروف هالأوقات لحتى الواحد يغير شكل بعد تعب الشغل ...و الفكرة حلوة ...و هي تقاليد سورية شئت ام ابيت....صحيح انا من ناقدي التلفزيون السوري ...بس بهي انا مو معك ابدا
-سوريا
ibrahim2010-06-01 11:26:20
تلفزيون؟
ليش شو في التلفزيون السوري ؟ ما كلو سخافة بسخافة.. ما بعرف أصلا ليش أسسو لهالتلفزيون !! لا واقعية ولا أهداف .. برامج باردة لدرجة الموت و ما الها علاقة بحياة المواطن السوري
-سوريا
ام رافي2010-06-01 10:58:38
قديمة وبالية حتى شبعانة
جد عم تحكو عن تفاهة باقي البرامج ع القنوات الاخرى اي انا بعرف انو اسا اسوأ من برامج القناة السورية مافي ما حدا بيتابعا ليش ؟؟؟ شي طبيعي البرامج مانا حلوة افكار مستهلكة ومملة طريقة تقديمة بالية والمقدمين متل الاصنام في برنامج بيحطو ع الفضائية السورية الصبح مدري شو اسمو صباح الخير او شي من هاد المهم بتلاقي هي المذيعة النحيفة اللي كانت تقدم برامج اطفال قبل عم تسال اللي قداما وبتجاوب عنا وبتحشر حالا حتى بالاجوبة بطريقة منفرة وغليظة..اي ما حدا بيتابع برامجنا ومبين ليش..
-سوريا
معين2010-06-01 10:55:19
بعرف شو وجعك
انا بختلف مع الشباب اللي علقوا..فمقالتك جيدة وتعبر عن حرقة قلبك على هالوقت الضايع..وهذا النقد ليس لانتقاص الاخر وانما لنرتقي الى افضل اداء ممكن..هلا ممكن يكون هذا البرنامج جيد اذا كان مثلا على سبيل تعريف الناس بلعبة شعبية لمدة 10 دقائق..وعلى سبيل الترفيه..وبتصور انه هكذا كانت الفكرة منه..اتمنى ان نرى الموضوع بايجابية الكبر ..وشكرا
-سوريا
نايا2010-06-01 10:17:56
لا هيك ولا هيك
هلق البرنامج ما لو سئ لانو عم يقدم جزء من ما ضينا الالعاب اللي كنا نلعبها واللي كتب المقال ما لو شايف الا الحلقاي تبع طاولة الزهر بس البرنا مج بيستعرض كل الالعاب الشعبية اللي كنا وكانو اباءنا واجدادنا يلعبوها ويرفهو عن حالون فيها قبل ما يكون في تلفزيون وانترنت وبلاي ستايشن وبصراحة كانت ايام حلوة وانا بزعل على هاد الجيل لانو ما سنحتلو الفرصة انو يعيش هيك ايام
-سوريا
رائد2010-06-01 08:21:20
انحراف
انحراف بسبب طاولة زهر؟ هههههههه
-سوريا
Rafat Katta2010-06-01 04:26:35
ان مخطىء تماماً مع احترامي الشديد
حينما ارى كم هي المقاهي مكتظة بالزوار في منطقتي اعلم انك مخطىء فالدرس هام جدا و مفيد فأنا لا ازور المقاهي و لا اتقن اللعبه و هذا البرنامج سيساعدني أخيرا في الوصول لراحة البال صدقني انا عم بخسر من خمس سنوات و كل سنة بخسر اكتر لذا الحل السليم اذهب للمقهى بس ما بعرف بلعب طاولة هلق انحلت مشكلتي شكرا على النصيحة
-سوريا
متابع2010-06-01 00:41:31
معك وماني معك
من ناحية انو البرنامج سخيف فانا معك تماماوعنوانو مالو علاقة بمضمونو نهائيا ومجرد علاك بعلاك كما عودونا باغلب برامج التلفزيون التنفيعة واسمحلي ضيف انو مافي شي مفيد لا من حيث الفكرة السخيفة ولا من حيث الاعداد الركيك اما من حيث الاخراج فهوتحفة!!!!!!! برنامج متكامل بالسخافة وهاد كلو انا بوافقك فيه اما الشي البختلف معك حولو فهو انو كتابتك مناسبة تماما لنقد البرنامج لان واضح انو لغتك واسلوبك مطابقين للبرنامج المنقود ويالمحاسن الصدف!! وياريت تنقدلنا البرامج الخلاعية والسطحيةعلى غير قنوات يااستاذ!!
-سوريا
الواضح2010-06-01 00:18:04
قصتكن قصة
مع احترامي لك حكيك فاضي ولابد من بعض البرامج الترفيهية . أستحلفك بالله ألم ترى السخافات والأفلام والمسلسلات التافة في تلفزيونات الخليج وغيرها . قليلامن العدل يارضوان فالتلفزيون السوري أكثر تلفزيون ملتزم بكل شيء وبالعكس نحن ننتقده لأنه ملتزم زيادة عن اللزوم . والله مابيعجبكم العجب ولا الصايم لابشوال ولا برجب .
-سوريا