الرحلة إلى جنة الأندلس ...
هي الطلعة الجوية الأولى ..سأغير بها على أولاد روما ...وأعيش بكنف الحرية
والحوريات ..هي الطبيعة والجمال ونقاء الهواء ...
أخدت الفيزا ...دقيت الفيزا ..طلعت الفيزا ...؟؟؟؟؟ يعلنها مدوية ...صاحب الحلم
والطموح ..
مجرد أطلاق هذا النداء ..هون بتحس صار في أستنفار
بالعيلة والحجة تطلق صفارات الأنذار حزنا على فلذة كبدها ..المهم انطبلت الحارة
بالقصة ..وصار بكري يمشي وهوي معرض ..وبدال مايقول شلونك خاي ؟؟؟ صار يقول شلونك
هاي ؟؟
بكري هوي أمل الحارة ..ورح يسحب كل شباب وبنات الحارة معو لهنيك بس يوصل ..حاج قرف
خلونا نطلع من البلد ....ولك يلا ضبو الشناتي ؟؟؟؟؟
هاد كان أول مؤتمر صحفي ألو بساحة الحارة ..ويبدأ طريق بكري الى الجنة ..
هلق البيت كلو مشغوول ببكري وعميضبولو غراضو ..وأبو بكري عميحول تحويشة العمر
لليورو ...الشناتي بنص البيت مفرودة وخالات وعمات وجارات بكري كلن عميساهمو
بالعملية ..التي تسبق ليلة القفز على أوروبا ...أمو لبكري صرلا شهر عمتدحش فيه كل
أنواع القنايل العنقودية بحلب ..كبة مبرومة ..كبة بسفرجلية ..الخ ..
فتح باب الطيارة ..وبيطل بكري منو ...بيطلع قدامو بيشوف حوريات ..شي أبيض بعيون
كيشفة ..شي أزرق ...بكري هون بينشوص ..لك أهلين بكور ..نورت أوروبا ...ليش تأخرت
علينا ؟؟؟ ...من سنين ونحن عمنحلم بهاليوم ..؟؟؟
بتنطلق السيارة من المطار ...وبكري يستمتع بطبيعة الأندلس ..بيقابلو والي الأندلس
وبيعطيه الجنسية ..وبيفرزلو شي 20 حورية ...متمنيا له طيب الأقامة ...
ويقضي بكري أول ليلة بالديسكو ..وأخر السهرة بتخلص أمبيراتووووو ...وبينطفي ...
ولك ميننننننن نزل القاطع ......؟؟؟ ...
بيفيق كل البيت على صوت صياح بكري .....وهوي مطبوش من فوق التخت ....بيغسل وشو
وبيفتح النت وبيصير يسأل عشي مهرب أبن حلال .....
دمتم بخير ((9)
