مكالمة هاتفية ... بقلم : الحمامة البيضاء
كان واقفاً بقربي يحدثني ويشرح لي وكنت أنصت برهة وأتكلم أخرى لكني لم أكن أجرؤ على التمعن في عينيه بل كنت استرق نظرات مبعثرة لم تكن ترضيني
رن هاتفه الجوال وبدأ يتحدث وقد أعطى كل تركيزه للمكالمة وكنت قريبةً كفاية لاشتم ريح عطره واشعر بها تتغلغل في أنفي وتسري بي وكنت انظر إليه انظر وانظر انظر إلى عينيه الساحرتين إلى وجهه الأسمر إلى شعره الأسود إلى أدق تفاصيله وانظر إلى إيحاءاته وحركاته وهو يتكلم كنت انظر إلى ملابسه نظرة حسد لقربهم منه ولملامستهم له كنت اسمع ترنيم صوته وكم اسعد برنين ضحكته وتمنيت لو تطول المكالمة وتطول وأبقى مع تأملاتي ونظراتي المسروقة وبسرعة ظننتها بسرعة الضوء انتهت المكالمة أعاد الجوال على خصره وعاد ليحدثني حاولت مسرعة أن ألملم أحاسيسي وأعيد ضبط نظراتي لكن قلبي بقي ينبض مسرعاً وكأنه في سباق وكنت في سري أحمد الله أن القلب داخل الصدر ولا أحد يراه أو يرى ما يجول بداخله
د.علاء جامعات الإمارات 2011-02-10 20:26:41
معاني جميلة
لك كل الشكر حمامتنا الغالية
كتير مبسوط وان بقرا كتاباتك
فيها معاني لطيفة
وأشكر الأخ فراس على بعض الملاحظات الموضوعية التي ترقى بالعمل الأدبي
وأرجوه أن يهجر أسلوب الاتهام والنقد الذي لا طائل من ورائه،
وبتمنى دائما من الذين يعلقون أن تكون تعليقاتهم موضوعية
أشد على يديك عزيزتي
ولا مانع من قراءة المساهمة عدة مرات قبل نشرها ففي الإعادة إفادة عزيزتي
تحياتي لك -سوريا
قتيبة الحاج طه 2010-07-26 02:41:25
العين مرآة القلب
نحن الرجال نستطيع ان نترجم لغة العيون بمهارة فهل يا ترى تجاهل نظراتك ايضا ...احييك مكالمة هاتفية رائعة نشاهدها على هذه الصفحة..
الحمامة البيضاء 2010-07-25 14:24:56
اهلا بكل من حضر ونورنا بزيارته
د.مازن و reem shikhaبشكر حضوركم ونورتوني بحضوركم -سوريا
reem shikha 2010-07-24 17:26:33
متابعة
يا عيني عالمشاعر الحلوة
مشاركة لطيفة وناعمة عزيزتي تحياتي لك -سوريا
الحمامة البيضاء 2010-07-23 04:49:36
اهلا بكل من حضر وشرفنا بزيارته
عبير محمد سليمان تشرفت بزيارتك وسعدت بكلماتك الحلوة -سوريا
د.مازن 2010-07-23 01:07:44
صراحة متناهية
فعلا شفافية مابعدها شفافية وكمان أنا مع الأخ فراس للأسف طبعا وبكل صراحة حدثت معي أثناء الجامعة وكنت صريح جدا بسبب تلك المرحلة وحرية التعبير بين الشاب وزميلته والشيء المزعج من الطرفين هو المبالغة في المشاعر وكأن الله لم يخلق مثله او مثلها او هذا هو فتى او فتاة احلامي او الانبهار بالمظاهر . وبرأيي على الفتاة او الشاب أخذ الموضوع بموضوعية والذكاء ثم الذكاء في التعامل لانه السبيل الوحيد للسيطرة على القلوب وتجنب المواقف المحرجة أحيانا كثيرة -سوريا
الحمامة البيضاء 2010-07-22 17:36:55
الاختلاف في وجهات النظر لا يفسد للود فضية
فراس صقر هذا رأيك وانت حر فيه بس باصات الدولة بيطلع فيها 100قبلك و100معك و100بعدك واذا حبيت تشبه البنات فيها معناها مابتكون عم تحكي عن بنات محترمات بيزبط تشبيهك عبنات الليل وما بظن ان هدول البنات يلي بيهموك -سوريا
الحمامة البيضاء 2010-07-22 13:08:19
اهلا بكل من حضر ونورنا بزيارته
رائد بشكر مرورك وتشرفت بحضورك -سوريا
عبير محمد سليمان 2010-07-22 13:04:14
شفافة جداً
أعتقد بأني عشت هذه الحالة معك عندما قرأت ما كتبتِ ولدي قصة قصيرة تتناول نفس الموضوع ولكن صديقتي الحمامة البيضاء كل شئ عنك يوحي بأنك شفافة كثيراً و ناعمة جداً دمت بخير -سوريا
م فراس صقر 2010-07-22 12:08:50
الى الحمامة البيضاء مع وقف التنفيذ
ياستي هو مو مغرور بجمالو الفتان بس بيعرف انو عقل النسوان صغير، وباكدلك تمام التاكيد انو مارح يفرء معو بنوب اذا تخلت عنو اي بنت، لانو عندو مبدا البنات متل باص الدولة لاتزعلي عليهم لان اذا رحوا اكيد رح يجي غيرهم وفورا كمان، فبدال ما يتشنططت ويلطع عالواقف يمكن الباص يلي بعدو يطلع هو لحاول بكل الباص، -سوريا
الحمامة البيضاء 2010-07-22 09:42:10
تحياتي الك فراس صقر وتقبل مروري
فراس صح كلامك الرجل ما بينقال عنه لعوب بس بينقال عنه ملعب وجواب سؤالك انه الرجل من هذا النوع بيكون لسانه حلو والبنات بتحب الكلام الحلو فبيستغلوا وبيتسابقوا باستغلال هالرجل المغرور يلي بيفكر انه البنات راكضين عشان جماله الفتان وفي حال انقلبت مع البنت وهالشب الملعب الشغلة جد وما قدرت البنت تغيره تأكد انها رح تتركه لانها ما رح تقبل ترتبط بشب تشاركها فيه كل بنت تمر بطريقه ولو كان بس بالكلام -سوريا
الحمامة البيضاء 2010-07-22 09:01:38
اهلا بكل من حضر ونورنا بزيارته
جهينة طرطوسية هادي أسماء نورتوا مساحتي المتواضعة وزينتوها بكلماتكم الرائعة فراس الراعي بشكر مرورك ومتابعتك لكتاباتي وبشكر نقدك -سوريا
رائـــــــــــد 2010-07-22 07:52:27
الى الحمامة البيضاء الرائعة
مكالمة هاتفية جميلة وصف جميل وكلام رائع
وبصراحة بدنا ننتبه من اليوم ورايح اذا عم نحكي بالهاتف يكون حدا عم يراقبنا
عكل الله يهني صاحب الهاتف ويهنيكم مع بعض
-سوريا
أسماء 2010-07-21 22:29:33
الله يديم المحبة
عزيزتي الحمامة البيضاء قلباً وروحاً،كلماتك رائعة جداً،سلمت يداك ووفقك وأدام المحبة بينك وبين زوجك،أتمنى لك السعادة .م فراس صقر 2010-07-21 21:05:58
الى الحمامة البيضاء
يا ستي هدا رايك بس بدي شغلة اولا الرجل مابينقال عن لعوب هي الكلمة بتنقال للمراة يمكن في مصطلح تاني، تانيا انا بدي اسالك ليش كل البنات بتركض وبتموت عهيك نوعية من الرجال، والشاطرة يلي بتحاول تلفتلو نظرو، ولا واذا بدك بصير يتحدو بعض من الشاطرة يلي قادرة توقعو وتستملكو. ولاتحتدي كتير كرمالك وكرمال مشاعرك الحساسة -سوريا
فراس الراعي 2010-07-21 17:38:05
لا ننتقد لمجرد النقد ........ننتقد لنرتقي جزء2
: أولاً : ركاكة الكتابة ً مثال :/كنت انصت برهة / والصح ((كنت أنصت له برهة)) .../ لأشتم ريح عطره / ليست قوية الأقوى((لأشم رائحة عطره))وقعها اسلس على اذن القارىء.../ أنظر إلى إيحاءاته وحركاته / المعنى مزدوح الأفضل ((أنظر إلى إيحاء حركاته )). فراس الراعي 2010-07-21 17:36:25
لا ننتقد لمجرد النقد ........ننتقد لنرتقي جزء1
عزيزتي الحمامة البيضاء انت تعلمين أني أشد على يديك دائماً حتى تتقدمي وتتطوري في أسلوب كتابتك وهذا النص صراحة مستواه أفضل من النصوص السابقة التي قرأتها لك من حيث الفكرة فقط ولكن من حيث الاسلوب فالسرعة في الكتابة كعادتك وعدم إعادة قراءة النص عدة مرات أوقعك في مغا لطات لابد من الإشارة إليها .هادي دوكار 2010-07-21 16:10:01
تسلم أيدك
حلوة كتير وهاد الشي يلي تعودنا عليكي بس لو كتنت أطول شوي كان صار فيها شوية سوسبينس
الحمامة البيضاء 2010-07-21 15:06:39
السيد فراس
الرجال يا استاذ فراس مو بالحكي ويلي بيضوع وقته بالحكي مع البنات بيكون بنظري وبنظر كل البنات مو رجل او فينا نقول رجل لعوب ما بيعبي عين ولا بنت حتى يلي بتحاكي بتكون عم تحاكيه للتسلاية بس -سوريا
م . طرطوسية 2010-07-21 14:35:48
حمامة بيضاء وسلام
افتكرت المكالمة بينك وبينه .. على كل ربي يسعدك انتي وياه سوية قولي آمين -سوريا
جهينة 2010-07-21 14:30:45
كتير حلوة وشاعرية وصادقة
بالفعل هكذا هي الامرأة حين تعجب برجل تتحين الفرصة لالقاء نظرة دون ان تجعله يشعر باهتمامها على عكسه تماما فهو لايهمه ويكون سعيدا ان شعرت بنظراته مع انها تزداد خجلا وتوترا ...وهذا اكثر مايشد الرجل للامراة خصوصا ان شعر باهتمامها من بعيد وعرف انها تبدي دلالا والامرأة ايضا يجذبها الشاب الذي يهتم بها كثيرا ويدللها ولكن ان يظهر ذلك علنا .طريقة وصفك للحركات والنظرات كتير حلوة وعفوية بتحس كل وحدة تقرأ كلماتك انها مرت بهاد الظرف . شكرا لك عزيزتي -سوريا
م فراس صقر 2010-07-21 13:51:59
الى الحمامة البيضاء
معناها امورك سليمة بنصحك تيروحيلو ولاتتركيها بقلبك حسرة، بس بتعرفي اذا مضي موبايلو على حكي فاضي مو مع صبايا، فيا ستي معناها هو مخرج الله يعنيك ويصبرك -سوريا
الحمامة البيضاء 2010-07-21 12:33:09
اهلا بكل من حضر ونورنا بزيارته
زوركوف بجد سرني رأيك بشكرك عليه فراس صقر بشكر زيارتك بس أكيد ما كان عم يحكي مع صبية لأني كنت خليت تركيزي كله عالكلام مو على أي شي ثاني -سوريا
الحمامة البيضاء 2010-07-21 09:23:51
اهلا بكل من حضر ونورنا بزيارته
الدكتور المنصور بشكر مرورك وبحب قلك انه يلي كاتبتله هالكلام ما في داعي حطه تحت تأثير الجذب عندي ولا استعمل دهاء النساء معه وانا على يقين من محبته الي لأنه زوجي ........الحالم بشكر زيارتك وحضورك الكريم وبحب قلك انه النساء بتحتفظ ب99%من مشاعرها وبتبدي 1% ثقل بقى والثقل صنعة -سوريا
م فراس صقر 2010-07-21 09:14:29
الى الحمامة البيضاء
بس ماقلتي مع مين كان عم يحكي، اذا مع شي صبية معلش، على كل الفكرة لذيذة، وانا بنصح كل بنت بحس بمشاعر تجاه شب مافي مشكلة تصارحو فيها، احسن ماتروح عليها الفرصة، وحاليا المضوع كتير صار عادي، بس يحرء حريشك على هالافكار -سوريا
زوركوف 2010-07-21 08:14:57
?!!? The white pegion
القدرة على كتابة 7 أسطر حلوة عن هالموضوع لهو شيء يستحق الإعجاب ويدل أن لدى الكاتبة مخزونا لغويا وطاقة وجلد للكتابة ، بصراحة قرأتها كاملة واستمتعت بالوصف ، بغض النظر عن آرائنا وتقييمنا للموضوع ، يعني هي فكرة خفيفة ظريفة مهضومة ،بلغة رقيقة, والسلام. -الإمارات
الحــــــــــــــــالم 2010-07-21 01:02:30
**********************************
وليش أحمد الله أن القلب داخل الصدر ولا أحد يراه أو يرى ما يجول بداخله
ليش ما بتقدري تصارحي بمشاعرك اذا وصلانة عندك المشاعر لهل المستوى ولهل التفاصيل يعني هل هو ضعف ولا كبرياء تافه ولا شو ممكن تشرحيلن؟؟اوبعدين مين اللي قلك انو ما في حدا بيقدر يشوف القلب ويحس فيو ويعرف شو الي عم يجول بداخله يا كاتبة !!!!!؟?
بالنهاية بحب قلك انو وصفك حلو بس رح تتعزبي اذا وصلت لهل درجة بالوصف والتفصيل -سوريا
الدكتور المنصور 2010-07-20 23:43:44
وبعدين شو طلع معك
أكيدرح تحطي هالمسكين تحت تأثير منظومة الجذب تبعك وإعنال دهاء النساء معه فإذا علق قلبه بك ووصلتي الى درجة اليقين بأنه أحبك ولم يعد يطيق العيش بدونك ...الكمالة عندك
copy rights ©
syria-news 2010
