ناس بتحكي بالحرية وناس بتخلق الحرية

ناس بتحكي بالوطنية وناس بتعيش للوطن

ناس بتشكي من الغربة وناس بتعاني من الغربة من داخل الوطن حنين للوطن من قلب الوطن وشغف لدفا الوطن بشمس الوطن

ما عاد في شجر ميلاد يضوي ليالينا

وما عاد في بابانويل يحقق أمانينا

السما الحزينة

ما عم تشتي مطر

عم تشتي قذائف

وبدل ما نسمع صوت الرعد عم نسمع صوت المدفع

وبدل ما نتخبى من المطر عم نتخبى من الرصاص

وبدل ما نسأل عن حال الطقس عم نسأل عن أمان الشارع

بدل ما نأسس مشاريع جديدة عم نسكر مشاريع قديمة

بدل ما نبني حضارات جديدة لولادنا عن نهدم حضارات قديمة ﻷجدادنا

وبدل ما نتوحد ونعيش شعب واحد عم نتفرق لنعيش شعوب بوطن واحد

بدل وبدل واللائحة كبيرة والوجع أكبر

هي قصة بلد كان أحن بلد وصار مقبرة جماعية ﻷرواحنا

قصة وطني.. سورية

https://www.facebook.com/you.write.syrianews