عباس النوري من سيريانيوز : غالبية النساء و لو كن مثقفات كن يتمنين ان يكن مكان "سعاد"
اذا كان البعض يقصد انه"لا تجوز الصلاة الا على قبلة
مصرية" فسأكون "اول الكافرين"
كيف استقبلناه بالعراضة الشامية .. اقرأ تفاصيل الاسرار التي كشفها لنا
كان اللقاء جريئا وصريحا ، ولم يكن لقاء عباس النوري بعد النجاح الكاسح الذي حققه باب الحارة هو مجرد لقاء مع نجم حقق انتشار واسع ، بل كان فرصة للنقاش حول الكثير من القضايا العامة التي جعلت اللقاء يتجاوز اطاره " الفني".
ورد النوري بشكل صريح على منتقدي المسلسل ، وقال " كل ما قرأته ورأيته هو نظرات "حولاء" كل من يرى يرى بشكل أحول" ، ومن وجهة نظره بان النقد الذي وجه للمسلسل من ناحية المرأة بالتحديد هو التفاف على الواقع وافتقاد المقدرة للاعتراف فيه ، مؤكدا على ان المسلسل يمثل شريحة من المجتمع السوري وهناك شرائح اخرى مختلفة ولكن هذا لا يلغي بان " وضع المرأة في ذلك الزمان كان هكذا ".. مع الاخذ بعين الاعتبار بان العمل لم يكن توثيقيا عل حد تعبيره.
واشار نجم مسلسل "باب الحارة " الى ان زمن المسلسل هو ذات الزمن الذي كتبت فيه "الفت الادلبي" رواية دمشق يا بسمة الحزن وكانت بطلته امرأة في غاية الجمال وتعرضت لكافة اشكال الاضطهاد والمضايقات والاستبداد الذكوري والقيم المتخلفة لسحق حرية المرأة ..
ومن جهة ثانية قال النوري " غالبية النساء و لو كن مثقفات كن يتمنين ان يكن مكان سعاد على الاقل على الصعيد الانساني" ويتسائل .. اين ظلمت المرآة في المسلسل.. عند الطلاق ؟ ، يجيب " لقد احترمت اكبر احترام ..فابو عصام هو من خرج من البيت وليست هي "..
اخبرنا عباس النوري بان والده ينادي والدته الى تاريخ اليوم بـ "يا بنت" حتى لا يسمع الجيران اسمها ، وبرأيه هذه "عادات وتقاليد كان يعيشها في ذاك الزمان " وهي شريحة موجودة.
وطرح النوري ما سماه المفهوم "المدني للرواية " ، فهو يرى بان هناك "تهميش" في اظهار الحالة المدنية في الدراما السورية ، حيث اعتمدت على كتّاب يجسدون الواقع "القروي" ، وبرأيه بان مثل مسلسل باب الحارة ضروريا لكي يعرض واقع "الحارات" الموجود في كل المدن السورية.
وكشف الفنان النجم النقاب عن مجموعة من الاسرار ، اولها ان كاتب مسلسل ايام شامية الذي هاجم باب الحارة في صحيفة الثورة الاسبوع الماضي اقتبس المسلسل عن كتابات المؤرخ "منير كيال" دون الاشارة الى ذلك.
اخبرنا عن حقيقة تصريحاته الشهيرة التي انتقد فيها "عملية الاخراج" في مصر ، مؤكدا انه كان يقصد مسلسلا بعينه ، مؤكدا في الوقت نفسه بانه اذا كان القصد من الضجة الصحفية التي اثيرت حول الدراما السورية والمصرية بانه "لا تجوز الصلاة الا على قبلة مصرية" فأنه سيكون "اول الكافرين".
وتوصلت عملية كشف الاسرار وصولا الى حقيقة "الصلعة" التي تميز بها بالمسلسل وكشفه بانه "حلق" شعره لمدة ثمانية اشهر ليسهل عمليات التصوير وليقلل من التكاليف.
وما كان مفاجئاً بالنسبة لنا هو التفاصيل التي كشفها عن مرضه الأخير ، حيث اخبرنا بانه تعرض لجلطة في الدماغ أدت لاصابته بشلل نصفي لحوالي الشهرين ..
قسم المنوعات - سيريانيوز
يمنكم متابعة تفاصيل اللقاء في صفحة المنوعات .. اضغط هنا
كما يمكنكم مشاهدة صور خاصة للفنان عباس النوري اثناء زيارته لسيريانيوز
شاهد تقرير مصور حول زيارة عباس النوري الى سيريانيوز
جمعه 2009-04-24 21:15:06
عباس اند جمعه .. الله محي في اصلي واصلك
عباس انتا اجمل ممثل في الدنيه .......................... i-love aps
لولو 2008-02-19 17:15:13
شكر وسؤال
هاي شباب بدي قول انو المسلسل كتير حلو والحمد لله انو نجاحو دليل على انو الشعب العربي لسا بخير والقيم الاخلاقية لسا ما انمحت عندي سؤال مين بيعرف تاريخ ميلاد الفنان عباس النوري او حتى برجو سهير سليمان 2007-11-16 15:59:16
معقول ما عنا هم وغم الا باب الحارة وبلوعتها؟؟
الحمدلله كلو تمام.. محروقات رخيصة.. مواصلات سلسة..اكل ببلاش..رواتب عالية..بطالة زيرو..تعليم مشرف..رشوة معدومة..مسؤولين مسؤولين عن المواطن مو عن حالهون..مشافي نظيفة..شوارع منظمة..قانون محترم وفوق الكل..قضاة شرفاء..تكافؤ بالفرص.. مساواة بين اولاد المسؤولين وبقية الشعب..مناقصات ومسابقات (بالظرف المختوم!!!) اعلام مدروس..وشو بدكون كمان ضيفوا انا وجعني قلبيpsycho 2007-11-16 12:30:13
Defese Mechanism
يتعامل الجاهل مع الشََدة حسب القانون الآتي:
واقع مريرزائدمستقبل غامض يؤدي لمقولة " رزق الله أيام زمان" و "اجترار التاريخ"،وعندئذ يتبدد القلق مؤقتا. -سورية
وائل 2007-11-12 03:06:55
بكفي مجاملات
عن جد بكفي مجاملات عطالعه والنازله و ياريت الواحد فينا بيتابع مشاكل الحياه اكتر من المسلسلات الحياه ما هي تلفزيون وبس او شي انتاج ونجح شي بيشكر الفنان وشي ما بيعرف ينام لانو خلص فيكن واحد بيعرف شي عن الوضع بالشرق الاوسط الحياه فيها الشي الاغلى خلينا ننتبه للمعركه القادمه مع اعداء البلد والعرب سلامات-
حضاري 2007-11-11 16:14:00
يا متحضرين
هلق الحضارة صارت انو الوحدة تصيع على كيفها؟واللي عمينادوا بمحاكاة الغرب بحرية المرأة بيقبلوا على اعراضهم و امهاتهم يساووا متل الغربيات يللي مو مخفي ابدا نمط عيشتهم؟تحيا الحضارة الغربية و التفسخ الاخلاقي.و لا للحشمة و الاخلاق اللواتي يكبحن حرية المرأة-سوريا الاصل
فلسطين 2007-11-11 16:10:06
نابلس
اول شي فعلا كان مسسلسل بجسد ادوار البطولة التلحمية والترابط الاجتماعي العربي الاصيل وخوف الناس عبعضهاوماينامالجار قبل مايفقدجاروويعرف شو لازمو وياريت يبقىهالشي موجودوالناس تقدر تقدرهالنفسياتالحلوةحتى بفلسطين الناس نسيت الاحتلالوحاولت ترجع للماضي يلي في الفه وخوف عبعضهامش متل هالايام هاي ماحد بيقدر ولو بسبب اختلاف الجنسيه او العرق بكل اسفاميره الورد.. 2007-11-09 15:35:46
باب الحاره 2
والله المسلسل باب الحاره كان وااايد حلو ودو ر عباس النوري الراائع....ودور ابو العزز وشخصيته القوويه....انا براي لحياه كانت حلوه القديمه بخصووص انهم محافظين ...باللبس والحشمه عند البنات..تحياتي للشعب السوري -الامارات
رنوش 2007-11-09 01:53:00
رنوش
كان مسلسل كتير حلو وعنجد شدنا و لدرجة وقت حلص جسينا اول يوم أنو في شي ناقصناو بعدين كانوا الممثلين ناجحين بتمثيلهم لأدوارهم و أنت أستاذ عباس النوري كنت بتجنن و سلامات انشاء الله و ما تشوف شر-
سوريا بس 2007-11-05 04:47:24
شويه انصاف بس
انابجد ما تابعت كل المسلسل بس مو هون المهم المهم بيكفي يا سوريين نقلل من قيمهاي شي نعمله ..خلص نجح شي فني نصفق اله لشونبدي نحكي وندور على مفردات للذم والنقد ..كومبارس سوري بشارع احسن من اكبر ممثل مصري يع وشكر للاخ السوري الي حكي متل هيك كمان ..شويه وطنيه ولا شو صارت الوطنيه شي بيخجل -سوريا
علاء الدين 2007-11-02 10:18:12
رد على سؤال الأخ علاء
ياسيدي أنا رح أجاوبك عن الرسالة التي يحملها المسلسل في جزئيه كونك تنتقد المسلسل. في الجزء الأول كان الموضوع الأساسي عن عظمة حلفان اليمين الكاذب في قصة الإدعشري بالإضافة إلى قضية ثوار الغوطة وكيف تعامل معها أهل الشام. في الجزء الثاني كان الموضوع الأساسي حلفان اليمين بالطلاق وما لها من آثار سلبية على الأسرة وكتمان السر وحب الوطن الذي يجمع حتى المتخاصمين.-حتى تكسب احترام القارئ
kh0002 2007-10-31 00:40:37
ابو العز
والله المسلسل ناجح ماعليه حكي
بس يا اخي المسلسل كلو كوم وابو العز كوم
يعني بذمتي انا اذا اجاني ولد رح اسميه ابو العز
ولا شووووو يااابــــــيمجتبى 2007-10-28 20:09:44
شو سيد عباس ؟
شو سيد عباس هالقد معقدينك أهل القرى على القليلي مسلسلاتون كانت تدعو للقضاء على التخلف وليس للإنخراط بالتخلف والتهليل والتبريك له !-صافيتا طرطوس
كاسرة القيود 2007-10-28 03:40:45
ضربت جوزي
يا حيف على مثقفينا وفنانينا يحيا التخلف استاذ عباس !!!-حتى ما ينعدي منك
sally 2007-10-25 21:21:17
>
مسلسل بيرفع الضغط عندالناس الطبيعية(يلي ما بيتلذذو بالضرب)لانوكل الهدف منو تحقيرالمراة وكان المخرج مليان قلبومن النساء الواعيات وحابب يطلع عقدو بالمسلسل!اي شو هاد يا؟شفنا ليالي الصالحية وكان عم يحكي عالحقبة المتخلفة بس ماحقر المراة متل باب الحارة شوية موضوعية ياعالم!!الاطفال بيتأثروا والرجال عقلهم صغير والنسوان بلاكرامة-قمعستان
سورية 2007-10-25 08:20:22
لو كنا شعب يكرم مبدعيه
أضم صوتي لصوت السيد علاء, كنت أتمنى أنا أيضالو كناشعب نكرم ونقدر العلماء والمبدعين بهذاالوطن ,أو حتى على الأقل أن نكرم شخصية ابو عصام الحقيقية إذا كانت موجودة بالوقع أصلا , مع كل احترامي للممثل عباس النوري الذي ادى دوره بشكل رائع ,إن هذا العمل قد لامس الوجدان العربي والأهم أنه قد قدم أمثلة لجيل الشباب عن معاني الرجولةالحقيقية-الامارات
agnostic 2007-10-24 21:31:36
freedom
رح يضل الشعب متخلف اذا ماطلع من الحارة مع احترامي لبعض العادات الجميله,-saudi arabia
علاء 2007-10-24 21:10:45
باختصار دعايات العلكة والمسلسلات الهابطة في الفضائ
الناس والدول والشعوب بتفتخر بمعاملها ومصانعها وعلمها بس للاسف لحنا في الدول العربية بنفتخر بس بالمطريبن والمطربات الممثلين والممثلات وبانجاز المسلسلات والافلام ، للاسف لما بفتح التلفزيون السوري ما بشاهد غير دعايات العلكة والبسكويت والمسلاسلات الهابطة والتافهة بتمنى شي نهار اشوف او اسمع شي لقاء مع عالم او مبدع وهادا الشي ملاحظ لكل المجطات العربية احمد حماة 2007-10-24 20:23:01
نشكركم والشكر الخاص للمبدع عباس النوري
نشكر دورك واتقانك له كممحترف للدور بكل معانيه وكل ماأتمناه من جميع الشركات السورية العمل بروح واحد مبتعده عن صناعة المال بل تكون قريبه من صناعة السينما الاحترافية كوننا نملك طاقات جيدة جدا , ويكفي أبطال المسلسل أنهم وحدوا اكثر من بلد عربي من خلال رسائل المعايدة بعيد الفطر هذا فخرا لنا ونعتز بكم . Quasar 2007-10-24 19:56:28
بكل امانة
المسلسل ناجح وفي الجزء الثاني يتميز بقصص اجتماعية صغيرة معبرة عن واقع ماض وحاضر. وهذا النوع من الاعمال ينجح لأن الناس عطشى للقيم التي دفنتها قاذورات العصر. لكن لااحد ينكر ان المخرج لجأ للمطمطة لزيادة الوقت وكان هذا ظاهرا جدا احيانا. سلامات يانوري--
ابو جعفر 2007-10-24 19:32:01
شكر
اشكر فريق سيريانيوزمن صمصم القلب واشكر الفنان الكبير عباس النوري على دوره القوي في باب الحارة وليوفقك الله ويكون معكmimo 2007-10-24 17:54:12
ربي يوم بكيت منه ولما صرت في غيره بكيت عليه
بالنسبة لرأي الشخصي المسلسل نجح نجاح ساحق وانا عن نفسي افتخر جدا انني بنت الشام ومن احياء الشام القديمة والله مبارك بالشام واهلها لدرجة انه لي اصدقاء في بيروت يفتخرون بان لهم صديقة شامية وتقطن بمنزل شبيه بمنزل ابو عصام وصدقوني الذي يحز في نفسي عندمشاهدة حلقات المسلسل افتقادي للرجل بكل ماتحمله هذه الكلمة من معنى لانه الان لايوجد الا ذكور حتى هالكلمة كتيردبور 2007-10-24 17:47:42
وهاي ما رح تنشورها كمان
أولا أحي أسرة باب الخارة و باب الريح رح نسدو ونستريح..الى باب الفرج..الى باب قسم المنوعات.. وباب الدعومين المعلقيين.. لباب أبو عصام..حتى البوابة الثامنة.. بشو عاد بدكن تتحفونا ..؟؟الألياذا وشفنها..وغيرووووو..وأرجو من فناننا المحبوب أن لا يعمم وان لا يفرض رأيه بما يخص مفاهيمه التي تخصه وحده ..وأرحو من هذا الباب النشر-
الزكرت 2007-10-24 17:52:21
تبا للحاقدين
يلي مفكر حالو عم ينقد كلياتنا منعرف شو بدو ومن شو غيران واذا بيتطلع على اهتماماتو بيلاقيها اتفه منو فلا حدا يزايد على المسلسل لأنو ناجح غصب عن انوف الجميع محمد 2007-10-24 16:45:43
يعني القرية صارت مي خرج يا عباس
من فترة وانا أقرأ على السيريا نيوز مقالات تلمز بأهل الريف وكأنهم ليسوا مؤهلين او غير قادرين على تحقيق ذاتهم أو انهم اقل درجة من اهل المدن والغريب ان أكثر اهل الادب والعلم منذ القديم ما هم إلا من الأرياف، لم يا عباس تلمز القرية وترى أنها كانت مسيطرة على الوجود الفني ألا يكفي أهل القرى سخرية ياسرالعظمة منهم وجعلهه جاهلين بسطاء انظر بعينين لا بعين واحدة-مع هالناس
محمود السعيد 2007-10-24 16:25:28
مسلسل يضحك على البسطاء
مسلسل يشوه التاريخ ..
.. وين المدارس . مافي طلاب
مافي هاتف ..مافي جريدة .. ووين الثورة بالغوطة بالثلاثينات ..
زعيم حارة سوبرمان متل ابو شهاب بيروح عطبرية منشان يوصل سبع بواريد !!!
السلاح بيجي من حلب للحارة -بدل الغوطة وهو اسهل -ثم من الحارة لعند ابو حسن بالغوطة ثم يأخذه من الغوطة ابو شهاب -مو ابوحسن - لطبرية
تخبيص بتخبيص . متل الف ليلة وليلةنقدجي 2007-10-24 15:47:54
تابع باب الملل
يعني حاجتنا تغني بفصول فريال وبياخة عصام و**** معتز...
هناك مسلسلات داعبت مشاكلنا الحالية مثل على حافة الهاوية الذي أنصح بتوزيعه على المساجد والمنابر ليعتبر منهاوالأبناء. ومسلسل رسائل الحب والحرب عمل تكاد تشربه وتسكنه ويسكنه، --
نقدجي 2007-10-24 15:38:27
يتبع باب الملل
وإذا قارناه بمسلسل أيام شامية، بيطلع مسلسل باب الحارة مشهد ومن مشاهد ايام شامية المتناسقة والغنية بالأحداث.
بالله لو أبو عصام وأبو شهاب وجماعة الجهاد وحب الوطن عرفوا شو رح يصير بالوطن كانوا طلعو أولبكو حالون بشي، قطعا لا، وكان أبو شهاب وفر فلوسو اشتر الحارات المجاورة كلها مشان يجاري حرامية الوطن الذين ظهروا بعد نضاله وتفانيه (يتبع)--
هاني الدهبي 2007-10-24 15:33:53
لحظة بس
أتمنى ان نرى بأن السبب اللذي أوصلنا الى هذا العصر الذهبي هو أفكار من سلف ، أستغرب الحديث أن ذلك العصر هو عصر الأخلاق وكأن هذا المجتمع قد جاء من المريخ ،يجب ان نربط ما سلف بما يحدث الآن ، اننا لسنا الا نتائج لمن سبقنا، ونتائج لطريقة تفكير الكثير منهم ، صور المجتمع على انه مجتمع أخلاق بغالبيته والمجتمع الآن مجتمع متخلف بغالبيته! ...... تحية لاسرة المسلسل-دولة متمدنة
شب 2007-10-24 15:35:11
يا بنت؟؟
يا جماعة بالإسلام مكروه الواحد ينادي لزوجته (يا بنت) أو (يا مرة) وهاد من الأخطاء يلي كان شائعة في ذلك الزمن المليء بالأشياء الإيجابية والسلبية أيضاً، ولكن يجب أن ينادي الواحد زوجته بأحب الأسماء إليها وأن (يدلعها) إن صح التعبير، ورسول الله صلى الله عليه وسلم كان ينادي زوجته السيدة عائشة (يا عائش) أو (يا عويش)-الكويت
نقدجي 2007-10-24 15:29:30
باب الملل
يا سيدي مسلسل باب الحارة كان ممل وخالي من الأحداث وكان يكفي حلقة واحدة ليتنهي بها، وهذا كان جليا في الحلقة 28، نطف قلبي حتى صارت بعض الأحداث الجوهرية، وبعدين مرت حلقات المسلسل على طلاق ام عصام، وما كانت ترجع عبيتهابسب التخلف وتسلط الذكر، هل كان يحثنا المخرج على العودة إلى هذا التخلف؟ رغم غنى تاريخ الحارة الدمشقية بالمثل والأخلاق. (يتبع)--
حاجة 2007-10-24 15:33:23
حاجة
والله يا جماعة لعيتولنا قلبنا بهالإنجاز التاريخي والنصر المؤزر والفتح المظفر، إي شو فتحنا موسكو ولا أسقطنا واشنطن؟؟؟ المسلسل كله افتراضات وتخيلات والواقع كان أحسن مما صوروه بنواحي وأسوأ بنواحي تانية يعني القصة كلها خيال بخيال والناس بتحب نسج الخيال خصوصاً إذا كان عن الماضي والتراث وهاد سبب انتشار العمل-الكويت
سوري للدم 2007-10-24 15:28:10
فيا العفيه
انا بدي اقو انو مخرج دبكات سوري احسن من اكبر مخرج مصري ونشالله معافا استاذ عباس ولله يطول عمرك-سوري
معجبة 2007-10-24 16:00:48
رافعين اسم سورية عاليا
يعني فنان كبير مثل عباس النوري بيلبقلوا هالاستقبال الحلو والمشرف من سيريانيوز .. شكرا عباس على كل ادوارك .. وشكرا لسيريانيوز على حسن استضافة الفنانين السوريين واعلاء رايتهم في العالم فوق مو مرفوعة .. شكرا لكادر سيريانيوز .. هناء ..عفراء.. رانيا ولكل الصحفيين والقيمين على هذا اللقاء -دبي
زياد 2007-10-24 14:44:00
باب طول العمر
اصلا متل هيك اعمال سورية عالمية بتخلي المصري وغيرو يصفو على جنب ويقعدوا يتعلمو التمثيل-سوريا
للأسف سوري 2007-10-24 14:15:18
للأسف سوري مليون أسف
عيشوا ياسوريين واهتموا بالمسلسلات وكرة القدم والغناء والفانتازيا فلعمري بهذا تتقدم الأمم وتتحقق السعادة والرخاء !!! عاش باب الحارة عاش عاش عاش ! أنا أنتظر شباك الحارة، ثم درج الباب ثم باب القلعة ثم مزراب السقف! آخ ياحيف على شباب البلد ومثقفي البلد !!!! بهكذا مسلسلات سنتخلص من الفساد وسنقضي على الظلم والفوضى !! مبروك عليكم هكذا مورفين !
-فرنسا
رافد سطلي 2007-10-24 14:05:21
ليش ايجيت لوحدك
يعني والله نشفتلي دمي وانت تارك العيلة زعلانة ..يعني بنتك حرقتلي قلبي هذه اللي تطلقت بسبب طلاقك..انا معك انك تربيها لسعاد لأنها فعلا كان عندها لهجة غلط لكن للانصاف هي كان معها حق بآرائها يعني كانت آراؤها حكيمة بس مشكلتها بأسلوبها بالتعبير عن آرائها بس ما تطلقها ياعمي كنت نام بالدكان بدون طلاق المرة الجاية بتجي انت والعيلة..حبيتكم كلياتكمtraveler 2007-10-24 13:59:12
great work
well I think even we agreed or not on what happned in the show,we have to say it was a fun to view,
I have friends in the US where watshing and a lot of the where calling to asked what FASHERIT ment
haha
well kep up the good wark mr NOURiIssam 2007-10-24 13:47:24
لــ علاك أفندي عفوا علاء أفندي
المسلسل وبغض النظر عن محتواه الأدبي بيعرض لنا فترة من حياة الشام
وردا ع استفسارك عن أهمية المسلسل... قلي لشوف شو أهمية المساسلات التانية من جنسيات مختلفة لك حتى افلام هوليود شو فيها غير قلت الحيا...
فاسكوت اذا ما بيطلع بإيدك احسن من هيك...
و عراسي أحلى عباس النوري...-ألمانيا
مغترب 2007-10-24 13:46:54
الصبر
كل من شاهد المسلسل بشكل موضوعي لاحظ أن المسلسل بأحداثه يحتوي على كثير من الحكم ولعل من أهمهما الصبر وأنه كل شئ بوقتو حلو هذا بالإضافة إلى قيم النخوة والغيرة الوطنية وكثير من الحكموعليه أقول الله يعطيهم العافية لكل طاقم المسلسل وبالأخص فنانا الكبير عباس النوري له التحية-الإمارات - دبي
غيم 2007-10-24 13:31:58
و آخرتا مع هالباب اللي ما عاد يتسكر
مع إحترامي للنجم عباس النوري ليست كل النساء حتى لو كن مثقفات تتمنين أن يكن مكان سعاد البكاية الشكاية ,و المسلسل أعطى فكرة سيئةو مشوهة عن المرأة في واقعنا إضافة إلى رسمه واقع إجتماعي وهمي في غالبية تفاصيله.-سورية المريضة
أحمد الببيلي 2007-10-24 13:26:33
ألف تحية لأبو عصام ورفاقه
لقد رفعتم رأس السوريين ورأس الدراما السورية عاليا واكتسحتم الفضائيات وصار مسلسل باب الحارة مالئ الدنيا وشاغل الناس .. ألف مبروك والمهم أن يكون الجزء الثالث من المسلسل بمستوى الحدث-دمشق الشام
مغترب أصيل 2007-10-24 12:59:04
أسعدتم قلبنا
والله لو تعرفوا كم صار له ضجة عندنا في السعودية جميع الناس كانت تنتظر الساعة التي يبث فيها والله رفعتوا راسنا أيها الممثلين السوريين وتعلمت الناس منكم معنى الرجولة والنخوة والشهامة
وخاصة في آخر حلقة عندما اتحدوا ضد أعدائهم فكم نحن متعطشين لنصر قريب بإذن الله على اليهودمغترب سوري 2007-10-24 12:48:47
رائع
بوجه تحية كبيرة للفنان عباس النوري
يللي جسد الدور بشكل رائع جدا والمسلسل كان رائع بغض النظر عن الافكار يللي بيحملها.
بحب قول للناس يللي عم تقول المسلسل فارغ بمحتواه...انو بس يطلعوا على حياتهم هنن حيلاقوها فارغة وهي العلاك..والحكي الفاضي تبع المسلسلات الامركية وابورا ودكتور فيل يللي بجسدو مجتمع منهار وفاسد
شكرا لسيريا نيوز..-سوريا - دبي
imad 2007-10-24 12:44:25
جواب لعلاء باختصار
أظن أن من أهم النقاط الذي خرجنا منها بعد عرض المسلسل أنه كل شي بوقتو حلو ,ان الصبر مفتاح الفرج ولا شو رأيك-الامارات العربية
محمد 2007-10-24 12:16:09
شكر صريح
شكرا جزيلا على هذا المسلسل اللي كللو علاك فاضي بلا طعمة شكرا جزيلا على هذا المسلسل اللي نال إعجاب الكل لدرجة انو الناس تركو واجباتهم وتفرجوا على هذا السلسل البايخ -سورية
سوري اصيل 2007-10-24 12:20:33
الله يعطيكم الف عافية
شكرا لمثل هذه الاعمال00وللحاقدين على هذه الاعمال نقول الكل يعرف لماذا تكرهونها00ولاداعي لذكر السبب 0ونقول ان هذه العادات هي التي ستسود المجتمع السوري
النخوة والشرف والرجولة والامانة وليس الخيانة والخنزرةوالخنوثة والعري والسرقة000رغم انف الحاقدين-امريكا
hasan 2007-10-24 12:11:51
النظرة من جوى
الحقيقة انو سيريانيوز حلوة بس تارى من جوى أحلى بالصبايااللي بيشتغلوا فيها ( بتشغلوني معكم) -قطر
علاء 2007-10-24 11:33:13
باختصار
بصراحة كله علاك بعلاك وما بيعلم الناس إلا الكلام الفاضي ، بتمنى اسأل كل واحد شاهد المسلسل ما هي الفائدة الادبية او العلمية التي تكونت لديه بعد مشاهدة المسلسل يعني بالعامية قبل المشاهدة وبعدها شو يلي تغير بتفكيره وادراكه ورة جورية 2007-10-24 10:48:18
نجمة النجوم سيريا نيوز
لا شك أن عباس النوري نجم النجوم، ولكن سيريا نيوز تبقى النجم الأكبر الذي يحتوي كل هذه النجوم... ولكن لم نر نضال معلوف بالصور لماذا؟ عفراء صورتك رائعة وهناء أروع.... -sy
نجم 2007-10-24 10:33:48
شكر
الحقيقة مسلسل كان قوي جدا جسد الواقع السوري في الايام الماضي وللحين في عائلات سورية تعيش نفس الشئ تحية كبيرة للفنان عباس النوري ولدوره القوي في المسلس ميشيل 2007-10-24 09:41:22
باب الحارة لم يغلق بعد
الله يعطيك العافية يا كبير الحارة وتاج راسها انا بحبك كتير يا استاذ عباس وكنت طول عمري اتمنى شوفك او أحكي معك وبتمنى لو تجي لعنا عأبوظبي وتعمل ندوات حوارية حول المسلسل وبتمنى من القيمين عالموقع يبعتولي رقم عباس النوري عأيميلي لحتى احكي معو وحقق حلمي لانو بالفعل ممثل ترفع له القبعة فنيا وحواريا مبدع في كلشيسوسو المتوحشة 2007-10-24 09:25:33
مو أول دخلة تاني دخلة ع اليمن باب الحارة
شلون يعني بدنا نقضينا باب الحارة وباب الزقاق ؟؟؟ شو القصة ماعاد فيه مواضيع غير هللموضوع اللي صار على الصعيد الدولي ؟؟؟؟فاروق المحمد 2007-10-24 09:04:26
مرض الهبل السوري
أسفي على هذا الشعب المتخلف الذي لا يعرف حتى تاريخه و أن هذه الفترة من تاريخ سورية كانت الأكثر تحرراً و رقياً ، و أرجو من السيد عباس و المعلقين أن لا يفسروا تخلف المسلسل على أنه حشمة و نخوة فهذا مجرد تخلف كبير شوه فترة مهمة من تاريخنا كانت تذخر بالمثقفين و المفكرين و لم تكن عبارة عن بقال و حلاق و شيخ من العصر الظلامي-SYRIA
زينة 2007-10-24 08:57:18
دبي
بالصدق انو عن جد كل الصبايا اللي حولينا كانو بيتمنو يكونو سعاد خانم @ المرأة بهديك الايام ما كانت مقهورة بالعكس كانت سيدة حرة الها كلمة في بيتها خاصة على اولادها& هي الام بالمعنى الحرفي للكلمة @ وصدقو اذا ما بتتمنى الصبايا يكونو سعاد خانم بيتمنو يكونو ام شهاب خاصة بعد ما سمعو انو ابو شهاب راح يتجوز بالجزء الثالث -دبي
إحسان 2007-10-24 08:43:51
من غير شر على قلبك
سلامتك سلامتك أيها العزيز والغالي عباس والله أني زعلت كتير عندما قرأت خبر مرضك لأنك مابتستاهل إلا الخير أدعو الله لك بالصحة والعافية والعمر المديد والنجاح الدائم إنشاء الله وشكرا لك على إمتاعنا بمسلسل باب الحارة فقد كان يضفي علينا البهجةوإلى المزيد من الأعمال الناجحة إنشاء اللهالمخرز 2007-10-24 08:41:57
فنان موهوب محترق
طبعا السيد عباس هو ابت عائلة شامية عريقة . و نعترف باحترافه للفن الأصيل حماك الله و نترقب أن يؤدي أدوار ممائلة و أفضل منها. تحياتي الحارة لك -سوريا
samer alhalbi 2007-10-24 08:17:08
مكان سعاد
والله شايفك انو انت بتمنى تكون مكان سعاد يا عباس .
لاء مو كل النسوان بيتمنو يكونو محل سعاد .-syria
رجاءحيدر 2007-10-24 07:54:43
صدقت
لقد صدقت يا استاذ عباس انت من خرج ن البيت ولكن الان المرأة تعيش ابشسع انواع الظلم الان زادت الاعباء عليها نفس المعاملة واقسى منها وتعمل خارج البيت وتاتي لتؤدي فروض الطاعة ذاتها واكثر قليلا وتضع كل عملها الخارجي بالبيت وهي من تخرج خارج البيت ويستطيع ان يطلفها باي لحظة واذا رفضت ان تدفع بدون توثيق اوتسجيل يطلقها وقتها ستضطر ان تدفع وتؤكل حقوقها -سوريا
مغترب 2007-10-24 07:47:38
الله محي اصلك
الله يعطيكم العافية عن جد بيضتو وجهنا طول عمرها سوريا سباقة في كل شي ونجاح المسلسل بتأكدو من نسبة المشاهدة يلي كانت على مستوى العالم كله مو بس العالم العربي000 الله يوفقكم وللامام ان شاء الله. بلكي نكون فالحين بالدراما والتمثيل ونغطي على فشلنا في باقي المجالات..-سوري معترب
ziad 2007-10-24 06:38:20
كلمة الحق تقال
والله ان كلمة الحق لتقال لقد وصلت يا استاذ عباس النوري حقيقة الشهامة السوريةالتي كانت ومازالت تكبر والتي تجلت لاهل باب الحارة في النهاية واتمنى من كل قلبي ان يعلم العرب انهم سوف يكتشفون في النهاية الشهامة السورية التي اصبحت مرمى لكل سياسي عربي يلعب لصالح الفريق الامريكي والاسرائيلي.. فسورية ستبقى وطن عربي كبير داخل الوطن العربي الصغير...مجد أنيس 2007-10-24 05:51:15
اضطهاد ؟؟؟؟!!!
أنا لم أتابع المسلسل لذلك يعتبر رأيي موضوعي و منطقي فلو كان المسلسل يعرض أو يسوق لاضطهاد النساء لما كانوا هن السواد الأعظم من متابعي المسلسل خصوصاً أن معظمهم أبدى اعجابه به, و لا أقصد فقط السوريات بل أقصد كل من تابع المسلسل. وفقكم الله لفن يعلم القيم الجيدة استاذ عباس و جعل الله العافية لك-سوريا
محمد 2007-10-24 04:45:23
استاذ
عباس النوري : تحيتي لك والله انك استاذ بكل ما تعني هذه الكلمة وقد كنت فعلا مثال الممثل القدير المتمكن من فنه, دعواتي لك بالشفاء والنجاح الدائم -سوريا
مراقب 2007-10-24 03:56:10
شكرا
1010 يعطيكم الف عافية
ياشباب وصبايا سيريانيوز-الامارات
سامرحتاحت 2007-10-24 03:49:05
ياريت لو ترجع
السلام عليكم ورحمة الله وبركاته
ياريت لو ترجع ايام زمان لانها كانت ايام كلها حشمة ونخوة وايام الكرم ولكن هذه سنة الحياة كل يوم يذهب يكون سيئ و يكون اليوم التالي اسوء والله يعين البشرية على الايام القادمة-سوريا+ السعودية
Gus Alcheikh 2007-10-24 03:37:23
great man
our greeting to Mr. Abbas Alnouri for the great job at Bab AlHara. We love to see more from Bab AlHara (part 3). Just keep going in the same direction.
Good Luck and God bless you all.-Chicago-USA
copy rights ©
syria-news 2010
