syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
الفنان جهاد عبدو كنت أتمنى أن لا تكون ضيفا في ذاك البرنامج ... بقلم : رضوان رحابي
مساهمات القراء

عندما يقدم اي إنسان على اي عمل نجده يفكر بهذا العمل . هل سوف يحقق له ما هو يسعى اليه وفكيف اذا كان فنانا وله اسما . فعليه ان يفكر عشرات المرات قبل ان يُقدم عليه  ومنذ فترة كنت وقد كتبت مساهمه عنوانها إلى قناة (  otv) ألا يوجد عندكم أطفال

لان تلك القناة , كانت ولا تزال تبث في بعض برامجها المسائية كما أوردت في مساهمتي سهرة الغاية منها هو إضحاك المشاهدين والضيوف الموجودين في الاستديوا . من خلال تلك حكايات التي يرونها هؤلاء الأشخاص , وهذه الحكايات كلها كما أوردت  سابقا تعتمد على لفظ الكلمات لا أخلاقيه بمدلولها ومعناها .

ولكن ما أدهشني ولفت انتباهي يوم الأحد الواقع في 2\\5\\2010 وأنا اقلب في بعض المحطات وإذا بي أشاهد الفنان السوري جهاد عبدو الذي شارك في مسلسل باب الحارة هو احد الضيوف هذه الأمسية . مما دعاني إلى التوقف قليلا لكي يتبين لي هل أن الفنان جهاد عبدو هو ضيف مستمع فقط أم هو ضيف مشارك. وإذا هو احد الضيوف الأساسيين في تلك السهرة . وطبعا أن الممثل جهاد ضربه الحماس وبدا يروي القصة تلو القصة وليضحك المشاهدين والحاضرين من خلال ما يروي من حكايات .

فأنا ما أحب أن أقوله للمثل جهاد عبدو ,  كنت أتمنى أن لا أراك ولا حتى  مستمعا فكيف وإذ بك ضيفا مشاركا وأساسيا .

وأنت فنان وممثل معروف لك قيمتك الفنية وأنت تعتبر من الفنانين  الفئة الأولى  في سورية هل يليق بك أن تقص أو تستمع  قصصا عن الجنس في هذاالبرنامج أو غيرة من برنامج تلفزيونية المشابة له من حيث المحتوى .وأنت تعلم أن هذا البرنامج سوف يعرض فيما بعد .

ولو انك تشارك في عمل فني درامي  مع هؤلاء الذين يدعون الفن علما بأنهم  ليسوا كذلك , وإن كانوا فنانين  أو لهم اسما في نقابة الفنانين في لبنان هم من الدرجة الرابعة أو أكثر لقلنا أن عملك معهم  ليعطي للعمل دفعا لكن أن تجلس تروي و تسمع إلى تلك القصص التي لا تصدر إلا عن أشخاص ليس لديهم ضوابط ..؟؟ 

أنا ما اتمناة منك أن تخلو بنفسك وحيدا وأن تشاهد هذه الحلقة . أو تعرض هذه الحلقة وما ورد فيها على  صديق مخلص لك وان تأخذ رأيه بذالك .   

 هل أضفت نجاح لنفسك من خلال وجودك في هذه السهرة الشبه ؟؟؟؟؟  كما في باب الحارة أو في أعمالك الفنية الناجحة الأخرىى

2010-05-10 23:00:43
شاركنا على مواقع التواصل الاجتماعي:



شارك بالتعليق
مالك2010-05-12 23:48:48
الى هدى او لميس!!
يبدو انك معتادة على الزيف والتزييف وثم تتهمي الناس بالنفاق.ماشاء الله على هكذا اخلاق .رح قلك انو اذا انا كذبت او رشيت متل ماعم تقولي فهادا شي مابفتخر فيه.فكيف الفخر بالعهر واهله؟والله هذه لم اسمع بها بعد.والاكثرغرابة انك تقومين بتصنيف نفسك ضمن المحترمين!!!لا وفوقها بتعملي من حالك معلمة اخلاق وبتصيري بتنظري علينا وبتعلمينا النفاق والصدق وانتي اسم واحد بتعليقين ماقدرتي تحطيه!!عندمااشاهد امثالك من الفارغين قلبا وقالباوفوقها سليطي اللسان افهم سبب تخلفناوانحطاط الفكر والاخلاق عندنا.
-سوريا
لميس2010-05-12 16:12:27
الى دانا وأمثالها
بحب ئول لكل اللي تهجمو عليي إني كنت صريحة وما حبيت كذب وإنكم كلكم منافقين وأول الناس اللي بتنتتظرو برنامج لول وبشغف كبير والدليل إنكم كلكم عارفينو وعارفين منيح شو بيقدم وشو بيعرض يعني إنتو بالنهاية شوية ناس منافقين وتهجمتو عليي لأني كنت صريحة وهدفكون تضغطو عليي حتى إنضم لشلة النفاق اللي متلكم وصير إحكي بالمثاليات والمبادئ ,يعني أمثالكم هني اللي بيخلقو النفاق وبيشجعو عليه صحيح ناس ما بتحترم غير المنافق !!!!!
-سوريا
دانا2010-05-12 09:00:52
الى هدى
يا انسه هدى اذا هيك برنامج بيحكي عن مواضيع اباحية بيرفهك وينشطك ويخليكي ترجعي تدرسي انت ومتشطه معناتا ........ بتعرفي شو الي بيزعل انه اسمك هدى و معناته كثير بريء بس تعليقك .... يعني عنجد لو قلت البرنامج بيضحك كنا تقبلنا أكثر من أنك تحكي هيك كلام تسيءي فيه لحالك والانحراف مابيكون بس بالحكي مع الشباب و التأثير النفسي أصعب بكثير راجعي حالك بهدوء وفكري منيح بمعنا الشي يلي عم تسمعي لأنه شي بذيء وعم تقذي حالك بدون ما تحسي بس تحضري هيك برامج عندك عقل لتميزي فيه الصح من الغلط
-سوريا
هدى2010-05-12 02:52:36
الى مالك
والله يا مالك لا حقيقة إلا ما تعتقد , اللي بتشوفو إنتا انحطاط خلقي غيرك يشوفو ترفيه عن النفس ولهيك ما بيصير تفرض افكارك على الآخرين روح شوف كم رشوة دافع وكم مرة كذبت بحياتك وكم مرة تكلمت على الناس وشتمتهم يعني الاخلاق الفاضلة تعريفها واضح بكل انحاء العالم الا وهي الصدق والامانة وعدم الكذب والسرقة والقتل ووو الخ إالا في مجتمعاتنا تنحصر الاخلاق في الامور الجنسية والغرائز وكل شئ يمت لها بصلة , اريد ان اقول لك مثل انكليزي لو كل شخص نظف امام بيته نظف الشارع فكل واحد بحالو يشوف ذنوبو
-سوريا
مالك2010-05-11 23:33:09
الى هدى
ياهدى خانم اللي بعرفه انو البنت المحترمة او الشاب المحترم مابيعجبوا برامج سوقية بالفاظ سوقية.اين الرقي واين الحضارة واين الاحترام في هكذا تفاهة واباحية؟ عاش المحترمون!!!!
-سوريا
مالك2010-05-11 23:25:41
الى لبناني
المقالة تتحدث عن فنان سوري وعن غلطة ظهوره في هذا البرنامج القذر.اذاالنقاش هو عن امر سوري فماهو دخلك انت؟هل طلب احدما رايك؟اعتز باللي بدك ياه هادا مابيهمنا لامن قريب ولا من بعيد.
-سوريا
هدى2010-05-11 14:14:03
الى أبوداحس
أنتا أكيد ما عم تحكي جد لما قلت إنو الحشيش متل برنامج لول إذا بدنا ننسى همومنا لأنو لو عم تحكي جد معنا مصيبة كبيرة ما بعدها مصيبة ولك كيف بتشبه برنامج بيضحكني وبرجعلي نشاطي وبخليني إرجع أدرس وأنتج بشكل أفضل بحشيش بدمر الإنسان وعقلو وبخلي نهايتو الأكيدة الهلاك والموت , أكيد مصيبةإذاعم بتحكي جد, وبعدين على أي أساس أو بحث علمي بتقرر إنو الالفاظ اخطر من الاشياء البصرية ,أنا صرلي بحضر هلبرنامج من زمان وليكني لهلئ الحمدلله لا انحرفت ولا حتى عندي رفيق شاب ومن أكثر البنات احترام فحاجة بئى!!
-سوريا
لبناني من قب لياس2010-05-11 13:02:12
لوين بدكن توصلو
بحي ئول لكل اللي عميحكو عالبرنامج انو البرنامج من احلى البرامج اللي طلعت لهيدا الوقت,ونحنا مش جابرين حدن يتفرج عالمحطة,بعدين هالبرامج مش أحسن من الرامج اللي بتطلع عالتي في تبعكن,نحنا كلبنانية بنعتز بهالبرنامج واللي هو وسيلة تننسى همومنا,وشكرا
-سوريا
digweed2010-05-11 12:47:27
حاج علاك بقا
يعني بكلمتين انتو عالم بس شاطرين تحكولي بالمثاليات و الرقي و كلنا منعرف انو نحنا ابعد عالم عن هل الشي لك اذا ضحكونا ما بيخلصو و اذا بكونا ما بيخلصو و الي مو عاجبو لا يحضر يا اخي **
-سوريا
مهضوم2010-05-11 12:32:31
ضحكتني
(الا يوجد عندكم أطفال لان تلك القناة , كانت ولا تزال تبث في بعض برامجها المسائية ) ليش ليضل الاطفال سهرانين لهل وقت ؟!!! بعدين هل جيل يازلمة فهمان اكتر مني ومنك بهل امور وحاج بقا العالم كلهاالصبح تحضر برامج دينية والمسا عل الافلام الجنسية تصور كنت انا وابوي عم نحضر لول ابوي فرط من الضحك وانا عادي ما عم اضحك قالي ليش ما عم تضحك ولا مابتحب هيك نكت قلتول هدول النتكت بعرفون لما كنت صف سابع ها ها ها ها
-سوريا
Jack2010-05-11 12:21:08
و بعدين معكون
الله يعينك ويساعدك عهالعئلات...بعدين مين حضرتك لتئول انو عيب وما بيصر ومدري شو...بعدين بالصدفة مو...لك يحرء حريشك عهالخرطة..ومشان لا يرتفع ضغطك بنصحك لا بقى (تئلب بالصدفة)عالقناة يوم الاحد الساعة 9
-سوريا
مشاهد2010-05-11 12:13:03
برنامج اباحي و بايخ
بينما كنت اقلب في القنوات شاهدت الفنان جهاد على الشاشة ولكن المفاجأة كانت بالبرنامج الذي شارك به تابعت الحلقة و كانت معظم النكت جنسيةو اباحية هادفة للتعرية من الاخلاق كانت نكت ليس لها علاقة بالضحك ماهي الا مسلسلات جنسية اما بالنسبة لضحكات المشاركين فكانت مصطنعة بشكل واضح و كأن احدا ادار زنبرك المشارك ليضحك بعدها لقد تم شطب بعض الكلمات الرذيلة جدا و لكن الايحاء كان كاف لمعرفتها اما بالنسبة للممثل جهاد عبدو فقد ظهر بنكت بايخة كبقة المشاركين و اصبح اضحوكة لهم وسقط رداء الاخلاق عنه و تبهدل
-سوريا
مغترب2010-05-11 12:11:53
حاجتك تبييض طناجر
مشان الله يا كاتب المقال اذا مو عاجبك جهاد عبدو و البرنامج احذف المحطة من عندك ولا قللك كسر التلفزيون و رميه من الشباك أحسنلك مشان الله كفانا رجعية و تخلف و كفانا لف و دوران حول سفاسف الامور .. يعني من كلشي غلط عم يصير عالتلفزيون ما حليلك غير تنكش هالبرنامج .. فعلا شكلك فاضي و ما عندك شي تحكي فيه . بعدين اذا أغلبية الشعب عم تحضرو و تتابعو معناها انت من الاقلية .. و يلي عندو ولاد و ما بيعرف كيف يربيهون فمشكلتو مو برنامج معين لانو هيفا و نانسي بيضرو أكتر من هيك برنامج ..*
سوريا
فادي2010-05-11 11:59:22
مابدا هالقد
أنا برأيي الموضوع مو مستاهل, وإذا بدنا نفتح سيرة فساد الإعلام العربي بيكفي نعمل إحصائية عأنأنواع القنوات على النايل سات يا جماعة خدو الموضوع بروح رياضية مابدا هالقد, في كتير شغلات بتستحق التعليق أكتر
-سوريا
LOOOL2010-05-11 10:23:13
حاجو عم تبيض شرفيات عل عالم
الظاهر انو الكاتب مفكرنا اغبياء ورح نصدق انو هوي عم يحارب الرذيلة اخي مابدك هل برنامج لاتحضرو مع انو انا متأكد انو انت اكبر متابع الو بشان تحفظلك كم نكتةحتى تبين مهضوم قدام البنات بشرفك لول مو احسن من الافلام الاباحية يلي الكل عم يتابعهاوتاني يوم يقولولك ياخي عيب والله الخلاعة انتشرت والفلت كتر والحق عل ديشات ياخي لاتحضرووووووا صرعتونا
-سوريا
fatemam2010-05-11 10:13:59
أظن في الناس كما أظن في نفسي
للكاتب المح ترم لو أنك لم تتعلم الكتابةلكان أهون على البشر من تعلم جاهل الكتابة, ياسيدالعالم المتحضروصل إلى المريخ والفضاء وأنت مازلت تنتقد الفضائيات, ثم ماالداعي أن تكتب مقال سابقا للOTV لو أنك لا تنتظر سهرة يوم الأحد لتشاهد البرنامج, كن صادقا مع ذاتك ياسيد ثم فكر بأن تمسك القلم وتكتب وانت من اختار أصعب فنون الكتابة وهو النقد تحرر من ظلماتك ورجعيتك ثم ابحث عن ذاتك وابدأ بالكتابة , **
زمبابوي
باسل2010-05-11 10:01:15
ما أدهشني...!!!!
أما أنا فما أدهشني هو الحبكة العجيبة تبع "وأنا اقلب في بعض المحطات". بأكدلك يا سيدي الكريم انو ولا واحد من "الأطفال" يلي خايف عليهون يحضرو هالبرنامج اقتنع بهالحبكة الضعيفة. يمكن كان أقوى لو قلت أنو صديقك خبرك أنو كذا... أما بخصوص البرنامج فبتوقع في شي اسمو قفل للمحطة مشان الأطفال أو اذا لهالدرجة مزعوج احذفها بالمرة. الرجاء ثم الرجاء حاج تنظير
-سوريا
نور2010-05-11 09:51:47
طق عرق الحيا
انامع كاتب المقال بيلي قالو أما لـ هدى بقلك انو البرنامج ناجح برايك بس، والضجة الي عملها البرنامج مو دليل نجاحو، وانما لانو طق عرق الحيا عند بعض العالم الي بيشاركو فيه والي بدافعو عنو، وهاد البرنامج شكل جديد من اشكال نشر الفساد ولحتى يعبو دماغ العالم بالفساد، بالاضافة للمواقع الاباحية والقنوات والكليبات الفاسدة المنتشرة، ومافي داعي حدا يقول للتاني شفر القناة الي مو عاجبتك لانو هالفكرة قديمة وكل مين بيعمل بحسب ادبو واخلاقو شوفو العالم كل يوم شو عميخترعو ولوين وصلو
-سوريا
دانا2010-05-11 09:49:43
معك حق بكل كلمة قلتها
الله يعطيك العافيه بحب وضح فكره الحريه ما بتكون بأنه نطلع عالتلفزيون لنحكي نكت (وسخة)هي اسمها إباحية مو حرية أكيدحتى الأغاني الخلاعية مرفوضه بس بتبقى غنيه وبتنعرض عقنوات أغاني بس أنه نعمل برنامج بس لنحكي عن هيك مواضيع والناس تتاثر فيها و توافق عليها معناتا غاية البرنامج وصلت تبدلت مفاهيم الشعب وصار تفكيره منحصر بهالمواضيع ونسي المواضيع المهمة في حياته للأسف الغرب وصل للقمر و نحنا صرنا نحكي بمواضيع هابطه علنا ولسا الخير لقدام
-سوريا
ابو داحس2010-05-11 09:33:38
الى هدى
تسلملي همومك قديش مهمومة ياحرام..ماعاد في شي بيسلي الهموم غير برامج البذائة..لمعلوماتك البذائة اللفظية أخطر بكثير من الرؤية البصرية اللي بتحكي سيادتك عنها..بعدين يا هدى اذا كل واحد مهموم كتير وبده ينسى همومة شو رأيك يشربلوا شوية حشيش بلكي بينسى او شوية كوكائين..أصلا الطرفة اللي حكاها جهاد عبدو هي تويج حقيقي للجنس المثلي خاصة لما بتصدر عن فنان يعتبر قدوة بالدراما السوريه..اما لما بشوف هيفا وروربي بعرف أن هدا شي غلط حتى ولو استمتعت بمشاهدته
سوريا
لول2010-05-11 08:41:15
شو هالحكي
مابعرف شو بدي قللك يا كاتب المقال مع اني ما شفت الفنان جهاد ولا الحلقة تبع لول اذا هو البرنامج المقصود بس مابريد من اي فنان بنحبو يشارك بهيك تفاهات مؤذية للمجتمع وللحياء هو البرنامج لول لا يخلو من بعض الضحك لكن في حلقاته الاخيرة صار يختص شوي شوي بنكات الجنس فقط والألفاظ البذيئة وبكرا بيطلع كم برنامج بيقلدوه كمان **
-الإمارات
SAM2010-05-11 02:34:51
متى سوف نتعلم معنى الحرية
أخي المشاهد اذا كنت من معارضين otv على برنامج LOL بامكانك حذف القناة من جهازك و انتهى الأمر ولا داعي لتوجيه الانتقادات بحجة الأطفال لأنك تستطيع وضع قفل برقم سري على هذه القناة تحديدا كما يفعل الجميع مع القنوات الاباحية ......
-سوريا
هدى2010-05-11 02:29:06
برنامج لول كتير برئ بالنسبة لأشيا تانية
بعدين شو هادا برنامج لول بالنسبة لقنوات الأغاني الفظيعة اللي بتعرض جسم هيفا وحركات مريام فارس ودلع نانسي وإيحاءات دانا وخلاعة روبي عداك عن السينما المصرية اللي بتعرض أفلام إباحية جنسية وبشكل كامل ومنتشرة بكل التيفي ومن قرون طويلة أكيد برنامج لول بالنسبة لللشي اللي متواجد صار عبارة عن هضامة وبراءة وشي بيضحك مو أكتر ومرة تانية بقول اللي مو عاجبو يروح يشفر القناة ولا يردد كلام القنوات التانية الغيرانة والحاسدة لنجاح هلبرنامج
-سوريا
هدى2010-05-11 02:20:53
كليبات هيفا مالي الدنيا والنت واللل.........
اول شي حبيبي كان واضح تماما انك ما كنت عم تقلب القنوات فقط اللي كان واضح إنك من أشد متابعي برنامج لول وبتحبو بجنون كمان لأنك بتعرف وقتو وبتعرف شو بيعرض ,ثانيا الأطفال بهلزمن المنفتح كلهم صار معم بلوتوث وبيتناقلو عليها مقاطع فيديو إباحية للاسف وعندهم نت وبيقدرو يدخلو أي موقع أفظع بكتير من برنامج لول , ثالثا برنامج لول أكثر نكتو بتنصاغ بطريقة مهضومة وممتعة وفريق عمل عم يضحكنا وينسينا همومنا ,رابعاإذا القناة كتير مأثرة على أطفالك فيك تشفرها إلا إذا مو حاسن تستغني عنها
-سوريا