هذه نصيحة والدي لي إذا أعجبتكم إعملو بهاأو على الأقل بلغوهالعلها تعجب أحد وشكرا سلفا
اسمعني يا ابني شو بدي قلك ووصيك
من أب صار الزمان بلون شعراتو
إياك تلعب الدنيا بعقلك وتغريك
اكبر مصيبة المرء يتبع ملذاتو
وإياك يستعبدك قرشك ويلعب فيك
وتصبح شريك الطمع وأجير غاياتو
قرش الحرام ابتعد عنو لو بيغنيك
بكرة بتآكل ولادك نار جمراتو
وإياك نفسك غوى شيطانها يغويك
ادم غواه وخسر فردوس جناتو
وإياك تكذب إن كان الكذب بينجيك
المؤمن لسانو الصدق والحق كلماتو
ولا تغش غيرك لأنو لغشك بيإذيك
الغشاش كافر هيك قال النبي بذاتو
ومازال لقمة خبز ع جوعك بتك
إياك تحسد غني وتطمع بليراتو
كنز القناعة غنى بأخلاقك بيعطيك
وكنز المصاري الف شيطان جواتو
وصاحب كريم النفس لو جعت بطعميك
ورافق كبير العقل وأحفظ وصياتو
واصحى البخيل لو أكل من بيتك بيهجيك
وبموت لو ذقت خبزاتو ومياتو
ورافق شجاع وبطل لو وقع ما بيرميك
يفديك ت تسلم بروحو ودماتو
وأوعى الجبان النذل وحدك رح يخليك
تخرب وتفنى الدني وينفد بريشاتو
وجالس لينصحك لو كان بيبكيك
الدين وعظ ونصيحة في رسالاتو
ولا مين يضحك على عقلاتك ويلهيك
عمرك بضحك ولعب بتضييع اوقاتو
لسانك حصانك أذا ما بتلجمو بيإذيك
ويا ما فوارس بطول لسانهن ماتو
واحذر يا ابني النظر على شهوتو يمشيك
أول خطايا المرء بتكون نظراتو
وصاحب الخل الوفي عن اهلك بيغنيك
واحذر الخائن ياابني تسير خطواتو
واصبر على حالك لو ما في معك متليك
الجوع أهون من الدين ومذلاتو
وما زال عرضك ودينك صاينو يكفيك
عندك كرامة وشرف أنت الغني بذاتو
ارضيني يا ابني عبكرة ابنك بيرضيك
وما بيحصد المرء إلا زرع دياتو
