بلدية مشروع دمر، الى متى؟
يدعي البعض أن بلدية مشروع دمر هي من أفضل البلديات ضمن محافظة دمشق وأكرر
محافظة دمشق لأننا مللنا ظلم سائقي التكسي وتجنيهم علينا بقصة العداد ونصف
والعدادين.
على كل فان البلدية المذكورة تطنش منطقة التوسع تماما وخصوصا شارع المغتربين لسبب أو لآخر، فالريجار المكسور في عرض الطريق منذ شهر آب عام 2006 ما زال مكسورا ومازال يهدد الأطفال والسيارات أما الفتحتان الغريبتان في الرصيف عند الفرن والفتحة المليئة بالماء عند المدرسة فهما على ما هما عليه منذ أعوام طويلة دون أن يهتم بهما أحد، ولا أعتقد أن أحدا سيتحرك حتى وان سقط ألف شخص في كل هذه الفتحات.
هل نسيت التراخيص التي تخترق بقدرة قادر؟ المطعم الشهير الذي أنشئ على سطح أحد الأسواق المتهالكة ، الروضة التي تحولت الى مدرسة خاصة من قبوين و 5 طوابق ؟ الأبنية التي تحولت جميع مواقفها الى حدائق مضمومة الى البيوت وبالتالي أصبح شارع المغتربين مكتظا بالسيارات المتوقفة في الطريق وهو لم يشغل ولو ب 10% من طاقته بعد؟ وهناك المزيد.
والأرصفة في مشروع دمر لسبب أو لآخر أعرض من الطريق! ولذا فان المشاكل اليومية في الجزيرة التاسعة عند أحد الأفران الشهيرة جدا لا تنقطع وكذلك الحوادث الناجمة عن توقف الناس في عرض الطريق الضيق أساسا، ثم هناك الريجار ذو الروائح العطرة عند الدوار بين الجزيرة السابعة والجزيرة 11 والذي مازال على حالة منذ عام 2000م والحفر في عرض الطريق أمام الشركة السورية للنفط والذي لم يزفت منذ حفر العام الماضي وعندما تم تزفيته من فترة قريبة تحول الى خندق ليصطاد السيارات والبلاوي أكثر من هذا كثير.
أخيرا تجربة الدخول الى مبنى البلدية لانجاز أية معاملة هي بحد ذاتها مأساة ندعوا الله أن ينجينا منها. كل هذا ويقولون أنها الأفضل في المحافظة فكان الله بعون بقية المواطنين ودمتم
ي.ع
ديما 2008-01-30 10:08:32
خليها لله مليون شغلة لازم البلدية تحطلها حد بس لا
احنابعد عناء اشترينا بيت بالجزيرة 19 بناية ابناء الشهداء ومن يومها كل شي قلب اسود هل الحكي بل 2003 يعني لا شوراع نضفت ولا اضاءة والبنايات ماعم تخلص كل بناية عم تشتغل ع مهلها بقا تراب ووسخ وغبرة وطيان وطبعا ادفعو مصاري على الرايح والجاية منشان تصليحات احنا ما شفنا منها شي ومع هيك لهلق البلدية ما عم تتحرك تاركة الجمعيات ع حل شعرهاويا ساكنين تبهدلو.. لك اه-سوريا
مهندس 2007-04-29 13:02:24
كلمة حق
أنا أنجزت أكثر من معاملة في بلدية الشام الجديدة والحق يقال أنني وجدت الكثير من السرعة في إنجاز المعاملات وتجاوز للروتين في كثير من الأحيان وعدم عرقلة أي معاملة ولم أدفع ليرة واحدة رشوى-سوريا
جار البلدية 2007-04-29 12:56:40
أنظف بلدية
يا جماعة رغم كل ما يقال تبقى بلدية مشروع دمر أنظف بلدية في دمشق فلا يوجد فيها رشاوي ولا مخالفات والذي يعرف باقة البلديات يعرف معنى هذا الكلام بدقة---
عدنان 2007-04-29 12:51:15
تراسات دمر
ياجماعة إن تراسات دمر ومشروع دمر بشكل عام تربتها تسمى ذاتية الانحلال يعني شوية ماء أو زلزال خفيف سوف يؤدي إلى نتائج كارثية بسبب كثرة المخالفات-سوريا
ربى 2007-04-29 12:48:20
فساد البلديات
أنا أؤويد فكرة فتح تحقيق مع المحافظ ورئيس البلديات ورؤساء البلديات لفسادهم علنابمخالفات البناء وفعلا فإن نظرة إلى موقغ غوغل تبين مدى توسع هذه المخالفات.-سوريا
Y.J 2007-04-29 11:12:04
أخيرا عرفت وين وزارة الاسكان
اليوم صفيت السيارة عند مكتب الاكسبريس بالحجاز ,يعني كان في محل فاضي وأنا شغلتي دقيقتين . ام ركض زلمة وطلب مني بعد السيارة(قال هدا مكان سيارة وزير الإسكان (الله يديموا على عدد الوحدات السكنية يلي مشغول ببنائها))رحت صفيت بلزق سيارة مرسيديس سوداء.رجع نفس الزلمة قال هلق مرتو للوزير بدق تلفون بدها شي غراض . بصراحة الله ..يعطيه العافية -سوريا
ana 2007-04-28 21:46:11
العضوة الجديدة
لك طولو بالكم يا جماعة شو ما بتعرفو انو رئيسة البلدية صارت عضو بمجلس الشعب -egy
عاشق المشروع 2007-04-28 19:43:12
زادوا تعرفة التكسي وما خلصنا من العداد ونص
الغريب انو زادوا تعرفة التكسي وسائقي التكسي دائما بيطلبوا عداد ونص وعدادين على اساس انو مشروع دمر خارج المدينة، مع انو الكذب عيني عنك (عن جد ما بيستحوا) لانو المسافة من الامويين للمشروع 7 كبلو متر، اذا سائقي التكاسي حرامية فما بالكم جماعة البلدية يرعاكم الله.-
تتمة ساعدوني 2007-04-28 18:42:30
ااااااااااه لازمني 50000 حرف حتى اخلص حكي
و حاليا فقد اعطت البلدية المشكورة سلف (طبعا) الاذن ببناء خاص بالصم و البكم و بعد الحفر اكتشوا نقص بالمخطط وتركوا مكان الحفرة ومضوا من حوالي 3 اشهر والى الان الطريق ينهار يوميا بمعدل متفاوت ولا نستطيع تجنبه فهو الطريق الضيق الوحيد ولا سبيل اخر للعبور الى المنزل وبحق فانني اخاف يوما من سقوط السيارة ومن فيها بالجورة العزيزة التي بتت احلم بها بكل كابوس لدي -ولاية دمر
ساعدوني 2007-04-28 18:38:42
يكاد الشارع ينهار في توسع دمر
انا اتحدث عن الشارع فوق شارع المغتربيت الجزية 16 فلا يكفي أن الطريق صغير بحث لا يسمح الا بمرور سيارة واحدة وللطرفة فان اخر الشارع مقفل فلا تستطيع الا العودة منه و عدد الابنية كبير بشكل مخيف ولا يوجد اي مكان لركن سيارة حاليا فكيف اذا امتلئت الابنة ؟؟؟؟ هههههه تخطيط 2007 لا تزعلوا انا بدي افهم كيف المحافظة عطتهم اذن وما خططت مكان السيارت ؟؟؟ وهلآ اجنتا...-
المواطن الغيور 2007-04-28 14:20:37
السيد رئيس لجنة مكافحة الفساد
نناشد السيد رئيس اللجنة الى فتح تحقيق مع المحافظ ورئيس البلديات ورؤساء البلديات لفسادهم علنابمخالفات البناء . ولجنةالتحقيق مع هؤلاء سيتوضح لكم عن الرشاوي التي يتلقونها . صاحب المخالفة من يدلكم . والحكم بالاعدام في حال حدوث هزة ارضية وذهبت الضحايا . افتح موقع- كوغل ارث- وشاهد خلال 3 اشهر مئات الابنية شيدت بالمزة خلف الرازي هل ننتصر على عدونا الاسرائيلي
مشروعجي منذ 23 سنة 2007-04-28 00:31:23
والله يسلم إيدين كاتب هالمقال
أتوجه بالشكر الجزيل نيابة عن ساكني مشروع دمر إلى الأخ كاتب المقال لأنو بالفعل كلامه ووصفه للحفر والجوز والمطبات والمضائق جداً دقيق وبالفعل مشكلة الأرصفة العريضة غريبة في حينا !
نرجو من البلدية أن تسمع ندائنا-مشروع دمر
ابو غنيم السوري 2007-04-27 20:48:38
ايها العرب استفيقوا
السيدكاتب المقال المحترم بالنسبة للتراخيص حطيت ايدك عالوجع يبدوانه في اتفاق بين البلدية والمحافظة على منح رخص من دون دراسة ميدانية وبعد ان يتم منح الترخيص تتحجج البلدية بالمحافظة ولدى سؤال مسؤولي التراخيص عن الاسباب لمنح تراخيص دون النظر لارواح الناس يقومون باخفاء المستندات وهيك بيضيعوا الشغلة والله من وراء قصدهم -دمر ستان
ابو غنيم السوري 2007-04-27 20:38:06
ايها العرب استفيقوا
يا جماعة لاتظلموا البلديةلانومابيعرفوا شي ومادخلون بشي كل ما تسأل عن شغلة ما بيعرفوا ومادخلون الحمدالله على نعم البلدية واحد عمر حيط مخالف مادخلناواحدعمر طابق مخالف ما دخلنا ولا بتنحلب ولا بتنجلب وسياسة محاباة الجمعيات على حساب السكان شغالة دايما الجمعية على حق وبيرمو كل شي عالمحافظة كانو في اتفاق يضيع كل بين دمر وساحة 29 ايار-دمرستان
ابن المشروع البار 2007-04-26 22:22:12
ملاحظة مهمة جداً
عندما كانمشروع دمر خارجاًعن ملاك المحافظة كان من أجمل و أروع الضواحي ليس في دمشق فحسب بل في سورية...بعد تسلم محافظة دمشق لمشروع دمر أنظروا الفرق الان...و الله عيب-مشروع دمر
أبو ابراهيم 2007-04-26 22:03:55
معتر جداً
بالاضافة الى ما تقدم فان المدخل القديم و الذي يصل المشـروع بطريق الربـوة أصبح بوضع أسوأ من السيء و هو على حاله منذ زمن بينما الطريق المؤدي من مدخل المشروع باتجاه مشفى الباسل قد أعيد تزفيته ثلاث مرات فقط خلال عامين...!!!!! مع العلم بأن وضعه الفني قبل إعادة التزفيت كان ممتازاً .-سوريا
مهند 2007-04-26 14:04:34
فتح الطريق بين مشروع دمر والمزة
أرجو فتح الطريق بين مشروع دمر والمزة لانو بحل أزمة كبيرة-syria
مواطن عادي 2007-04-26 13:59:06
المحسوبيات و المخالفات 2
خارج ملاك البناء لسهراتهم و عصرياتهم. في حين البعض من شكان مشروع دمر لا يجد مكان لركن سيارته. الفضل للمحسوبيات و للسيدة سحر.ح التي تعمل في محافظة دمشق، و المسؤولة عن قمع مثل هذه المخالفات بموقعها الوظيفي!!، **-
مواطن عادي 2007-04-26 13:54:28
المحسوبيات و المخالفات 1
لقد أضرت المحسوبيات و المخالفات كثيراً ببلدية مشروع دمر، أحدى الأمثلة على ذلك البناء رقم 2 من الجزيرة 10/أ حيث أقدم سكان البناء على اغلاق شارع يصل البناء ببوابة كهربائية ليمنعوا دخول السيارات و تم سقف كراج لسياراتهم ، كذلك باشروا ببناء غرفة قرميدية كبيرة و بدون ترخيص خيث تقع هذه الغرفة خارج ملاك البناء لسهراتهم و عصرياتهم.يتبع..2-
ابو شهااب 2007-04-26 09:37:11
حل منااسب
نحنا بنطلب من سيريا نيوس عمل استبيان ان حول فتح الطريق بين مشروع دمر والمزة لانو بحل مشكلة كبيرة -سوريا
ساكن بالجزيرة 3 2007-04-26 09:35:49
عوجا
و اله عوجا... هل تعلمون أن سكان المشروع يملكون قرابة المليار ليرة سوربة من عائدات استثمار الفعاليات الإقتصادية بالمشروع، و أن المحافظة تتحكم بهذا المبلغ و لا تصرف منه و لا ليرة على تخديم المشروع!!! أما بالنسبة لمدخل الجزيره 3 المنهار فالبلدية غير مسوؤلة عن اصلاحه و كل جهة ترمي المسوؤلية على الأخرى.... عيشوا بهل النعم... و بلدية هالعوجة-سوريا يا حبيبتي
أبومالك 2007-04-26 07:04:49
حسدوك يا موطني
أنا بالامارات من سنتين و روحي لسا بمشروع دمر.أنا أعشق هذا المكان و سكنت فيه 25 عام و صبرنا عام 1980 _يوم انتقالنا_ كثيرا على أساس ان كل المشاكل ستحل مع مرور الزمن.و لكن ما أراه أنو يا محلا عام 1980 كان طريق التالتة و الفرن شغالين.شو هالبلدية التعبانة و الدراسات.ارحموا اهل مشروع دمر.و الله اننا منستاهل.-
س ع 2007-04-26 01:53:08
وين الضمىر
اين الدين والاخلاق عندما تقوم موظفة محجبة في بلدية دمر بالتستر على ابنية مهددة بالانهيار؟و هل ما قبضت اغلى من ارواح السكان؟فهل اصبح الحجاب غطاء للنصب ؟واين المحافظ و مركزه المهم في كل هذا؟-
alaa 2007-04-26 02:24:53
تقصير
يا جماعة الله وكبلكن انا ساكن ب ا10ا م عم نلاقي مكان نصف السيارة في و صرنا مقدمين شي عشرين طلب بس مشان يعملوا موقف ولكن لا حياة لمن تنادي-syria
مواطن 2007-04-26 01:41:12
الفتحتان عند الفرن
يا جماعة الخير هدول الفتحتين اللي عند الفرن ديرو بالكون منهون لأنو مو واضحين للماشي على الرصيف خصوصاً إذا كان الوقت ليل.-
ribo 2007-04-26 00:22:02
طولوا بالكم
بالنسبة للجزيرة التالتة بحب خبركم انو الطرف التاني بلش يصير فيه تشقق فقريبا رح يتسكر من الجهتين الروحة والرجعه, اما بالنسبة للامور الاخرى وخاصة توسع دمر فطولوا بالكم شوي لأني بتذكر اول ما سكنت بالمشروع ما كان لا في شوارع مزفته ولا ارصفة فالتوسع بدو شوية وقت وباقي الامور معتادين عليها
وانا مع فتح طريق المزة دمر اصلا ليه مسكر ما بعرف ..-
لينا 2007-04-25 18:27:20
إذا كان رب البيت بالدف ضاربا
إلى السيد عائد إذا كان رب البيت بالدف ضاربافشيمة أهل البيت كلهم الرقص فلا تستغرب واقع رؤساء البلديات فمديرهم تاجر مخالفات وقد أخذ مني 150ألف مشان معاملة كانت عنده بالدرج ولم تخرج حتى دفعت المعلوم -مهاجرين
سالم 2007-04-25 18:19:45
فاقد الشيئ لا يعطيه
إلى السيد عائدلا تسأل عن فساد المحافظة والبلديات ولماذا تستغرب وأغلب رؤساء البلديات معروفة أسبقياتهم ومع ذلك قام المحافظ بنعيينهم وحتى مديرهم قام المحافظ السابق بإحالته إلى القضاء بسبب مخالفات البناء الكثيرة وأعفاه من منصبه فجاء المحافظ الجديد وأعاده فلماذا................؟؟؟؟؟!!!!!!!-دمشق
عمر 2007-04-25 18:16:55
تعبيد الطريق
كان عمر بن الخطاب يخاف أن تقع شاة فيسأله الله عن ذلك لأنه لم يعبد لها الطريق
ألا يخاف السيد المحافظ عن الأرواح البشرية التي سوف يحاسبه الله بسببها إذا انهار الطريق-دمر
سكان الجزيرة3 2007-04-25 18:14:10
الطريق المنهار
لازم تستحي المحافظة عاى دمها وتقوم بإصلاح الطريق فماذا ينتظر المحافظ أن يتهار الطريق فوق السكان ليقوم بعد الاصابات -مشروع دمر
سامر 2007-04-25 18:03:50
طريق المزة
أنا أؤيد فكرة فتح طريق المزة لأنه سيخفف الضغط على طريق الربوة كثيرا-دمشق
شامي من مشروع دمر 2007-04-25 17:59:22
الأرصفة
ياجماعة لا تلوموا المحافظ فهو فعلا مو فاضي لأنو مشغول جدا بتغيير الأرصفة وتبليط ساحات دمشق-سوريا
ربى 2007-04-25 17:54:19
طريق التالتة
لقد تم طرح موضوع طريق الجزيرة3 على نفس الموقع بعنوان 125 عائلة بمشروع دمر مهددة بانهيار الطريق الواصل لمنازلهم وقد تم منافشة المشكلة بموضوعية من قبل المعلقين ولم يتم معالجة الموضوع من قبل المحافظة ولا حتى الرد ولكن يبدو أن شعار السيد المحافظ هو طنش تعش-سوريا
شامية بتعشق الشام 2007-04-25 16:31:31
طريق التالتة
كل هالحكي صحيح بس كمان السيد ي ع نسي انو يحكي عن الطريق الي رح ينهار باول المشروع عند الجزيرة التالتة الي صرله اكتر من 3 شهور بهالحالة وكلماله لورا يعني شوي تانية بتشوف الطريق انهار وخلص وما حدا بالبلدية اتحرك فياريت انو البلديم تتكرم وتتعطف علينا وتعملها شي حلة لهالطريق مشان نذكرلها شي منيح ولو مرة وحدة-دمشق الياسمين
samih 2007-04-25 16:12:32
نسيت أيضاُ
هل نسيت أيضاً أول مدخل المشروع عند الجزيرة الثالثة وانهيار الطريق منذ أشهر وعدم إصلاحه حيث تسير السيارات بعكس الطريق-سوريا
ابو محمد المشارك 2007-04-25 16:11:06
مشروع دمر
بأمكانكم النظر الى مايلى . عند وصولكم الى مدخل مشروع دمر القوس نجتازه ب 100 متر ونحن نأخذ الطريق اليمين فنلاحظ ان الطريق قد انهر تحت الزفت منذ اكثر من شهرين وهو مغلق ولاحياه لمن تنادى واذا كان هناك اى اكشن فنرجو التوضيح لأنه من الملاحظ ان الشارع سنهار تماما" بعد فترة قريبة جدا" بأتجاه سكن الناس والله يستر مايكون هناك ضحاياه -سورية ياحبيبتى
كواج دمشقي 2007-04-25 14:55:52
اقتراح
اقترح على السيد :ي .ع المحترم الذي لا يجد اذان صاغية ان يقوم اهالي دمر بانشاء جمعية اهلية تجبي مبلغ بسيط من كل مواطن شريف وعفيف وغيور على وطنه وتقوم بانفاق هذه الاموال على الخدمات الملحة مثل اغلاق الفتحات وتبديل اغطية الريكارات وردم الحفر لان البلدية مو سائلة عنكم وعن اطفالكم وهمها شي تاني انت تعرفو وكل الناس بتعرفو وشكرا-سوريا
samer 2007-04-25 14:34:56
الحل
اقترح فتح الطريق الواصل بين مشروع دمر والمزة بأسرع مايمكن خاصة وان اعمال الحفر في مدخل المشروع تعيق المرور بشكل كبير-سوريا
عائد 2007-04-25 14:05:11
البلديات
الله امر عجيب عن الفساد بالبلديات هل هذا مقصود من السيد المحافظ . كل يوم اسمع تعليق عن بلدية وخاصة كفرسوسة . اكيد الكل يسرق والكل شريك
copy rights ©
syria-news 2010
