قال الاخ الكبير مدعوم افندي لاخوته
في اجتماع عائلي بعد فترة طويلة من الغياب
وصلني انكم تتحدثون عني بما لا يليق و اني بخيل و آكل وحدي و لا اطعمكم
قالوا : انت ادرى بالحال ولا تحتاج منا الى مقال
قال الاخ الكبير : ماراح جادلكون انا قررت افتح صفحة جديدة وهي رح ابدأ من هلّا اننو معزومين بكره الى تناول التبولة الشهية عندي لنقوي روابطنا العائلية ونكون كما كنا دائما عيلة وحدة
وعلى الموعد جاء الاخوة الى قصر اخيهم الاكبر الذي يعرفونه جيدا انما من بره لبره
بس ....
وتحلقوا حول المائدة غير مصدقين انفسهم..على المائدة أطباق من ذهب و معالق من
فضة..و..و في الوسط طبق كبير جدا و مرصع بالجواهر ....
و لكن ..عندما كشف الغطاء ..
كانت المفاجأة..الطبق الذهبي فارغ ...
مدعوم (بحرارة ولهجة ترحيبية ودوة):ياللا مدوا ايدكون شو مستحيين البيت بيتكون ولو!!!!
اكبر منداس(مأخوذا بحرارة اللهجة الترحيبية): ابو
الادعام وين التبولة ...
المعلم :هي التبولة تفضلوا
درويش كتير غلبة: لا نرى تبولة ...اين البندورة.
مدعوم باشا: أوه نعم وزعنا سلال البندوة على حراس
المصنع بتعرفو لازم ندعمون كتير مشان يجابهو و يمانعو دخول المجرمين !
الصانع : حسنا و الخيار....... الخيار اساسي قي
التبولة...
مدعوم بك: خالتي اتصلت هاتف خاص من أجل ان ارسل اليها بضع أطنان ..هل أخجل خالتي؟؟
الصانع: و البرغل...
الاخ الكبير : لقد وكلت كبير الطهاة بتحضير الآلية
المناسبة لطريقة إعداده و نقعه ...و سيكون جاهزا في الوقت المناسب وفق جدول زمني
سيتم تحديد معاييره لاحقا ولكن في الوقت المناسب ايضا!
مدعوس : حسنا لو وضعت كم ملعقة زيت زيتون نقتات بها
...
الاخ الكبير: زيت الزيتون ...!! من فترة طويلة لم تتناولوه الوضع الصحي لديكم غير مهيأ لتناوله..أنا اخوكن الكبير وبعرف شو بيناسبكون ..!!
مفعوس : واين االبقدونس.........
مدعوم افندي : ابن خالي يحب الفقراء جدا و يريد ان
يخزنه عنده لوقت الحاجة ليوزعه على صغار الكسبة و المحتاجين فارسلت اليه
هالبقدونسات اللي عنّا
عايف التنكة : و الليمون ....
مدعوم اغا : ابن اخوكون حمودة يقبركون شو مهضوم حب
يساوي الليمونات ليموناضة ماحبيت خللي بخاطرو
عالحديدة : طيب بس يعني النعناع كمان مو مبين!!
اخوهم الكبير: لااا بقا فعلا بهي مالكم حق ابدا ...أنا اشتهيت عليه ,, و أكلتو بقا انا أخو اللي ربيتكون و كبّرتكون و لحم كتافكون من خيري ما بيطلعلي شوية نعناع
منتوف : طيب هيك نحنا ماعم
ناكل تبولة ...نحنا عم نأكل هوا!!!.
مدعوم بك(منزعجا) :
يالطيف شو بتدققوا عالصغيرة والكبيرة وتتمسكوا بالتفاصيل اللي مو مهمة بنوب ... عم
تاكلوا والا ماعم تاكلوا هوا والاغيرو ا....
مدعوس : طيب بس ممكن تسمحلنا ...نروح..!
مدعوم افندي: صحتين و هنا للجميع...بس مو تروحو
ترجعوا تحكو علي و تقولو ما أكلنا تبولة ..!
منداس الاصغر(مغرورا بكونه آخر العنقود) : بس نحنا أكلنا هوا ما أكلنا ت............ا !!!
مدعوم(مقاطعا بغضب ظاهر):يبدوا في حدا محرضوكون عليّ شو بدكون تشمتوا الاغراب فينا
وتخلّوا اللي بيسوى مابيسوى يحكي علينا !!بالحساب نحنى
اخوة وعيلة وحدة شوفو ما في طلعة لتقولو انكم اكلتو التبولة..!! والا ..........
الكل بصوت واحد مع التصفيق: أكلنا تبولة اكلنا تبولة
