سيريتل... وبعدين
عذرا على كلامي ولكنه نابع عن معاناة دائما مع الشركة لانهم في كل فترة بيطلو علينا بأمور جديدة واهمها ( الدفعة المسبقة ) اريد ان اسأل هلئ سوف نهرب او هل شوف ناكل المصاري على الشركة
ندفع فواتير بقيمة لا تقل عن اربعة او خمسة الاف شهريا وفي الاخر يطالبون بدفعة مسبقة وهي 2000 ليرة سورية ولم نتكلم قلنا ربما الخوف من التهرب وعدم الدفع ولكن الان ومن جديد تصل رسالة انه حد مكالماتك هو 800 ليرة فقط تخيل انهم يحددون لك ما يجب التكلم به فقط يعني لا يجب ان تتكلم باكثر من 800 ليرة واما سوف يقطع خطك ولكي تكتمل تصل رسالة بان عليك تسديد دفعه مسبة وهي الف ليرة سورية خلال 24 ساعة يعني سوف نبقى ذاهبون يوميا الى مركز دفع الفواتير وليس لنا عمل غيره كل ما نتكلم بالف اركض وادفع او يقطع خطك
اتصلت لكي استوضح الامر فكان الجواب ان هذه هي الخطة الجديدة لكل المشتركين تخيلو معي ان الكل يركض فقط لدفع الفاتورة يوميا او كل يومين لذلك اسميتها خطة تركيض المواطن لانو ناقصنا ركض على فكرة !!!
لماذا هذه المعاملة هل لاننا لا نملك حق الاعتراض او التكلم لانها ابرمت معنا عقود على هوائها هي او لاننا لسنا قد المسئولين عن الشركة وعلينا التنفيذ فقط
هذا عدا الارقام الخيالية التي تأتيك في بعض الاحيان فجأة تأتيك فاتورة ب 10000 ليرة سورية وانت تعرف نفسك لا تصل الى هذا الحد نهائيا عدا عن الاشتراك الشهري وخدمة الاغاني التي بحياتي لم اشترك بها وبرامج المسابقات التي لم اسمع عنها الا من خلال الفاتورة والمئة ليرة نتيجة فصل الخط رغم انه نقوم بالسداد قبل فصل الخط وتحسب علينا تخيلو معي هذا الامر
وسؤال برسم المسؤولين عن الشركة ( وبعدين )!!!!
ابن الشام
موزع 2006-11-22 13:39:37
انهم بستثمروننا
انا موزع خطوط وصاحب محل اتصالات بكل يوم ياتيني موظف وبيده حقيبة ويعرض لي خطوط وعندما اطلب منه ان يعطيني كود للحصول على مكافاات من الشركة يطبق حقيبته قائلا يجب عليك ان تبيع مائة خط مجانا وبعدها سوف نعطيك الكود.سوري حالم بالحرية 2006-11-16 01:45:49
المقاطعة
الخ السوري صاحب المقال حدد يوم للمقاطعة ونشره بالنت وتعا نخليه اسبوع من دون انقطاع وخلينا نواجه حرامية الدولة بالتعاون والتاخي والتضامن .قيل (يافرعون مين فرعنك ........)-سوريا الام
كولا 2006-11-14 00:49:22
المعترة والدتي دفعت مكالمات تخفيض وجه الصبح
اشترينا من حوالي سنتين خط للوالدة ، و معلومكن الوالدة بتنام الساعة 10 أو 11 ليلا على أسوأ تقدير.
و كان كل فاتورة تجيها مكالمات في فترة التخفيض (1 ليلا حتى 6 صباحا) بحدود 20 إلى 30 ليرة في الفاتورة .
فتخيلوا لو تم زيادة قيمة 5دقائق على كل فاتورة كل أول شهر و ضربناهم في مليون مشترك على أقل تقدير = 20 مليون ليرة بالشهر نصب على أمهات العباد ...هزلت -
محمد فراس 2006-11-11 10:33:19
بلد عمرها 30 سنة بس
حلوة syriakill يعني فعلا شر البلية ما يضحك يا جماعة تعو شوفو هون والله مابحس اني عم استهلك شي زايد يعني بحكي لمل وما بيطلع عليي شي بالشهر واذا بدي احكي هالحكي بسوريا بدي عشرة الاف ليرة واكتر طبعا غير الخدمات الي بتجنن وببلاش والسهولة بالتعامل والاحترام من الموظفين والعروض المجانية يعني بصراحة سيريا كيل بدها مليون سنة لتوصل للي وصلو عنا -عُمان
الا13عشري 2006-11-11 10:21:34
لك ياعمي هدا الموضوع طارة فيه روس ولا شو مفكر
ما بدي قلكم كيف الوضع بامريكاولا كيف هوة بأوربا بس خلينا ناخذ دول افريقا المستوردة للتكنولوجياكتيرمنها ارخص من عنا.ناهيك عن حسن الخلق بالتعامل والعمل على ارضاء الزبون. عنا عجبك ماعجبك دق راسك بالحيط ولسا بيجي يوم لينذهل الشعب السوري بحجم الضرر يالي عم يلحقه من ورا هيك شركات وعندها لات مناص.-الهفا
أحمد 2006-11-11 10:09:48
كما تزرع تحصد
أخي الكريم صاحب المقال
الشركةما رح تبلغك أنو حد المكالمات هو 800 لو ما كان خطك مقطوع عالأقل مرة واحدة لمدة أكتر من شهرين لأنك طنشت عن الفاتورة.
في عندي خط من 5 سنين و بعمرو ما انطلب مني دفعة لأنو ما انقطع الخط أبدا و لا مرة و بشكل دائم فواتيري بنفس المعدل، بس اذا كنت بتدفع بالعادة 2000 مثلا و صارت 5000 فرح ينطلب منك دفعة أكيد.-سوريا
ابن البلد 2006-11-11 09:31:14
يعني شوبدك تعمل؟
يعني شولحل اذا مافي غير هلشركتين يلي مابتحس بفرق فيهن غير بالأرقام؟؟؟-سوريا
Great Syria 2006-11-11 08:32:27
لوكان الشاكي أخطأ لا يجوز
شايفين كيف نحنا منحب بعضنا و منحترم غيرنا,, مثالها قول أحدهم و مين جابرك عجبك عجبك ماعجبك غير الشركة أو ماتحكي بالموبايل، وكأنها منة على العباد، يا سادة ياحضرات هالمنهة هاي هي منة عليكم وليست منكم، بس احتقار الناس و إزدرائهم ما بولد إلا زيادة كره و ضغينة,, عيب عاملوا الناس باحترام لو كنتوا محترمين هدول بشر مو غنم لشركتكم و يمكن أحسن منكم-Great Syria
محمد 2006-11-11 05:43:16
أخي مهند؟
الأمر ليس بهذه البساطة فنحن لا ننقد مشكلة بل ننقل تزاحم المشاكل ...
-سوريا
ابو نوار 2006-11-11 03:59:30
الرحمة
تخيلوا اشتريت من /5/ سنوات الخط بعشرين ألف ولم انقطع عن الدفع يوما فليس بامكان صاحب الخط حتى الاتصال برقم خارجي سألتهم فقالوا اشتري شريحة أخرى للتشريج فهل هذا عدل لازم يحمل خمس موبايلات مشان مايتأزم؟ ومازال هناك رسوم بلا طعمة ندفعها شهريا الرحمة ياناس-
Kant 2006-11-11 03:19:50
الى مشارك
hehehehehe مشاركة حلوة >>>>ال لعبة الحيط>>>>loool-Madagascar
رائد 2006-11-11 02:13:10
الى مهند
مع احتراامي :
عرفت شيئاَ وغابت عنك أشياااء ...وبس.-وين يعني ؟.؟.؟
Safatli 2006-11-11 00:31:50
إلى السيد طرطوسي..
والله يا حبيب مر عليي تجار حلبيي ماشاء الله.. بيفقعك نصبة انت وما تضحك.. وبالنسبة للشوام أهلين و سهلين وصلت.. يعني بالمختصر كلنا أضرب من بعض شوام وحلبيي وساحليين.. وعيش وادعيلي-England
reply to Rima Makatbi 2006-11-10 23:20:24
Syriatel Boycott (refuse) Day
I like the suggestion of Rima Maktabi, let's vote for boycotting syriatel for one day only!
This company seems to rip off the syrians instead of giving good service with reasnoablle profit.-syriana
مهند 2006-11-10 21:29:38
الى كاتب المساهمة
اخي الكريم كاتب المساهمة بس كنت حابب قللك انك لو صحيح جاييتك فواتير زيادة او اشياء عالفاتورة انت ما عاملها متل خدمة الاغاني او المسابقات.كنت اشتكي للشركة واكيد بيعوضوك اذا كنت على حق بس اكيد عم تحكي هيك بس تبلي وعيب تتهمو العالم وانتو بس مشان الحكي.. وبالنهاية محد جابرك عشي، غير الشركة او بلاتحكي عالموبايل اصلا -Syria
محمد 2006-11-10 20:56:31
Syria Kill not tel !!!
يجب أن تصبح مثلاً : إركض وإدفع أو خطك يقطع !!!
بالطبع إن الذي ينقصنا الآن هو أن ننادي الشركة بالآغا ثم نعمل بالحقول لصالح سيرياكيل وسوف تداعبنا ببعض الخدمات بين الفينة والأخرى ولأن الأخيرة إعتبرتنا سجناء فقد وقعتنا على قائمة من الشروط يتمتع أي سجين سوري بحقوق أكبر منها
فلا حق لنا أن نعترض أو أن يعوضونا انقطاع الخدمة-ربنا أرنا فيهم عجائب قدرتك ...-سوريا
أبو سامي 2006-11-10 20:03:04
شر البلية ما يضحك
ها ها ها ها الله عليك يا مشارك على هذه المداخلة أضحكتني و شر البلية ما يضحك. في أمريكا عندي خطين متضمنين جهازان جديدان مجانيان عند توقيع العقد+ 700 دقيقة مجانية في النهار وساعات الذروة+ جميع المكالمات مجانية مع أي خط خليوي لنفس الشركة + جميع المكالمات مجانية في المساء + جميع المكالمات مجانية يومي السبت و الأحد. كل هذا بمبلغ 59$ شهريا ً.-USA
مشارك 2006-11-10 19:13:37
بكرة شوف الرد
بكرة ما منشوف إلا سيريتل بعتت مساهمة لسيريانيوز بعنوان الرد على مساهمة بعنوان "سرياتل...وبعدين" و رح يقلولك ياسيدي الكريم يا ابن الشام البار بأنو لا بعدين و قبلين عجبك عجبك و ما عجبك روح العب لعبة الحيط..بتعرفها و لا ما بتعرفها.. للي ما بيعرفها تعليمات لعبة الحيط كالتالي: 1-بتلاقيلك شي حيط يكون مرتب سماكتو بين سبعين إلى ثمانين سنتمتر اكتر أو أقل ما بيمشي الحال 2- بتوقف على بعد 10 فراسخ من الحيط و وجهك بكون للحيط 3- بتغمض عيونك و اذا بتعصبهم بكون احسن 4-بتركض بكل ما اوتيت من قوة و سرعة و لا تفكر ابدا بإنو في حاجز قدامك 5- طبعا اذا ما عبيت مزبوط من أول مرة ممكن تعيد الكرة قد ما بدك لحتى تقتنع بالشي اللي لعبت من أجله اللعبة و هو الاعتراض على سيريتل. ملاحظة ممكن يكون اكتر من لاعب بهي اللعبة بس لازم بعد ما يعصبو عيونوهم يمسكون بإيدين بعض مشان تكون الفوتة بالحيط موحدة، كما يمكن اتخاذ مسار مائل يعني ممكن بعد ما توقف بشكل عمودي على الحيط انو تستدير بزاوية مقدارها 30 درجة و تكفي اللعبة، و تاني مرة بلا اعتراضات من هيك نوع الله يخليك عنا شغل كتير و لم مصاري ما عم نلحق.-سوريا
طرطوسي 2006-11-10 18:15:55
القدموس
قاتل الله الاحتكار, (يا فرعون مين فرعنك, ما لقيت حدا يواجهني), في بلاد الغرب تتبارى الشركات على كسر الاسعار و الزبون هو المستفيد. سيظل و بصدق حلم مركزي في حياتي ان ارى شركة القدموس مفلسه, فلطالما و بلا رحمه نهبوا اموال البسطاء سلاحهم غياب المنافس و غياب الضمير, اعتقد ان الحلبيين هم اقرب السوريين الى كلمة تاجر محترم و الساحليين ابعدهم,ربما لحداثه العهد-
khaled 2006-11-10 17:59:58
looking for the best
هنا في كندا لدينا حوالي عشر شركات للاتصالات وهي متنافسة فيما بينها بشدة , فمثلا شركة روجرز تعطيك جهاز موبايل متطور جدا تبعا لاختيارك مع شريحة مجانا , وأول شهر اتصال مفتوح داخلي مجانا , ثم الاشهر الخمس اللاحقة اتصال داخلي غير محدود مقابل 40 دولار بالشهر , وبعد انتهاء تلك المدة تصبح الخطة يومي السبت والاحد مع فترة من 6 مساءا الى 8 صباحا من كل يوم اتصال داخلي غير محدود المدة مع 100 دقيقة خلال النهار كل ذلك مقابل 40 دولار كندي في الشهر , وهنالك عروض افضل من ذلك بكثير الان .-canada
عمر مرتضى 2006-11-10 18:10:36
سامحني
هل تعرف يا صديقي لمذا لا يرد احد عليك؟ انظر الى الاسم المزيف في النهاية كتوقيع لكاتبه. سامحني لقول ذلك لكن صاحب حق .. و جبان!!! عن جد هزلت-سوريا
Ammar 2006-11-10 15:34:27
Switch
Its better to go SWITCH to 94 , its always better..-Syria
Rasha 2006-11-10 14:58:18
they cheating us anyway
i just want you to search why syriatel dont deliver sms from syria to USA eventhough they said sms delivered ????? they put the money of the sms in their pocket and never send it, while u can send it from areeba-USA
17000000نسمة 2006-11-10 14:11:22
بلا ولا شي
هذا بسبب الاحتكاااااااااااااااااااار وعدم وجود تنافس أو منافسين
**-
مواطن فهمان 2006-11-10 13:58:58
حل للمشكلة
أنا حليت المشكلة من جزورها وذلك بوضع مبلغ من المال في احد البنوك الذي يقدم ميزة دفع الفاتورة مجاناومهما كانت فاتورتي في أخر الشهر بتجيني رسالة " شكرا لدفع فاتورتك 1800 عنطريق مصرفك" وهيك بوفر وقت و مشاوير مع العلم أن المبلغ يلي فتحت فيو الحساب مو كبير-sy
ريما مكتبي 2006-11-10 12:45:42
....
يا ياعيبشوم بس...
لك عم تسرقونا عينك كنت عينك ونحنا ساكتين...
لازم نساوي يوم مقاطعة للسيريتيل وما نسنخدم فيو الخليوي ابدا.. لايمتى بدو يضل التخلف سائد علينا؟
**-سوريا
germani 2006-11-10 11:36:04
reight
انا ذهبت خلال شهر واحد ست مرات من اجل الفاتورة وفي كل مرة الفين ليرة , ومعك بس اربع وعشرين ساعة , يعني 12 يوم بالشهر
بتضل بحالة قلق ما ينقطع الخط , هيك الشركات المحترمة بتحترم المشتركين اللي كل ما دفعوا اكتر للشركة بينذلوا اكتر !!!!!!-deutschland
confident 2006-11-10 11:31:58
تبالغ قليلاً
اعترضت منذ ثلاث سنوات على موضوع الدفعةالمفاجئةوكان حينها مازال الخط20000حيث لم يكن معقولاًأن نرمي خطنا لأجل فاتورةولو بلغت 10000ولكن بعدأن أصبح بسعر زهيدأعتقد الحق معهم.
أماموضوع 800ل.س فهي متوسط فواتيرك لسنةمضت وعليه لايمكن أن تأتيك فواتير 10000 وإلا لرفعت وحدهاوسطي فواتيرك.
حتى ماتتعطل ادفع15000تأخذدولي وتجوال ولن تركض بعدها،فهكذاارتحت أنامن الركض.سوري 2006-11-10 11:05:16
فعلاُ شي غير معقول
لم توفر شركات الخلوية أي طريقة في معاملة مستثمريها على أنهم مجرد أداة لجمع الأرباح، هم ينظرون إلى الناس على أنهم وعاء فيه نقود لا أكثر ولا أقل. وهذه نتيجة الاحتكار الذي تتمتع به هاتين الشركتين، أقترح عليهم قبل أن يقوموا بإجراء دورات تدريب تقني لعناصرهم أن يقوموا بإجراء دورات تعامل مع البشر في إحدى الدول التي تحترم مواطنيها وتفرض احترامهم على الجميع -سوريا
copy rights ©
syria-news 2010
